Ki Jingbthah bad ka Jingmana ha kaba iadei bad ki jinglehkai

Kum ban bteng ia ka jingmana ba la pynmih ha ka 30 tarik Jymmang, 2020 ba la pynmih da ophis jong I Deputy Commissioner, South West Khasi Hills District, Mawkyrwat katkum ka hukum ba la pynmih da ka Political Department ha ka 29 tarik, Jymmang, 2020 lyngba u Chief Secretary jong ka Sorkar Meghalaya, ka ophis ka la shah biang sa ia ki katto katne ki kam ne ki jingtrei hapoh ka District naduh ka 1 tarik Jylliew, 2020.

1.      Ka jingtreikam jong ki ophis shimet kum ki Private Firms, NGOs bad kiwei de tangba ki dei ban pyntrei tang da ka 33% jong ki nongtrei

2.      Ki jingialehkai ki bym don jingtyngkhuh briew (Non-Contact Sports) bad ki jinglehkai ba long shabar (Open air Sporting) kum ka Archery, Shooting, Athletics (running). Hynrei yn ym pat shah ban plie ia ki gymnasiums bad indoor stadiums.

Kitei ki kam/jinglehkai ba la shah kin hap ban iaid kakum ka SOPs bad katkum ki jingbthah napoh ka ophis jong I District Sports Officer, South West Khasi Hills District, Mawkyrwat ba la pynmih ha ka 2 tarik Jylliew,  2020.

Ki jingbthah na ka bynta ban sdang ia ki jingleh kai bym don jing tyngkhuh (Non-Contact Sports)

Ia kine ki jingbthah la thmu na ka bynta ki briew kiba don bynta ha ki jinglehkai bym tyngkhuh briew. Ki jinglehkai bym tynkhuh briew ki long ki jinglehkai kiba lah ban pynlehkai ha ryngkat ka jingbud ryntih ia ki kyndon pyniajngai parabriew haba pynlehkai. Ki jinglehkai bym tyngkhuh briew ki lah ban sdang ia ka jingpractice (kilan met), training, fitness bad ban pynbyrngia ialade. La shah bad pynshlur ban ialeh kai biang ia ki jinglehkai shabar ( Open air Sporting) ki bym donkam ban iajan bad ki para nongialehkai kum shi bynta ban khiah krat. Yn ym shah ban pynlong jingialehkai competition ne jingiakop ialehkai ia kino kino ki jinglehkai.

Ia mynta shipor baroh ki jingialehkai ba don jingtyngkhuh briew (direct or indirect) kum ki gymnasiums bad Swimming pool yn ym pat shah tat haduh ban da pynmih da kawei pat ka hukum.

Ka jingsdang biang ia ki jingialehkai ha ka rukom ba kyndiat  ban pynlong ha ki stage fashion bad Sports Organisation/Associations/Clubs ki tei ban pynlong ha kata ka rukom ba ki briew ha ki kynhun barit ki lah ban bud ia ka jingiajngai ba 2 meter eiei na uwei pa uwei ne na kawei ka kynhun shbar ka kynhun jongki ha ka por ba ialehkai.

La phiah ia ki jinglehkai bapher bapher ha ki saw bynta katkum ka rukom hikai (training) bad jingiakop (competition) bad kita ki long Category A, B, C bad D.

1.      Category A-Ki jingialehkai bym tyngkhuh briew (kiba la shah)

Ki jinglehkai ba marwei ki bym donkam ban don jingtyngkhuh briew ha ka por training ne competition bad ba duna bha ban pyndonkam lang ia ki tiar ialehkai.

Nuksa A

Archery, Shooting, Cycling, Fencing, Golf bad Athletics- Track events (lait noh relay bad ki jinglehkai madan ba don indirect contact lyngba ki tiar ba pyndonkam).

Players/Athletes kiba ioh jinghikai (training) hapoh ki Coach ba la buh kyrpang lane ki Sports Club/Centre ki dei ban pynbiang ka Signed Consent Form (ka phorm mynjur lang ba la sign) ne ka jingmynjur lang (undertaking) ba ki pynpaw ia ka jingmynjur bad ka jingtip ka jongki ia ki jingduna bad ki jingma kiba lah ban don ha ka por ai jinghikai kumba ka long ka pyrthei mynta.

Ki Athletics ki ba kwah ban practice hi hala ka jong ka mon ha ki Community playgrounds ki dei ban pyntip ia ki Myntri shnong bad ban ioh jingbit na ki. Ki dei ruh ban pynbiang ruh ia ka Signed Consent Form (ka phorm mynjur lang ba la sign) ne ka jingmynjur lang (undertaking).

Ka jingphikir ha ka por training na ka bynta ki Category A (ki bym don jingtyngkhuh briew)

a.       Lah ban pyndep ia baroh ki jinghikai ha ryngkat ka jingbud ryntih ia ka rukom pyniajngai parabriew bym duna ia ka 2 meter na u athletes bad ki staff.

b.      Ka jingpynhikai kam dei ban tam ia ka shi kynta ban ka sngi.

c.       Players/Coaches ki ba sdang ban jyrhoh/synriah na kano kano ka daw, ki dei ban kynriah kham pajih na kiwei tat haduh ba ka jing jyrhoh/synriah ka la duna.

d.      Yn ym shah ban don ki nongpeit kai hapoh ka centre ha kano kano ka por. Tang ki athletes bad ki training staff ki dei ban don ha ka jaka.

e.       Ki players ki dei ban deng ia ka jingda khmat (face masks) ha ka por ba kim don bynta ha ka jinghikai

f.       Baroh ki nonglehkai ki dei ban wanrah la ki jong ki towel, ki bitor um bad kiwei kiwei ki jingdonkam shimet.

g.      Baroh ki nongialehkai/coaches ne ki training staff ki dei ban shong khop ha iing lada kim sngew khlain.

h.      Lada don kino kino kiba donkam First Aid kyrkhieh dei ban peit da authorized medical personnel.

i.        Ki players ki dei ban mih na ka jaka training bran bran hadien ba la dep training.

