COVID-19: KATTO KATNE KI MAT HALOR KA RUKOM SUMAR IA KA MET IAP JONG KIBA LA SHAH KTAH

Government of India

Ministry of health & Family Welfare

Directorate General of Health Services

(EMR Division)

KATTO KATNE KI MAT HALOR KA RUKOM SUMAR IA KA MET IAP JONG KIBA LA SHAH KTAH

1.      Ki mat ba kynthup ha kane ka jingbthah

·         Ki don bun tylli ki case ba la pynshisha lyngba ki test ba ki la ioh ia kane ka jingpang bad  don  ruh  kiba   la khlad noh  lyngba  kane ka khlam hapoh India. Namarba kane ka jing-pang-khlam ka long kaba ym juh shem koit bad kaba dang sdang thymmai ka don ka jing-bym tip ha kano ka rukom ban pynkhuid ia ki metiap jong kito kiba lah shah ktah ne ba la khlad na ka daw jong kane ka khlam.

·         Ia kane ka jingbthah la pynwandur katkum ka jingbatai ba la ai da ki stad saian halor u COVID19. Ka Ri jongngi hi kane ka por ka la don ia ki case kiba iadei bad ka jingleit jingwan bad ki katto katne ki case ba iadei bad ka jingiabit para briew. Ha kum kane ka por, ia baroh ki case kiba shu tharai bad kiba la pynshisha yn hap ban pynshong ha ki jaka ba kyrpang ba la buh da ka tnat ka koit ka khiah. Kumta kane ka jingbthah ka iadei tang bad kito kiba la iap ha ki hospital.

2.      Ki mat ba kongsan

·         Ka daw ba ha khmat eh  jong ka jing-sa-phriang jong kane ka jingpang COVID-19 ka dei lyngba ki symboh umbiah kiba long ha ka dur jong ka jynhaw. Kumta, kam da don than kano kano ka jingma ban ioh kem ne iabit ia kane ka jingpang-khlam ia ki nongtrei ka koit ka khiah ne ia ki bahaiing bahasem lyngba  ki met-iap  lymda  ki pyndep ia ka met iap da kaba bud thik pa thik ia ki kyndon bad jingbthah kumba la batai

·         Tang ki tor jong ki nongpang COVID-19 kiba lah ban pynbit ia ka jingpang.  kata ruh  tang lada donkam ban ktah ha ka por bapuid (autopsy).

3.      Ki katto katne ki jingbthah ia ki nongtrei ha ka tnad ka koit ka khiah kaba ki hap ban bud ha ka por ba pynkhuid ne pyndep ia ka met-iap jong ki nongpang COVID-19

Ki kyndon kiba ki nongtrei jong ka tnad ka koit ka khiah ki dei ban bud janai ha ka por ba ki ktah ia u nongpang uba la khlad na ka jingpang  COVID-19 bad kine ki long:

·         Ban sait khuid ia ki kti da ka um bad ka sabon.

·         Ban pyndonkam ia ki tiar iada (PPE) ki mask, ki gloves, ki jingdeng khmat bad kiwei kiwei ki bym rung um

·         Ban husiar bha ha ka por ba pyndonkam ia ki tiar ba- nep.

·         Ban pynkhuid  bha  (disinfect) ia ki jingsop met-iap bad ia ki  tiar ki tar baroh ynda kiba lah dep pyndonkam ha ki nongpang ba la khlad noh.

·         Ban pynkhuid  bha (Disinfect) ia ki jainkup bad ia  ki sawdong sawkun jong ka karma ne jaka ba la sah u nongpang.

4.      Ka jinghikai  halor ka jingiabit bad ki lad jingiada

·         Dei ban ai ia ka jinghikai/training kaba paka bad janai ia baroh ki nongtrei ba don bynta bad kane ka kam halor ka jingiabit bad ki lad ki lynti ban iada na kaba iabit ne pur kane ka jingpang.

