“Ka jaitbynriew ka kham khraw ban ïa ka spah bad ka jinglaitluid ka kham kordor ban ïa ka pisa”: (L) Kong Spility/ Meghalaya paid last tribute to (L) Smti. Spility Lyngdoh Langrin

Mawkyrwat, Risaw 31: Tuid u paidbah sha ka jingleit ontep ïa ka met ba dang sah jong ka kong Spility Lyngdoh Langrin mynta ka sngi hapoh Domiasiat tang na ka daw ba ka la ïeng rangbah ban ïaleh pyrshah ban tih uranium da kaba kyntait ïa ka jingtyrwa spah jong ka Sorkar India haduh T. 45 klur ban ïada ïa ka ri bad ka jaidbynriew.

            Ha katei ka sngi leh donburom ba khatduh ïa ka met jong ka kong Spility la ïadon lang naduh ki rangbah jong ka Balang Presbyterian Wahkaji, ki rangbah jong ka Tnad Balang Domiasiat, kiba don ka jingïadei bad katei ka longïing longsem ha kaba la kynthup lang ruh da ki sengbhalang bapher bapher kiba la wan ban ïa donlang ha kane ka sngi naduh ka seng KSU, FKJGP, HYC, HANM, TUR, NESO, Seng Samla Shnong jong ka South West Khasi Hills District bad kiwei kiwei de.

            La ïoh ruh ka jingkren lyngkot na ki katto katne ki nongïalam ba hakhmat eh jong ki sengbhalang ba kynthup ïa bah Bremly W. Lyngdoh, u bah P.B.M. Basaiawmoit, ha kaba na ka liang jong ki ki la pynpaw ba ka jingduh noh jong ki ïa ka mei ieit Spility ka la long ka jingduhnong kaba khraw namar dei ma ka kaba la pyni ïa ka nuksa kaba bha ha ka Ri bad ka Jaidbynriew kumno ban ïeng rangbah ban nym ïa peiñ ïa ka jingim briew ha ryngkat ka spah ha spah jong ka pyrthei kaba long shipor. Ha kajuh ki la ai ruh ki kyntien jingkyrkhu kyrdoh na ka bynta ka ïing ka sem jong ka (L) Spility Lyngdoh Langrin ba kane ka jingduhnoh jong ki ïa kane ka longkmie kan nym kut noh tang ha ka, hynrei ai ba ki longdien kin nangïai bteng ïa ka mynsiem ban ïeng skhem ha ka nongrim ban nym ai lad ïa ki mynder ba kin khlong ïa u uranium bad die duh ïa ka Ri bad ka Jaidbynriew.

Brief History of (L) Spility Lyngdoh Langrin, a woman who fought against uranium mining at Domiasiat, Meghalaya (Ka kana samari ba lyngkot)

"A woman who rejected Rs. 45 crore of wealth from UCIL for safety and welfare of the state"

        La kha ïa ka kong Spility Lyngdoh Langrin, la antad, ha ka snem 1925 ha ka shnong Wahkaji, South West Khasi Hills District. Ka dei ka khun ba nyngkong jong u (L) Kedromanik Lyngkhoi na ka shnong Mawkohngei bad ka (L) Dresila Lyngdoh Langrin na Wahkaji. La kha ïa ka ha ka niam Khristan paka. Ka la heh la san ha ka shnong Wahkaji.

Jinglong Khynnah: Ha ka rta kaba 7 snem ei ei, ka la sdang ban leit skul ha ka Wahkaji Presbyterian Mission School bad ka la pyndep ïa ka Klas II.

Jinglong Samla: Ka kong Spelity Lyngdoh Langrin ka dei ka khun kynthei ba marwei. Ka la im ha ka jinglong rit bad kohnguh sneng ïa ka kmie bad u kpa. Ha ka snem 1950, ka la ïathoh shongkurim bad u (L) Dringly Thongni na ka shnong Pyndensynñia bad ka la don khun 4 ngut. Sniewbok pat, ka la don ka jingïapher jingmut haduh u pud ban da ïa pait ïing syndon. Hadien kata, ka la ïa shong kurim biang bad u (L) Niarly Thongni na ka shnong Wahkaji bad ka la don khun biang 5 ngut. Baroh ki khun ki don 9 ngut, kata, 6 ngut ki khun kynthei bad 3 ngut ki khun shynrang.

