KI RUKOM TREIKAM BA THYMMAI (SOP) HAPDENG KA JINGSNGEWKHIA HALOR U OMICRON HAPOH KA JYLLA MEGHALAYA

 

GOVERNMENT OF MEGHALAYA

HEALTH & FAMILY WELFARE DEPARTMENT

*****

 

No. Health.99/2020/177                                         Dated, Shillong the 10^th January, 2022

HUKUM

KI RUKOM TREIKAM BA THYMMAI (SOP) HAPDENG KA JINGSNGEWKHIA HALOR U OMICRON HAPOH KA JYLLA MEGHALAYA

U ne u khniang jingpang ba thymmai bad ba kylla bha jong u coronavirus yn nang iai kylla katba u ne u khniang jingpang u dang iabit, kylla dur bad pur ialade sha ki briew ba kham tlot bor, ki bym bud ia ka rukom im ba iadei bad u Covid bad kito ki shnong ba duna kiba ai tika. Ka lad ba bha tam ban pynsangeh ia ka jingmih thymmai ka long ban pynsangeh ia ka jingiabit bad jingpur sted lyngba ka jingbud pyrkhing ia ki rukom im ba iadei bad u Covid,  bad ka jingai tika ia ki briew ba la dei ban ioh tika. Ka jingmih thymmai bad ka kylla dur bha u khniang ba la kylla kum u jait Omicron jong u coronavirus u ba kham pur sted ban ia u jait khniang Delta ka long ka jingsngewkhia ia ka ri bad ka pyrthei baroh kawei. Na ka daw jong kane, ka tnad ka koit ka khiah ha ka jingia phylliew jingmut bad ka State Medical Expert Committee (MEC), ka State Covid Task Force, bad ka State Covid Response Team advises ki la kyntu ia kine ki jingbthah harum na ka bynta ban leh testing, quarantine, vaccination bad public Communication.

1.     Testing:-

i)                Ha ki jaka ba rung/khappud

a.      Ka jingleh testing ha ki jaka ba rung kan nang iai bteng wat ia kito kiba la dep ai tika pura katto katne por katba ka kane ka khlam ba mynta ka dang kiew bad kat haduh ban da pynmih da kawei pat ka hukum.

b.     Baroh ki briew ba rung hapoh ka jylla wat kito ba la dep ai tika pura, kin hap ban pyni ia ka Negative RT-PCR report lane dei ban leh ia ka RT-PCR test khlem da lait ha ki jaka ba rung. Kito kiba rung bad pyni ia ka Negative RT-PCR Report ki dei kiba la dep test ha ki jaka ba la ithuh hapoh ka 72 kynta jong ka jingpoi jongki ha ki jaka ban rung.

c.      Ki khynnah ba hapoh ka 15 snem ka rta kin lait na ka jingshah test ha ki jaka rung, lada kim paw dak paw shin.

d.     Ka long kaba donkam ba baroh kito ba shah test ha ki Covid Screening Centres ba kin shong pynkyrpang ialade ha ki iing ki sem ne ki jaka sah kat haduh ba kin da ioh ia ka test report.

Hynrei, ka hukum katkum ka Political Department ba la pynmih lyngba ka shithi No. POL.75/2020/Pt I/118, dated Shillong, the 4^th January, 2022 dei ban bud lang ha kaba iadei bad kito ki ba la pyllait ha kaba iadei bad kane.

 

ii)              Ha ki jaka sumar jong ka Sorkar ne ki riew shimet

a.      Ia ka jingtest Covid dei ban leh tang lada ki nongpang ki paw ki dak ki shin

b.     Ki nongpang ki bym don dak don shin ki dei ban lait na kaba test Covid laitnoh tang lada phah ki doctor ba dei sumar ia ki. Kane ka long ban pynshlur ia ka jingleit wat jingsumar ia ki jingpang bapher bapher nalor ka jingpang Covid.

c.      Ki khynnah ba hapoh ka 15 snem ka rta kin lait na ka jingshah test, lada kim paw dak paw shin.

d.     Ki riewtymmen bad ki briew ba don ki jingpang ba bunjait ki dei ban ioh ia ka jingsumar ba kyrpang lada ki don ki dak ki shin (symptomatic) bad ki test positive.

e.      Ka jingtest bad jingsumar ba kham kloi ki long kiba kongsan eh namar ka jingkylla dur (biphasic) jong u COVID-19 Delta Variant ha ka rukom iabit.

2.     Quarantine & Ka jingshong pynkyrpang (Isolation)

a.      Ki ba iohpang Covid ki dei ban shongpynkyrpang 7 (hynniew) sngi naduh ka sngi ba ki test positive bad ki nongpang kim don baiongkhlieh ne kino kino ki dak ki shin kumba 3 (lai) sngi kynthih shuwa ban pyllait.

b.     Baroh kito ba ioh positive ki dei ban sngapthuh bha ia ka jinglong jingman ka koit ka khiah jongki ha ki por ba ki shongpynkyrpang bad ki dei ban pyntip mardor lada ki ki shem ki dak ki shin ba jur kum ka jingbym lah ban ring ne pynhiar mynsiem.

c.      Kito ki bym pat ioh tika (kiba kham don jingma) kiba shong pynkyrpang ialade lada kam don ka jingsngew ba la kham jem hadien 5 (san) sngi, ki dei ban ioh ia ka jingsumar mardor.

d.     Baroh ki nongpang bym paw dak paw shin (asymptomatic patients) bad ki high risk contacts ki dei ban shongpynkyrpang ialade kumba 5 (san) sngi. Ki dei ban bud pyrkhing ban deng ia ki jingda khmut bad shyntur (mask) hajan kiwei sa kumba 5 (san) sngi nalor ki sngi ba shongpynkyrpang.

e.      Baroh kiba la dep ia ka jingshongpynkyrpang kim donkam ban ioh ia ka syrnot pyllait (discharge certificate) lada ki shong pynkyrpang ha ki iing ki sem. La khein ba la pyllait ia ki hadien ba ki la pyndep ia ka por ba shongpynkyrpang ialade. Hynrei, lada don kino kino kiba kwah ia ka syrnot pyllait, ki lah ban ioh na ki jaka sumar Public Health ba jan tam.

