Disclosure of places visited by Covid-19 patients at SWKHD for contact tracing purposes

Pyntip paidbah I DC, SWKHD ia ki jaka ba leit uba ioh Covid-19 ha Mawkyrwat

Mawkyrwat; Nailar 6, 2020: Ka ophis jong I Deputy Commissioner, South West Khasi Hills District, Mawkyrwat ka la bteng ia jingpyntip paidbah lyngba ka Press Release No. SWK/DDMA/COVID-19-18/ORDER/2020-21/1 ba la pynmih ha ka 5 tarik Nailar, 2020, ba ita I briew napoh ka East Khasi Hills District, I ba la leit sha Rangthong PHC bad ba la test positive ia I ha ka jingpang Covid-19.  Ine ryngkat bad ki ba haiing jong I ki la leit sha ki katto katne ki jaka hapoh ka Iew Mawkyrwat,  I la leit rung ruh sha ka dukan jong I Kong Mebi K. Wanniang, sha ka IIng bad dukan jong I Bah Krillin Lyngdoh bad hapoh ka SBI ATM ba don hapoh iew ha ka 4 tarik Nailar, 2020 ha ka por 5 baje janmiet eiei. Namarkata, lada don kino  ki briew kiba la leit sha kitei ki jaka ha ka 4 tarik Nailar, 2020 ha lane hadien ka por 5 baje janmiet kin sngewbha ban shong kyrpang shuwa wut wut ialade haiing bad ba kin phone sha District Control Room ban ioh ia ki jingbthah.

Ha kajuh ka por la kyrpad ruh ia baroh ki briew kiba la leit sha kitei ki jaka ha ka 5 tarik Nailar, 2020 kin sngewbha ban shong kyrpang shuwa ialade ha iing kum ka lad jingiada.

Baroh ki briew ba la leit ha kitei ki jaka ki dei ban peit sani bha ialade ha ka liang ka koit ka khiah jongki  bad lada paw kino kino ki dak ki shin kum ka jyrhoh, jingshit, bad shem jingeh haba ring ne pynhiar mynsiem kin pyntip mardor sha Control Room lyngba ki phone number 6909904336/9485153533. Kitei ki dukan kin khang shuwa kat haduh ban da ioh da kawei pat ka hukum.

 

Disclosure of places visited by Covid-19 patients at SWKHD for contact tracing purposes

Mawkyrwat; August 6, 2020: In continuation to the Press Release No. SWK/DDMA/COVID-19-18/ORDER/2020-21/1 dated 5th August 2020, issued by the office of the Deputy Commissioner, South West Khasi Hills District, Mawkyrwat for the general public information that the person from East Khasi Hills District, who had visited Rangthong PHC and had tested positive for COVID-19, had also visited the following places at Mawkyrwat Market on the 4th August 2020 at around 5:00 p.m onwards, along with his high risk contact (family member):-

1. Shop of Kong Mebi K. Wanniang

2. SBI ATM

3. Residence/ Shop of Bah Krillin Lyngdoh

 

Therefore, all persons who visited these places on the 4th August 2020 on or after 5:00 pm are to undergo home quarantine immediately. They may contact the District Control Room and await further instructions.

Further, any member of the public who visited these places on 5th August 2020, as a precautionary measure, will quarantine themselves at home. All such persons above will monitor their health closely and in case of development of any flu like symptoms (cough, fever, breathing difficulty), they will immediately inform the control room at 6909904336/9485153533. These shops will remain closed/ restricted till further orders.

 

Inform the District Control Room if you have visited Rangthong PHC on 4-5 August, 2020: DC South West Khasi Hills District

Pyntip sha Control Room lada phi lah leit sha Rangthong PHC ha ka 4 bad 5 tarik Nailar, 2020: DC

Mawkyrwat; Nailar 5, 2020: Ka ophis jong I Deputy Commissioner, South West Khasi Hills District, Mawkyrwat ka pyntip ba la don iwei I briew na East Khasi Hills District I ba la test positive ha ka jingpang Covid-19 u la leit sha Rangthong PHC ha ka 4 tarik Nailar, 2020, ban leit buh ia I bahaiing jong I, I ba long I staff ha katei ka PHC. Namarkata, baroh ki nongtrei jong ka Rangthong PHC ki ba don hapoh PHC naduh ka 4 tarik Nailar, 2020 ki dei ban shong kyrpang noh wut wut ialade ha iing bad ap ia ka jingbthah ban leh test napoh District Surveillance Officer.