Ka jingwan shong shnong hapoh Domïasiat: Ha kaba nyngkong eh, ka ïing ka sem ka jong ka kong Spelity ka la wan sha Domïasiat ban ri jingri kum ki masi ki muid. Suki suki, ka la shong shnong hangne bad, dei ha ka snem 1968, ka la ïoh ïa ka list shnong.

Ki kam ba ka trei: Naduh ba ka la shong la sah ha Domïasiat, ka la im da ka rep ka riang bad ka ri jingri bad ka la long ruh kaba smat ba sting.

 Ki kam nohsynniang ha ka jingim jong ka:

** Watla kam dei ka briew ka ba la nang la stad, hynrei ka long kaba phylla bad lyngngoh ba ka kong Spelity ka don ïa ka sap ba kyrpang ban ïarap ïa ki briew ban ai dawai ha ki thaiñ jong ka kynthup ïa ka thaiñ Warsanlyngdoh bad ka Phlangdiloiñ. Ka la ai jingshakri lyngba kane ka kam jyn haduh ki sngi ba ka la noh ka rta jong ka.

       Ka mei-ieid Spelity ka long ka briew kaba la mad ïa ki jingtynjuh ha ka jingim jong ka: (i) Ka ding ka la bam duh haduh lai sien ïa ka ïing jong ka. (ii) Ka jingiehnoh khunswet ki lai ngut kynthei ha ki pdeng ka rta. (iii) Ka jingpaitlieng ha la ïing la sem.

 ** Ka jingïaleh ha ka jingim: Watla hapdeng ka jingtynjuh ba meh ding kaba ka ïa kynduh ha ka jingim, hynrei kawei kaba khraw kaba ka kong Spelity ka la noh synniang ha ka jingim jong ka ka long ban ïeng ïada ïa la ka hok longtrai ïa ka khyndew ka shyiap bad ïa ka ri bad ka jaidbynriew.

            Ka jingïakhun pyrshah ïa ka jingtih marpoh khyndew uranium: Ka jinglen lade am dukhi khait

            Kane ka la jia nyngkong naduh ki snem 1980, 1981 bad 1982. Ka kong Spelity ha ryngkat bad ki katto katne ki trai khyndew, ki la pynpaw ïa ka jingbymhun ïa ka jingsorbe jong ki kompeni wad marpoh khyndew.

            Ha u snem 1986, watla ka la ai ïa ka temporary permission ïa ka kompeni ha Domïasiat hynrei ka la shem ba katkum ki jingïateh jong ka, ka kompeni ka la pynkheiñ. Ha ka snem 1990, ka Sorkar ka la pynmih ïa ka pre-military order ban shimduh ïa ka khyndew na ka bynta ka jingdonkam jong ka Sorkar hynrei ka kong Spelity ka la kyntait shisyndon hadien ba ka la lap ïa ki jingktah ha kiba bun rukom. Kumta, ka la rai kut bad ka la ai ka jingthoh sha u Prime Minister ban sangeh noh shisyndon ïa ka permission.

            Ha u snem 1991, ka kong Spelity ka la boycott noh ïa ka temporary permission baroh. Hynrei namar ba ki briew jong ka Atomic Energy ki dang ïai bteng ïa ka exploration, kumta ka la wad jingïarap na u (L) Hopingstone Lyngdoh bad na kiwei kiwei ki NGO bad dei ha ka snem 1993-1994, ka la ai da ka ‘Quit Notice’ sha u Director jong ka AMD ban mih noh shisyndon bad la phah kopi ïa kane sha u Prime Minister bad ki myntri jong ka jylla.