Ka jingphikir ha ka por ba pyndonkam ia ki tiar ialehkai

a.       Dei ban pyndonkam da ki tiar shimet kum ka ryntih, suloi, golf clubs, shylliah yoga, bad kiwei kiwei khlem da pyndonkam lang bad kiwei bad hadien ba la dep pyndonkam dei ban disinfect noh borabor.

b.      Ki tiar iada ba pyndonkam ha ki jingialehkai kum ki helmet, jingda khmat, jingda durkhmat, wrist band, head band, ki juti, spikes bad kiwei kiwei ym dei ban pyndonkam lang bad kiwei.

c.       Ki tiar jinghikai ba pyndonkam lang kum ki bicycles, khnam, targets bad kiwei kiwei dei ban disinfect noh borabor ha man ba la dep pyndonkam

d.      Na ka por sha ka por dei ban pynkhuid ia ki kti ka long kaba donkam bha shuwa ka training, ha ka por training bad hadien ba la dep training.

2.      Category B-Ki jinglehkai ba ba don kyndiat/shiteng ka jingtyngkhuh parabriew yn ym shah (Minimal/medium contact Sports (Not Permitted)

Ki jinglehkai ba da ka team kaba donkam katto katne ka jingia tynkhuh met (direct ne inidirect) ha ka por training ne competition bad ba ki tiar ialehkai dei ban pyndonkam lang.

Nuksa B

Football, Hockey, Volleyball, Basketball, Handball bad kiwei de. Ki jinglehkai ba don indirect contact kum ka Weightlifting, Lawn Tennis, Badminton, Table Tennis, Squash, Cricket bad kiwei kiwei.

Yn ym pat shah ban lehkai ia ki jinglehkai ba don Minimal/Medium Contact, hynrei lada ki Clubs ne kynhun ki kwah ban practice tang na ka bynta ban shaid ban khlain ki la ban pan jingbit kyrpang na I Deputy Commissioner.

Ki jingphikir ha ka por training na ka bynta ki Clubs/Groups tang na ka bynta ban shaid ban khlain hadien ba la ioh jingbit

a.    Yn ym shah ban don jingiakop ne ki jingialehkai competition.

b.    Na ka por sha ka por dei ban pynkhuid ia ki kti ka long kaba donkam bha shuwa ka training, ha ka por training bad hadien ba la dep training.

c.    Yn ym shah ban pyndonkam ia ki tiar ialehkai ba don direct ne indirect contact bad kiwei pat ki players.

d.   Ka jingtraining ka lah ban long ha ki kynhuh bar it (ym dei ban tam ia ka 10 (shiphew) ngut bad ban bud ryntih ia ka rukom pyniajngai parabriew bym duna ia ka 2 meter na u athletes bad ki staff.

e.    Ia ka jaka lehkai/pitch dei ba bynta ha ki saw bynta, bad ban ym buh tam ia 3 ngut ki players ha man ka jaka hakaba yn hikai bad kin iaineh tang bad kita ki 3 ngut ki para nongialehkai khnang ban suk lada lah ban test positive na u coronavirus.

f.     Dei ban kiar na ka kino kino ki jinglehkai ba don jingtyngkhuh met kum ha ka tackling, blocking ne kiwei kiwei.

g.    Ka jinghikai kam dei ban tam ia ka shi kynta ha ka shisngi.

h.    Ki Players/Coaches ki ba sdang ban jyrhoh/synriah na kano kano ka daw, ki dei ban kynriah kham pajih na kiwei tat haduh ba ka jing jyrhoh/synriah ka la duna.

i.      Dei ban kiar na ka jingtyngkhuh met ha kano kano ka rukom kum shibynta jong ka training routine kum ka jingkhublei kti, high-fives tackling, sparring bad kiwei kiwei de.

j.      Ki players ki dei ban deng ia ka jingda khmat (face masks) ha ka por ba kim don bynta ha ka jinghikai

k.    Ia mynta shipor ym dei ban pyndokam ia ki Changing Room namar ba ki long setkut bad ki nonglehkai ki dei ban phong lypa ia ki jain ialehkai na iing ne ha madan.

l.      Baroh ki nonglehkai ki dei ban wanrah la ki jong ki towel, ki bitor um bad kiwei kiwei ki jingdonkam shimet.

m.  Baroh ki nongialehkai/coaches ne ki training staff ki dei ban shong khop ha iing lada kim sngew khlain.

n.    Lada don kino kino kiba donkam First Aid kyrkhieh dei ban peit da authorized medical personnel.

o.    Ki players ki dei ban mih na ka jaka training bran bran hadien ba la dep training.

3.      Category C-Ym pat shah ia ki jinglehkai ba don jingtynkhuh met beit (Full Contact Sports-not permitted)

Ki jinglehkai marwei (ne ki jingiakhun) ba hap ban tynkhuh met beit ha ka por training ne competition

Nuksa C

Boxing, Judo, Wushu, Karate, Taekwondo, Wrestling, Kabbadi bad kiwei de.

4.      Category D-Yn ym pat shah ia ki jinglehkai um (Water Sports-not permitted)

Ki jinglehkai marwei ne team kiba donkam ban ialehkai hapoh um watlada ym dei ban jngi.

Nuksa D

Canoeing, Sailing, Rowing bad kiwei de. Yn ym shah ban jngi ha ki jaka jngi.