Ha kajuh ka por, la kyrpad ruh ia baroh kito kiba leit sha Rangthong PHC ha ka 4 bad 5 tarik Nailar, 2020 ba kin shong kyrpang noh wut wut ialade ha iing bad ban phone sha ka District Control Room na ka bynta ki jingbthah. Kin hap ruh ban peit sani bha ialade ha ka liang ka koit ka khiah jongki  bad lada paw kino kino ki dak ki shin kum ka jyrhoh, jingshit, bad shem jingeh haba ring ne pynhiar mynsiem kin pyntip mardor sha Control Room lyngba ki phone number 6909904336/9485153533.

Ia ka Rangthong PHC yn sa khang shuwa ha kine ki 2 sngi ban pyndep ia ka jingleh contact tracing, testing bad ban pynkhuid.Ha kine ki 2 sngi ka Mawkyrwat CHC kan sa peit ia ki jingdonkam ha ka liang ka koit ka khiah na ka bynta ki shnong ba hap hapoh ka Rangthong PHC.

 

Inform the District Control Room if you have visited Rangthong PHC on 4-5 August, 2020: DC SWKHD

Mawkyrwat; August, 5, 2020: The office of the Deputy Commissioner, South West Khasi Hills District, Mawkyrwat, informed the general public that a person from East Khasi Hills District who has tested positive for COVID-19 visited Rangthong PHC on the 4th August, 2020, to drop his family member, a staff at the said PHC. Therefore, all staff of Rangthong PHC present at the PHC since the 4th August, 2020 are to undergo home quarantine immediately and await instructions for testing from the District Surveillance Officer.

Further, any member of the public who visited Rangthong PHC on the 4th August, 2020 and 5th August, 2020 will quarantine themselves at home and call up the District Control Room for further instructions. They will monitor their health closely and in case of development of any flu like symptoms (cough, fever, and breathing difficulty) they will immediately inform the Control Room at 6909904336/9485153533.

The Rangthong PHC will be closed for 2 (two) days while contact tracing, testing and sanitization is being done. During this period, Mawkyrwat CHC will cater to all health requirements of villages falling under Rangthong PHC.

Advisory Regarding Stigmatization of Health Workers and Doctors

GOVERNMENT OF MEGHALAYA

HEALTH & FAMILY WELFARE DEPARTMENT

***

No.Health.83/2020/Pt.III/60,                      Dated Shillong, the 25th July, 2020.

JINGBTHAH

La pyntip sha ka Sorkar ba ki doctor, ki nurse bad kiwei ki nongtrei jong ka koit ka khiah ki ba shong ba sah ha ki containment zone ki la shah khang ban leit trei bad kaba la ktah ia ki kam ba man ka sngi ha ki hospital ba ki trei. Ngi dei ban tip ba nalor ka Covid-19, ki hospital ki peit ia kiba bun ki jingshitom balong kyrkieh (emergency) kaba dei ka jingim bad jingiap bad ki peit ruh ia kiba bun kiwei ki jingsumar ba iadei bad ka koit ka khiah kiba donkam kajuh ka jingsumar ba kyrpang, bad ka jingkhang ia kiba kum kine ka lah ban ialam sha ka jingduh ia ki jingim ba kordor.

Ki la don ruh katto katne ki jingjia ha kaba ki nongtrei ka koit ka khiah ki la shah peit matdong (stigmatized), te ka Sorkar ka kyntu ia u paidbah bad kyrpad ia ka jingiatreilang na baroh ki community members ba kin don ka jingsngewthuh bad ka jingsngew ba kyrpang ia ki nongtrei ka koit ka khiah bad ia ki doctor kiba la trei shitom bad buh iala ka jingim ha ka jingma ban iada ia u paidbah bad kumjuh ruh ba kin sngewthuh ba ka jingshakri ba ki ai ka long donkam eh haduh katta katta.

