Hiar jurip u Minister ha SWKHD halor ka jinglong ba la kreh ka District ban tehlakam bad iakhun pyrshah ia ka khlam COVID-19

Mawkyrwat, Jymmang 07, 2021; U Ma Sniawbhalang Dhar, Hon'ble Minster jong ka Transport Department, Government of Meghalaya mynta ka sngi u la hiar jurip ia ka South West Khasi Hills District ban peit ia ka jinglong ba la khreh jong ka District ha kaban tehlakam bad iakhun pyrshah ia u kniang jingpang COVID-19. Ha katei k prokram ba la pynlong hapoh Multi-Purpose Hall DC Campus la iadon lang ruh ka DC, SP, ADCs, SDO (C) Ranikor, BDO jong ka Mawkyrwat bad Ranikor C& RD block, Bah Renikton Lyngdoh Tongkhar MLA Mawkyrwat Constituency, Bah Carnes Sohshang, MDC Mawkyrwat Constituency, DM&HO Mawkyrwat, District Surveillance Officer, ki Zonal Magistrates, ki nongtrei ka tnad ka  koit ka khiah, ki Nongialam niam, ki Nongialam Shnong, ki ophisar sorkar bad kiwei ki riewrangbah. 

         Haba kren ha katei ka sngi u Ma Sniawbhalang Dhar u la ong ba ka kham suk ban iakhun pyrshah ia u nongshun ba ngi iohi ban ia kaba ialeh pyrshah ia u nongshun ba ngim iohi kum ka jingialeh ba mynta pyrshah ia u khniang COVID-19. U la pynpaw ka jingsngewkmen ban iohi ba ka District ka la long kaba la kreh ban tehlakam bad iakhukhun pyrshah ia ka khlam hapoh ka District. U la pynpaw ruh ba ka sorkar ka shikmkhia bha bha shaphang ka entry bad exit point ha Umling ha ka juh ka por ka la phah ia ki minister ha jan man ka district ban leit jurip ia ka jinglong ba la khreh khnang ba lada jia ba ka jur ka jingpur sted u khniang jingpang COVID-19 kin long kiba la kreh.  U la bynrap ruh ba ki shnong ki thaw ki don ka bynta ba khraw eh ban tehlakam ia ka jingpur sted u tei u khniang jingpang da kaba ong ruh ba ki Nongialam shnong ki dei ban long ki nongpeit nongkhmih ha kino kino ki kam iathoh ne jingiap briew khnang ba ki briew kin bud ryntih ia ki jingbthah ka sorkar ba dei ban don tang 20 ngut ki nongshim bynta. U la ong ba ka long kaba eh shisha ban iakhun ia ka khlam namar ka long ka jingiakhun pyrshah ba ktah ia ka ioh ka kot bad ka koit ka khiah. U la ong ruh ba ka sorkar kam shim ka rai kyllum na secretariat ban peit ia ki district hynrei ka la pynkup bor ia ki Deputy Commissioner ba kin peit katkum ka jingdonkam ka District. U la pynpaw ruh ia ka jingsngewkhia halor ka jingsaphriang ki khubor hamsaia shaphang ka tika iada COVID-19 bad halor ka jingpeit mationg ia ki iing ki sem bad ia kito kiba ioh COVID-19 positive case bad u da kyntu ia ki bor pyniaid District ba khin shimkhia ban pynshitom ia ki briew ba leh kum kitei ki kam. U la kyntu jur ia ki paid nongshong shnong ba kin shimkhia bad leit ai ia ka tika iada khnang ban dup lah ban iada na ka jingpur sted u tei u khniang jingpang. U la khot ia ka jingiatreilang jong ki Balang bad Nongialam shnong ban pynsngewthuh ia u paidbah bad ban khring ia ka mynsiem jongki khnang ba kin leit ai tika iada. U la pynkut da kaba ong ba dei tang ka jingiatreilang ba pynpaw da ki kam ba  ngin sa lah ban iakhun pyrshah ia kane ka thma pyrshah ia ka khlam COVID-19.

