********KHUBLEI******** ******** *********KHUBLEI******** ******** *********KHUBLEI***********

********WELCOME******* ******** ********WELCOME******* ******** ********WELCOME********

******** स्वागत हे/ SVAAGAT HE******** ******** ******** स्वागत हे/ SVAAGAT HE****************

WELCOME DEAR VIEWERS....

1. Do you want to enjoy and relax yourselves then WELCOME to this blog....
2. Do you want to know about Khasi Tribe (Maram) of Meghalaya, about Matrilineal system....
3. Do you want to know about Bhagavad Gita and Bible...

October 31, 2011

Jakhong Village

Jakhong Village

Jakhong is a small village in West Khasi Hills District of Meghalaya State, India. It belongs to Mairang Constituency with 130 houses and around 700 people living in it. Jakhong is a village bordered with river Khri in the east and north, river Umlah in the south and river Rahkep in the west. Mawkarah, Umpongdeng, Khlawmariaw, Umriah, Umiin, Warmawsaw and Jingkieng ingding are some of its neighboring villages. Jakong village is surrounded with thick jungles and splendid waterfalls. Till now Jakhong provides and opportunity for tourist to see the natural habitat of animals like elephants, tigers, deer, bear, hyenas, jackals, monkeys and others.

Jakhong is richly blessed with many medicinal plants, animals, birds and fish. The soil is very fertile and so the people could cultivate paddy of different kinds, potatoes, maize, sesame, pumpkins, mustard leaves and different types of vegetables and fruits. Jakhong is also well known for the supply of soft-brooms, timber, pineapple, pumpkins, local rice and others.

Bynniaw ki nong Jakhong namar ka Surok

“Hangno kong phi kha ia ine I khun”, la kylli I doctor ia I longkmie na Jakhong ba wan shim dawai, bad ita I longkmie I la jubab, “nga kha ha lynti iew por ba mut leit kha ha hospital doctor”. Katno sngewshongpap bad sngewsangsot ba haduh mynta dang don kum kine ki jingjia ha ka Ri Tipbriew tipblei jongngi. Tangba kane kam dei tang ka apot jong kane kawei ka longkmie. Wan sha kine ki thain Jakhong, Khlawmariaw, Umpongdeng, Nongrilong bad kiwei de kin sa iathuh iaphi ba kumno ki la shem jynjar bad lanot dei naka daw ba ym don surok. Ki briew ki la shu kha bad iap ha ki lynti iew ne ki iing ki sem dei tang nakadaw ba kim lah ban poi hospital bad ym don dispensary ha jan. Lada don dispensary kum ha Jakhong ym don pat sa ki nongtrei. Balei mo ka sorkar bad ki nongmihkhmat ki dang matlah ia ki jingeh jong ki paidbah? Bunsien ka sorkar wat lada ka buh ia ka thong kaba ha khmat ban pynioh ia ki surok, hynrei ka la shu kut tang ha kaba buh ia ka thong khem da pyntreikam pat.

Ka shnong Jakhong, ba hap ha Mairang constituency bad ba long kum ka centre ia kiwei pat ki shnong ha kine ki thain, ka la ioh ia ka surok kyndew PWD naduh u snem 1997. Leit sha kane ka shnong bad phin sa iohi ka la long kumno kane ka surok mynta. Kane ka surok ka la long kum ki jaka dem ki shynreh bad ki don ki jaka ba wat ki briew kim nud shuh ban iaid namar ba ka lah kylla thliew. Ki Rangbah Shnong kine ki thain ki la leit sha ka sorkar hynrei ka sorkar ka pynshah da ka shkor kynriang bad ka pynshad shrieh pynban iaki katba ki leit. Katkum I paieid Krispin, “ka sorkar ka patiaw ia ngi tang ha ka por election bad hadien katta patde ki pynlong nongwei iangi”. Ka shnong Jakhong ka long ka shnong ba seisoh bha ha ka rep ka riang hynrei dei ba ym don surok ban pynpoi ha iew, ki jingthung jingtep ki shu sah pyut ha iing bad ha klaw. Te kumno kein ki briew kin lah ban kyntiew ia ka roi ka par bad ia ka ioh ka kot, haba kim don ia ka surok ka babit babiang? Lada ka sorkar ka sngew ba ka don ia ka thong ban kyntiew ia ka ioh ka kot bad ka roi ka par kam donkam ban ai ia kiwei ki kam pynroi, hynrei kaba hakhmat eh ai shuwa ia ka surok kaba bit babiang bad ia kiwei ki kam pynroi sa ia peit pat hadien.