5.             Ka rukom rah ia ka metiap na ka jaka sumar

·         Ki nongtrei ba dei peit ia ki met-iap ki dei ban lehkhuid  bad sumar da kaba sait-khuid bha ia la ki kti bad ban pyndonkam  bha  ia  ki  tiar   iada (PPE) kiba kynthup ia ki jingiada khmat, ki mask, ki gloves bad kiwei kiwei

·         Dei ban weng noh ia ki tiar ki tar bala pyndonkam na ka met  u nongpang ba la iap kum ki tubes, ki drains bad ki catheters,  (ki thynria bad kiwei kiwei) bad  dei ban pynkhuid da ka 1% ka dawai hypochlorite ia ki thliew ne jingmong kiba lah ban mih ha ka por ba weng ia ki tiar na u nongiap COVID bad dei ruh ban sop noh ia kiba kum kita ki dak jingmong da ki jait jain bymlah ban lait lyer ne rung um

·         Dei ban da husiar bha ha ka por ba pyndonkam ia ki tiar kiba nep ha ka por ba puid ia ka met iap (autopsy) bad dei ruh ban  bret lut ia ki tiar ba la pyndonkam ia u nongpang ha ka jaka kaba la buh kyrpang na ka bynta kiba kum kine ki tiar.

·         Dei ban da set ia ka shyntur bad ki thliew khmut u/ka ba  iap khnang ban iada na ka jingmih jong ki kynja um na ka met.

·         Lada ki bahaiing ha sem jong u/ka nongpang ba la khlad noh ki kwah ban iohi ne peit ia ka met-iap ha ka por ba sei na ka jaka sumar (isolation room), ki lah ban leh ia kata hynrei ki dei ruh ban da bud pyrkhing ia ki jingbthah/kyndon kumba la bthah da ka tnad ka koit ka khiah.

·         Dei ban da sop iaka met iap ha ka kynja pla plastic ka bym lait um. Donkam ban pynkhuid ia kaba shabar jong ka pla plastic da kaba synreit da ka 1% ka dawai hypochlorite. Lah ban sop ia ka pla plastic buh met-iap da ki jain ba ioh na ki jaka buh jingsop metiap ba la shna kyrpang ne ki jingsop ba la ai da ki ba-ha-iing.  ba-ha- sem jong u nongpang ba la khlad noh.Ia  ki jain ba la dep pyndonkam ne kiba la jakhlia, dei ban buh ia ki ha ki pla ba kyrpang bad kiba la dep synreit da ka dawai pyniap khniang (hypochlorite).

·         Ia ka metiap ba la dep pynkhreh,kat kum ki kyndon, dei ban rah noh bad ban buh ha ka jaka buh metiap bakyrpang(mortuary) lane aiti noh ha ki ba-ha-iing

·         Ia ki jain lane ki tiar ba la dep pyndonkam u nongiap dei ban buh/bret noh ha ki jaka ba kyrpang ba la buh bad ban pdem/pynkhuid (decontaminate) ia ki da ki dawai kat kum ki kyndon jong ka infection prevention control practice ba la bud da ka pyrthei baroh kawei. bad ki rukom ba la buh beit buh ryntih

·         Ia baroh ki jaboh ba mih na ki jaka ai jingsumar, dei ban bret kat kum ki kyndon jong ka Bio-Medical Waste Management Rules.

·         Ki nongtrei jong ka koit ka khiah kiba ktah bad pyndep ia ka metiap ki dei ban law noh ia ki tiar iada baroh ynda la dep ia ka kam bad ki dei ban da sait khuid bha ia la ki kti.

·         Ban ai jinghikai /ne batai ia ki ba-ha-iing ba-ha-sem da kaba burom ia ka jingsngew bad ka jingshem jongki ha kiba kum kine ki jingjia,

·         Dei ban ai ka jingiasyllok (counselling) bha bad (counselling)  kiba haiing bahasem jong ki nongpang ba la khlad noh bad  ban burom ia ka jingsngew bad ka jingduh noh jongki.

6.      Ka Jing-pynkhuid iaki sawdong sawkun

·         Dei ban sait, synreit bad niad da ka 1% ka dawai  hypochlorite  ia ki sawdong sawkun jong ka jaka sumar kyrpang (kum ki jingthiah, miej, madan, jaka pynieng drip bad kiwei kiwei de) dei ban ieh ia kine ki daw ai synrei kumba 30 minit eiei ha shuwa ba kin rkhiang hi, lyngba ka lyer.