          U MLA ka Mawkyrwat Constituency u Bah Renikton Lyngdoh Tongkhar, u ba long ruh u  Minister PHE jong ka Sorkar Meghalaya u la ong ba dei tang da ka jingai tika iada COVID-19 kaba long ka lynti kaba lah ban iakhun pyrshah ia kane ka thma pyrshah ka khlam COVID-19. U la bynrap ruh ba ka jingjop ka dei ka jingrai jongngi iwei pa iwei ban ialeh pyrshah ia kane ka khlam bad lada ngi mon ban ialeh pyrshah marwei marwei ngi dei ban shim ka rai ba ngim ym pynsaphriang ia u ne u khniang jingpang sha kiwei bad ba ngim dei ban ioh na kiwei ruh. U la pynpaw ba kawei na ki jingeh kum ki nongialam paidbah ka long ban kiar na ka jingleh ieid ki parabriew namar ki paidbah kiba pyni ia ka jingieid ba shisha jong ki hynrei u la ong ba ka kham bha ban kiar ban iakaba siewkylliang da u khniang jingpang ia ki. U la kyntu ia ki paidbah ka District ba kin ym tieng ban ai tika iada COVID-19 namar ba kam don kaei kaei kaban ktah iangi. U la bynrap ruh haba peit ia ki khana samari naduh hyndai hynthai haba don ka khlam ki don beit ki tika iaka kumjuh ruh ka jingpyniajngai parabriew. U la ong ruh tangba ngi dei na ka juh ka shnong ngim dei ban khein shlur palat ba ‘para mangi ym ju lei lei’ namar ngim tip ba ngi lah ban long pynban ki nongkit ia u tei u khniang jingpang.

     U Bah Carnes Sohshang, MDC Mawkyrwat Constituency u la ong ba ka jingwan jurip jong ki minister kan sa iarap ia ka District ban nang pynbha shuh shuh ia ka rukom pynkhreh ban tehlakam ia ka khlam COVID-19. U la ong ba ngi baroh ngi wan ha ka jingialang da ka jingsngewkhia namar ka jingeh ba wanrap biang kane ka khlam bad ngi mat biang ia ka jingjynjar. U la pynpaw ba kum u nongmih khmat u paidbah u la shem ba ki briew ki la mat shibun ki jingeh bad ki shnong ruh ki la jynjar bha namar namar ka jingwan ka khlam. U la pynpaw ruh ba ka long kaba donkam ban sdang biang ia ka check point, ban ym don kyrkhieh ia ka jingkhang khyrdep hapoh ka district namar ba ki ba bun ki nongpang ki dei ki ba wanphai na shabar, ka jingdonkam ban dang pynkhlain bad pynbun ki hospital bad ki nongtrei ka tnad ka koit ka khiah hapoh ka district bad u la kyntu ruh ba baroh ki dei ban ai ia katika iada COVID-19. U la pynkut da kaba ong ba u long u ba la kloi ban leit sha kino kino ki jaka ban leit pynsngewthuh ne ai jinghikai ia ki paidbah halor ki ka tika iada ne kumno ban tehlakam ia ka khlam COVID-19 lada donkam.

 

Ka kong J.U Kharpuri, ADC ka la ai jingtip shaphang ka jingpynkhreh ka District ha kaba iadei bad ka khlam COVID-19. Ka la iathuh ba ia ka District la phiah ha ki Zones bad ki don 

16 tylli ki zones ha ka area Mawkyrwat bad 7 tylli ki zones ha ka area Ranikor ha kaba  la peit ia kitei ki zones da ki Zonal Magistrates bad Sectors officers ha ryngkat ka jingiatreilang bad ki nongialam shnong. Ka la iathuh ruh ba la pynkhie im biang ia ki 166 tylli ki CCMCs and BCMC ha ka thain Mawkyrwat bad ki 170 tylli ki CCMCs and BCMCs ha ka thain Ranikor. Ka la bynrap ba hapoh ka District ki institutional quarantine centre ki don kumba 7 tylli ha ka thain Mawkyrwat bad 2 tylli ha Ranikor, ki Community quarantine centre hapoh ka thain Mawkyrwat ki don 166 tylli bad ha ka thain Ranikor ki don kumba 170 tylli, ki Market Covid Management Committee ki don 5 tylli ha ka thain Mawkyrwat bad 3 tylli ha ka thain Ranikor. Ka la iathuh ruh ba ka District ka la pyniaid ia ka jingai tika haduh ki shnong ki thaw.

         U Dr. W.N Narry, District Surveilance Officer, Mawkyrwat u la kren halor ka rukom pynkhreh ka tnad ka koit ka khiah bad ki tiar ki tiar ki tar ba donkam ba ka district ka don haduh mynta ban tehlakam ia ka khlam COVID-19. U la iathuh ba ka jingai tika iada ka dang iaid shakhmat hynrei ka jingwan ki briew ban shim ia ka tika ka dang long tang 23% bad ka dang duna bha hapoh ka District.