 

3.     Vaccination/ka jingai tika:

a.      La kyntu ia baroh kiba la dei ban ioh tika ba kin shim ia ka tika, la pynshisha ba ka jingiabit bad ka jingjur jong ka jingpang COVID ka duna bha ia kiba la dep ai tika.

b.     Ki khynnah hapdeng ka rt aba 15 haduh 17 snem ki dei ban ai tika kham kloi.

c.      Ki nongtrei ka tnad ka koit ka khiah, ki nongtrei ba hakhmat eh bad kiwei de kiba la dap 9 (khyndai) bnai ne 39 taiew na kaba ioh ia ka tika jong ka wat kaba ar (2^nd dose) ki dei ban ioh ia ka kabu ban shim ia ki precautionary dose mardor.

4.     Public Communication/ Ka jingpyntip paidbah

a.      Ka long kaba donkam ban pyntip sha u paidbah bad pynsaphriang ia ka khubor ba katkum ki skor jingtip (data) kiba don, u ne u khniang ba thymmai u Omicron u iabit bha hynrei u kham tlot bor ban ia u Delta strain, ia ka jingjur ka jingpang. Te namarkatta, ym dei ban don jingtieng, namar lah ban sumar ha iing, lada ym dei ba dei ki nongpang ba don jingpang ba bunjait ne ki bym pat ioh tika.

b.     Ki briew ba test positive bad kiba don ia ki dak ki shin jongka jingpang ki dei ban shim ka jingkitkhlieh ban pyntip ia kiwei kiba la iakynduh bad ki, khamtam lada ia ka CAB ym shem la bud ne wat lada bud ruh, Kane kan iarap iakiba dei ki High Risk contacts ba kin sngapthuh ia ka jinglong ka koit ka khiah jongki bad kin shim ki lad jingiada.

c.      Dei ban ai ia ka jingtip halor ka koit ka khiah u paitbah khamtam na ka bynta kito ki briew ba don ia ki jingpang ba bunjait bad ki bym pat ioh ia ka tika namar ki kham don ka jingma na ka jingpang COVID. Dei ban pynshlur ba kin shim ia ka tika bad bud borabor ia ki rukom im ha kaba iadei bad ka jingiada na u Covid ban pynduna na ka jingma.

d.     Kito kiba paw ki dak ki shin (symptomatic) bad ki bym iohi ba don ka jingduna hadien 5 (san) sngi hadien ka jingpaw ki dak ki shin la kyntu ba kin ioh ia ka jingsumar ia ka koit ka khiah mardor.

e.      Ka long kaba donkam eh ban bud ia 3 (lai) tylli ki kyndon ki bym dei ban pynkhein hakaba iadei bad ka rukom ban im ha ka por COVID: (a) ka jingdeng borabor ia ka jingda khmut bad shyntur (mask), (b) ka jingpyniajngai parabriew borabor, bad (c) ka jingsait/sanitize ia ki kti na ka por sha ka por.

f.      Dei ban pynphriang ia ki IEC materials ban nang iaiban ia ka rukom im ba iadei bad ka rukom him ha ka por COVID da kaba kham pynleit por kham bha ha ki nongkyndong, khamtam ha ki jaka jngoh kai pyrthei ba paw bha (tourism hotspots).

 

Sd/-

(Sampath Kumar, IAS)

Principal Secretary to the Government of Meghalaya,

Health & Family Welfare Department.

 

DC office Mawkyrwat undertakes Aadhaar Enrolment on Camp Mode besides permanent enrolment

Mawkyrwat, December 15, 2021: The office of the Deputy Commissioner, South West Khasi Hills District, Mawkyrwat informed the general public of South West Khasi Hills District (SWKHD) that the process of Aadhaar Enrolment is being carried out daily (Monday to Saturday during office hours) in the 2 (two) permanent Aadhaar Enrolment Centres that is in the Office of the Deputy Commissioner, Mawkyrwat and Office of the Block Development Officer, Mawkyrwat C&RD Block.

The office also informed that besides enrolment in the permanent site, Enrolment on Camp Mode are also carried out, depending on the requests received from the Village/ Government Departments/Schools/ Colleges/Institutions etc. The office urged the Sordar/ Myntri/ Rangbah Shnong/ Headman of the villages under South West Khasi Hills District to inform the District Planning Officer or contact on Mobile No. 9774762077 or 9485391364 for any Camp Mode Enrolment required in the villages.

__________________________________________ 

Yn leit ban pynrung kyrteng Aadhaar ha ki Shnong lada donkam nalor ki jaka ba la buh pyntip ka ophis DC, Mawkyrwat

Mawkyrwat, Nohprah 15, 2021: Ka ophis jong ka Deputy Commissioner, South West Khasi Hills District (SWKHD), Mawkyrwat ka pyntip ba ka jingpynrung kyrteng na ka bynta u Aadhaar hapoh South West Khasi Hills District kan long man ka sngi (katta naduh Sngi Nyngkong haduh Sngi Saitjain ha ka por long trei) ha 2 tylli ki jaka ju pynrung kyrteng borabor na ka bynta u Aadhaar katta ha ka ophis Deputy Commissioner, Mawkyrwat bad ophis Block Development Officer, Mawkyrwat C&RD Block.

Ka ophis ka pyntip ruh ba nalor ka jingpynrung kyrteng Aadhaar ha kitei ki jaka ju leh borabor, ka ophis ka pynlong ruh ia ka Enrolment on Camp Mode ne ka jingpynrung kyrteng Aadhaar ha ki jaka bapher bapher katkum ka jingkhot jong ki Shnong, tnad Sorkar, Skul, Kolej, Institutions bad kiwei de. Ka ophis ka kyntu ia ki Sordar/ Myntri/ Rangbah Shnong/ Headman jong ki shnong ba don hapoh South West Khasi Hills District ban pyntip sha District Planning Officer ne ban phone lyngba ki Mobile No.  9774762077 lane 9485391364 na ka bynta ka Camp Mode Enrolment ba ki donkam ha ki shnong jongki.  

 

Ong EM ia u Drok bad ia shongkha kulmar ioh poi sha ka lanot: Bah Kynpham

Mawkyrwat, Nohprah 02, 2021: Ka Synjuk ki Nongsynshar Shnong ka thain Diwah-Umjarain ki la pynlong ia ka Rally cum Awareness Programme halor ka phang “Ka jingdih bad jingkyrni drugs bad ka shongkha kulmar ka wanrah ia ka jingpang AIDS” kaba la iaid naduh İew Umjarain haduh Madan Umjarain Hotspring U.P. School, Umjahrain kaba la bud sa ka jingialang ba la iashim bynta da ki myntri shnong, ki khynnah skul, ki longkmie longkpa na kitei ki thain. 