            Ka thma barieh kam shym la kut ha ka jingim jong ka. Ha ka snem 2002, ka Sorkar ka la phah biang ban pynbiej ïa ka da ka pisa kaba heh. Hynrei ka kong Spelity ka la ong da kine ki kyntien, “Ka pisa kam lah ban thied ïa ka jinglaitluid jong nga.”

            Ha u snem 2006, ka la ïalam ïa ka kur Langrin ban pynpra ïa u mawnongrim jong ka UCIL kum ka dak jong ka jingpyrshah ïa ka jingthmu tih ïa u uranium. Ha ka juh ka snem hi, ka la sieh lama ïong hapoh shnong Domïasiat ban pynpaw ïa ka jingpyrshah ïa ka jingwan u Lat da ka jingthoh ha ka ktien English kaba ong, “It is better to be beheaded than lose an inch of my land.”

            Ha ka snem 2007, ka kong Spelity ka la ïalam bad pynsngew ban ïeng pyrshah ïa ka public hearing kaba la pynlong Nongbah Jynrin.

            Ki jingkynthoh ba har rukom ki wan hynrei ïa kine baroh ka la pdiang sngewbha. Kum ka ‘riewshlur ba khlem riej, ka la jop thma haduh ki sngi ka jinglong tymmen jong ka da kaba khlem kynthoh ïa kiwei ne rhah ïa ka spah doh bym dei. Hynrei ka la jied ïa kaba bha na ka bynta ka pateng bynriew ka ban wan.

            Ha ka rta ka 95 snem ei ei, ka la don 9 ngut ki khun, 42 ngut ki khun ksiew bad 70 ngut ki khun miaw.

            Ka kong Spelity ka la sdang kem pang ha ka 5 tarik u ‘Nailur, 2020. Ka jingpang ka la trei suki jai ha ryngkat ka jingnoh tymmen bad ka la bat ïa ka haduh shibnai shiteng bad dei ha ka 28 tarik u Risaw, 2020, ha ka por 11:30 mynmiet, ka la khlad noh na kane ka pyrthei.

            Ka jingduh noh ïa ine i meiieid, ka la long ka jingduh kaba khraw ïa ki khun ki ksiew. Ka la long ruh ka jingduh ïa ka ri bad ka jaidbynriew hi baroh kawei.

            “La phin ngam ïa ki khlaw ne phi wad ha ki sorbah, ñiar eh ban shem kum kane ka briew. Ki sbai rupa kin lip rong ha khmat jong ka.”

            Ki kyntien jong ki ‘riewstad ki pynkynmaw bad ki ong, “Ki khawpud ki ïap bun sien shwa ka jingïap hynrei ki riewshlur ki ïap tang shisien shwa ban ïap.”

 

Buh mawnongrim ia ka surok Thiepbamon sha Mawpud

Ranikor, Risaw 30, 2020; Ka ophis jong u Executive Engineer PWD (Roads), Ranikor Division, Ranikor mynta ka sngi ka la pynlong ia ka jingbuh mawnongrim ia ka surok Thiepbamon sha Mawpud kaba don kumba 2.60 Km ha ka jinglut kaba T. 4.95 klur kaba la pynlong ha phyllaw ka skul Mawpud Secondary School ha kaba u Bah Pius Marwein, Hon'ble MLA & MDC Ranikor Constituency u la long u kongsan bad u Bah H.S Diengdoh, ADC i/c Ranikor Civil Sub-Division, Ranikor u la long u symbud kongsan.