Sports COVID Committee

1.    Baroh ki Sports Organization/Association/Clubs ki donkam beit ban don ka Sports COVID Committee ban peit ia ki training sessions bad ban bthah ia baroh ki players lane ki trainees ki ba practice ne training ha man la ki jaka training, madan ne indoor hall hapoh ka jingpeit jongki. U President jong ka Sports Organization/Association/Clubs u dei ban long u Chairman jong ka Committee bad u Zonal/Sector Officers yn long u ex-officio member. Kan don ka mandatory training ia baroh ki members jong ka Sports COVID Committee da ki Master Trainers shaphang COVID-19 Management. Ka Committee ka don kamram ban pyntreikam ia baroh ki kyndon treikam bad ban bud ryntih ia baroh ki jingbthah ban lap kham kloi ia ki dak ki shin bad ban pyntip shaphang ka jingshitom ha ka kynhun ialehkai.

2.    Ka kamram jongki kan kyndhup ia

a.       Ka jingpyntip da ka ba shai bad na ka por sha ka por bad ki athletics bad kiwei ki stakeholders bad ban batai ia ki lad jingiada ban pynduna ia ki jingma bad ban ai jingbatai ia ki nonglehkai ba kin bud kumjuh

b.      Ban pynthikna ban leh disinfection ia baroh ki jaka ba pyndonkam lang na ka por sha ka por.

c.       Ban peit ia ka jingrung jingmih hapoh ka campus ne jaka iaid jaka ieng da kaba buh da ka register ban thoh.

d.      Ban buh ki notice ne ki jingbthah ha ka por ba biang

3.    Ka Sports COVID Committee ka dei ban iatreilang bad ki Coach bad kumjuh ruh bad ki athletics ban pynshai ia ki jingbthah bad ki kyndon treikam jong kine harum

a.       Ki training kiba lah ban pyndep thikna khlem da pyndonkam ia ka madan ne ki jaka ai jinghikai paidbah

b.      Phiah bynta ia ka rukom training ban pynduna ia ki nong training bad ban pynduna ia ka jingkynduh bun briew.

c.       Ban pyniaid ia ka rukom training ha kata ka rukom ba lah ban pyniajngai parabriew katkum ki kyndon.

d.      Ban pynbeit ia ka por ai jinghikai ban pynthikna ban don tang khyndiat ngut ki briew ha kajuh ka por

4.    Ka Committee ka dei ban pynthikna ba ba man la ka Club/player/athlete ki dei ba pynbiang ka phorm jingiamynjurlang ba la sign (Signed Consent Form or Undertaking) ba pynpaw ia ka jingmynjur bad jingtip jongki ia ki jingduna bad ki jingma hakaba iadei bad ka training na ka daw jong ka jinglong jingman ka pyrthei.

KI JINGPYRKHING BAD KI JINGPYNJYNSUR HA KABA IADEI BAD KA IEW MAWKYRWAT

1.      Ia ka Iew Mawkyrwat yn plié naduh ka por 10 baje mynstep haduh ka por 5.30 janmiet.

2.      Haba wan iew da ka kali, sngewbha ban shong katkum ka capacity ba la bthah da ka Sorkar -:

a.       Kata 3 ngut bad u Draibar ha ki kali rit kum ka Alto,Maruti, etc.

b.      5 ngut  bad u Draibar ha ki kali heh kum ka Sumo,Bolero, etc.

3.      Kynmaw ban deng Khlem pep ia ki mask ha ki jaka paitbah bad ha ki iew ki hat.

4. Kynmaw ban rah bad ban deng ia ki Identity card ba la ai da ka office jong I Deputy Commissioner South West Khasi Hills District, Mawkyrwat ha wan sha iew
5. Ym Shah ban Dih Sikret/Biri/Duma ha ki Jaka Paitbah Bad hapoh Iew.
6. Ym bit ban biah pathar ne bam duma ha ki jaka paidbah.
7. Ym dei ban bret pathar ia ki jakhlia hynrei dei ban bret ia ki ha ki jaka ba la buh lane  ha ki jaka bret niut(dustbin).
8. Ki nongthied jingthied ki dei ban ieng da u lain bad ban ieng jngai kumba 1 metre tam iwei na iwei
9. Ym dei ban Khublei Kti, bad ym dei ban ia ieng jan haba ia kynduh paralok, ieng kham jngai iwei na iwei
10. Sait bha ia ki kti jong phi da ka sabon bad ka um ha ki jaka ba la buh da ka Sorkar ha shwa ban rung bad ha ka por ba mih na iew lane pyndonkam da ki hand sanitizer .
11. Ki nongwan thied jingthied kim dei ban pynlut por ha ban iakynduh briew ha iew lane ban ieng kai, hynrei tang ban thied iaki mar ki mata jong ki bad ban leit phai noh ynda lah dep siew
12. Haba donkam ban leit sha ki ATM dei ban ieng da u lain haba leit sei ne thep pisa bad ban ieng jngai 1 meter tam  iwei na iwei, ki dei ban pyndonkam da ka sanitizer shuwa ban rung hapoh ATM bad ynda la mih napoh ATM.
13. Ki Nongshong dukan ki dei -:

a.      Ban rah ia ki identity card jong ki haba ki rung shapoh iew hapoh hat ban leh khuid ia ki dukan jong ki,

2. ban bud ryntih ruh ia ki jingbthah ka Sorkar ha kaba iadei bad ka jing ieng jngai iwei na iwei (social distancing).
3. ban deng ia ki mask ha ka por ba ki don ha dukan.
4. Ban ym iashong khapngiah hapoh dukan.
5. Ban nym bret pathar ia ki nuit ha ki lynti syngkein lane ha ka iew ka hat hynrei ban bret ia ki ha ki jaka ba la buh.
6. Ki nongshongdukan kin nym bret kulmar ia ki  nuit, hynrei ba kin bret ha ki jaka ba la buh lane ki dustbin.
7. Ki Nongshong dukan ki dei ban peit ba ki briew kin bud ryntih ban deng ia ki mask, ban ieng lain bad ieng jngai iwei na iwei (social distancing).