U bah A. Lanong na Meghalaya Aids Control Society ( #MACS), u la iathuh ba ka jingpang HIV ka la jyllei bha ha ka jylla Meghalaya bad ka Jylla Meghalaya ka wan balai ha ka jylla Meghalaya. U la batai shaphang ka jingpang HIV ka ban ialam sha ka jingpang AIDS. U la iathuh ba ki don saw lad ban ioh ia ka jingpang #HIV-AIDS bad kita ki kynthup ia ka bynta ka jingshongkha kulmar, ka jingpyndonkam lang ia ki thyrnia, ka jingiabit na ka snam ba la don lypa ia u khniang HIV, bad na ki kmie ki kpa kiba la don lypa ia ki jingpang. U la batai ruh ba ki lad jingiada na u jingpang ki long ban ym pyndonkam lang ia u thyrnia, ban leh HIV test, ban pyndonkam da u condom ha ka shongkha khamtam kito ba shongkha kulmar, ka kmie ba la don lypa ia u HIV ki dei ban leh HIV test bad syphilis test. U la iathuh ba ka jaka ban ioh ia ki test ka long ba kin leit sha ki CHC ba don ia ka Integrated Counselling and Testing Centre. U la kyntu ba baroh ngi donkam bam leh testing ban lait na ka jing pynsaphriang ia u HIV bad kan pynlaitluid ia ka jingmut jingpyrkhat jongngi. U la iathuh ruh ba haduh mynta ym pat don dawai pynkoit bad ka jingsumar haduh mynta ka long tang #Antiretroviral Therapy (ART) u la bynrap ba haba ki briew ki dang pyndonkam nyngkong ia ia ka ART ki lah ban tlot bad pynhiar hynrei hadien pat kin ym leilei shuh. U la kyntu ruh ba ngim dei ban kren bein ne niewbein ia kito ba ioh ia ka jingpang HIV/AIDS.

U nongiasaid ain ka Supreme Court, bah Kynpham #Kharlyngdoh u la kren shaphang ka Narcotic Drugs and Psychotropic Substances (NDPS), Act 1985. U la ong ba u drok u dei u dawai ba pynkylla ia ka bor met bad ka pyrkhat pyrdain jongngi. U la bynrap ba ki briew ki dih drok ba ki kwah ban tip bad pyrshang, ban lait na ka jingsngewsih ne jingtmang, ki kwah ban pynsngewbha ne ki shah pynbor ha ki paralok. U la iathuh ba ka jingktah na u drok ki long ia ki dohjem ka met jongngi, ia ki dkhot met ne bor jabieng, kam biang shuh ha ka jingiadei bad ka ktah ia ka ioh ka kot, ka jing bym nang shuh ban burom ia ki parabriew, bad ka lah ban ialam sha ka cancer, HIV AIDS, heart attack bad kiwei de. U la ong ba ka ain ka khang ban dih drok ban tehlakam ia ka jingpyndonkam bakla ki briew ia ki jingdih pynbuaid. U la batai shaphang ka jingtreikam ka NDPS Act, 1985 bad u la iathuh ba ka Section 4 jong ka ain ka kren shaphang ka jingshalan ia u drok, ka bynta ba 8 ka batai shaphang ka jingthung ia ki jingthung ba long pynbuaid, ka bynta ba 28 ka jingpynshitom ia kito ba thmu ban leh ia ki kam sniew ba iadei ba u drok, ka bynta ba 29 ka dei ba ka jingpynhoi ne jingiasylla/iasuhbuit ban pyngngad dih drok ia kiwei. U la ong ruh ba ka jingdih drok ka don ka jingiadei bad ka jingpang HIV. U la pynkut da kaba ong ba ka dei ka jingtim lada don ki briew kiba dih drok te namarkatta, ka dei ka kamram jongngi ba ngin rat diengkhong ia u drok da kaba ong “EM IA U DROK bad ia ka jingshongkha kulmar”.

Ka kong A. Lyngkhoi, Clinical Psychologist, Mawkyrwat CHC, ka la kren shaphang ka jingdih bad jingkyrni ha u drok. Ka la batai ba ka jingdih pynbuaid bad pynkulmar ia ka jingmut jingpyrkhat ki briew ki khot u drok. Ka bynrap ba don 4 jait ki drok kita ki long ki stimulants ne ki drok ba pynioh bor, ki depressants kiba pynlong jaituh bad pyniohthiah noh ia ki, ki opioids ki dei kiba pynjah ia ka jingpang ka met, hallucinations ka pyniohi ia kaba kiwei ki iohi ne iohsngew ia kiei kiba kiwei kim iohsngew. Ka la batai ba ki drok ka ktah ia koit ka khiah, ka imlang sahlang, ka ktah ia ka longing longsem, bad ka ioh ka kot jongngi. Ka la ban ruh ba u drok u ktah ia ki bor pyniaid ka jabieng jongngi namar ba ki don ki psychoactive substance ba pyniaid ia ka jingmut jingpyrkhat jongngi. Ka la bynrap ba lada u briew u pyndonkam borabor ia u drok kan pynlong ia ka jingmut u briew ba kin bakla noh bad u briew ym lah shuh ban treikam bha. Ka la ong ruh ba ngi ki briew ngi don ka coping mechanism ba long positive bad negative coping mechanism bad lada ngi iakynduh jingeh bunsien ngi pyndonkam ia ka negative coping mechanism bad kane ka pynbakla ia ka jingim jongngi. Ka la kyntu ia ki khynnah skul ba kin leit sha ki jaka iasyllok bad ban phah sumar bad kim dei ban set ne kun tang halade namar ka ktah ia ka jingim jongngi. Ka la ong ruh ba ngi dei ban husiar ha ka jingialam bakla bad ngi dei ban ong “EM ia ki jingdih pynbuaid”. 

Ha katei ka prokram ba la pyniaid da u bah S. Jyrwa, Chairman ki Synjuk ki Nongsynshar Shnong la ioh ka jingrwai na ka Church of God School, Lawblei shaphang ka jingsniew u drok, ka Pynden Diwah Roman Catholic Secondary School ka la ai ia ka jinglehkai pynbyrngia (Skit) shaphang ka jingpynjot u drok,  u bah Swington Lyngdoh, Myntri Shnong Lawblei u la ai jingkren pdiang sngewbha bad u bah M. Lyngkhoi, Secretary Synjuk ki Nongsynshar Shnong u la ai ia ki kyntien ai khublei. 