7.      Ki Jingbthah halor ki rukom buh rukom pyndep ia ka metiap ha jaka buh metiap (mortuary)

·         Ki nongtrei kiba ktah bad pyndep iaka metiap jong  ki nongpang COVID-19 ki dei ban bud pyrkhing iaki kyndon ha ka rukom kat kum ba la bthah ne buh beit.

·         Iaki metiap dei ban buh ha ka jaka ba khriat  ha kaba ia ka jingkhriat/jingshit dei ban pynneh kumba long 4°C.

·         Dei ban pynkhuid bha ia ka jaka buh metiap (mortuary). Dei ban sait ia ka sawdong sawkun jong ka jaka buh metiap bad ia ki  tiar ba la pyndonkamruh dei ban pynkhuid da kaba synreit da ka 1% ka dawai hypochlorite.

·         Ynda la dep rah ia ka met iap shabar ka karma buh metiap na kane ka jaka, dei ban da pynkhuid iaki jingkhang, ki handle jingkhang bad ka kamra da 1% ka dawai hypochlorite.

8.      Ka jingkyllan umphniang iaka metiap

Ym dei ban kyllan umphniang ia ka Metiap.

9.      Ka jingpuid (autopsy) ia ka metiap jong u nongpang COVID-19

Katba  lah, dei ban kiar na ka ban puid (autopsy) iaka metiap lait sa tang lada don ki daw bym lah kiar shuh. Lada leh  kumne (puid), dei ban da bud  bniah  ia baroh ki  kyndon ba la bthah bad ba la buh da ka pyrthei baroh kawei.

·         Ia ka kynhun ba leh ia ka ne ka kam  dei ban ai ia ka training ba paka  halor ki  kyndon baroh.

·         Dei ban don tang khyndiat ki nongtrei kiba  leh   ia kane ka kam.

·         Ka kynhun ka dei ban pyndonkam  lut ia ki PPE (Ki coveralls, jingtap  khlieh, jingtap juti, N95 mask, Goggles (it-khmat kyrpang)/jingiada  khmat)

·         Ia ki tiar puid dei ban pyndonkam da kiba  la shna kyrpang.

·         Dei ban puid tang kawei ka met shisien puid – kata  ym dei ban puid ar lane palat ki met ha ka juh ka por.

·         Ia ki dkhot met dei ban ieh beit   halor meij bad lada donkam ban ot dei ban leh da ki tiar (sponge) ba kyrpang. Kiba leh ia kane ka kam kidei ban iada bha ia ki kti da kaba deng iaki jingdeng kti kiba la ai kyrpang.

10.      Ka rukom rah bad kit metiap.

·         Ka metiap kaba la pyniap bha ia ki  khniang jingpang da kaba bud iaki kyndon  baroh, kam don kano kano ka jingma  ia baroh kito kiba rah  bad  ba don lang ha ka por  ba la rah ia ka metiap.

·         Ki nongtrei  ba dei ban rah ia ka met iap ki  dei ban bud ia ki jingbthah bad adong  jong ka jingleh khuid (bad ban phong  ialade da ki tiar  iada kum ki gloves, ki mask bad kiwei kiwei kat kumba la bthah ).

·         Dei  ban pynkhuid  ia ka kali kit metiap da 1% ka dawai hypochlorite ha ka jaka thang/tep, hadien ba la sei ia ka met na ka kali kit metiap.

11.  Ha jaka thang/tepbriew

·         Dei ban pynsngewthuh ia ki ba trei hapoh kito ki  jaka ba pyndep ia ka thang/tepbriew, ba ka COVID19 kam don kano kano ka jingma lada tep/thang iaki briew kiba khlad  lane ha kaba pyndep iaki kamram jongki  hadien ba baroh kito kiba dei ban leh ki la bud iaki kyndon baroh  ha kaba iadei bad ka jingpang COVID-19

·         Ki nongtrei ki dei ban bud ia ki jingbthah ban lehkhuid kum  ban sait khuid ia la ki kti bad ban pyndon kam  ia ki  mask  bad  ki  glove  bad baroh kiba don bynta kin hap bud iaki kyndon lehkhuid  (kum kaba sait- khuid iaki kti, deng mask, gloves bad kiwei kiwei ki jingdeng/jingphong iada).