14.  Ki Volunteer ki dei -:

a.      Ban pyntikna ba kiba rung sha iew ki dei ban don ia ka identity card ba la ai da ka office jong I Deputy Commissioner South West Khasi Hills District bad ba ki dei ban deng ia ki mask jong ki.

2. Ba kin peit ba baroh ki NongShong dukan kin don ia ki Identity Card jong ki ban plie ia ki dukan.
3. Ban peit ba ki briew kin nym ia tur than ha ki dukan lane ATM, bad ba kin bud ia ka social distancing kata 1 metre tam iwei na iwei.
4. Ban peit ba kin nym don kiba dih duma/Sikret/Biri bad Kyiad ha ki jaka paitbah lane hapoh iew poh hat.
5. Ban nym shah ia ka jingrung jong kiba longkmie ba armet, ki khyllung khynnah bad ki tymmen ki kro hapoh iew hapoh hat.
6. Ba ki nongshongdukan/nong wan iew  kin nym bret kulmar ia ki  nuit, hynrei ba kin bret ha ki jaka ba la buh lane ki dustbin bad ba ka iew kan long kaba khuid ba suba
7.  Lada don ne shem kino kino ki jingeh ki dei Ban report ha ki Assisting officers lane ha ki Magistrates.

Standard Operating Procedure for Person entering Meghalaya

GOVERNMENT OF MEGHALAYA

POLITICAL DEPARTMENT

HUKUM

Standard Operating Procedure for Person entering Meghalaya

Ka long kaba donkam eh ban don ka rukom treikam (SOP) n aka bynta ka jing wanrung  ki briew hapoh ka Jylla Meghalaya (nangne shakhmat yn sa tip kum ‘SOP for entry’) khnang ban khanglang ia ka jingsaphriang jong u COVID-19 ha ka jylla.

Te namarkatta ki rukom treikam ba iadei naka bynta ka jingrung (‘SOP for Entry’) ki long kumne harum:-

1.      Ki Deputy Commissioner kin hap ban kit khlieh ban pyntreikam ia kane ka ‘Rukom treikam ban rung’ (‘SOP for Entry’).

2.      Yn shah ban wanrung ia ki briew hapoh Meghalaya tang na kine ki jaka rung ba la buh

Jaka	District
Ratacherra	East Jaintia Hills
Byrnihat	Ri Bhoi District
Bajengdoba	North Garo Hills
Tikrikilla	West Garo Hills
Umroi Airport	Ri Bhoi District

3.      Ka rukom pynkhreh da ka bor pyniaid District

3.1. Baroh ki DCs ki dei ban pynkreh ki jaka bad ki briew ha ki checkpoints. Ka bor pyniaid district kan sa buh ia ki ophisar bad ki pulit katkum ka jingidonkam jong I Deputy Commissioner (DCs) lyngba ka shift basis (ka jingiabujli briew) na ka bynta ban shim kyrteng (registration) bad ban leh screening ia baroh ki briew ha ki entry point.

3.2. Ia ki kynhun ban shim kyrteng bad ban leh screening yn sa buh/pynbeit da ka tnad Health and Family Welfare Department lyngba ka ophis jong DM&HO.

3.3. Na ka bynta ka Health Check-up, ka dei ban buh ka jaka (kiosk) ba kham ha jngai na ka check point ban ym ban kylluid ka iaid ka ieng bad ka screening.

3.4. Baroh ki DCs ki dei ban pynlong jingialang bad ki Rangbah/Sordar/Myntri Shnong na ka bynta kane ka SOP

4.      Ka jingshim kyrteng bad ka jingpynshisha (Registration and Verification)

4.1. Ka long kaba donkam (mandatory) ia baroh ki briew ki ba thmu ban wanphai sha Meghalaya ba ki register ha kane ka link www.meghalayaonline.gov.in/covid. Kito ki bym iohlad ban pyndonkam internet ki lah ban phone ha kine ki number 81320-11037,84330-38716, 97115-44148, 73385-50288 naduh ka por 9 AM haduh 8 PM. Ka jingleh registration ka long compulsory.

4.2. Hadien ba la dep leh registration, phin sa ioh online iaka ka acknowledgement form ba don QR code ne phin sa ioh ha u registered mobile number lyngba WhatsApp/SMS. Ia u QR code phi hap ban pyni ha ka por ba phi rung hapoh Meghalaya ha ki jaka ba la buh ban rung ha ryngkat ka photo ID.

4.3. Lada don kano kano ka jingeh, lada u briew ym lah ban register katkum ka mat 4.1 haneng, yn sa leh manual registration ha ki jaka rung.

4.4. Baroh ki briew ba rung hapoh ka jylla khlem registration kin sa shah pynshitom ka kum ki kyndon jong ka ain.

4.5. Baroh ki briew ki ba rung hapoh ka jylla ki hap ban compulsorily download ia ka Corontine App nong ka sorkar jylla da kaba iaid lyngba u url:https://bit.ly/35gg1cm ne lyngba Google Play Store. La kyntu ruh ba kin download ia kin download ia U Aarogya Sety app jong ka Sorkar India.

5.      Health Check ha ki jaka rung

5.1. Baroh ki briew ba rung hapoh ka jylla Meghalaya lyngba ki jaka ba la buh ban rung kin hap ban shah scan da u infrared thermometer  ne da u thermal scanner ban lap bad tip ia ka jingshit (temperature).