La plie ia ki maw pynsahnam ia ki Syiem bad ki Lyngdoh ka Hima Maharam ha ka sngi rakhe ia U Sngap Syiem ha Mawlangwir

Mawkyrwat, Naiwieng 30, 2021:  U Bah Titoswell Chyne, CEM, KHADC bad u bah Rowell Lyngdoh Marshilong, Lyngdoh Rangbah, ka Hima Maharam ki la plie ia u Maw pynsahnam ia ki Syiem bad ki Lyngdoh  ka Hima Maharam ha ka sngi jong ka jingrakhe ia ka sngi kynmaw tympang ia u Sngap Syiem ba la pynlong da ka Hima Maharam ha ka jingiatreilang bad ka Dorbar Shnong Mawlangwir kaba la pynlong ha Mawruduk, Mawlangwir.

            U Bah Titos Chyne, CEM, KHADC u la kren halor ka Land Bill, Ka Village Development Council, Ka Inheritance Bill, bad ka Clan Bill. U la ai khublei Sngap Syiem de ia ki khun ki hajar jong ka District bad u ong ruh ba bun ki bym tip shaphang kane ka sngi.U la bynrap ba ngi donkam ban kynmaw ia kita kiba la synshar halor jongngi namar ba u long u Syiem namar hapdeng ka jinglehthma bad ka sorkar phareng u long u Syiem ba u khlem pyndem bad ka sorkar phareng kam lah ban leheiei ia u, ban kem, pyniap ne set byndi ia u tat haduh ba ki khot ban iatreilang bad u ioh ban synshar laitluid haduh ka sngi khatduh. U la ban ba ka long ka sngi kyrpang namar ba dei ha kane ka sngi ba u Sngap Syiem  u la pynmih ia ka dulir ne Notification ban ong ia u khun u hajar ba ki dei ban pynskhem ia ki dulir iala ki jong ki jaka ki pata bad kaei kaba u la leh u Syiem ka KHADC ka dang leh mynta.  U kren halor ka Land Bill kam dei ka Bill khyllah ne ka Bill pynkyla riti hynrei ka dei ka bill pynskhem riti. U la ong ba ka Sorkar kam khein kor ia ki dulir ba la ai da ki rangbah shnong bad ki Syiem bad ka Land Bill ka pynskhem ia bor jongki. U la kyntu ia ki Rangbah Shnong, ki Syiem bad kiwei ba kin ym pyndonkam bakla ia ka bor ka iktiar ba la pynkhamti ha ki. U la ong ba ki mynder ha ki khappud ki kylla long trai ia ki jaka namar ba ki ioh ka syrnot na ki syiem bad ka jingwan ka Land Bill kan pynduh bor bad kin ym treikam shuh kiba kum kita ki jaka.

            U la batai ruh ba ka KHADC ka pynskhem ia ki riti ki dustur ym ban pynkylla ia ki. U la ong bunsiem ki shuki ha District Council ki long tang ki jaka ban ialehkai bad pynskhem Syiem hynrei dei ban pynskhem ia ki riti dustur ka it ka hima. U la ong ba ka Sorkar kan pass noh bad u Lat (Governor) yn ai noh ia ka assent na ka bynta ka Land Bill ba ka KHADC ka la ai namar ba kam myntoi ban shu ioh shuti lada ngim ioh ia kane ka Ain kum ka dak ba ngi burom ia ki dienjat u Sngap Syiem. U la ong ba ngi sngewdon jingkyrmen haba ki samla ka mynta ki kynmaw ia ka mynnor bad ai ba ka synshar kaba mynta kan bteng shuh na ka bynta ka pateng ban sa wan.

            U bah Titos u la kren ruh shaphang ka Village Development Council bad kumno ki Longkmie kin don bynta ha katei ka Council. U la ong ruh ba ia mynta ka riti ka dustur ka la ong ba ia mynta ki Longkmie kim pat lah ban long Rangbah Shnong. U la kren ruh shaphang ka Inheritance Bill ba ka long ka Bill ka ban iarap ia ki ba bun ki briew kiba mat ia ki jingeh bad jingjynjar ha kaba ki khun khadduh ki ialeh mukotduma bad ki kmie ki kpa ne ki hynmen ki para u la bynrap ba da ka jingwanrah ia kane ka ain kan long ka jingpyrkhat na ka bynta ki khun heh ki khun pdeng bad ki khun shynrang. U ong kane ka ain kan sa teh khyndiat ia ka jinglong lyngkrang ka jaitbynriew jongngi. U la iathuh ruh ba ka Council ka dang pynkreh ia ka Clan Bill ne ka ain khein kur khein kha bad ban buh ryntih ia ki kur ki kha ha ka ri khasi jongngi. U la pynkut da kaba ong ba ka jaitbynriew kaba im ki riti dustur ka dei ka jaitbynriew kaba im.

            U bah Pius Marwein, MLA & MDC, Ranikor u la ong ba ki bun ki jingkajia ha ki khappud, ki shnong ki thaw, ki jingiaknieh jaka jongngi ha ki por ba mynta ha kiba bun ki liang bad ki don ka jingkynnoh ia ka Sorkar ne District Council hynrei ka jingbakla ka dei na ki trai jaka bad ka liang u syiem ba pyndonkam bakla ia ka bor. U la ong ba bunsien ngi ki khasi ngi shu sahkut ha ka umdum bad ngi shah ňion bein ha ki bar jylla dei tang na ka daw ba ngi iatan tyllai para mangi u la kyntu ba ngin ym iatan tyllai ne ia bishni hynrei ban iatylli khnang ba ngin poi sha ka thong. U la ong ba ka jingialeh ka dei tang para mangi bad ngim lah shuh ban pynbha ne pynwandur shuh ia ka imlang sahlang namar ka jingialeh para mangi.

            U Additional  Deputy Commissioner jong ka South West Khasi Hills District, Bah W. Biam, MCS u la ong ba to ngin iatylli bad iatreilang na ka bynta ka roi ka par ka dong ka thain, ka hima bad ka jaitbynriew baroh kawei.

            U bah Carness Sohshang, MDC, Mawkyrwat Constituency u la ong ba ia ka bor jong ka District Council la sdang ban shah pyntroin ia ka bor bad lada don ki Bill ki ain ba iadei bad ka jaitbynriew ki don beit kiba iuh break bad ngi hap ban wat bniah mano ba buh break bad kane ka wanrah ia ka jingeh. U la ong ba ki nongmihkhmat ki dei ban pyllait por ban pule ia ki ain khnang ba kin ioh ia ka jingtip kaba pura. U kren ruh spahang ka Land Bill, Ka Village Development Council bad ka Inheritance Bill da kaba ong ba kine kin iarap ban iada na ka bynta ka ri bad ka jaitbynriew. U la ong ruh ba dei ki trai ki ba ai jaka rieh tngen ia ki mynder ri ban ban buhai shnong ha ki jaka ki puta jongngi. U la ong ba ka jingkynmaw ieid ia u Sngap Syiem ka long ka jingpynkyndit bynriew ia ngi ba ngi sdang ban iada iala ka ri bad ka jait bynriew jongngi.