·         Yn shah iaki jingpyndep jongki  jinglehniam leh rukom  baroh ha kaba iadei bad ka metiap ha ka por ba thang ne tep khlem da ktah pat iaka metiap. Yn shah ban pyndep lut ia ki niam ki rukom  ba don kam khlem da ktah ia ka metiap.

·         Yn ym shah ban ktah, pynsum, ban doh  lane ban kdup  ia ka metiap dano dano ruh.

·         Ynda la dep thang, ka dpei  kaba  mih kan  ym   wanrah   kano kano ka jingma ha ka  ban iohkem  ia kane ka jingpang bad lah ban lum ia ki dpei/shyieng ban pyndep ia ki jingleh niam  baroh.

·         Dei ban kiar na ka jingialum  briew ha ka jaka tep/thang namar ba kiba kit ia une u khniang  jingpang ki lah ban pyn-iabit ia kiwei.

Ka jingduwai ban lait na ka khlam COVID-19

Jisu, ha ka por ba Me dang hikai ha kane ka pyrthei, Me pyni ia ka bor bad ka jingieid jong Me lyngba ka jingpynkoit ia ki briew naduh ki barit haduh ki tymmen ki kro bad ia baroh ki ba mat ki jingjynjar bad ki ba pang na ka daw jong ka met ka phad, ka jingmut jingpyrkhat bad ka jingpang mynsiem. Trai to don mynta bad ktah da ka kti baieid jongme ia baroh kito kiba donkam ia Me ha kum kane ka por jong ka khlam COVID-19. Ai ba kin iohmad ia ka bor jong ka jingkoit jingkhiah lyngba ka jingsumar ki doctor bad ki nurse. Shim ma Trai ia ka jingsngewtieng, ka jinglynga mynsiem bad ia ka jingsngewkynjah na kito ki ba dan don hapdeng ka jingsumar bad kiba sah marwei. Ai mynsiem ma Me ba kane ka por jingsumar ka long ka por ban ioh noh ia ka met ba koit ba khiah bad ban iada n aka jingsaphriang jong kane ka jingpang sha kiwei pat. Iada ma Me Trai ia ki ba haiing ha sem, ki paralok bad ia baroh kiba ieid ia ki khnang ba kin lait na katei ka jingpang bad ba kin ioh ka jingsuk mynsiem. Ko Kpa Badonbor, Kynrad jong ka Bneng bad ka pyrthei, bad jong ki jingthaw baroh kiba ngi iohi bad kiba ngim lah ban iohi, da ka jingieid jingsbun bakhraw tam tong Me, to khmih isynei ia u paid jongMe ba ialum lang hangne ha ka kyrteng jong Me. To long ma Me  U Nongiarap bad Nongiada ha kum kane ka por jingjynjar. Me tip ia ki jingtlot briew jongngi. To Sngap ia ka jingiam basngewsih jong ka dohnuhd jongngi da ka ba kut jingmut ban kylla noh. Ko Trai Me u ba dap da ka jingieid ia ngi ki briew pyllait noh iangi na kane ka jingshah lyngshop ia kane ka khlam Corona Virus. To phah ia ki Angel ba kin peit iangi bad kin iada iangi. To ai noh ka met kaba koit ba khiah ia kito kiba pang ba shitom na u ne u khniang. Iarap ia ngi  iwei ba iwei ba ngin lah ban trei ia la ki kam ki jam bad to pynkhlain ia ka mynsiem sngewlem parabriew. Ma Me Uba ai jingtngen ha ka jingthait bad U Nongkyrshan haba ngi tlot lyngba ka jingiasaid jong ka Mei Bneng baieid jongngi ka Maria ryngkat ki doctor bad ki nongpynkhiah ba la kyrkhu u Blei, to shim noh ia ki jingsniew na ngi. Pyllait iangi na kane ka Khlam kaba ktah iangi khnang ba ngin lah ban bteng biang ia ki kam ki jam jongngi, ban iaroh bad ban sngewnguh ia me da ka mynsiem ba jai bad ka jingim bathymmai. To ialam ma Me ia ki kti jong ki nongsumar, bad pyllait ia kito kiba koit ba khiah krat khnang ba ngin nang iai lah ban shakri ia Me da ka jingsuk bad pyndonburom ka kyrteng Badonburom bad Bahalor tam ka jong U Kpa, bad U Khun bad U Mynsiem Bakhuid, mynta bad junom la junom. AMEN.