Ka shnong Jakhong ka long tang kawei na ki shnong ba bun ba la shah lehbein ha ka sorkar Meghalaya. Balei mo ka sorkar Meghalaya ka klet ia ki nongkyndong kiba donkam ban ioh ia ka hok? Shaei lut ka pisa ba ai ka sorkar kmie lyngba ka Rural Development scheme? Nga tharai ki briew ba sah sha nongkyndong ruh ki don hok ban ioh ia ka bha ka bynta ba la mang ka sorkar kmie na Delhi. Ngi kum ki khun samla ngi kyrpad ia ka sorkar bad ki NGO ba kin ym tep eitmiaw ia ki nongkyndong namar ki dei ki mynta ba kongsan jong ka jylla Meghalaya. Ka Sorkar ka dei ban pynbiang ia ki jingdonkam ba kongsan kum ka surok, ka lait bad ka um sha ki nongkyndong namar ia ka bam ki lah ioh hi na ka rep ka riang.

Ka Jingkyrpad kam ju sepei ia ki briew ha ki thain Jakhong

Ki nong Jakhong bad ki shnong ba don ha kine ki thain ki la sdang ban iohi ba ka Sorkar ka la sdang ban sngap ia ka sur myllung jongki. Ki nong Jakhong, Umpongdeng, Khlawmariaw, Uming, Umriah, Umsa khlawmariaw ki la sngewnguh ia ki nongpyniaid ka Mairang Constituency ba ki la shim khia ban pyntreikam da kaba shna bad siang surok rong (black topping) noh ia ka surok na Mawkarah sha Jakhong. Mynta ka shong ha ki briew kine ki thain ba kin iatrei lang bad ki contractor bad shna shisha ka surok kaba bha ym ka surok ba shu shna malu mala bad sa tep noh iaka pisa sha ka pla. Ngi don ka jingkyrmen ba kane ka jingthmu ka sorkar ban ai surok rong noh wat tang 10km kan sa iarap shibun ia ki briew kine ki thain ban kham ioh kamet ka bakoit ba khiah, ban kham roi ha ka ioh ka kot (economy) bad ban kham long ka jaka ba ki Tourist ki lah ban wan peit kai ia ki katto katne ki jaka ba ym pat ju poi mano mano. Ki briew kine ki thain ki dei ban iatrei lang bad ka Sorkar ban ioh ka surok babha ym ban shu trei tangdep ia ka surok. Ka jingtrei bha mynta kan sa pynduna ia ki jingjynjar hadien. “Ka jingiatrei lang ka wanrah ia ka roi ka par bad ka jingkmen ha ka jingim jongngi”.

Ka jingkhwai dohkha ba wanrah jingkmen ha Jakhong

“Lah ngat, lah ngat!!! Pyrta jam ki khynnah bad ki longkmie tang shu iohi ia ki dohkha ba kynjut ki nongkhwai ha ka jingpynialeh competition khwai dohkha ba nyngkong tam ha ka shnong Jakhong ha ka 8 tarik October. Ka Jingpynialeh competition khwai dohkha ha ka pung I kong Iobina Lyngdoh bad I bah Carelus Peinlang, ba la pyniaid da I Bah Charles Lyngdoh, Secretary shnong Jakhong bad I Kong Iobina Lyngdoh, ka la khring shibun ki nongkhwai na West Khasi Hills bad na Ri Bhoi Districts bad ka la pynbyrngia shikatdei ia ki khynnah, samla, longkmie longkpa ki ba khlem iashim bynta. La don palat ia ki 70 ngut ki nongkhwai ba la iashim bynta ban pyni ia ka sap khwai jongki bad ban pashad ia la ka bok ka rwiang ha ka pung ha Jakhong ban ioh ia ki dohkha ban ia muja bad ia ka prize pisa ban thep ha ka pla. I nong Umiien I la ioh ka dohkha ba 1.300kg bad I la ioh rah ia ka prize ba nyngkong. Kane ka competition ka la long kum ka Bal-mela ka ba wanrah jingkmen bad jingiakynduh lang jong ki briew na shnong na thaw bad ki briew na ki shnong ba marjan.