      Ka Kong Caramai Kharkongor, IAS, Deputy Commissioner, South West Khasi Hills District Mawkyrwat kaba la pyniaid ia katei ka jingialang ka la ai ruh ia ki ktien lamphrang halor ka jingpang COVID-19. U Bah W. Biam MCS, ADC Mawkyrwat u la ai ia ki kyntien pdiang sngewbha, U Bah L. K Diengdoh MCS, u la long u nongpyniaid ia ka jingiathir jingmut bad ki paidbah bad u Bah K. Thabah MCS, u la ai ia ki kyntien ai khublei ha katei ka prokram.

Hukum ka DC ban khang khyrdep ia baroh ki Skul LP bad UP hapoh ka District

Mawkyrwat, Iaiong 28, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia ka hukum ba namar ka jingkiew sted ki ba ioh Covid-19 positive case ha ka Jylla hi baroh kawei bad hapoh ka District bad ban iada na ka jingsaphriang shuh shuh jong utei u kniang jingpang, te namarkatta, la bthah ba baroh ki Lower Primary bad Upper Primary School hapoh ka District kin khang lut baroh naduh ka 1 tarik Jymmang, 2021 bad haduh ban da pynmih da kawei pat ka hukum. Ki Secondary School pat kin plie tang mar shiteng jong ki jaka shong hapoh ka kamra klass. Hynrei ia baroh ki Board examinations la shah ban pyniaid beit kumba la pynbeit.

 _______________________________________

LP and UP schools shall remain totally closed from 1^st May, 202: DC SWKHD

Mawkyrwat, April 28, 2021: The office of the Deputy Commissioner, South West Khasi Hills District, Mawkyrwat issued an order that due to a surge in Covid-19 positive cases across the State and the District in particular and to prevent further spread of the virus, it is directed that all Lower Primary and Upper Primary Schools in the District shall remain totally closed from 1^st May, 2021 until further order. The order also said that Secondary schools shall remain open with half-capacity of the class room while all Board examinations are allowed to be conducted as per Schedule.

Public gathering shall remain suspended from 1st May, 2021: DC SWKHD

Mawkyrwat, April 28, 2021: Due to a surge in Covid-19 positive cases across the State and the District in particular and to prevent further spread of the virus, the office of the Deputy Commissioner, South West Khasi Hills District, Mawkyrwat issued an order that all official and non-official training classes, public awareness campaigns, meetings and other public gatherings/congregation etc shall remain suspended from 1^st May, 2021 until further order. The order also said that attendance in funeral is restricted to only 20 people.

__________________________________________

Pynsangeh shuwa ia baroh ki jingialum paidbah bad yn shah tang 20 ngut ha ka jingleit on tep naduh ka 1 tarik Jymmang, 2021: DC SWKHD

Mawkyrwat, Iaiong 28, 2021: Namar ka jingkiew sted ki ba ioh Covid-19 positive case ha ka Jylla hi baroh kawei bad hapoh ka District bad ban iada na ka jingsaphriang shuh shuh jong utei u kniang jingpang, ka Deputy Commissioner, South West Khasi Hills District, Mawkyrwat ka pynmih ia ka hukum ba baroh ki official bad non-official training classes, public awareness campaigns, meetings bad kiwei ki jingialum paidbah kin pynsangeh shuwa naduh ka 1 (shi) tarik Jymmang, 2021 bad haduh ban da pynmih da kawei pat ka hukum. La bthah ruh ba ki nongleit shim bynta ha ki jingleit ontep ki dei ban long tang 20 (arphew) ngut.

 

Information regarding Malaria/World Malaria Day

 

Advisory for Travellers and High-Risk Contacts/

Mawkyrwat, April 27, 2021: Smti. C. Kharkongor, IAS, Deputy Commissioner, South West Khasi Hills District, Mawkyrwat issued this advisory for travellers and high-risk contacts. In view of the increase in number of COVID cases and rise in hospitalizations across the country, there is a need to take precautionary measures to prevent the spread of coronavirus in the State. Therefore, in order to reduce the possibility of spreading the virus, all persons who have entered the State from outside and all those persons who are identified as high-risk contacts are hereby advised to undergo home quarantine for 7 (seven) days, even if the result of the COVID test undergone is negative.