5.2. Lada don kino kino ki briew ba don ia ki dak ki shin jong u COVID-19 (ba la pyndep da ki screening personnel)  kin hap ban test da kaba pyndonkam da ki Rapid Diagnostic Test kits ha ki health check-up kiosk. Bad baroh kiba shongkali ne wan ryngkat ki hap ban ap haduh ban da dep test.

a.       Lada u/ka briew ki test negative, u/ka, bad kiwei ki ba wan ryngkat, ki lah ban leit phai sha la ki iing ki sem bad ka long mandatory ba kin shong khop ha iing (home quarantine) na ka bynta 14 sngi ryngkat bad ki bahaiing ha sem jongki. Ia ka jingshong iing yn sa buddien da ka IDSP unit, bad ruh yn sa pyntip ia ki Rangbah shnong jong kata ka kyntoit.

b.      Lada u/ka briew ki test positive, yn sa leh confirmatory RT-PCR test.  Na ka bynta kane ia kum kita ki briew yn sa ialam sha ki jaka ba jan tam ban shim sample hapoh Shillong, Tura ne Jowai ban ban buh ha ki institutional quarantine/isolation haduh ban da ioh iaka PCR test result. Lada ka result ka thikna ba dei positive, yn sa bud kat kum ka rukum treikam ba la buh na ka bynta ki briew ba la thikna  jong ka tnad Health and Family Welfare Department (then the process outlined in the confirmed case management protocol of the Health and Family Welfare Department will be implemented). Lada negative, yn sa bud katkum ka mat (a) haneng na ka bynta ki negative cases.

5.3. Baroh ki briew bym don dak don shin (asymptomatic) yn ym test hynrei ki hap ba leh ia ka mandatory home quarantine bad ki ba haiing ha sem jongki ka ba long 14 sngi kumba la kdew ha ka mat 5.2 (a) haneng.

5.4. Baroh ki briew ba leh home quarantine ki dei ban compulsorily deng ia ki mask, ban bud ia ka rukom sait kti (da kaba pyndonkam da ka hand sanitizer ne da kaba sait ia ki kti borabor da ka hum bad sabon) bad ban bud ia jingiajngai parabriew (social distancing) borabor.

6.      Ka leit ka wan bad ka rukom pynbiang kali

6.1. Ka sorkar lyngba ka Transport Deptt kan pynbiang na ka bynta ban leit shaw ia ki briew kiba wan na  ka jylla  ba marjan lyngba ka surok tangba kin hap ban ai jingtip lypa da kaba register kumba la batai ha ka 4.1 haneng.bad ia kito kiba lah ban pynbiang kali hi yn shah ban leh kumta tangba kin hap ban ai jingtip lypa da kaba register kumba la batai ha ka 4.1 haneng.

6.2. Lada don kino kino ki longiing kiba kwah ban leit shaw ia ki bahaiing na Airport/Bus station/ Railway station na Guwahati  , i Deputy Commissioner in ailad tang ia iwei i dkhot ka iing ryngkat bad u Driver tangba kin pynthikna ba ki dkhot ka iing kiba leit shaw ia kiba wan phai na bar jylla kim dei ban don kano kano ka jingshitom.Ka kali ba ki leit shaw kam dei ban sangeh hangno hangno lait tang ha ki jaka ba screen.

6.3. Na ka bynta kito kiba wanphai da ka rel ne liengsuin bad ki bym don kali ban wanphai na Guwahati ,ka sorkar kan pynbiang na ka bynta ban leit shaw na ki airport/railway station da kaba bud pyrkhing ia ki jingbthah kiba iadei bad ka jing-pyn- ia –jngai.

7.      Ban pyntreikam ia ka rukom shong khop ha la iing

7.1. Ia ki jingtip kiba iadei bad kito kiba hap ban shong khop ha iing yn phah sha Health & Family Welfare Deptt bad sha i Deputy Commissioner bad i Deputy Commissuoner in pyntup sha ki bor shnong jong ka dong ka thain kaba ki sah na ka bynta ban pynthikna ba kin peit ba kin shong khop ha la iing ryngkat bad ki bahaiing ym ban ia khleh bad kiwei pat.

7.2. Ki Community COVID Management Committees / Teams  kin pyniaid,peit bad ban pynbiang ia ka jingdonkam bad ban buddien ia kito kiba hap ban shong khop ha iing.

7.3. Yn pyndonkam ki lad  jingiada na ka bynta ban peit ia kito kiba hap ban shong khop ha la ki iing  bad ban pyntip sha ki bor ba dei khmih lada don kino kino kiba pynkhein ia ka jingshop khop ha iing.

7.4. Baroh ki briew ba pynkhein ia ka Home ne Institutional Quarantine kin ngat ha ka jingshah pynshitom kat kum ki kyndon ain.

8.      Ki DC ki dei ban pynbiang ei ia ki Provision Kits (lyngba ka Chief Minister’s Special Grant) sha baroh ki longiing kiba leh home quarantine.

Kane ka rukom treikam (Standard Operating Procedure) kan treikam mardor.

Ki kam ba la shah ban pyntreikam lyngba ka tnad Fisheries Department, SWKHD

Katkum ka hukum ba la ioh na u Chief Secretary ka sorkar Meghalaya ka ban ia iaid ryngkat bad ki kyndon/ jingbthah (guidelines) ba la pynmih da ka Union Home  Ministry ka sorkar India, I Deputy Commissioner, South West Khasi Hills District I la pyntip ba ka Sorkar ka la pynjynsur ha kaba iadei bad ka jingtreikam jong ka tnat Fishery  ha kaba ki nongrep ki la lah ban pyntrei tangba kin hap ban bud pyrkhing ia ki kyndon/jingbthah kiba la aid a ka Union Ministry of Home affairs, ka sorkar India khlem da iaid lait ia ki kyndon/jingbthah kiba hap hapoh ka Disaster Management Act, 2005. Ha kajuh ka por la bthah ia ki nongrep ba kin bud pyrkhing ia ki kyndon/jingbthah bad kan neh kat kum ka jingpyn iaid jong ka District Administration. Ha kaba iadei bad ka kit ka bah ia ki jingbam bad symbai dohkha kin hap ban bud ryntih kat kum ka por bad sngi ba la pynbeit bad ban pynthikna ba kin bud pyrkhing ia ka Standard Operating Procedures ha kaba iadei bad ka jingpynia jngai iwei na iwei pat.