Haba kren ha kum u kongsan u Bah Pius Marwein u la ai ka jingkhublei ia ka jingtrei shitom bad jingaiti lut met bad mynsiem jong ki nongtrei sorkar ban wanrah ia ka roi ka par hapoh ka Sub-Divsion bad ka District hi baroh kawei. U la ong ruh ba kane ka surok ka long kaba pyniasoh ia ka District bad ki shnong bapher bapher. U la bynrap da ka ba ong ba "ka shnong Mawpud ka ba la pynmih shibun ki riewkhraw ha ka jylla hi baroh kawei bad kaba pynlyngngoh ia u haba u poi sha katei ka shnong ka long ba katkum ka jingpaw ka kyrteng ka jinglong jingman ka shnong ka thaw pat ka dang duna bha  bad sah dum te nga la buh jingmut kyrpang ban iarap ia ka shnong lyngba ka jingiatreilang ban pynioh surok rong sha ka shnong bad ban buh mawnongrim ia ka surok Thiepbamon sha Mawpud ban pynsting ia ka lyngkor ba khia u paidbah". U la buh ka jingkular ruh ba kane ka surok kan ym kut tang ha kaba buh mawnongrim hynrei ban pynurlong bad iohi ban pyndonkam ia ka surok. U la kular ruh ban buddien ia ka jingdonkam ki paidbah ban ioh noh ia ka PHC  hapoh shnong, ban peit ruh ia kiwei ki jingdonkam ka shnong bad ban nang trei shitom ban pynurlong noh sa ia ka surok Ranikor-Wahkaji-Nonstoin. U la ong ruh ka jingwan ka khlam ka la pyndkhoh ia ka roi ka par namar ba ka sorkar ka la pynlut bun ka pisa ban tehlakam ia u COVID-19 wat la katta u la ong ba na ki 214 tylli ki shnong ha ka Constituency u la pyrshang ban ai ki jingiarap kat kaba lah ei ban kyntiew ia ka roi ka par bad ka bha ka miat ka dong ka thain.

U Bah H.S Diengdoh, ADC i/c Ranikor Civil Sub-Division, Ranikor u la ong ba ka surok ka long u budlum ne u thiedsnam jong ka roi ka par bad wanrah jingshai ha ka imlang sahlang. Kane ka long ka sngi ka ba kmen tam ba ngi la kyrmen da ki bun bun snem bad ka jingiaishah ka wanrah da u soh ba bha tam ban sah jingkynmaw shirta ka jingim bad ha ka lawei  ban wan. U la pynkut da kaba ong ba “haba don ka mon bad ka jingtreishitom ngin sa ioh kheit ia u soh jong ka jingjop”. 

Na ka liang u BDO, Ranikor C&RD Block, Ranikor, u Bah L.G. M. Kharmih, MCS, u la kyntu ba haba ioh ia ka surok wat klet ia ka jingim bad jinglong nongwar ban sumar ia ka mariang, ban rep ban riang bad ka jingwan ka surok kan long ka nongiarap ban kyntiew ia ka rep ka riang bad ka ioh ka kot. 

U Er. K.C. Nongrum, E.E PWD (Roads), Ranikor Division, Ranikor u la ong ba “ka jingplie ia kane ka surok ka long ka matti sah jingkynmaw ia ka roi ka par jong ka dong ka thain”. U la ong ruh ba ka shnong Mawpud ka dei ka shnong ba la pynmih shibun ki khlur phyrnai ha ka imlang sahlang wat lada ki mat shibun ki jingeh na ka daw ka surok. U la bynrap ba katei ka surok kan sa pynlyngkot ia ka jingiaid lynti jong ki shnong border ban leit sha mawkyrwat bad ka long ka jingkhang ka roi ka par ia ka shnong Mawpud, Bamon bad kiwei ki shnong.  U la iathuh ruh ia ka khana samari bad ki jingeh ba la iakynduh  wat la katta  ka jingtrei shitom ka ophis bad u MLA  kala wanrah ia u soh ban pynurlong ia ka jingbuh mawnongrim ia katei ka surok. U la pynkut da kaba ong ba katei ka surok kan long ka challenge bad ka experience ia ka department ban trei ia kum katei ka surok ba kham jynjar. 