An important note that people need to keep in mind is that all persons under quarantine should diligently follow the three recommended COVID-19 Appropriate Behaviour at all times, i.e., wearing mask. maintaining social distancing and practicing hand hygiene. All persons under quarantine are to closely monitor their health. Upon development of any symptoms of COVID-19, such individuals should self-report to the nearest healthcare facility ANM/ ASHA worker. They can also report their symptoms on 14410-State Level COVID helpline or to the District Control Room at 6909904336/9485153533/6033162971.

_______________________________________

Ki jingbthah ia ki Nongleit Nongwan bad ia ki High-Risk contacts

Mawkyrwat, Iaiong 27, 2021: Ka Kong C. Kharkongor, IAS, Deputy Commissioner jong ka South West Khasi Hills District, Mawkyrwat ka la pynmih ia ki jingbthah ha kaba iadei bad ki nongleit nongwan bad ki high-risk contacts kum shibynta ban shim ia ki lad jingiada ban tehlakam ia ka jingpur sted jong u kniang jingpang COVID-19 hapoh ka jylla. Te namarkatta, ban pynduna ia ka jingsaphriang jong utei u kniang jingpang, baroh kito kiba la wanrung hapoh ka Jylla na kiwei pat ki jaka bad baroh kito ki ba la pyntip kum ki high-risk contacts la kyntu ba ki dei ban shong pynkynkyrpang ialade ha iing (home quarantine) kumba 7 (hynniew) sngi, wat lada ka result jong ka COVID test ka long negative.

Ka ophis ka pynkynmaw ruh ba baroh ki briew ba don hapoh ka jingshong pynkyrpang (quarantine) ki dei ban bud bniah borabor ia ki 3 (lai) tylli ki jingbthah ba iadei bad ka COVID-19 Appropriate Behaviour ba kynthup ia ka jingdeng ia ka jingda khmut bad shyntur (mask), ban pyniajngai parabriew (social distancing) bad ban bud ia ki jingleh khuid jong ki kti. Baroh ki briew ba shong pynkyrpang ialade ki dei peit pyrman bha ia ka jinglong jingman ka koit ka khiah jongki. Lada jia bad paw kino kino ki dak ki shin jong u COVID-19, kum kita ki briew ki dei ban pyntip hi da lade sha ki jaka sumar ba hajan tam, ANM/ ne ki nongtrei ASHA. Ki lah ruh ban pyntip ia ki da ki shin sha u number 14410-State Level COVID helpline lane sha District Control Room lyngba ki number 6909904336/9485153533/6033162971.

Buh mawnongrim u Minister PHE ban tei ia ka Mawkyrwat Rural Haat/ Foundation Stone Laying Ceremony for Mawkyrwat Rural Haat

Mawkyrwat, Iaiong 23, 2021: Ka Meghalaya State Rural Livelihood Society (MSRLS) ha ryngkat ka jingiatreilang bad ka Block Mission Management Unit, Mawkyrwat mynta ka sngi ki la pynlong ia ka prokram ban buh ia u mawnongrim na ka bynta ban tei ia ka Mawkyrwat Rural Haat kaba la pynlong ha ka madan hajan Mawkyrwat Community Hall haka ba u Bah Renikton Lyngdoh Tongkhar, Hon'ble Minister PHE bad MLA ka Mawkyrwat Constituency u la long u kongsan ha ryngkat ka jingiadon lang ka kong kong C. Kharkongor, IAS, Deputy Commissioner, u James George, DGM NABARD, Shillong, u Utpal Bezbarauh, DDM NABARD, Nongstoin,  u U Bah F.B Basan, BDO, Mawkyrwat, u T.Bn. J. S Khardewsaw, Balang Presbyterian Mawkyrwat, myntri shnong Mawkyrwat bad kiwei de.