Ki jaitkam ba ki nongrep dohkha ki la lah ban sdang trei noh katba dang don ka jingkhang khyrdep (Lockdown) bad kita ki long kum ha kaba shna ia ki pung dohkha hapoh ki skhim bapher bapher da kaba pyndonkam ia ki mar ki mata (kum u shyiap, maw, ka cement ) bad ki nongtrei kiba na ka district, ban maramot ia ki pung hapoh ki skhim bapher bapher  da kaba pyndonkam ia ki mar ki mata bad ki nongtrei kiba na ka district bad ban pynkhreh lane pynbit pynbiang na ka bynta ki pung ban shna thymmai kumjuh ia kiba la don lypa  kum ha kaba ai -shun, ai -sboh, bsa -bam bad ki donkam ruh ia ki mar kum ka shun,ka eit-masi bad ki symbai dohkha.

Ha ka juh ka por na ka bynta ban pynpoi bad ban pynioh ia ki mar kiba donkam na ka bynta ban rep dohkha na bad na shabar district ki lah ban lait na ki katto katne ki kyndon kum   ha ka por ba tong dohkha bad ka kit ka bah na ka bynta ban pyniaid iew ia ki dohkha hapoh ki district. Ka jingpyntreikam ia ki jaka pynkha symbai dohkha na ka bynta ban pynioh bun ki symbai, ka jingpyntreikam ia ki jaka shna jingbam dohkha na ka bynta ban pynbiang bam ia ki dohkha ban die hapoh bad shabar ka district bad ka jingdie bad jingkit ia ki mar ba pynmih na ki dohkha kum u ktung, tungtap hapoh bad shabar ka district.

Ha kaba iadei bad kane la ioh jingbit na I Deputy Commissioner jong ka SouthWest Khasi Hills District na ka bynta ban pyntreikam ia ki skhim hapoh ka district ha ka por ba khang khyrdep  ha kaba la ai mar kawei ka Car Pass na ka bynta ka thain Mawkyrwat bad Ranikor C&RD Block naka bynta ki jingdonkam ha ka kit ka bah bad ban die ia ki dohkha kumjuh ruh la ioh 4 (Saw) tylli ki Car Pass bad 10 tylli I Identity Card naka bynta ki field staff ban peit bad pyntyllun ia ki kam ki jam. Na ka bynta ka Mawkyrwat block ki lah ban phone ia une u no na ka bynta ka Car pass No.93669-34715 bad ka Ranikor Block No-80144-56835.

Ha ka juh ka por la bthah ia ki nongrep dohkha ba kin bud ryntih ia ki jingbthah kiba la ai bad hikai da ka thnat ka koit ka khiah ha kaba iadei bad ka jingpyniajngai kumba 1 metre tam eiei iwei na iwei pat ha ka por treikam bad ban pynduna ia ki nongtrei ban lait na ka jingbun briew  bad ban da sait bha borabor ia ki kti jongki ha man ka bor ba ki shongkai da ka um bad sabon kumba 20 second eiei. La pynkynmaw ruh ba ki dei ban da tap ia ka shyntur bad ka khmut haba synriah ne jyrhoh bad ki dei ban deng borabor ia ki mask ha ki jaka trei ne ha iing ha sem bad ki mask ki long na ka bynta shimet ym ban pyndonkam da kiwei pat. Nangta ki nongrep ki dei ban pynthikna ba ki nongtrei baroh ki long ki ba koit ba khiah krad bad ki ba lait na ka jingpang COVID-19.

Shuh shuh la pynkynmaw ba ynda haba ki la poi iing ki dei ban da sum bad sait ia ki jain bad ki mask jongki bad kim dei ban pyndonkam da ki juh ki jain ba ki la pyndonkam ha jingtrei.  La bthah ruh ia ki Nongrep  ban die ia ki dohkha kat kum ka dor ba la buh da ka sorkar ym ban shim kabu.

La phiah haki Zones bad Sectors katkum ki kamram ba la bynshet

Kum kawei na ki lad ban pynkhlain bad pynjanai  ia ka rukom treikam na ka bynta ban shim ki lad jingiada  na ka jingsaphriang  ka jingpang  COVID-19  ha baroh kawei ka South West Khasi Hills District, ka  Deputy Commissioner jong ka South West Khasi Hills District ka la phiah ha ki Zones bad Sectors  hapoh ka jingpeit jong Ki Zonal Magistrates bad Sector Officers  ha kaba kawei ka Zones ka kynthup  ar ne lai tylli ki sectors bad kawei ka sector ka kynthup kumba ar  ne lai tylli ki shnong tam ne duna. Ha kaba iadei bad kane  ka Deputy Commissioner ka la kyrpad ia ki Rangbah Shnong, ki bor shnong, ki volunteers, ki nongialam jong ki Seng-Bhalang, jong ki  shnong ki thaw bad kiwei kiwei ban ai ka jingkyrshan bad ka jingiatreilang bad  ki Zonal Magistrates (ZMs) bad Sector Officers (SOs) na ka bynta ban pyntyllun bad pyniaid beit ia ki kam na ka bynta ban the lakam ia kane ka jingpang.