Ia katei ka prokram la pyniaid bad pdiang sngewbha da u Er. D. Kyndiah, AEE PWD (Roads), Nonghyllam Sub-Division, Nonghyllam. Kiwei pat kiba kren ha katei ka sngi ki long u Bah Welldone Wanniang, Rangbah Shnong, Lower Mawpud, Bah Slander Wanniang, Rangbah Shnong, Upper Mawpud. Bah C. Nongbri, Ex Student Mawpud Sec. School, Bah S. Lyngdoh, Rangbah Shnong Bamon, bad u Bah G.G. Bung, Vice-Chairman Meghalaya State Planning Board & Myntri Nongkenbah. U Tbn. K.C. Mawnai u la ai ka jingduwai, u Bah Becareful K. Wanniang u la ai ia ka jingrwai pdiang sngewbha bad ia ka Jingkren ai khublei la pyndep da u Er. R.B. Dkhar,AEE PWD (Roads), Ranikor Sub-Division, Ranikor.

Observation of National Disaster Risk Reduction Day, 2020 at South West Khasi Hills District, Meghalaya

 

“Early help could make a difference between life and dead”: DC SWKHD

Mawkyrwat, October 29, 2020: The observation of National Disaster Risk Reduction Day, 2020 organised by the District Disaster Management Authority (DDMA) South West Khasi Hills District, Mawkyrwat at Multipurpose Hall, DC Office, Mawkyrwat went on meaningfully today where village headmen and leaders attended the gathering.

            Speaking on the occasion, Miss Caramai Kharkongor, IAS, Deputy Commissioner South West Khasi Hills District (SWKHD), Mawkyrwat, spoke about the two types of disaster namely man-made and natural disaster and urged people to be prepared at grassroots level to reduce destruction and loss of life in case of disaster. She informed that Meghalaya is located in Seismic Zone – V, which is highly vulnerable to earthquakes and apart from earthquakes, it is affected by a number of landslides, storms, flash floods, fire accidents and other kinds of hazards. She encouraged village leaders to have a log book to record important contact numbers of government officials in the district, to have a list of all elderly, children and disabled person who would require immediate support on event of disaster. She added that ‘if we provide help at the earliest the difference is between life and dead”. She also encouraged village leaders to have a Village Disaster Management Plan (VDMP) and have a stock of medicine, clothes and other essential commodities as part of preparedness in case of disaster.

            Shri S. Paslein DySP, SWKHD, Mawkyrwat spoke on the topic, “Role and Responsibility of Police in case of Disaster”. He said that law and order issues like stealing, looting, oppression etc are prevalent in case of disaster therefore police department need to take active role during disaster. Traffic management is another responsibility to the department. Police Department also work in close collaboration with other departments like with Fire and Emergency Services, civil defence, supply and other emergency services like search and rescue works. Through the MPRO branch the department also provide the administration with immediate information for necessary action.

            Speaking on the topic “Role of Civil Defence in Disaster Management”, Shri. Willy Nonglang, Deputy Controller of Civil Defense and Officer Commanding Home Guard, Nongstoin i/c Mawkyrwat said that the main task of the department is saving life, prevention, mitigation, preparation, response or emergency, evacuation, and recovery. He added that Civil Defence is actively involved in Pre /before, during & after / post Disaster. In pre-disaster the role is to educate people at grass-roots level liaising with DDMA in holding training, awareness programme, regular mock exercises etc, and Sensitising Govt. Servants. During disaster the Civil Defence act as responders, Co-ordinate with other rescue agencies, assesses police/ traffic police in ensuring smooth movement of vehicles in affected areas, Search and Rescue, First Aid (manning FA Posts.), Transportation of casualties/ helping in evacuation, Welfare and relief, work with Supply department and Corpse Disposal. After disaster the department works with Welfare/ relief service, Security, Corpse Disposal Service.

Salvage Service, Helping the local administration in assessing the extent of loss to life & property, and providing Reports. He concluded saying that “Civil Defence is essentially the defence of citizens by citizens and unless the common man and woman is made civil defence minded, the organisation will fail to achieve its object. It is very necessary to secure maximum public cooperation”.