Kum ban shu pyntip ba ha ki hospital baroh ki nongtrei ki la long husiar bha ban bud pyrkhing ia baroh ki lad jingiada ha kaba iadei bad COVID-19 bad kumjuh ruh ki la long kiba phikir ha ka rukom im ha hospital ne shimet shimet bad ki la pynduna ia iaid ka ieng jongki ruh katba lah ei.

Te namarkata, la kyrpad ia kito ki ba dei peit bad ia baroh ba kin pynthikna ba kan ym don kano kano ka jingwit ia ki nongtrei ka tnad ka koit ka khiah bad  ba kin shah ban leit trei  bad ban wan phai hala ki iing ki sem ia ki nongtrei jong baroh ki hospital khlem da pyndik bad ban pynduna ia ka jingbunkam (pressure) jongki ba ki la don lypa  ha ki kti na kadaw jong ka jinglong jingman ka pyrthei.

                                                                                Sd/ 
                               Commissioner & Secretary to the Government of Meghalaya,
                                                   Health & Family Welfare Department.

Ki jingbthah ha kaba iadei bad ki iew ki hat ban tehlakam ia ka jingsaphriang jong ka khlam Covid-19

1.      Baroh ki iew ki dei ban don ka ‘Market COVID-19 Management Committee’ ban bud ryntih ia ki kyndon ba la bthah da ka tnad Health and Family welfare. Ka Market COVID-19 Management Committee ka dei ban sanitize ia ka iew shuwa ban sdang iew bad hadien da wai ka iew. Ka dei ban peit ia ka jingpynbiang ia ka um ban sait kti. Ki dei ruh ban buh ia ki jingbthah ha kaba dei bad ka koit ka khiah ne ka khlam Covid-19 ha ki katto katne ki jaka ba lah ban iohi bha u paidbah. Ka dei ban peit ruh ba ki briew kin lehkhuid, kin ym bret pathar ia ki niut, ba baroh kin bud beit bud ryntih ia ki kyndon treikam ba la buh da ka sorkar bad ka Market COVID-19 Management Committee bad ban dainkuna ia kito ki briew kiba pynkhein.

2.      Ki dukan die madan kim dei ban iajan than bad ki dei ban don ka jingiajngai kumba 2 meter eiei na kawei ka dukan sha kawei pat bad ba kin ym khang ia ki lynti iaid paidbah.

3.      Baroh ki dei ban wan sha iew tang lada donkam eh ban thied jingthied bad ban leit phai noh bran bran sha la ki iing ki sem bad ki shnong ki thaw tang shu dep thied dep tda. Kim dei ban ia shongkai ne shang makhia ha ki iew ki had ne ki jaka paidbah ioh ki ioh ia kane ka khlam Covid-19.

4.      Kito kiba sngew shitom bad ki paw ki dak ki shin jong ka jingpang Covid-19 ne kito ki ba don ia katei ka jingpang kim dei da lei lei ban wan sha iew. Hynrei ki dei ban pyntip mar mar sha ka District Control Room ne sha ki bor ba dei peit ia ka koit ka khiah.

5.      Haba wan iew da ki kali, kin sngewbha ban shong tang 50 percent jong ka seating capacity kata tang 3 ngut ki briew bad u Draibar ha ki kali rit kum ka Alto, Maruti, etc. bad tang 5 ngut  briew  bad u Draibar ha ki kali heh kum ka Sumo, Bolero, etc.

6.      Baroh ki dei ban deng ia ki mask ha ki jaka paidbah bad lada kim deng mask yn sa dainkuna bad yn ym shah ban rung hapoh iew.

7.      Shuwa ban rung hapoh iew bad ynda mih na iew dei ban sait ia ki kti da ka um bad ka sabon kumba 20 second eiei lane pyndonkam da ka hand sanitizer.

8.      Ki nongwan iew ki dei ban wanrah la ki jong ki pla iew bad ban pynduna ia ka jingpyndonkam ia ki plastic ban pynduna ia ka jingsaphriang jong une u khniang jingpang Covid-19.