     Khnang ban kynjoh sha ka thong na ka bynta ban ai jingiada ia ki  paid nong-shong-shnong  na ka jingsaphriang jong kane ka jingpang kumba la thmu da ka sorkar ka la pyntip ba la buh da ki volunteers ha  jan man la ka shnong bad la bynshet ha ki ia ki kamram na ka bynta ban iarap  ban ai awareness ha ki iew ki hat bad ki shnong ki thaw kaba iadei bad ki jingbthah (advisories) na ka tnat ka koit ka khiah halor ka jingleh khuid ,ka rukom sait kti ,ban peit ba ka dei ban don ka social distancing ha ki jaka paidbah kum ha ki iew  ki hat bad kiwei kiwei  bad ban ym don ka jingialum paidbah ha kino kino ki jaka.Shuh shuh kum ki volunteers ki dei ban peit pyrman ia kito kiba hap ban shong quarantine bad ia ki briew ne ki kali kiba pynkhein ia ka Lockdown ne Curfew bad ban pyntip mar mar sha ki Rangbah Shnong bad  kine kin pyntip sha ki Zonal Magistrates ne Sectors officers kiba dei peit ia kita ki thain lada don kiba pynkhein kum ia kita ym ban shim ia ka ain ha ki kti. Ha ka juh ka por la bthah ia ki ban ym leh kano kano ka kam ka ban buh jingeh ne jingpyrkhing ha kino kino ki bynta  kum ha kaba khang ia ki lynti ki syngkien ne ia ka leit ka wan jong ki kali kiba don  Curfew ne Car Pass, ki briew kiba don ki ID Cards kiba biang, ki nongtrei sorkar, ki ba pang ba shitom, ki kali jong ki nongtrei jong ka koit ka khiah  bad ia kiwei kiwei.

       Nalorkata ka la pynshai ba ki volunteers ki dei ban peit ba ki nongwan iew bad ki nongdie dukan kin don  ki ID Cards bad ba ki dei ban deng mask, ban sam ia ki mask sha ki bym don  bad ban pyntip sha ki Team Leaders ne Supervisors lada don ki kali kiba wan iew khlem ka Curfew lane Car Pass. Namarkata ka la kyntu ba ki volunteers ki dei ban long kiba donburom, kiba jai jai, ki bym laplah bad ban kiar na ka jingiakajia bad ban ai ka jingiatreilang bad ki pulit, ki Zonal Magistrates bad ki Sector Officers bad ban long  barobor kiba kloi ban pyntip mar mar sha ki lada don kino kino ki jingjia kiba iadei bad ka jingpynkhein ia ka Lockdown ne Curfew na ka bynta ban tehlakam ia ka jingphriang ka jingpang COVID-19.

DLSA provide Legal Services for people affected during COVID-19 Pandemic

The Office of the District Legal Services Authority (DLSA), South West Khasi Hills District, Mawkyrwat announced for provision of Legal assistance to the affected people through legal services in these times of crisis following the COVID-19 Pandemic.

Smti. M.K Lyngdoh, Chief Judical Magistrate cum Secretary District Legal Services Authority, South West Khasi Hills District, Mawkyrwat in a letter issued for press release said that the possibility of cases of domestic violence, eviction of tenants for non-payment of rent, non-payment of wages by employers and other legal matters cannot be ruled out during the Lock-Down period. Therefore, the office of the District & Session Court, South West Khasi Hills District, Mawkyrwat has set up a Help Desk in front of the District & Session Court, South West Khasi Hills District, Mawkyrwat for providing legal advice or assistance in which Para Legal Volunteers at the Help Desk would provide legal advice or assistance and facilitate the process for those in need and seeking for relief. People requiring legal assistance can also call, message or WhatsApp on the Helpline Number 99546-59516. However, the affected person should provide the minimum details whenever they contact at the helpline number. The Para Legal Volunteers (PLVs) will help in getting Car Pass for emergency and medical purposes for inter-state and inter-district movement by collaborating with the District Administration.

Lyngdoh also expressed her gratitude to several departments of the District for their constant and tireless support, co-operation and co-ordination in all aspect to provide succor to the people in need of help and in assisting farmers, daily wage laborers and marginalized people who were affected during the Lock-Down Period following the COVID-19 Pandemic.

Ai jingiarap Legal Services ka DLSA ia ki briew kiba donkam ha SWKHD

Ka ophis jong I District Legal Services Authority (DLSA), South West Khasi Hills District, Mawkyrwat ka la pynbna ban ai jingiarap ha kaba iadei bad ka ain na ka bynta kito ba shah ktah ha ki rukom bapher bapher na ka daw jong ka khlam COVID-19.

I Kong M.K Lyngdoh, Chief Judical Magistrate bad Secretary District Legal Services Authority, South West Khasi Hills District, Mawkyrwat lyngba ka shithi ba phah na ka bynta ka Press Release I la ong ba ha kane ka pork hang dam ka ri bad ka jylla (Lockdown) ki lah ban don bun ki jingjia kum ka jingshah shoh shah dat ha iing ha sem (domestic violence), ka jingshah beh ha ki trai iing na ka daw bym la siew ia ka bai wai iing, ka jingbym ioh bai bylla na ki malik, bad kiwei kiwei kiba iadei bad ka ain. Namarkatta, ka ophis ka la buh ia ka jaka ai jingiarap (Help Desk) ha khmat ka ophis jong I District & Session Court, South West Khasi Hills District, Mawkyrwat. Ki Para Legal Volunteers (PLVs) kin ai jingiarap, jingbatai bad kin iarap ban iaid katkum ki kyndon ka ain ia kito ki bashem lanot. Ki briew kiba donkam jingiarap ki lah ban phone, message ne WhatsApp ha u Helpline Number 99546-59516 bad ki hap ban ai jingtip kyndiat ha ka por ba ki phone sha u Helpline number. Ki Para Legal Volunteers (PLVs) kin sa iarap ban pynioh ia ki Car Pass na ka bynta ki jingdonkam ba kyrkieh ha ka koit ka khiah ne ban iaid na kawei ka district sha kawei pat ne na ban iaid da kawei ka jaka sha kawei pat hapoh ka district da kaba iatreilang bad ka bor pyniaid District.