            Dr. F.R Lartang, DM&HO, SWKHD gave a presentation on the Role of Health Department in Disaster Management. He said that the role of health department is to detect and monitor diseases outbreak, to monitors trends of occurrence non-communicable and communicable diseases, strengthening of public health, Training and deployment of Rapid Responds Team and help people overcome from trauma (Mental health and psychological care) caused by the disaster. He added that the fundamental obligations of public health agencies is to prevent epidemics and the spread of diseases, protect against environmental hazards, to promote and encourage healthy behaviours and mental health, to respond to disasters and assist communities in recovery.

            The District Disaster Management Officer (DDMO) Shri. E. S. Langshiang chaired the gathering and also gave a presentation on the topic, “Village Disaster Management Plan (VDMP)” and briefed the gathering on Disater Scenario in Meghalaya. He also said that South West Khasi Hills is also vulnerable to natural disaster and one of such incident is the loss of lives of 6 persons during flash flood on 22^nd September 2020 at Tihiang River. He concluded saying that “preparedness and vigilance are the best tool in case of disaster”.

 -----------------------------------------------------------------

“Ka jingpeitngor bad ka jinglong bala khreh ki long ki attiar ba kordor tam”: DC SWKHD

 Mawkyrwat, Risaw 29, 2020: Ka jingrakhe ia ka National Disaster Risk Reduction Day, 2020 ba la pynlong da ka ophis District Disaster Management Authority (DDMA) South West Khasi Hills District, Mawkyrwat mynta ka sngi ha Multipurpose Hall, DC Office ka long kaba shongkun hakaba la iashim bynta da ki nongialam shnong jong ki shnong bapher bapher jong ka district.

            Haba kren ha katei ka sngi ka kong Caramai Kharkongor, IAS, Deputy Commissioner South West Khasi Hills District (SWKHD), Mawkyrwat, ka la ong ba don arjait ki jingpynjulor bad kita ki long ka jingpynjulor ba la sdang da u briew (man-made disaster) bad jingpynjulor na ka bor mariang (natural disaster) bad mangi ki briew ngi dei ban long borabor kiba la  khreh namar ngin  ym  lah ban kiar na ki khnang ba ka jingpynjulor bad ka jingduh noh ia ka mynsiem briew ka duna. Ka la bynrap ruh ba ki shnong ki dei ban don ka Village Disaster Management Plan (VDMP) ban ai ki lad jingiada, ka jingpynkhreh ne ka jingpynbiang ban long kiba la kloi ban iarap bad ban don ki buit ialeh ban pynduna ia ki jingjulor hapoh ki shnong ki thaw jongki kumjuh ruh ban don ka jaka ban buh ki dawai, ki jain ki nep ne ka bam ka dih ha ki por jong ka jinglynshop ka mariang. I la kyntu ruh ba ki nongialam shnong ki dei ban buh ia ki phone number ba donkam jong ki ophisar sorkar khnang ban pyntip wut wut bad wat ki lad jingiarap ha kino kino ki jingshemlanot. I la iathuh ruh ba ka Meghalaya ka don ha u Seismic Zone – V katta ka mut ka jaka ba kham jur bha u jumai nalor kiwei ki jingpynjulor ka mariang kum ka jingtwa kyndew, ka eriong, jingshlei um, jingpluh ding bad kiwei ki jingpynjulor. Te namarkatta i la kyntu ba ka long kaba donkam ban long borabor ki pa peitngor ban iada na ki jingshemlanot da kaba bynrap ba ‘da ngi iarap ha ka por ba dei ngi lah ban pyniapher na ka jingiap sha ka jingim’ bad kumjuh ruh “ka jingpeitngor bad ka jinglong bala khreh ki long ki attiar ba kordor tam ha ki por jong ka jingshah lynshop ha ki bor mariang. 