            U bah Rowell Lyngdoh, Lyngdoh Rangbah, ka Hima Maharam u la ong ba ka jingiabud than ia ki populist idea jongki nongialam kan ym iarap iangi bad ngin sa shah ialam bakla te ngi dei ban leh ia kaei kaei da ka jungstad, jingshemphang bad ka jingkitkhlieh.

            Bah Robertjune Kharjahrin, Adviser KHADC u batai sani bha shaphang ka Land Bill kaba la pass da ka KHADC. U la ong ba ka Land Bill kam dei ka ain khyllah hynrei ka dei ka jingpynjanai ia ki riti dustur ba la don lypa bad dei hangta ka jaitbynriew kan im.

            Ha katei ka sngi la ioh ka jingrwai pdiang sngewbha na ka Seng samla shnong Mawlangwir, jingrwai kyrpang da ka seng HYC ba ai kyrteng "Im slem ko Ri Khasi", Jingrwai Kyrpang da ka Ïonglajong Musical and Cultural Organisation, bad ka Jingshad tynrai na ka Ri Maharan Folk Academy. La pyniaid ia katei ka prokram da u bah Niandro Syiemiong, Syiem Hima Maharam, la pdiang sngewbha da u bah N.S Wanniang, Myntri Shnong Mawlangwi, u ba la pule ruh ia ka khana pateng kaba iathuh shaphang ka jingwan ka synshar Syiem hapoh ka Hima Maharam bad la kren ai khublei da u Bah P. Wanniang,  Myntri Shnong Sohkhyllam.

Ioh jingmyntoi shibun ki paidbah ka Mawkyrwat C&RD Block na ka SHG Mela bad Health Camp kaba la pynlong da ka MSRLS

                  Shongshit bad shongkun ka #SHGMela bad #HealthCamp ha #Mawkyrwat

Mawkyrwat, Naiwieng 26, 2021: Kum shibynta jong ka jingrakhe ia ka jingdap 50 snem ka jingioh Jylla ka Meghalaya bad ka jingdap ba 75 snem ka jingioh laitluid ka Ri India, kumjuh ruh ban kyntiew ia ka ioh ka kot bad ban ailad ia ki paidbah ba kin ioh ia ki lad jingshakri bapher bapher jong ka sorkar,  ka ophis jong u Block Development Officer, #MawkyrwatC&RD Block ha ka jingiatreilang bad ka Meghalaya State Rural Livelihoods Society (MSRLS) kaba long ka tnad pyntreikam jong ka National Rural Livelihood Mission ( #NRLM ), Ministry of Rural Development jong ka Sorkar India ki la pynlong ia ka SHG Mela bad Health Camp mynta ka sngi ha madan jong ka Nativity Higher Secondary School, Mawkyrwat.

Ia katei ka prokram la plie da u The Hon'ble Minister jong ka PHE bad Local MLA, Mawkyrwat Constituency, bah Renikton. L.Tongkhar u ba long u kongsan ha katei kas sngi ha ka jingiadon lang ka kong C. Kharkongor, IAS, Deputy Commissioner, SWKH, bah C. Sohshang, MDC, bah S.C. Laloo, ADC, SWKH,  Mawkyrwat, bah W. Biam, ADC & Project Director, DRDA, kong J.U. Kharpuri, ADC, bah B.J. Laloo, SP, SWKH, bah L.K. Diengdoh, BDO, Mawkyrwat, bah L.G.M. Kharmih, BDO, Ranikor, kong Lydia Malngiang, SMM, MSRLS, Shillong, ki ophisar na ki tnad sorkar bapher bapher jong ka District, ki briew ba la shah khot kyrpang bad ki dkhot na ki SHG bapher bapher.

Ki jingmyntoi ba ki briew ki la ioh na katei ka Mela ki kyntup ia ka jingpyllait (sanction) ia ka Community funds kaba kot sha ka ₹96.33 lak tyngka, ka jingpyllait ia ki ram SHG ka ba kot sha ka ₹71.00 lak tyngka da ka MRB, SBI bad MCAB. Ka jingdon kiba pynrung kyrteng sha ka Insurance ki long ha ka #PMJJBY ki don 315 ngut, #PMSBY ki don 187 ngut bad ha ka  #APY ki don 13 ngut. Kiba pynrung kyrteng ha u Adhaar ki long 46 ngut, kiba pynrung kyrteng ha ka e-Shram ki long 88 ngut, kiba pynrung kyreteng na ka bynta ka EPIC ki poi haduh 11 ngut, ki ba pynrung kyrteng ha ka MHIS  ki long 10 ngut, ki briew ba leit ban phah peit ia ka koit ka khiah (Health Check-up) jongki ka kot sha ka 196 ngut, kiba ai tika iada na u Covid-19 ki long 41 ngut, ki ba leit wat jingmut na ka #DDU-GKY ki long 300 ngut kiba la pynrung kyrteng (register) ki long 9 ngut bad ka jing die na ki stall bapher bapher ha katei ka sngi ka kot sha ka ₹1,22,540/ tyngka.