9.      Haba don hapoh iew ki dei ban pyniajngai parabriew kumba  hynriew phut eiei ne kumba 2 meter bad ki dei ban ieng da u lain. Ki nongdie dukan ki dei ban shim ka jingkitkhlieh ban pynieng lain bad ban peit ba kan ym don ka jingialum briew shijaka hakhmat ka dukan ka jongki.

10.  Yn ym shah ban dih sikret, biri, duma, kyiad ne bam gutka bad ban biah pathar ha ki jaka paidbah bad lada lap yn sa pynshitom katkum ki kyndon ain. Haba synriah ne jyrhoh dei ban da tap bha ia ka shyntur bad ka kmut da ka jain.

11.  Ym dei ban bret pathar ia ki jakhlia hynrei dei ban bret ia ki ha ki jaka ba la buh lane ha ki jaka bret niut.

12.  Haba iakynduh ia ki paralok hapoh iew ym dei ban iakhublei kti, iadoh, ia kdup hynrei dei ban ieng kham pajih kumba hynriew phut eiei bad sa iakren hynrei kim dei kim dei ban pynlut por ha kaban iakynduh briew ha iew lane ban ieng kai.

13.  Ki nongshong dukan ki dei ban leh khuid ia ki dukan jong ki, ban deng da ki mask ha ka por ba ki don ha dukan, kim dei ban iashongkai ha ki dukan jongki, ki dei ban pynieng da u lain ia ki nongwan thied jingthied bad ban pyniajngai kumba hynriew phut eiei, ban ym bret pathat ia ki niut ki nier hapoh iew hynrei ba ki bret ha ki jaka bret niut ba la buh.

14.  Ki volunteers ki dei ban peit ba ka iew kan khuid kan suba, kin peit ba ki briew ki bud ryntih ia ki kyndon treikam kum kaba deng ia ki mask, pyniajngai parabriew, sait ia ki kti bad ban report ha ki Assisting officers lane ha ki Magistrates lada don kino kino ki ba pynkhein ia ki kyndon treikam lane lada don kino kino ki jingeh.

15.  Ki briew kiba kham rangbah, ki khyllung khynnah ba hapoh 10 snem ka rta, ki longkmie ba armet bad ia kito kiba don ki jingpang ba bunjait kum ka jingpang shini, jingpang klongsnam bad kiwei kiwei ki jingpang kim dei ban wan shaiew lait noh tang lada ki donkam eh bad ki wan shim dawai.

16.  Ynda la wan na ki jaka paidbah kum ki iew ki hat, ki jingialang bad kiwei kiwei de baroh ki dei ban da sum bad sait noh ia ki jain shuwa ban rung hapoh iing bad ia kynduh ia kiwei ha ki ba haiing.

17.  Baroh ki dei ban install ha ki phone jongki ia ka AAROGYA SETU APPLICATION bad ban update shaphang ka koit ka khiah na ka por sha ka por.

18.  Lada pynkhein bad iaid lait ia ki kyndon treikam ba la buh da ka sorkar, I Deputy Commissioner I lah ban khang noh ia ki iew.

Kum ki nongshong shnong hapoh ka jylla to ngin iatreilang da kawei ka mynsiem ban iakhun pyrshah ia kane ka thma jong ka khlam bad iwei pa iwei ngin shim ka jingkitkhlieh ban ialeh pyrshah ia ka khlam Covid-19. 

*Khublei Shibun*

Ki kyndon pyniaid kam (SOP) ban iada bad teh lakam ia ka jingsaphriang u COVID-19 ha ki jaka leh niam/iingmane

GOVERNMENT OF MEGHALAYA

POLITICAL DEPARTMENT

*********

JINGPYNBNA

No. POL.85/2020/Pt I/112                         Dated: Shillong the 6^th June, 2020

Ki kyndon pyniaid kam (SOP) ban iada bad teh lakam ia ka jingsaphriang u COVID-19 ha ki jaka leh niam/iingmane

1. Nongrim

Hadien ka jingbujli noh ia ka Order No. POL.85/2020/Pt I/111 jong ka 5 tarik u Jylliew, 2020, la pynbna ia kine ki kyndon pyniaid kam harum:

Ha kane ka bynta, ka Sorkar Meghalaya ka la pynlong ia ka jingialang bad ki nongialam jong ki jait niam bapher bapher ha ka 5 tarik Jylliew, 2020 ha Yojana Bhavan, Main Secretariat, Shillong ban iamir jingmut halor ki lad jingiada ban shim ha ki jaka leh niam/iingmane. Da kaba pynshong nongrim na ki jingiamir jingmut, la shim ia kine ki kyndon pyniaid kam (SOP) harum.

