********KHUBLEI******** ******** *********KHUBLEI******** ******** *********KHUBLEI***********

********WELCOME******* ******** ********WELCOME******* ******** ********WELCOME********

******** स्वागत हे/ SVAAGAT HE******** ******** ******** स्वागत हे/ SVAAGAT HE****************

WELCOME DEAR VIEWERS....

1. Do you want to enjoy and relax yourselves then WELCOME to this blog....
2. Do you want to know about Khasi Tribe (Maram) of Meghalaya, about Matrilineal system....
3. Do you want to know about Bhagavad Gita and Bible...

September 16, 2011

Ka Jingpyniap ialade ka pynkhlemrain iaka iing ka sem

Ka Jingpyniap ialade ka pynkhlemrain iaka iing ka sem

Ha ka juk ba mynta ka jingim jongngi ki briew ka la long tad dor bha. Ki briew ki pynjot bad pyniap ialade ne ia ki parabriew kum ba pyniap syiar. Ka spah pyrthei ka la kham kordor ban ia ka jingim briew. Ki ksew ki miaw ki la kham kordor ban ia ka mynsiem briew. Ki kam, ka result, ka kamai kajih bad ka khyndew ka syiap ka kham kordor ban ia ka jingim briew. Lada phi peit kylleng sawdong ka pyrthei ba ka jingpyiap ialade ka jyllei bha khamtam lei ki samla bad ka jingiarap ia kiwei ba kin ipa suk ruh ka la nangjur. Ki briew ki lah klet ba ka jingim ka wan na U Blei bad dei tang U Blei u ba don hok ban shim biang ia ka jingim jongngi. Ki klet ruh ba ngi ki briew ngi long ki soh jong ka jignieid U Blei, ki briew bad ka mariang. Hato ka class, ka kam, ka burom ne ka jingim kaba kham kordor?

Ki briew ki pyniap ialade namar ba ki don ki daw ne jingeh bapher bapher kum ka jingiakajia ha iing hasem, ka jingsngewsih, ka jingphil ha exam, ka jingduh nong ha ka kamai kajih, ter ter. U Hitler u la pyniap ialade namar ba ym sngewnud ban shah kren ne lehbein ha kiwei. Ka state Kerela ka long kawei na ki state ba bun bha ki briew ba pyniap ialade dei na ka daw ba kim nud ban im lada ki kum pynjah burom ia ka iing ka sem da kaba ym ioh first class ha exam ne da kiwei pat ki kam. Ki briew ki lah ban pyniap ialade ha bun ki rukom kum ka jingsdien phasi, inject ialade, dih dawai ne bih ne drugs, dung iap ialade, ryngkoh ha ki riat, kali, ne na iing, Euthanasia, bad Jingpyniap Isynei. Bun ki briew ki kren sarong ba ka jingpyniap ialade ka dei ka kam ba shlur. Pynban ki klet ba bun kiba pyniap ialade ki long ki briew ki bym kwah ban iaishah ia ki jingeh, jingjynjar ne ka jingjah burom bad ban kiar na ka jingsngewsih ki pyniap ialade. Ha pyrthei baroh ngi ki briew ngi don ki daw ki ba pynsgewsih bad pynkmen iangi ki briew. Dei tang ki khawpud ki bym lah ban iaid lyngba ki jingsngewsih ne jingeh kiba pyniap ialade. Ki tieng ban im namar kim don ka mynsiem shynrang ban iaid lyngba ki jingeh ne jingjynjar bad kim sngewthuh ba ki jingjynjar ne jingeh ki lah ban ialam ia ngi sha ka burom ne sha ka jingim thymmai.