U Bah Renikton Lyngdoh Tongkhar u ba long ruh u MLA jong ka Mawkyrwat Constituency u ai khublei Jubili na ka liang ka Sorkar ia ka jingdap 50 snem ka Jylla Meghalaya bad ka jingdap 75 snem jong ka Ri India. U la ong ba hooid ki bun ki jingeh hynrei lyngba kaka jingkyrkhu u Blei ka Jylla Meghalaya a ka long ha ka jingdon ki lum ki wah kiba itynnad, ki mar poh khyndew,  ka roi ka par, ka jingdon ki surok bad kiwei de ki kam pynroi. U ong ka jingthrang jong ki briew ba sah sha ki khappud ban pyniasnoh ialade bad ka Jylla Meghalaya ka paw shai ba ka don ka jingkiew ha ka imlang sahlang. U ong ba lyngba ki SHGs ne Society ki briew ki ioh ia ka jinghikai jong ka jingiatreilang ha ki business, ki kam ki jam bad ka sorkar Jylla bad ka Sorkar Pdeng ka ai skhim sha ki Society ban iatreilang. U la ong ba ki briew kiba duna ha ka ioh ka kot ki donkam ia ka jingiatreilang ba kin kiew. U la pynshlur ia ki khun samla ba ki sdang ia ki kompeni ban iasynrop lang ban trei ia ki kam ki ba heh kum ka power project khnang ban kyntiew ia ka roi ka par ha ka imlang sahlang. U la ong ba ki samla ki dei ban nang ban shimram bad nud ban shimram u la bynrap ba ki smala bad ki SHG member ki dei ban sei wat na pla ruh ban siew ia ka ram khnang ba ki bank kin ioh ia ka jingshaniah bad wankroh ia ki. U la ong ruh ba ka jingdon ki SHGs ka long ka jingkyrmen ha ka imlang sahlang, ia ka sorkar bad ka Jylla baroh kawei. U la kyntu ia ki longkmie ba kin iasyllok ban ai mynsiem ia ki longkpa ruh ba kin kit ia ka lyngkor jong ka iing ka sem bad ki longkmie. U la kyntu ba ki briew ki dei ban pyndonkam hok ia ki skhim sorkar na ka mynta ka roi ka par. U la pynkut da kaba ong ba ka jingkiew ha ka khaii pateng ka dei ka jingtrei shitom, ka jingminot bad ka jingdon jingmut jongngi iwei pa iwei.

Ka kong Caramai Kharkongor, IAS, Deputy Commissioner, SWKHD ka la iathuh lyngkot shaphang ka jingsdang ki SHGs bad ka la ong ba ha ka Jylla Meghalaya la don kumba 35000 (Laiphewan hajar) tylli ki SHGs bad ha ka District la don haduh 1698 tylli bad 16965 ngut ki dkhot. Tang ha Mawkyrwat ki don 1032 tylli ki SHGs, 9389 tylli ki longiing ba lah don ha ka SHGs kaba pynlong 84%. Te ka la kyntu ia ki paid nongshong shnong ba kin iasnoh kti lang ban pynsngewthuh ia kiwei bad ai ba baroh kin don bynta kum ki dkhot ki SHGs ban kyntiew ia ka ioh ka kot bad ka imlang sahlang jongki. Ka la ong ba lyngba ka jingkynthup ia ka skill training ha ka skhim ka la iarap shibun ia ki SHGs ba kin sdang ia ki kam bapher bapher.

U MDC ka Mawkyrwat, bah Carnes Sohshang u la ai khublei Jubili Ksiar jong ka jingdap 50 snem ka Jylla Meghalaya bad u ong ba ka jingdap 50 snem ka pynpaw ba ka jylla ka la long ka Jylla ka la long ka Jylla ba la rangbah. U la ong ba ngi dei ban shim ki rai bad ki bynta ban hap ban kut jingmut ba ngi hap ban leh eiei ban nang kyntiew shuh shuh ia ka imlang sahlang bad ka Jylla hi baroh kawei. U la ong ba ki dang bun ki jingeh hynrei ka jingiatreilang, ka jingiatylli bad ka jingtreishitom ki SHGs ka dei ban long ka jingiarap ia ka imlang sahlang bad ban nang pynroi shuh ia ki kam.

Ka kong Lydia Malngiang, SMM-IBCB, SMMU, MSRLS, Shillong ka la iathuh ba kane ka SHG Mela ka dei kaba 16 na ki Mela hapoh ka Jylla. Ka la ong ruh ba shuwa u bnai March 2022 ka MSRLS ka thmu ban seng kumba 42000 tylli ki SHGs. Ka la ong ba lyngba ka jonglong dkhot ha ki SHGs ki briew ki ioh shibun ki jingmyntoi ha kaba ki la ioh ia ka jingithuh ha shnong ha thaw namar ki lah ban long kum ki president ne secretary, ka ai ruh ka sur ia ki ba ki kren ia ki kam ka roi ka par ha ka imlang sahlang, ka long ruh ka rynsan ban pynpaw ia ki sap ki phong jongki.

U bah Eson A. Khongrymmai, DMM, NRLM-DMMU, SWKHD u la ai ia ka jingkren kyrpang shaphang ka MSRLS, ka NRLM bad ka jingtreikam jong ki SHGs. U la iathuh ba ki mat ba kongsan jong ka jingtreikam jong ka NRLM ka long na ka bynta ka Social Mobilisation, Financial Inclusion bad Livelihood enhancement. U la iathuh ruh ba hapoh ka jingkhmih ka NRLM ki SHG ki ioh jingkyrshan pisa ha ki lai bynta katta ban ioh ia ka bai sdang group (establishment fund), bai seng kam/bai kheng (revolving fund) bad ban pynheh ia ka kam ba lah seng (community investment fund).

Ka la don ruh ka jingsam ia ki khusnam bad ki syrnot sha ki 3 tylli ki Village Supporting SHGs/VO, sha 5 tylli ki VO ba treikam bha (Active VO), sha 4 tylli ki Active SHGs, sha 4 tylli ki VO ba don VO Office, sha ki Bank Sakhi, sha kito Active Women ,Master Book Keeper, Community Trainer, Community Resource Person, Sr. CRP, bad BC agent ba treikam bha,  ki Livelihood Cadre ba kynthup ia ka Farm bad Non-Farm, la ai sam ruh sha ki NGOs bad VO  ha kaba ki ba bun na ki member ki la dep ai tika iada na u COVID-19, , ka jing aiti ia ki shithi CIF Sanction, ka jingai ia ki shithi Sangction na ki bank, ka jingai ia ki cheque sha ki Producer Groups kum ka bai symbai ban sdang ia ki kam ki jam jongki lyngba ka FOCUS,  bad kiwei de.

Ha katei ka Mela la don ka jingthang ia ki dongmusa kum ka dak jong ka jingplie ia ka  SHG Mela, ka jingsmai (pledge) kum shi bynta jong ka jingrakhe ia ka Constitution Day jong ka Ri India. La don kumba 15 tylli ki stall ban ai jingpynshai, pyni nuksa bad ka jingdie ia ki tiar na ki tnad sorkar bapher bapher, ka jingdie ia ki mar ki matta jong ki SHG member bad ki nongrep. Ka la don ruh ka jingai tika iada na u COVID-19, ka jing pynrung kyrteng hapoh ka Aadhaar, ka jingpynrung kyrteng ha ka e-Shram, pynrung kyrteng Election Photo Identity Card (EPIC) lane Voter ID, jingpynrung kyrteng ha ka DDU-GKY, ka jingiarap ban plie Bank Account thymmai, bad ka jingpynrung kyrteng ha ki Social Security Scheme kum ka PMJJBY, PMSBY, APY bad kiwei de.