2. Jinglong

            Ki jaka leh niam/iingmane ki dei ki jaka kiba bun bah ki briew ki leit ban ioh jingtngen ha ka mynsiem. Ban iada ia ka jingsaphriang u COVID-19, ka long kaba donkam ban don ka jingpyniajngai iwei na iwei bad ban bud ia kiwei ki lad jingiada ha kum kine ki jaka.

Kane ka dulir ka batai ia ki lad jingiada kiba kyllum ban bud nalor ki lad jingda kiba kham kyrpang kiba donkam ban shim ha kano kano ka jaka ban iada ia ka jingsaphriang u COVID-19.

Ki jaka leh niam/iingmane kiba don ha ki jaka ba dang pyrkhing ia ka rung ka mih ne containment zones kin dang khang khyrdep. Tang kito kiba don shabar jong ki jaka ba pyrkhing ki lah ban plie.

3. Ki lad jingiada kyllum

La ai jingmut ia ki briew kiba la palat 65 snem, ki briew kiba don palat kawei ka jingpang, ki longkmie ba armet bad ki khynnah kiba hapoh 10 snem karta ba kin shong shwa ha iing. La bthah ruh ia ki nongpyniaid ia ki jaka mane ba kin pynthikna ia kane.

Ki lad jingiada ba la shim kyllum ki kynthup ia ki lad iada jingpang kiba dei ban bud ban teh lakam ia u COVID-19. Baroh ki dei ban bud ia kine ki lad jingiada (ki nongpyniaid bad ki paidbah) ha kine ki jaka.

Kine ki kynthup:

i.              Katba lah, ki briew ki dei ban pynpajih ialade kumba 5 phut ha ki jaka paidbah.

ii.            Dei ban pynthikna ba baroh ki deng ia ki jingda khmat/mask

iii.          Dei ban pynmlien ban sait ia ki kti da ka sabon (kumba 40-60 sekhon) wat la ki kti ki khuid. Haba don lad, dei ban pyndonkam ruh bad ki dawai sait kti kumba 20 sekhon.

iv.          Dei ban bud pyrkhing ia ki lad iada jingpang. Kane ka kynthup ia ka jingda ia ka shyntur bad khmut haba jyrhoh/synriah da ki tissue/rumal/tymbuit bad bret ha ka rukom ba dei ia kine ki tissue.

v.            Sngap thuh bha ia la ka koit ka khiah bad haba sngew shitom dei ban pyntip mar mar sha ki bor ba dei peit ha ka jylla bad distrik lyngba ki nombar iarap.

vi.          Dei ban mana pyrkhing bha ia ka jingbiah pathar ha ki jaka paidbah.

vii.        Dei ban ai jingmut ia baroh ba kin buh bad pyndonkam ia ka Aarogya Setu App.

4. Baroh ki jaka leh niam ki dei ban pynthikna ba:

i.                        Dei ban buh ia ki dawai sait kti bad pynbiang tiar thew jingshit ha khyrdop.