Ka shnong Jakhong ka hap hapoh ka Mairang Constituency, West Khasi Hills bad ka don hajan Warmawsaw, Ri Bhoi District. Te kane ka competition Khwai dohkha ka la khring ia ki ba bun ki briew na baroh ar district ki ba lah poi bad ki bym pat ju poi ha kane ka shnong. La don ruh ki nongkhwai ki bym shym la iohkwai shuh namar ba jah lynti ha khlaw. Ka shnong Jakhong bad ki shnong ha kine ki thain ki la sah dum namar ba ym don surok ba thikna. Ka Jakhong ka la ioh surok khyndew PWD naduh U snem 1997 bad haduh mynta ym pat don surok rong. Ka jingpynkhwai dohkha ha kane ka shnong ba la iashim bynta da bun bha ki nongkhwai, ki ba iaid da ka kjat ban poi sha kane ka shnong, ka pynpaw shai kdar ba ki nongkyndong ruh ki don ki jaka puta ba kongsan bha ha ka jylla Meghalaya ban khring ia ki tourist bad ban pynroi ia ka ioh ka kot ym tang jongki nongkyndong hynrei ia ka jylla baroh kawei. Ia katei ka pung la ioh jingiarap na ka ophis Fisheries bad ka la iarap shisha ia ki briew ym tang ka ioh ka kot hynrei ban ai jingkmen bad ban pyniatylli lang ia ki briew ha kine ki thain.


Pynsngewsarong ka NET exam ia ki Nongkyndong

Ka jingpass jong I Gilbert Armstrong Lyngdoh Marshillong, khun jong I kong Iobina Lyngdoh Marshillong, ia ka NET exam 2011, ka la pysngewsarong shisha ia ki nong Jakhong bad ki briew sha kine ki thain. I Gilbert I la long I wei na ki arngut ki khynnah NEHU Political Science Department ba la pass ia kane ka exam. Katkum ka jingtip jongngi I Gilbert I dei I ba Nyngkong tam ha ka thain Nongkhlaw barohkawei ba la pass ia ka NET exam. Ki briew kane ka thain ki la sngewsarong shisha ba la don I ba pass kum kane ka exam na ka shnong bym pat don surok thikna, bym pat don telephone connection, ka jaka bym pat don skul ba bha ne hospital. Ngi na ka shnong Jakhong ngi ai khublei kitbok kitrwiang ia I ne ki khun binong bishong ka shnong. I la long I briew ba trei shitom shisha bad I la wanrah nam ia ka ki briew ka thain Nongkhlaw baroh kawei. Ka jingpass jongi ka pyni ba wat ki nongkyndong ruh ki don ki sap ki phong ban kiew sha ka kyrdan jong ka nam bad ka burom. Ki rang ki thei nongkyndong kim dei ban sngew ba ki biej ki them bad sah ha jingdum hynrei ki dei ban don ka mynseim ialeh bad bud ia ki dienjat jong U Tirot Sing, U khla kawait ka Ri Khasi jongngi. Haba ngi don ka mon ka lad ka lynti ka plie iangi.

I Gilbert mynta I dang thoh ia ka exam II MA (Pol) ha NEHU. I la long ruh I ba la ioh ia ka award ICYM West Khasi Hills hadien ba I la pass ia ka class XII. I lah ioh Vth rank ruh ha ka degree jongi.

Nga phah shaphi ia ka ne ka khubor ym namar ba ngi kwah pynbna nam ba I Gilbert I la pass ia ka NET exam hynrei ban pyni nuksa ba wat ki Nongkyndong ruh ki ba long majority ha Meghalaya ki lah ban poi sha ka kyrdan jongka nam bad ka burom. Te lada long kaba lah sngewbha seh ai jaka lem wat tang kyndiat ruh ha ka kot khubor jongphi. U Blei un sa kyrkhu ia ka jingbha jongphi.

Ioh 4th rank na Jakhong

Katno ngi ki nong Jakhong, Mairang ngi sngew sarong ba I Gilbert Armstrong Lyngdoh Marshillong, khun jong I kong Iobina Lyngdoh Marshillong, I la ioh 4th rank ha ka II MA (Pol) final exam, NEHU 2011. Ngi na ka shnong Jakhong ngi ai khublei kitbok kitrwiang ia I ne I khun binong bishon ka shnong. I Gilbert I la pass ruh ia ka NET exam, 2011, I la ioh ia ka award ICYM West Khasi Hills hadien ba I la pass ia ka class XII na Tripura bad I lah ioh Vth rank ruh ha ka degree jongi. Ka jingpass jongi ka pyni ba wat ki nongkyndong ruh ki don ki sap ki phong ban kiew sha ka kyrdan jong ka nam bad ka burom. Ki rang ki thei nongkyndong kim dei ban sngew ba ki biej ki them bad sah ha jingdum hynrei ki dei ban don ka mynsiem ialeh bad bud ia ki dienjat jong U Tirot Sing, U khla kawait ka Ri Khasi jongngi. Haba ngi don ka mon ka lad ka lynti ka plie iangi. Congratulation Gilbert Armstrong bad nang iai kiew sha phrang.


Powered By Blogger

Jakhong, Mairang, Meghalaya

FIND OUT WHAT YOU WANT