            U Bah S. Paslein DySP, SWKHD, Mawkyrwat haba kren halor ka phang, “ka kamram jong ka Police Department ha ki por jong ka jingshemlanot” u la ong ba ha ki  por jong ka jinglynshop ka mariang ki kam runar kum ka jingtuh, jinglute, jingshahlehbein bad kiwei ki jingsniew ki ju mih bun bha te namar katta ka kamram ba kongsan jong ki pulit ki long ban peit ia ka bha ka miat bad jingshongshngain ha ka imlang sahlang. U la bynrap ruh ba ki ai ruh ka jingiarap ba donkam eh kum ban pyllait ia ki lynti ki synkien, ka jingpyllait im ia ki briew, ka jingiatreilang bad kiwei ki department ha ka jingpynbiang bam ne dawai bad kumjuh ruh lyngba ka MPRO department ki ai ia ki jingtip ba kongsan bad ba donkam eh sha ki bor pyniaid district ne ka sorkar khnang ban ioh ki lad jingiarap ha ka por ba donkam eh.

            Haba kren halor ka phang “ka kamram jong ki Civil Defence ha ka por jong ka jingshemlanot” u Bah Willy Nonglang, Deputy Controller of Civil Defense and Officer Commanding Home Guard, Nongstoin i/c Mawkyrwat u la ong ba ka kamram ba kongsan eh ka jong ki ka long ban pyllait im ia ki briew, ban iada bad pynduna ia ka jingjulor, ka jingpynryngkangpar sha ki jaka bym don jingma, ban ai jingpynkoit, ban thoh ia ka bui jong ka jingpynjulor bad ban ai jingiarap sha ki briew ban sdang tymmai ia ka jingim. I la ong ruh ba ka Civil Defence ka don ka bynta ba kongsan shuwa ka jingjia, ha ka kor jong ka jingjia bad hadien ka jingjia jong ka jingpynjulor ka mariang. U la ong ruh ba “ki nongshongshnong ki dei ban long ki nongiarap ba nyngkong tam haba don kino kino ki jingjia ha shnong ha thaw. Ka jingiatreilang jong ka sorkar bad ki traishnong ka long kaba donkam bha ban wanrah ia ka jingbha bad dei na katta ka daw ba ha u September 1968, ka sorkar lyngba ka Civil Defence Act, 1968 ka la sdang ia ka Civil Defence.

            U Dr. F.R Lartang, DM&HO, SWKHD u la kren halor ka phang “Ka kamram jong ka tnad ka koit ka khiah ha ka por jong ka jingshemlanot”. U la ong ba ka tnad ka koit ka khiah ka don ka bynta ba kongsan bha ban tehlakam ia ka jingsdang ka jingpang, ban ai dawai bad iada na ka jingsaphriang ka jingpang, ban pynkhlain ia ka bor met bor phat ne bor pyrkhat jong kito ba shemlanot, ban peit ba ka ka bam ka dih, ka umbam umdih bad ka jaka sah kin long kiba khuid. U la ong ruh ba ka bynta ba kongsan ka long ban phikir bha ban kan ym sdang ka khlam bad ka jingsaphriang jong ki jingpang bad ban pynshlur ia ki briew ban long borabor kiba khiah krat bha.

            U District Disaster Management Officer (DDMO) u Bah. E. S. Langshiang uba la pyniaid ia katei ka jingialang u la kren ruh halor ka phang, “Village Disaster Management Plan (VDMP)” bad u la iathuh ruh shaphang ka rukom long ka jylla Meghalaya ha kaba iadei bad ki jingshah lynshop ha ka mariang. U la iathuh ruh ba ka South West Khasi Hills District ka long kawei na ki district ba don hapdeng ka jingma ha ka jingshah pynjulor ha ka mariang la kadei u jumai, jingtwa khyndew, jingshlei um, jingshah ktah ha ka erbih uranium, jingsah kut ha ki krem dewiong ne mawshun, jingshah kit ha ki wah bad kumta ter ter da kaba u la ai ia ka nuksa jong ka jingsharong noh ki 6 ngut ki briew ha ka wah Tihiang kaba la jia ha ka 22^nd September 2020. U la pynkut da kaba ong ba ka kyntu ia ki nongialam shnong ba ki dei ban sdang ioh ia ka VDMP hala ki shnong khnang ba ka sorkar ka lah ban ai jingiarap ia ki ha ka por ka ba biang bad kumjuh ruh ka jingjulor kan ym jur than.