Ki nongpyniaid ia kine ki jaka leh niam ki dei ban buh order ia kine ki tiar thew jingshit bad ki District Medical and Health Officer, ka tnat ka Koit ka Khiah jong ka Sorkar Meghalaya bad ka tnat kan pynbiang ia kine ki tiar thew jingshit hadien ba la dep siew.

ii.                      Tang ki briew ki bym don dak jingpang yn shah ban rung sha ki jaka leh niam.

iii.                    Yn shah ia ki briew ban rung tang lada ki pyndonkam ia ki jingda khmat/mask.

iv.                    Dei ban wah ne pynieng ha jaka ba iohi bha ia ki poster ha ka ktien Phareng bad ktien lajong kiba batai ia ki lad jingiada na u COVID-19. Ka tnat ka Koit ka Khiah jong ka Sorkar Meghalaya kan pynbiang ia kine ki jingdonkam. Dei ruh ban pyni ne pynsngew lyngba ki jingkren bad video ban pynphriang jingtip halor ki lad jingiada na u COVID-19.

v.                      Lada long, lah ban phah wan suki suki ia ki paidbah.

Na ka bynta kane, ki Balang ki lah ban pynlong bun tylli ki jingshakri ha ki jingmane ha kano kano ka sngi. Ka por long jingiaseng la buh ba kam dei ban palat ia ka shi kynta.

vi.                    Lada lah, dei ban loit ia la ki juti ha la ki jong ki kali. Lada donkam, ki briew ki dei ban buh hi ia la ki jingphong kjat ha ki jaka ba la buh kyrpang.

Lait nangta, dei ban pynbiang ka jaka ban buh ia ka kynja jingdiang ha khyrdop ban sait dawai ia ki juti.

vii.                  Dei ban buh ki briew ban pyniaid ia ki paidbah ha ki jaka pynieng kali bad shabar jong ki jaka mane - da kaba bud ia ki kyndon pynpajih para briew.

viii.                Lada don ki dukan, ki jaka dih kophi bad kiwei shabar ne hapoh ki sawdong sawkun jong ka jaka mane dei ban bud pyrkhing ia ki kyndon pynpajih para briew.

ix.                    Dei ban buh da ki dak pyniajngai ban pynieng ia ki briew khnang ban pynthikna ba ka don ka jingpynpajih ia ki briew ha ki jaka mane.

x.                      Lada lah dei ban buh la ka jong ka jaka rung bad jaka mih ia ki paidbah.

xi.                    Dei ban pyniajngai iwei na iwei kumba 5 phut haba ieng ban rung shapoh.

xii.                  Ki paidbah ki dei ban sait ia la ki kti bad kjat da ka sabon bad um shwa ban rung shapoh.

xiii.                Dei ban pynbiang ia ki jaka shong ha kata ka rukom ba kan don ka jingpajih para briew.

Ha kaba iadei bad ki Iingmane, ka jingshah ban rung ia ki briew ha ka por long jingiaseng kam dei ban palat ia ka shibynta na ka laibynta ka jingdon ki jaka shong ha ki iingmane. Nalor kata, kawei ka ben hapdeng artylli ki ben shong dei ban ieh thylli. Ki briew ki dei ruh ban pynpajih kumba 5 phut na ki para briew.

Kumjuh, ha ki Temple, ki Mosque, Gurudwara bad kiwei ki jaka mane, ki briew ki dei ban pynpajih ialade kumba 5 phut iwei na iwei.

xiv.                La shah ia ki jingiathoh shongkurim ha ki jaka lehniam, bad ki nongwan kim dei ban palat ia ka shibynta na ka laibynta ka jingngiam jong ka jaka lehniam bad ki briew ki dei ban pynpajih ialade kumba 5 phut.

xv.                  Na ka bynta ki kor pynpyngngad/jaka pyllait lyer, dei ban bud ia ki jingbthah jong ka CPWD kaba batai ba ka jingshit jingkhriat ban buh ha baroh ki kor pynpyngngad ka dei ban long hapdeng 24-30^oC, ka jingsngem ka dei ban long hapdeng 40-70%, dei ban don ki jaka ba pyllait ban rung lyer khuid bad dei ban biang ki jaka rung bad mih lyer.

xvi.                Ym shah ban ktah ia ki statue/ki dur blei/ki kitab bakhuid bad kiwei.

              Ia ki Balang, ki briew ki dei ban wanrah la ki jong ki kot jingrwai bad ki Baibl bad dei ban kiar na kaba iapyndonkam lang.

xvii.              Yn dang khang ia ka jingialum briew/jingiaseng heh.