Prayer of deliverance from the COVID-19 pandemic

Jesus, during Your ministry on Earth You showed Your power and caring by healing people of all ages and stations of life from physical, mental, and spiritual ailments. Be present now to people who need Your loving touch because of COVID-19. May they feel Your power of healing through the care of doctors and nurses. Take away the fear, anxiety, and feelings of isolation from people receiving treatment or under quarantine. Give them a sense of purpose in pursuing health and protecting others from exposure to the disease. Protect their families and friends and bring peace to all who love them. O God Almighty, Lord of heaven and earth, and of all creation visible and invisible, in Your ineffable goodness, look down upon Your people gathered in Your Name. Be our helper and defender in this day of affliction. You know our weakness. You hear our cry in repentance and contrition of heart. O Lord Who loves mankind deliver us from the impending threat of the coronavirus. Sent Your Angel to watch over us and protect us. Grant health and recovery to those suffering from this virus. Help each member of society do their job by strengthening the spirit of mutual solidarity. You who are comfort in fatigue and support in weakness through the intercession of the Blessed Virgin Mary and of all the holy doctors and healers, keep all evil away from us. Free us from the epidemic that is affecting us so that we can calmly resume our usual occupations and praise you and thank you with a heart renewed. Guide the hands of physicians, and preserve those who are healthy that we may continue to serve You in peace and glorify Your Most Honourable and Majestic Name, of the Father and of the Son and of the Holy Spirit, now and forever and to the ages of ages. AMEN.

Ka jingbthah ban tehlakam ia ka jingsaphriang jong u khniang jingpang COVID-19

I Deputy Commissioner, South West Khasi Hills District katkum ka jingbthah ba la ioh na ka World Health Organization (WHO), ka shithi ba la phah da ka tnad Health and Family Welfare Department, Government of Meghalaya bad ka shithi na ka Ministry of Home Affairs, Government of India ban tehlakam ia ka jingsaphriang jong u khniang jingpang COVID-19 (Corona Virus) bad kum ka lad jingiada iaki nongshong shnong jong ka district ka kyrpad ia ki nongshong shnong ba kin pyntreikam bad bud pyrkhing ia kine ki kyndon harum:

1.      Lada don kino kino kiba wanphai na ki ri ne ki jylla bapher bapher ba la shah ktah ha u khniang jingpang Corona Virus ki dei ban pyntip mar mar sha u toll free number 108 ne sha District Control Room number 9485395373. Ki dei ban bud pyrkhing ia ka jingshong marwei (self quarantine) kaba 14 sngi bad lada don kino kino ki dak ki shin jong u COVID-19, kum  jingsuhkhriat, ka jyrhoh, baiongkhlieh, jingbym lah ban ring mynsiem, jingthait bad jingpang met ki dei ban pyntip mar mar sha ka Medical Team ne Control Room jong ka District.

2.      Baroh ngi dei ban sait bha borabor ia ki kti da ka sabon bad ka um kumba 20 second eiei, lane pyndonkam da ka sanitizer.

3.      La kyrpad ia ki paidbah ban ym biah/bynthiew pathar bad ha kajuh ka por la kyrpad ba kin tap ia ka shyntur bad ka khmut haba jyrhoh, synriah bad shitmet da ki rumal, jingda ne ki mask khnang ba kan long kum ka jingiada haba ki jyrhoh ne synriah bad ba kan ym bit ia kiwei. Bad ia ki mask phi dei ban da sait borabor ynda phi la dep pyndonkam ia ki.