Haba kren kum u kongsan ha katei ka sngi u bah Renikton Lyngdoh Tongkhar, Hon'ble Minister PHE bad MLA ka Mawkyrwat Constituency u ong ba katei ka sngi ka ai jingkyrmen shi katdei haban ioh ban plie ia u mawnongrim jong ka rural haat (iew nongkyndong) kaban long ka jaka ban kyntiew ia ka ioh ka kot, ka rep ka riang bad ban pynphyrnai ia ka imlang sahlang. U la pynpaw ruh ba ka jingplie ia ka iew shipor (temporary farmers market) ka long kawei ka lad ban ialeh pyrshah ia u khniang jingpang COVID-19 lyngba ka jingpyniajngai parabriew. U la pynpaw ruh ia ka jingkmen ba ki ophisar sorkar ki la shimkhia ban kham pynjanai ia ka iew shipor. U la ong ruh ba ka jingbuh ia u mawnongrim ban tei ia ka iew nongkyndong ba bha kan sa pynduna ia ka jingkhapngiah ha iew mawkyrwat bad kan sa plie lad ban nang kham bun ki dukan ba bha ha Mawkyrwat kum ki restaurant ba kham bha bad ba kylluid ka jaka ieng kali. U la pynpaw ruh ia ka jingsngewnguh ia ka Balang Presbyterian kaba la noh synniang ban ai ia ka jaka ban tei ia ka iew bad ia ka jaka sah jong ki kynthei (Girl’s hostel) da kaba ong ba “ka Balang Presbyterian ka la long ka shlem jingkyrkhu ban wanrah ia ka roi ka par ha ka dong ka thain”. U la kyntu ruh ia ki paidbah nong shnongshnong ba ki dei ban bud pyrkhing bha ia ki kyndon treikam COVID-19 kaba kim da donkam ban siew pisa kum ka jingdeng ia ki jingda khmut bad shyntur (masks), ban sait na ka por sha ka por ia ki kti da ka um bad sabon ne ban sanitize, ban pyniajngai parabriew bad ban kiar na ki jaka paidbah.

Ka kong C. Kharkongor, IAS, Deputy Commissioner, South West Khasi Hills District, Mawkyrwat kaba long ka symbud kongsan ha katei ka sngi ka la ong ba katei ka rural haat (iew nongkyndong) kan wanrah jingmyntoi shibun ia ki nongrep ha kaban die ia ki mar rep jongki. Ka la bynrap ba ka jinglong pdeng ka jaka ban shna ia ka iew kan pynsuk ia ki nongdie bad nongthied ban pyndep ia ki kam jongki. Ka la ong ruh ba ki briew kane ka thain kin ioh jingmyntoi shibun na katei ka iew ha ka ioh ka kot jongki kaban kyntiew ia ka imlang sahlang kumjuh ruh kan ai mynsiem ban nang pynmih ia ki mar rep ne ki tiar ki tar jongki. Ka DC ka la shim ruh ia ka lad ban kren halor ka jingdonkam ba hakhmat tam ban shim ia ka tika iada na u COVID-19 ban tehlakam ia ka jingpursted u tei u khniang jingpang. Ka la ong ba ka jingshim tika kan pynduna ia ka jingkhlain bor utei u khniang ban pynshitom iangi bad ka long thik kum ka shatri ba iada iangi ha ka por ba slap.  Ka la pynkut da kaba kyntu ia ki nongialam niam ba kin pynshlur ia ki parabangeit jongki ba kin shim ia ka kabu ksiar ban phah shim ia ka tika iada.

U DDM NABARD jong ka Nongstoin u Utpal Bezbarauh u la ong ba ka Mawkyrwat Rural Haat kan long ka iew nongkyndong kaba heh tam ba la kyrshan pisa da ka NABARD ha ryngkat ka jingiatreilang ka Block Development Office bad ka Meghalaya State Rural Livelihood Society (MSRLS). U la iathuh ruh ba ka jingsynniang pisa ka long T. 15 Lakh na ka NABARD, T. 15 Lakh na ka Block bad T. 3 Lakh na ka MSRLS kaba baroh ka long T. 33 Lakh. U la bynrap ruh ba yn pyndep ban shna ia katei ka iew nongkyndong hapoh ka 1 snem. U la pyntip ruh ba katkum ka saindur (plan) ban shna ia katei ka iew, ka iing ka dei ban long kaba neh junom (permanent), kaba don ka jaka buh ia ki mar ki mata (godown), kaba biang ka um (water facilities), kaba don ki painkhana ba bha (sanitation), kaba biang ka lait (electricity/solar lighting), kaba don ki jaka bret niut (proper disposal of garbage) bad kaba don ruh ka jingker (fencing). U la batai ruh ba ia ka jingtei ia katei ka iew yn sa peit da ka committee ba kyrteng RHMC kaba lamkhmat da u BDO.