              Na ka bynta ki Balang bad ki mosque, la pynshai ia kane ha ki jingbatai haneng.

xviii.            Namar ka jingma na ka jinglah ban saphriang ka jingpang, katba lah dei ban shu rekod bad pyntem ia ki jingrwai niam bad ym dei ban shah rwai ia ki choir ne kynhun nongrwai.

              Ha ki iingmane, wat haba rwai dei ban da beit ia ki mask.

xix.                Kiar na ka ba pyndei para briew haba iakhublei.

xx.                  Dei ban kiar na kaba pyndonkam lang ia u shylliah haba duwai bad ki bangeit ki dei ban wanrah la u jong u shylliah ne jain siang ia kaba ki lah ban rah noh bad ki.

xxi.                Ym dei ban shah ban sam para kti kum ki prasad/sam ne synreit umkhuid bad kiwei ha ki jaka mane.

Ha ka por ba don Holy Communion ne Jingkhawai u Trai ha ki iingmane, ki Phadar/Pastor/Briew kiba sam ia ka Jingkhawai u Trai ki dei ban thet bad sait dawai ia la ki kti, bad phong da ki jingda kti lada long, shwa ban sam ia ka Jingkhawai u Trai bad ban pynthikna ba ym don ka jingpyndei para briew.

              Namar ha ki iingmane, la ieh thylli ia kawei ka lain shong briew hapdeng ki artylli ki lain, kumta yn shah ban lum bad pdiang jingtyrwa.

              La ai jingmut ba ka bha ba pynsangeh shwa ia ka Jingpynbaptis.

xxii.              Dei ban bud ia ki kyndon pynjngai para briew ha ki jaka shet paidbah/langar/Ann-daan bad kiwei ha ki jaka leh niam haba shet bad sam jingbam.

xxiii.            Dei ban sait bad pynkhuid bha ia ki jaka leh niam bad khamtam eh ia ki painkhana, ki jaka sait kti sait kjat.

xxiv.            Ki bor pyniaid ia ki jaka mane ki dei ban pynkhuid bad sait dawai bunsien ia ki jaka leh niam.

xxv.              Dei ban sait bunsien ia ka madan jong ki jaka leh niam.

xxvi.            Dei ban pynbiang ia ki jaka bret ia ki jingda khmat/mask/jingda kti kiba ki bangeit ne ki nongtrei ki kum ieh.

xxvii.          Katba lah, ki balang bad ki jaka leh niam ki lah ban leh live streaming ia ki jingshakri, ki jingduwai bad kiwei ki jingleh niam ban iarap ne ai bynta lang ia ki briew kiba la tymmen, ki khynnah bad ki briew kiba don bun jingpang.

xxviii.        Lada don jingsuba ne don ba ioh ia u COVID-19 ha jaka mane:

1. Buh ia u nongpang ha ka kamra ne jaka kaba pynkyrpang na kiwei.
2. Pynbiang ka mask/jingda khmat tad haduh ba u doktor un da eksamin ia u/ka.
3. Pyntip mar mar sha ka jaka sumar pang kaba don hajan (hospital/clinic) lane phone sha ki bor ba dei jong ka jylla lane distrik.
4. Ki bor ba dei peit ia ka koit ka khiah (district RRT/u doktor sumar pang) kin sdang ia ki kam kum kaba sumar ia u nongpang, ban wad ne test ia ki briew kiba u/ka ki iakynduh bad ka jingdonkam ban synreit dawai.
5. Dei ban sait dawai ia ka jaka baroh kawei lada shem ba u/ka briew ki ioh ia ka jingpang.

(Shri. M.S. Rao, IAS)

Chief Secretary

Government of Meghalaya

State helpline number:108

Control Room Helpline Number, Integrated Disease Surveillance Programme
State Surveillance Unit	9366090748
East Khasi Hills	7085281316
West Khasi Hills & South West Khasi Hills	9485395373
West Jaintia Hills & East Jaintia Hills	6009693315 03655230605 7628075990·
West Garo Hills & South West Garo Hills	9864939334
Ri Bhoi	8787520449
East Garo Hills & North Garo Hills	9485113132
South Garo Hills	7085100406

.