4.      Bret ia ki tissue, ki jingsopkti ne ki mask kiba phi la dep pyndonkam ha ki tin niut bad don jingtap.

5.      Ki Paidbah ki dei ban pyrshang ban iajngai parabriew (Social distancing) bad ban shong khop hala ki shnong ki shnong ne ki jaka (community isolation) kaba long tang ka lad ban iada ia ka jing saphriang jong ka jingpang COVID-19.

6.      Haba phi iakynduh ia ki paralok ne ki bahaing wat nym ia khublei kti, ktah, kdup, ne doh hynrei phi lah ban shu iakren kham pajih, ne haba ai khublei lah ban shu rah kti, kohnguh khlieh, dem lane Namaste.

7.      Ki paidbah ki dei ban mih na la iing la sem ne na ki shnong ki thaw tang lada ki donkam eh ban leit thied jingthied, leit shim dawai, ne kino kino ki jingdonkam ba kyrkhieh bad ba donkam man ka sngi.

8.      Yn ym shah ia ka jingialum ne jingkynduh briew palat ia ka 5 ngut ha ki jaka paidbah bad kiwei ki jaka ba shabar  na ki iing ki sem jongki.

9.      La khang shipor ia baroh ki jingialang paidbah kum ki jingiaseng, ki jingkhawai kyntiew kurim, ki Dorbar Shnong, ki Meeting ne kino kino ki jingiabam khana paidbah. 

10.  Ban pynsangeh noh shuwa ia baroh ki kynja tamasa kum ki Tournament bapher bapher, ki Inter-Dong, ne kino kino ki jingpynialehkai ia ki khynnah kiba wanrah ia ka jingbun paid ne jing bun briew.

11.  Lada don kino kino ki jingjia bym lah kiar kum ki jing iap briew ha ki shnong ki thaw, la shah ban pynlong ia ki jingiaseng ha ka sngi ontep bad dei ban shim khia ba ka jing don jong ki briew kan nym tam ia ka  20 (arphew) ngut. Katba lah ha kum kine ki iing dei ban pyntreikam ia ka jingiashong jngai ne kham pajih iwei na iwei pat la kumno kumno 1.5 M (shi meter shiteng) bad ban bud pyrkhing ia ka jingsait khuid ia ki kti ha man la ka 30 minit bad ban lehkhuid ia ki sawdong sawkun.

12.  Kito ki nongleit nongwan da ki kali paidbah  ki dei ban shimkhia ban sumar bha ialade da kaba deng ki mask, pyndonkam ia ki kti da ki sanitizer bad  ynda ki la poi ha iing ki dei ban da sum da sait bha. La kyrpad ruh ba kin sngewbha ban kiar na ki jaka paidbah kum ki iew bad kiwei kiwei. 

13.  La kyrpad ia ki Nongialam jong ki niam bapher bapher, ki rangbah shnong, bad kiwei kiwei ba kin ia trei lang khnang ban lah ban teh lakam na ka jingphriang jong kane ka jingpang.

14.  Ka jingpang COVID-19 ka pur lyngba ka jingiadei ne jingiakynduh bad kito kiba la ioh ia ka jingpang, watlada ka pyni ne kam pyni ki dak ki shin, te namarkata ka lad jingiada ba bha tam ban khanglad ia ka jingpur sted katei ka jingpang ka long ka jingiajngai parabriew, ka jingpyduna ban kynduh bad ki wei bad ka jing shong beit marwei ha ki jaka marwei (quarantine) jong ki briew ba la suba ba ki don ia katei ka jingpang ioh ki kylla long ki nongpynsaphriang ia katei ka jingpang.

15.  Ki nongdie dukan kim dei ban die tam dor ia ki marbam mardih bad ban ym buhrieh ia ki mar ki mata ha ka por ba wan shim jingkhein da ka office. Lada lap ia kino kino kiba leh pyrshah ia kane yn pynshitom ia ki katkum ki kyndon ain jong ka Essential Commodities Act 1955.