La pynshit pynshngain ia katei ka prokram da ka jingrwai pdiang sngewbha na ka Ku Artet Village Organisation, Nonglang, ka Phemawlein Village Organisation, Sakwang ka la pynbyrngia da ka jingrwai ha ryngkat ka jingak, u bah Wankupar Lyngdoh na ka Plelongtei SHG, Mawlangwir (PwD) u la ai ia ka prokram kyrpang da ka jingput besli, ka Chirynjup Village Organisation, Mawlangwir ki la pynsuhsieng da ka jingrwai tynrai bad ki la don ruh kiwei ki jingpynbyrngia ha katei ka sngi na ki SHG bapher bapher. U bah L.K Diengdoh, MCS, Block Development Officer, Mawkyrwat C&RD u la kren pdiang sngewbha ha katei ka prokram ba la pyniaid da ka kong Rila A. Kharlyngdoh, BPM, MSRLS/NRLM, Mawkyrwat bad ka kong Ridahun Nongrum, PE, Livelihood, NRLM-BMMU, Mawkyrwat ka la ai ia ki kyntien ai khublei.

                                                                 

People received manifold blessings from SHG Mela and Health Camp at Mawkyrwat

Mawkyrwat, November 28, 2021: The SHG Mela & Health Camp which was organised by the Block Development Officer, Mawkyrwat C&RD Block in collaboration with the Meghalaya State Rural Livelihoods Society (MSRLS) an implementing agency of the National Rural Livelihood Mission (NRLM), Ministry of Rural Development of the Government of India, held on 26th November 2021 at Nativity Higher Secondary School playground, Mawkyrwat benefitted the people of the District a lot.

The outcome of the event included Community funds sanctioned ₹96.33 lacs, SHG Loan sanctioned ₹71.00lacs (MRB, SBI& MCAB), Total Insurance enrolled: PMJJBY-315, PMSBY-187 and  APY-13, Adhaar Enrolment: 46, Enrolment in e-Shram: 88, EPIC enrolment :11, Enrolment in MHIS :10, Total Health Check-up :196, Covid-19 Vaccination :41, DDU-GKY : 300, Regd-9, and Total sale from stalls :₹1,22,540/.

The Hon'ble Minister of PHE and Local MLA, Mawkyrwat Constituency, Shri. Renikton. L.Tongkhar who was the Chief Guest on the occasion inaugurated the event in the presence of Smt. C. Kharkongor, IAS, Deputy Commissioner, SWKH, Shri. C. Sohshang, MDC, Shri. S.C. Laloo, ADC, SWKH,  Mawkyrwat, Shri. W. Biam, ADC & Project Director, DRDA, Smt. J.U. Kharpuri, ADC, Shri. B.J. Laloo, SP, SWKH, Shri. L.K. Diengdoh, BDO, Mawkyrwat, Shri. L.G.M. Kharmih, BDO, Ranikor, Smt. Lydia Malngiang, SMM, MSRLS, Shillong, all Head of Departments of SWKH District and all other officials & Invitees.

Awards and certificates were also given to 3 Village Supporting SHGs/VO, 5 most Active VOs, 4 Active SHGs, 4 Vos who have got VO Office, to Bank Sakhi, Active Women, Master Book Keeper, Community Trainer, Community Resource Person, Sr. CRP, and BC agent of banks. Livelihood Cadre for  Farm and Non-Farm, NGOs and VO whose members have been vaccinated against COVID-19 were also awarded.

Other highlights of the day included welcome by Ku Artet Village Organisation, Nonglang, Phemawlein Village Organisation, Sakwang presented an action song, Shri. Wankupar Lyngdoh from Plelongtei SHG, Mawlangwir (PwD) enthralled the gathering through his music, Chirynjup Village Organisation, Mawlangwir intune the hearts of the people through a traditional song,  while SHG members entertained the gathering through dance and other cultural events. Shri. L.K Diengdoh, MCS, Block Development Officer, Mawkyrwat C&RD welcomed the gathering in the programme which was chaired by Smt. Rila A. Kharlyngdoh, BPM, MSRLS/NRLM, Mawkyrwat while Smt. Ridahun Nongrum, PE, Livelihood, NRLM-BMMU, Mawkyrwat delivered the vote of thanks.

Pynshai ka DC jong ka SWKHD shaphang ka e-Shram bad ka National Database of Unorganised workers (NDUW)

Mawkyrwat, Naiwieng 17, 2020: Kaei ka e-Shram bad kiei ki lad jingiarap ba ngi lah ban ioh lyngba jongka? Kaei ka National Database of Unorganized workers (NDUW)? Ka Deputy Commissioner cum Chairperson jong ka District Level implementation Committee, NDUW, jong ka South West Khasi Hills District (SWKHD) Mawkyrwat ka la ai jingpynshai shaphang ka e-Shram bad ka National Database of Unorganised workers (NDUW)?

            Ka DC ka la batai ba ka e-shram ka dei ka portal jong ka Ministry of Labour & Employment jong ka Sorkar India ba lah ban pynrung kyrteng ia baroh kiba trei hapoh ki Unorganised Sector bad ka National Database of Unorganized workers (NDUW) ka dei ka jinglum ia ki kyrteng jong kita ba hap hapoh ki Unorganized sector ha ka Ri India baroh kawei.

            Kiba lah ban apply ne pynrung kyrteng ki long baroh ki nongbylla kiba trei hapoh MGNREGS, ki nongbylla misteri, Self Help Group Members hapoh ka National Rural Livelihood Mission (NRLM), ki nongtrei iing, kiba trei kum ki ASHA bad Anganwadi, ki nongrep, ki nongtong dohkha, ki nongdie madan, ki nongap dukan rit bad kiwei de kiba trei hapoh ki unorganized sector.

            Ki jingdonkam ban pynrung kyrteng ha ka e-Shram ki kynthup ia ka jingdon ka Savings Bank Account, Aadhaar Number bad u mobile number ba la pyniasnoh bad u Aadhaar Number. Ki nong aplai ki dei ban don ha ka rta 16-59 snem ka rta ha ka por ba pynrung kyrteng bad kim dei ban long ki member ong ka ESIC (Employees’ State Insurance Corporation) lane EPFO (Employees’ Provident Fund Organisation), NPS (National Pension Scheme) lane siew income tax.