Ki don katto katne ki jylla lyngba ka jingiarap jong ka saian ki la buh katto katne ki kyndon ba ka jingiarap ban shim ia ka jingim jongkiwei kum ka Euthanasia ne Mercy killing (Jingpyniap Isynei) kim long be-ain. Ki briew ki pyniap ialade da kaba leh hi ne lyngba ka Euthanasia (kaba iarap da kiwei ki briew kum ki doctor). Ka Euthanasia ka lah ban long active (ka por ba I ba kwah iap I dang kham khlain) ne passive (ka jingim ba I ba kwah iap ym lah leh eiei shuh). Active bad Passive Euthanasia ki long ban iarap ia kiwei ba kin iap suk. Ka sorkar jongki katto katne ki jylla ki shah ia ka Jingpyniap haba ki briew ki don ka jingim syrtok (vegetative state). Ka jingiarap ban pyniap ia kiwei kam long be-ain haba ki ba kwah iap ki mon hi bad ym dei ba shu pynbor ne khlem ka jingkyrpad jongki nongpang. Ka jingpyniap ialade ne da ka jingiarap kiwei ka jur bha dei naka daw jong ki jingpang jingshitom met bad mynsiem. Lada ka jingim ka dei ka jingim ba ai sngewbha U Blei lyngba ka jingieid te hato ngi don hok seh mo ban pyniap ialade?

Ki niam bapher bapher ki ialeh pyrshah bad khang ia ki briew ban pyniap ialade namar ki tip ba ka jingim ka dei ka jingai sngewbha U Blei bad dei tang U Blei u ba don hok ban shim biang iangi sha U. Ka jingpyniap ialade ka long kum ka jingialeh pyrshah ia U Blei bad ki briew dei nakane ka daw ki niam bapher ki khein kum ka pop. Kano kano ka lynti ka ba shim iaka jingim briew ka long ka pop ba khraw ba ngi ki briew ngi dei ban kiar. U Immanuel Kant, uwei na ki philosopher, u ong ba lada ki briew ba im syrtok (vegetative state) kim dei shuh ki briew te ngi lah ban iarap ba kin iap suk hynrei lada ki dang dei ki briew te ngim donhok ban iarap ban iap. Ki Uitlitarian, ki briew ba pyrkhat tang ia ka jingkmen bad jingmyntoi, ki ong ba lada ka jingiarap ban iap ne ka jingpyniap ialade ka ai jingkmen ia kiba bun ki briew te kata ka jingiarap ne ka jingpyniap ka bha.

Wat lada ki ain ka ri, ki ain ki niam bapher bapher, ka jingkwah ki bahaiing ne ka jingkwah kiba kwah ban iap ki kwah ban iap ngim dei ban iarap namar ka jingpyniap te kam dei hok ka jingrai jongngi ki briew namar ngim shem la rai ban kha iangi bad namar kata ngim don hok ban rai ban pynkut iala ka jingim. Mano ba don hok ban rai hato U Blei u khlem ai seh mo iangi ka jinglaitluid ban rai? Kan myntoi aiu ia ki briew ban shu im syrtok? U Blei u don hok ban rai ia ka jingim jongngi bad kumno ngin im bad rai ia ka jingbha ne jingsniew ngi ki briew ngi don hok ban rai. U Blei u ai iangi ka jinglaitluid bad ngim dei ban pyndonkam pat iaka ban long kum ki diengpynkiang ia ka jingthmu U Blei. Balei ngim donhok ban shim iala ka jingim? Dei naka daw ba:-

a. Ka jingim ka dei ka jong U Blei

U Blei u dei u nongpyrkhat pyrdain ban thaw iangi, ban pylong iangi bad ban shim biang ia ka jingim sha U. U Blei u long ka jingsdang bad ka jingkut jongka jingim jongngi. Ka met jongngi ka long ka atiar jong ka jingim ba U Blei u ai iangi. Haba U Blei u ai jingim iangi U Blei u ai ruh ka jinglaitluid ha ka jingim jongngi. Ka jinglaitluid ka lah ban pyniajan ia ngi bad U Blei ne ka lah ban pynjngai ia ngi bad U Blei bad long kum ki diengpynkiang ia ki jingthmu U Blei. U Blei u la thaw, ri , iada, iarap bad ai ia ngi ka jinglaitluid te ngam tharai ba ngi ki briew ngi don hok ban shim iala ka jingim ne iarap ia kiwei ban pyniap ialade. Lada ngi pynjot ne pyniap ialade ngi long ki nong pynthud ne pynwit ia ki jingthmu U Blei.