16.  Ki Wholesalers, Distributors bad Retailers jong ki marbam mardih bapher bapher kiba la song, kiba thep ha ki bilor, ne ki ba die madan hapoh ka jylla Meghalaya ba ki dei ban pynthikna ban peit ba kin ym die sha ki paidbah nongbam ia ki marbam mardih kiba la khleh (adulterated)/substandard/ba la duh (damaged)/ ne ba la kut ka tarik (expired) bad kumjuh ruh ki nongthied nongbam ki dei ban da peit bha ha ka por ba ki thied. Lada don kino kino kiba pynkhein yn shah pynshitom katkum ka kyndon ain jong ka Food Safety & Standard Act, 2006.

17.  Lada don kino kino kiba shemlanot bad mat jingeh na ka daw jong ka jingduna marbam mardih, jingbym don pisa ba la duh bylla, ka jingbymlah shuh ban wanphai shala iing la sem ne kiwei kiwei jingeh sngewbha ban pyntip sha ki Helpline number bapher bapher ba iadei bad ki jingeh jongphi.

18.  Ki number ban ai jingiarap ia ki paidbah jong ka District ki long

i.   District Control Room number 6909904336/603316297/9485395373.

ii.  U Helpline Number ia kiba la sahkut (Stranded Persons) u long 8258802600.

iii.U Helpline number na ka bynta ka jingdonkam ba kyrkieh ha ka koit ka khiah (Medial Emergencies) u long 8787788748.

iv. U Helpline number ban pyntip lada don kiba wan na bar ka Jylla  u long 9485395373

v.  U Helpline number ban  ai jingiarap pisa (financial assistance) ia kito ba la duh bylla bad bym ioh kiwei pat ki lad jingiarap u long 6009908007/ 8794890140 ne phi lah ban phah email lyngba ka email id: sdmalachmier@gmail.com

Kane ka long ka thma ban iakhun pyrshah ia ka jingsaphriang jong kane ka khlam na ka daw jong u khniang jingpang Corona Virus (COVID-19). Ka dei ka thma jong ka jingim bad ka jingiap. Ka jingiatreilang jong phi iwei pa iwei bad ka Sorkar  da kaba phin bud pyrkhing bha ia kitei ki mat bala kdew haneng ngin sa lah ban tehlakam bad jop ia ka jingialeh jongngi pyrshah ia u khniang jingpang COVID-19.

Jingpynbna Paidbah ha ki iew ki hat ban iada na u khniang jingpang COVID-19

Ban teh lakam ia ka jingsaphriang jong ka khlam COVID-19 la kyrpad ia ki nongshong dukan bad ki nongwan iew ba kin bud pyrkhing ia kine ki jingbthah na ka bynta ka jingshongshngain bad ka koit ka khiah u paid nongshongshnong jong ka distrik.

1.    Yn shah tang ia ki dukan ba die ia ki marbam kum u khaw, shini, mluh, umphniang, die jhur, die doh, bad kiwei kiwei ki jingdonkam ba man la ka sngi ba kin plié ia ki dukan bad ban die sha ki paidbah nongthied da kaba bud ryntih ia ki kyndoh ain ba la buh da ka Sorkar.

2.    Ki nongshong dukan kidei ban pynjngai ialade kumba 1 meter tam bad ym shah ia ki nongwan thied jing thied ban ialum shi jaka ha khmat dukan, dei ban ieng lain da kaba pynia jngai iwei na iwei pat.

3.    Ki nongshong dukan kin kiar na kaba iashong bun ne shong khapngiah hapoh ki dukan.

4.    Ym shah ban ia milai, ban ialang briew palat iaka 4 ne 5 ngut ha lynti, surok lane ha kino kino ki jaka.

5.    Ki nongwan iew ynda ki la dep siew dep thied ki dei ban leit pha noh sha la ki iing ki sem khnang ba ka iew kan ym khapngiah.

6.    La kyrpad ia ki nongwan iew ba kin wan tang lada donkam eh ban thied jingtied

7.    La kyrpad ruh ia ki nongwaniew ba kin ym wan ialam ia ki riewtymmen ba la dap 60 snem ka rta shaneng ne ia ki khun ba dang rit jong ki sha iew lada ym dei ba wan shim dawai.