Jingbthah kumno ban leh haba leit ontep ne thang ia met iap jong kito ba ioh COVID-19 (SOPs for burial/creamation of dead bodies)

 GOVERNMENT OF MEGHALAYA

HEALTH & FAMILY WELFARE DEPARTMENT

***

No.Health.114/2020/40,                               Dated Shillong, the zs" October, 2020.

 

JINGPYNBNA

La pynmih ia kine ki kyndon treikam/jingbthah harum na ka bynta kumno ban pyndep ia ki metiap jong ki kito ba don ki dak ki shin ne ba la pynthikna ba don COVID-19 katkum ka jingbthah/kyndon treikam ba la pynmih da ka tnad Health bad Family Welfare jong ka Sorkar ha kaba lah ban ioh ruh n aka website

https://www.mohfw.gov.in/pdf/1584423700568COVID 19GuidelinesonDeadbodymanagement.pdf

1.      Ka daw ba ha khmat eh  jong ka jing-sa-phriang jong kane ka jingpang COVID-19 ka dei lyngba ki symboh umbiah kiba long ha ka dur jong ka jynhaw. Kumta, kam da don than kano kano ka jingma ban ioh kem ne iabit ia kane ka jingpang-khlam ia ki nongtrei ka koit ka khiah, ki bahaiing bahasem ne ki volunteers lyngba  ki met-iap  lada  ki pyndep ia ka met iap da kaba bud thik pa thik ia ki kyndon treikam bad jingbthah ba la buh

2.      Baroh kito kiba iashimbynta ha ka jingleit ontep ne thang ki dei ban bud ia ki kyndon treikam kum ka jinglehkhuid da kaba sait ia ki kti, jingpyndonkam ia ki surgical masks bad ki jingsopkti (gloves).

3.      Dei ban kiar na ka jingialum paidbah ha ki jaka tep ne thang khnang ban dup lah ban pyniajngai parabriew namar ka lah ban long ba ki bahaiing ha sem bajan tam ki lah ban don ki dak ki shin ne ki lah ban pynsaphriang ia utei u khniang.

4.      Yn ailad ia ki bahaiing hasem ban peit khatduh ia ka met iap da kaba plié na tduh jong ka pla ba la thep bad pynpaw iaka dur khmat jong ka met (da kito kiban pyndep ia kaban tep ne thang bad dakaba bud ryntih ia ki kyndon treikam).

5.      Yn shah ban pyndep ia ki jinglehniam bakhatduh kum ka jingpule na Ktien U Blei ne ki kotniam, ka jingsynreit um kyrkhu bad kiwei dei ki jinglehniam ba khatduh ki bym donkam ban ktah ia ka met.

6.      Yn ym shah ban pynsum, ban doh, ban kdup kumta ter ter ia ka met iap.

7.      Ki nongtep nongthang, ki volunteers bad ki bahaiing hasem ki dei ban saitkhuid ia ki kti hadien ba la dep tep dep thang.

8.      Ka jingjylliew jong ka jaka tep ka dep ban long 6 phut

9.      Lada dei ba shu thang, u dpei ym don jingma eiei bad lah ban lum bad pyndep ia ka jinglehniam bakhatduh.

10.  Ia ka kali ba kit ia ka metiap hadien ba la dep tep dep thang ki nongleit tep leit thang ki dei ban pynkhuid bad synreit dawai kaba don 1% u Sodium Hypochlorite (ba lah ban ioh na ki dukan die dawai). Ia kane lah ban leh ruh da kito ba rah ia ka metiap.

 

Sd/-

(Sampath Kumar, IAS)

Commissioner & Secretary to the Government of Meghalaya,

Health & Family Welfare Department