U Bah F.B Basan, BDO, Mawkyrwat, u T.Bn. J. S Khardewsaw, Balang Presbyterian Mawkyrwat,bad  U James George, DGM NABARD, Shillong ruh ki la kren ha katei ka sngi. Ka Long A We Village Organisation Mawkyrwat ka la rwai ia ka jingrwai pdiang sngewbha ha katei ka prokram ba la pyniaid da u bah Eson A Khongrymai DMM, MSRLS/NRLM bad ba la ai ia ki kyntien ai khublei da ka kong Rila A. Kharlyngdoh, Mawkyrwat Block.

Ki jingpyrkhing ha kaba iadei bad ki kyndon treikam COVID-19 ha SWKHD

Mawkyrwat, Iaiong 22, 2021: Na ka daw jong ka jingkiew sted jong kiba ioh COVID-19 positive cases ha ri hi baroh kawei bad kum shi bynta ban bud ia ka hukum jong ka Sorkar Jylla ha ka 16-04-2021 lyngba u Chief Secretary jong ka Sorkar Jylla, ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum halor ka jingpyrkhing bad katto katne ki jait kam ba shah ban treikam.

Baroh kiba wanrung hapoh ka Jylla khlem da lait iano iano ki dei ban register ialade ha ka Meghalaya COVID-19 portal http://meghalayaonline. gov.in/covid/login.htm kaba kynthup wat ia ki ba dei napoh ka jylla ruh. Ka jingbun paid ba la shah ha ki jingialum la ki long Religious/Social/Private la pynhiar sha ka 50% ne iwei na ka lai bynta jong ka 100 percent capacity ne kaba kam duna na ka bynta ki jingiakynduh ba hapoh iing bad 100 ngut ki briew ne iwei na ka lai bynta jong ka 100 percent jong ka capacity ne kaba kam duna na ka bynta ki jingiakynduh ba habar. Ha kajuh ka por kito ban pynlong ia ki jingialum paidbah ki dei ban ioh jingbit napoh ka ophis jong ka Deputy Commissioner, South West Khasi Hills District, Mawkyrwat.

Katkum hukum la khang ruh ia ki riewtymmen ba la dap 65 snem ka rta shaneng, ki briew ba don jingpang ba bunjait (co-morbidities), ki longkmie ba armet, ne ki khynnah rit ba hapoh 10 snem ka rta ba kin iaid ha ki jaka paidbah/ne ki jingialum paid ba shimet lait noh tang lada ki long ki ba donkam eh bad ban leit na ka bynta ka jingdonkam ha ka koit ka khiah. Na ka bynta ki jinglehkai ba shabar, ia ki nongpeitkai la shah tang 100 ngut ne ne iwei na ka lai bynta jong ka 100 percent ne kaba kam duna ki nongpeitkai. Ia ki jaka mane blei/Iingmane la shah ban plie bad ka jingbun paid ka dei ban long tang 50% jong ka seating capacity hynrei ki dei ban bud pyrkhing bha ia ki kyndon treikam COVID-19. Yn ym shah ban iaid ha ki jaka paidbah khlem da deng ia ki jingda khmut ne syntur (masks) bad la da don kiba pynkhein yn dain kuna T. 1000 (shihajar).

 ___________________________________________ 

Revised restrictions on permitted activities at SWKHD

Mawkyrwat, April 22, 2021: Due to a surge in COVID-19 positive cases across the country and in compliance to Government Order dated 16-04-2021 from the Chief Secretary, Government of Meghalaya, the revised restrictions on permitted activities includes Registration in the Meghalaya COVID-19 portal http://meghalayaonline. gov.in/covid/login.htm is mandatory for all persons entering the State including residents. Maximum number of persons allowed during any Religious / Social / Private gatherings is decreased to  50 persons or one-third the capacity; whichever is less for indoors and 100 persons or one-third the capacity; whichever is less for outdoors. The concerned parties shall obtain prior permission from the Deputy Commissioner, South West Khasi Hills District, Mawkyrwat.

Moreover, the order also mentioned that movement of persons above 65 years of age. persons with co-morbidities. pregnant women and children below 10 years is prohibited in public places/private gatherings except for essential requirements and medical reasons. For outdoor sports, spectators are permitted up to 100 persons or one-third the capacity: whichever is less. Places of worship may continue to function at 50 % of the seating capacity. However, they shall strictly adhere to the COVID-19 protocols. No movement in public places without wearing a Mask will be permitted and fines of Rs. 1000/- will be imposed for those not wearing mask.