8.    Ki nongdie dukan ne ki nongwaniew ki dei ban da tap bha iaka khmut bad shyntur da ki jain rumal haka por ba synriah ne jyrhoh khnang bad ban deng da ki mask ha ki jaka paidbah.

9.    Ki Restaurant ne ki dukan sha dukan ja ki dei ban pynthikna ia ka rukom sait kti bad ka jinglehkhuid. Ki dei ruh ban pynthikna ba kawei ka miej na kawei pat kan don ka jingjngai kumba shi meter eiei.

10.              Ynda ki nongdie dukan ne ki nongwaniew ki la poi sha iing ki dei ban sait bha ia ki kti ki kjat bad lada long kaba lah ki dei ban da sum shuwa ban rung hapoh iing bad kynduh ia ki khun ne ki bahaiing.

Kane ka long kawei ka lad bad ka lynti ba ngin iada ialade bad ia kiwei na ka jingwan bad jingsaphriang jong une u khniang jingpang Corona Virus bad ban tehlakam ia kane ka khlam. 

Khublei shibun iaka jingiatreilang jongphi.

Ka jingpyllait ia u Khaw Rashon ha South West Khasi Hills District

Ka ophis jong I Deputy Commissioner (Supply), South West Khasi Hills District, Mawkyrwat ka ai ia kane ka jingpyntip sha u paidbah bad sha baroh kito kiba don Ration Card hapoh ka South West Khasi Hills District ba U Director jong ka tnad Food & Civil Supply, Meghalaya, Shillong u ai ia kine ki jingbthah harum;-

1.      Ban rah bad sam ia u khaw NFSA (AAY bad PHH) bad Non NFSA jong u bnai April, 2020 kan sdang shisyndon bad ki FPS dealers bad ka Vigilance Committee kan peit ia ka jingtreikam ba thikna jong ki FPS Centre, bad ba kin bud ia ka rukom pyniajngai parabriew ha ka por ba ki sam ia u khaw.

2.      Kan don ka advance lifting ia u khaw NFSA bad Non-NFSA kaba dei na ka bynta u bnai May bad June, 2020 bad yn sah rah bad sam noh ha u bnai April, 2020 bad na ka bynta u bnai July, 2020 yn sa ai ha u bnai May, 2020. Te ha u bnai April ki nongbat Card Ration kin ioh ruh ia ka bynta ne quota jong  u bnai May bad June.

3.      Ban ai jingiarap ia u paidbah, ka Sorkar India ka la pynbna ruh ba

1.      Na ka bynta ki AAY beneficiaries- Ka Sorkar kan ai ei ne khlem da siewpisa haduh 5 kilo u khaw shi khlieh briew na ka bynta 3 bnai kata ka long jong u bnai April, May bad June, 2020 nalor ka bhah/bynta ba ki ju ioh borabor kaba long 35 kilo man ka thliewiing ha man la u bnai kaba long ha ka dor 3 tyngka shi kilo.

2.      Na ka bynta ki PHH beneficiaries- Ka Sorkar kan ai ei ne khlem da siewpisa haduh 5 kilo u khaw shi khlieh briew na ka bynta 3 bnai kata ka long jong u bnai April, May bad June, 2020 nalor ka bhah/bynta ba ki ju ioh borabor kaba long 5 kilo shikhlieh ha man la u bnai kaba long ha ka dor 3 tyngka shi kilo.

4.      Ia u khaw ba tam na ka stock jong ki tei ki bnai/Monthly Buffer Stock ba dei u khaw Non-NFSA ba la mang na ka bynta u bnai May, June bad July, 2020 yn sa pyllait ha ki iew ki hat na ka bynta u paidbah ha ka dor ban sa buh da ka ophis.

5.      Kine ki long ki bynta ba la shim da ka Sorkar ban pyllait ia u paidbah na  ki jingeh ba ia kynduh, la kyrpad ba phin ym ia sheptieng ne kwah rhah haduh ban da khlun shimet namar baka Sorkar ka la wat ki lat ki lynti ban pynthikna ba u khaw yn biang bad dap beit lyngba ka PDS bad ha ki iew ki hat.