b. Ka jingim ka dei u soh ka jingieid

I mei bad ipa ki long ki atiar ba kongsan jong U Blei ban pynlong briew iang. Ka saian ka pynshisha ba khlem imei bad ipa kan long kaba eh ban longbriew. Haka lynti jingim jongngi I mei, ipa, ki hynmen, para,ba haiing, paralok, nonghikai bad bun ki briew kiba la iarap ia ngi ban im. Ki briew ki la trei shitom ban ai jingim bad ban pynheh pynsan ia ngi. Ka jingim jongngi ka dei u soh ka jingieid U Blei, I mei, ipa, bahaiing, bad baroh ki briew. Te hato ka dei hok she mo ba ngin pynkut noh iaka jingim ha kaba bun ki briew kiba tyngkai iaka? Shuwa ba u Blei un khot biang ia ngi sha U ngi dei ban siew kylliang ia ka jingieid ba ngi la iohpdiang. Ka jingpyniap ialade ka wanrah jingsngewsih, jingkhlemrain bad jingjah burom iaka longing longsem.

c. Ka jingim pythei ka long ka lynti sha ka jingim lawei

Ka jingim jongngi ha pyrthei ka long tang ka jingiaid lynti sha ka jingim lawei. Ngi dei ban iaid janai bad pyndep lut ia ki jingthmu U Blei ha kane ka jingiaid lynti. U Robert Frost (nongthoh poitri) u ong, “Nga hap ban iaid bun mile shuwa ba ngin thiah (iap)”. Iangi la thaw da ka jingthmu ba kyrpang bad bun ki briew ki iarap iangi ba ngin iohi shai kdar iakata ka jingthmu U Blei iangi. Ki tiar ki tar ne ka spah ka phew ki long tang ki tiar ban iarap iangi ba ngi pyndep ia ka jingthmu U Blei. U Blei u la buh iangi ki lynti ba ngin iaid lyngba ha ka jingim ha pyrthei ban pynkhreh ialade ban im ka jingim ha bneng. Ka jingpyniap ialade ka pynlyngkot ia ka jingim bad ngin ym lah shuh ban pyndep ia ki jingthmu U Blei iangi.

Ia ngi la kha ym dei ba ngi kwah ban kha hynrei dei da ka mon sngewbha U Blei bad ngim don hok ban pynkut iala ka jingim lada ym pat dei ka por ba U Blei un shim noh iangi. U Blei u la ai ia ngi ka jingim lyngba I mei, I pa bad bun ki briew ba la iaid lyngba ka jingim jongngi ban pynheh pynsan iangi te ngim dei ban pynjot iala ka jingim khlem pat da siew kylliang ia ka jingieid ba ngi la iohpdiang na ki parabriew. Ka pythei ka long tang kawei na ki lynti jongka jingim jongngi te lada ngi pynlyngkot noh iaka jingim ngin ym lah ban pyndep hok ia ki kamaram ba U Blei u la ai iangi. Ka Jingpyniap ialade kam dei tang ka pop hynrei ka dei ka jingialeh pyrshah ia U Blei, ki briew bad ka mariang. Ki ba pyniap ialade ki dei ki khawpud ki bym nud ban iaid lyngba ki jingeh, jingjynjar bad ki bym kwah ban ioh iaka jingim bapura. Ko khun khasi khara kiar na ka jingpyniap ialade ne ban iarap ia kiwei ba kin iap namar ka long ka kam ba poh dor, kaba pynsgewsih ia U Blei bad ki briew, bad ka long ka kam kaba pynjah burom ia kiba haiing hasem bad iaka jaitbynriew khasi jongngi.

Powered By Blogger

Jakhong, Mairang, Meghalaya

FIND OUT WHAT YOU WANT