I Kong Lyngdoh I la pynpaw ia ka jingsngewnguh ruh ia ki department bapher bapher jong ka District ba ki la kloi ban iarap, iatreilang bad shimkhia ban iarap ia ki briew kiba shem jingeh bad ba donkam jingiarap kum ia ki nongrep, nongbylla sngi, bad ia u duk u suk kiba la shah ktah ha kane ka por jong ka jingkhang kyrdep (lockdown) na ka daw jong u khniang jingpang COVID-19.

Ki kam kiba la shah ban pyntreikam noh hapoh South West Khasi Hills District

               Kum ka jingbud ryntih ia ki jingbthah jong ka Ministry of Home Affairs, Govt. of India ba la pynmih lyngba ka order ha ka 15 tarik Iaiong, 2020 bad jong ka Political Department, Govt. of Meghalaya ba la pynmih lyngba ka order ha ka 23 tarik Iaiong, 2020, ka ophis jong I Deputy Commissioner, South West Khasi Hills District ka la shah ban pyntreikam naduh ka 27 tarik Iaiong, 2020 hapoh ka District da ka bud ryntih ia ki jingbthah ba la bthah kum ka jingiajngai parabriew ia kine ki kam harum:-

1.      Ki Commercial bad Private establishments kiba yn shah ban pyntreikam ki long kumne harum:

i.                    Ki dukan kiba iadei bad ki mar ki ba donkam eh (essential commodities), kiba la ithuh da tnad Political Department jong ka Sorkar Meghalaya hynrei ia ka rukum plié ne khang ia ki dukan ki dei ban bud katkum ka jingbthah ba la pynmih da ka bor pyniaid District. Kumjuh ruh ban kham pynsuk ia ka jingplie bad ka jingbud ryntih ia ki jingbthah jong ka sorkar ia ki list jong ki dukan kiba la ban plié ha ka Iew Mawkyrwat kin long katkum ka jingai jingmut jong ka Inspection Team ba la buh.

ii.                  Courier Services kiba iadei bad ka jingpynpoi ia ki mar kiba donkam eh kiba la ithuh da tnad Political Department jong ka Sorkar Meghalaya, hynrei ban kit ia kum kitei ki tiar na kawei ka district sha kawei pat ki hap ban ioh jingbit lypa n aka ophis jong I Deputy Commissioner, South West Khasi Hills District bad ki lah ban apply online lyngba katei ka ophis.

iii.                Ka jingpyntreikam lyngba ka E-commerce na kabynta ki tiar kiba donkam eh kiba la ithuh da tnad Political Department jong ka Sorkar Meghalaya

iv.                Ki dukan Common Services Centres kiba la ithuh da tnad Political Department jong ka Sorkar Meghalaya.

v.                  Ki dukan kiba die, shna (repair) bad ba ai jingshakri lyngba ki mobile phones, computers, accessories, mobile phone recharge centres, da kaba pynduna ia ki nongtrei ha ki dukan katkum ka hukum ka sorkar.

vi.                Ki lad jingshakri jong ki riew shimet kiba trei kam lajong kum ki electrician, IT repairs, nongshna pipe um, motor mechanics bad ki misteri.

vii.              Ki dukan hardware kiba die ki tiar kum ki CGI sheets, Cement, bad kiwei de kiba pyndonkam ha ki kam shna jingshna ba kynthup ia ki tiar kali hynrei ban kit ia ki tiar na kawei ka district sha kawei pat ki hap ban ioh jingbit dakaba apply online naka ophis jong I Deputy Commissioner, South West Khasi Hills District. 

viii.            Electrical shops

2.      Ki Industries/ Industrial Establishments (both for Government and Private), kiban shah ban pyntreikam kin long kumne harum:

i.                    Food processing industries ha ki rural areas kiba don shabar ka municipal areas bad municipalities kiba kynthup ia ki kor khyrwait khaw bad kor pynmih umphniang

ii.                  Brick kilns (ki jaka shna mawit) ha ki rural areas kiba don shabar ka municipal areas bad municipalities

3.      Baroh ki kam rep kam riang bad ki ba iadei bynta bad ka rep ka riang kum ka jingri jingri,  kum kaba ri syiar, ri dohkha bad pynkha ia ki, ka jingkynshew, ka jingpynmih bad ka jingsam ia ka dud bad ki mar na ka dud, ka jingthied bad jingdie ia ki tiar ba rep, cold storage bad warehousing, manufacturing, packaging and distribution of agricultural inputs, symbai, jingbam mrad bad u skop, ka jingrah ia ki kor ne ki tiar rep. I Rangbah/Myntri Shnong kin hap ban leit ia kynduh ia i District Agriculture Officer, District Horticulture Officer, District Veterinary Officer bad Social Forestry n aka bynta ka jingtip ba kham bniah bad ban ioh car pass.

4.      Ka kit ka bah ia ki mar rep mar riang kan long katkum ki lynti ba la buh da ka ophis namar ka jinglong jingman na ka daw jong ka khlam COVID-19 bad ki dei ban ioh jingbit na ki head jong department ba iadei bad ka kam.

5.      Veterinary Hospitals, Dispensaries, Clinics, ka jingdie bad supply ia ki dawai bad ki jingai vaccine.

6.      La shah ban trei ia ki kam MNREGA da kaba bud pyrkhing ia ka jingiajngai parabriew bad ka jingdeng ia ki mask. Ki dei ban ailad ne pyntrei shuwa ia ki kam ba iadei bad ki kam irrigation bad water conservation da kaba bud katkum ki jingbthah ba la pynmih da ki BDOs.