            Ban pynrung kyrteng ki briew ki lah ban leit sha ki Common Service Centre    (RAINBOW/ DIGITAL SEVA) lane rejister da lade ha ka portal www.eshram.gov.in. Ki briew kim donkam ban pynrung kyrteng ne rejister bunsien shisien ba ki la dep rejister. Ki briew ki ba la dep ban pynrung kyrteng kin ioh ia ka e-Shram Card ba don ia u unique Universal Account Number (UAN) ba ki lah ban pyndonkam.

            Ki jingmyntoi ba ki nongshong shnong ki lah ban ioh lyngba ka e-Shram ki long ba kiba la rejister hapoh NDUW ki lah ban rung hapoh ka Pradhan Mantri Suraksha Bima Yojana (PMBSY) bad kin lait ban siew ia ka premium shisien shi snem kaba T. 12/- (Tyngka), ki lah ban ioh jingiarap T. 2 lak lada iap aksiden bad T. 1 lak lada mynsaw ba aksiden. Ki lah ruh ban ioh ia ki skhim lyngba ki social security & welfare, ki lah ban ioh ruh ka jingiarap na ka Skill Development na ka bynta ki jait kam bapher bapher.

Sensitisation Programme on Meghalaya Right to Public Services Act, 2020 held at Mawkyrwat

 Mawkyrwat, November 17, 2021:  Shri. M.S. Rao, (Retd) IAS, Chief Commissioner of State Public Services Commission who was accompanied by shri. K.L. Tariang (Retd) I.A.S.  today visited Mawkyrwat and chaired  the  sensitization programme on Meghalaya right to Public Services  Act, 2020 in a meeting which was held at the Multipurpose Hall, Deputy Commissioner’s  office, Mawkyrwat.

            While deliberating his speech on the Meghalaya Right to Public Services Act 2020, Mr Rao said that the essence of this Act, Rules and schedules is to provide for the delivery of notified services to the citizens within the stipulated time limit including liabilities of the government servants in case of default for matters connected therewith and to make sure that citizens are put at ease and conveniences. While admitting the fact that there are constraints in some parts of the state due to internet connectivity he informed that  in the next 2 years there will be rapid improvement in the entire state and citizens will not have to visit offices for availing services as this will be available online. He said that irrespective of connectivity the Act notifies that services should be delivered in due time and the Act is very much similar to the Right To Information Act, 2005 wherein government servant has to provide delivery of notified services within a stipulated time frame period and a penalty for those who could not provide such services within a specific period. The State Public Services Commission will be the overall monitoring and supervising system and will impose penalty for every defaulters. He dwelt at length on the provisions of this Act thereby informing about the services notified across 25 departments .He said that the structure has not been fully put in place but eventually this will be the most important act that has to be followed across the country. The core objective of the government is to serve the people therefore this Act has been brought in and for those who do not comply will have to be penalized.

            In the programme which was chaired by shri. S.C. Laloo, MCS, Additional Deputy Commissioner, smti. C. Kharkongor, IAS, Deputy Commissioner welcomed the gathering while shri. W. Biam, MCS, Additional Deputy Commissioner delivered the vote of thanks.

 

Iathir jingmut u MS Rao shaphang ka MRPSA, 2020 ha Mawkyrwat

Mawkyrwat, Naiwieng 17, 2021: U M.S Rao, (Retd) IAS, Chief Commissioner jong ka State Public Services Delivery Commission, Meghalaya ha ka jingsynran lang u Bah K. L. Tariang, (Retd) IAS, mynta ka sngi u la ai jingpynshai bad iathir jingmut shaphang ka Meghalaya Right to Public Services Act (MRPSA), 2020 sha ki nongtrei sorkar ka South West Khasi Hills District (SWKHD) ha ka prokram ai jingpynshai (Sensitization Programme) kaba la pynlong da ka ophis jong ka Deputy Commissioner, South West Khasi Hills District (SWKHD), Mawkyrwat hapoh Multipurpose Hall,  DC's Office, Mawkyrwat.

            Haba kren ha katei ka sngi u M.S Rao, (Retd) IAS, u la ong ba ka Meghalaya Right to Public Services Act (MRPSA), 2020 ka long kawei na ki ain ba kongsan bha na ka bynta ban ai jingshakri ba pura ia u paidbah. U la bynrap ba ka thong jong katei ka Ain ka long ban ai jingtip sha u paidbah shaphang ki lad jingshakri lyngba ki skhim sorkar hapoh ka por ba la buh kaba kynthup ruh ia ki kamram ki nongtrei sorkar lada kim ai jingtip ha ka por kaba biang.  U la kyntu ia ki nongtrei sorkar ba kin pule ia ka Ain namar kan sa treikam shen hajan man la ka tnad treikam ka sorkar. U la bynrap ruh ba ki tnad sorkar ki dei ban buh ia ki jingbthah ba shai bha ha ki jaka paidbah (public domain) ne ka internet khnang ba ki nongwat jingtip kin suk kumno ban thoh application lyngba katei ka Ain. U la pynpaw ruh ba wat hapdeng ki jingeh ba ka ka sorkar ka iakynduh ha kaba iadei bad ka jingphah khubor lyngba ka internet u la pyntip ba ha ki 2 snem ban wan kan sa don ka jingkylla ha baroh kawei ka jylla bad ki nongshongshnong kim da donkam shuh ban leit sha ki ophis sorkar ban ioh ia ki lad jingshakri namar ki lah ban ioh online.          U la ong ruh ba wat hapdeng kitei ki jingeh tnad treikam jong ka sorkar ki dei ban pynbiang ha kaban ai jingshakri ia u paidbah katkum ki kyndon jong ka ain. U la ong ruh ba MRPSA ka iashrim bha bad ka Right To Information Act, 2005 bad ka State Public Services Commission kan long ka nongpeit bad nongkhmih ia ka jingpyntreikam ia katei ka Ain bad ban dain kuna ia kiba pynkhein ia ka. U la batai sani bha halor ki kyndon treikam katei ka Ain bad ia ki lad jingshakri lyngba ki 25 tylli ki tnad sorkar katkum ba la buh. U la pyntip ruh ba suki suki katei ka Ain ka lah ban treikam ha baroh kawei ka ri India. U la pynkut da kaba ong ba ka thong jong ka sorkar ban pynmih ia katei ka Ain ka long ban ai jingshakri ba janai tam ia u paidbah.

            Ha katei ka prokram ba la pyniaid da u bah S.C Laloo, MCS, Additional Deputy Commissioner, ka kong C. Kharkongor, IAS, Deputy Commissioner ka la kren pdiang sngewbha bad u bah W. Biam, MCS, Additional Deputy Commissioner u la ai ia ki kyntien ai khublei.