Plie u Myntri ka tnad PHE ia 3 tylli ki skhim sorkar ha Jakrem

Mawkyrwat, Naiwieng 05, 2021: U Myntri ka tnad PHE jong ka Sorkar Meghalaya u Bah Renikton Lyngdoh Tongkhar u ba long ruh u MLA jong ka Mawkyrwat Constituency u la plie pyrda mynta ka sngi ia 3 tylli ki skhim sorkar hapoh ka shnong Jakrem ba kynthup ia ka Community Hall, ka skhim surok bad ka skhim um jong ka Shnong Jakrem mynta ka sngi ha ka jingiadonlang ka kong C. Kharkongor IAS, Deputy Commissioner, South West Khasi Hills District, Mawkyrwat, ki ADC, u BDO, ki ophisar na ki department bapher bapher jong ka District bad ki paidbah jong ka shnong ha ka jingialang ba la pynlong ha Madan Pyndenkseh, Jakrem. 

Haba kren ha katei ka sngi u Bah Renikton Lyngdoh Tongkhar u la ong ba ka long ka sngi ban sah jingkynmaw ia ka shnong ka thaw ba ka sorkar ka aiti ia 3 tylli ki skhim sha u paidbah ba kin long trai. U la ban ba ka jinglongtrai ia kitei ki skhim pynroi ka long jong man la ki longiing jong ka shnong Jakrem te namarkatta, ki donkam ban ieid bad sumar bhai a baroh kum ki jingdon jingem jongki hi. U la ong ba ka jingiatrei lang jong ki shnong bad ka Sorkar ka la wanrah ia ka jingjop ha kiba bun ki liang hapoh ka shnong ka thaw. U la ong ba ka jingiatylli jong ka shnong Jakrem ka long ka nuksa ia ka ri bad ka jaitbynriew. U la bynrap ba hapoh shnong Jakrem ka kam politik kam lah ban pyniapait ne pynsniewdur ia ka shnong ka thaw namar ba ki nongialam shnong ki buh ia ki kam ka shnong ka thaw ne ia ki kam balang hakhmat eh ym ia ka kam politik. U la ban ruh ba ki khun samla ki dei ban peit ia ka nuksa ba bha ba ki nongialam ki pynpaw ha ki bad kin bud bad pyrto hadien habud. U la ong ba ka shnong Jakrem ka la ai ia ka memorandum ha u namar ka pynpaw ba ki kam ka roi ka par kim ju kut bad ki dei ban nang iai bteng na ka por sha ka por. U la bynrap ba katba ki nongialam shnong ki dang iai trei bha, kin nang iai pan na ka bynta ka bha ka miat bad ka roi ka par bad dei tang ynda ki briew ne ki rangbah nongtreikam shnong kim treikam shuh ka la kut ka jingpan. U la iathuh ruh ba ka thong ka sorkar ka long ban pynpoi um lut ha man la ki thliew iing ha ki shnong ki thaw hapoh u snem 2022 ha ka jylla Meghalaya.

Ka kong Caramai Kharkongor, IAS, Deputy Commissioner, SWKHD ka la kren shapphang ka jingdonkam bad myntoi jong kitei ki 3 tylli ki skhim ka sorkar. Ka la ong ka um ka long kaba kongsan ha ka jingim jongngi bad ngi dei ban pyndonkam bha bad tyngkai ia ka. Ka la kyntu ia ki khynnah skul ba kin pynmlien ban dih um shibun namar kan pynkhuid ia ka met ka phad jongngi. Ka la ong ruh ba mynta ka um ka la poi sha ki tynkong iing jongngi te ki paidbah nongshong shnong ki dei ban pyndonkam hok ia ka. Haba kren shaphang ka surok ka la ong ba ka sorkar ka ai ia ka surok ban pynsuk ia ka leit ka wan, ka kit ka bah ha ki shnong ki thaw. Ha ka jingkren shaphang ka Community hall ka la ong ba ka community hall ka long kaba donkam bha ha ka shnong ka thaw ban ia kynduh lang bad pynlong ia ki prokram bapher bapher. Ka la bynrap ba ka long ruh ka jaka ba ki ophis bapher bapher ki donkam ia ki community hall ban ai training ne ban pynlong prokram. Te ka la kyntu ia ki paidbah nongshong shnong ba kinsumar bad burom ia ki bad ki dei ban sngew ba ki dei ki tiar lajong. Ka pynkut da kaba ong ba ki shnong kiba stad ki sumar bha ia ki tiar ki tar bai oh na ka sorkar na ki skhim bapher bapher khnang ba ki jingmyntoi kan long ia ka shnong hi.

Ha katei ka jingialang ba la pyniaid da u Bah L. K Diengdoh, MCS, EAC, Mawkyrwat bad BDO, C&RD Block Mawkyrwat la ioh ruh ka jingkren na u bah M. Mawroh, EE, PWD (Rds), Mawkyrwat, Bah S. Nongdhar, SDO, PHE, Mawkyrwat, Bah D. Kharjahrin, Executive Member, ka shnong Jakrem, Bah P. Wahlang, Myntri shnong Jakrem, bad na u Rev. P. Nongsiej, Pastor i/c Balang Jakrem. Ka la don ruh ka jingrwai pdiang sngewbha na ka Jakrem Presbyterian Higher Secondary, School, Jakrem bad ka jingpynbyrngia na ka Ionglajong Cultural Group, Mawlangwir. Ia ka jingkren pdiang sngewbha la leh da u Bah H. A. Nongrem, Headmaster, Jakrem Presbyterian Higher Secondary, School, Jakrem bad ia ka jingkren ai khublei la pyndep da u bah J. K. Lyngdoh, Secretary shnong Jakrem. 

 

Pan India Awareness & Outreach Programme Organised at Mawkyrwat

Mawkyrwat November 05, 2021: The Pan India Awareness and Outreach Programme which is part of “Azadi Ka Amrit Mohotsav” was celebrated today in the premises of the District and Session Court, South West Khasi Hills District, Mawkyrwat. The Legal Awareness programme on the theme “Child friendly Legal Services to children and their protection” was organized by the office of the District Legal Services Authority, Mawkyrwat wherein Hon’ble Mr Justice, W. Lyngdoh, Judge High Court of Meghalaya and administrative Judge South West Khasi Hills District, Mawkyrwat was the Chief Guest.

Speaking on the occasion, Mr. Justice W. Diengdoh said that children are entitled to special care and assistance and the need to extend particular care to the child has been stated in the Universal Declaration of the Rights of the Child. He said that a child needs to grow up in an atmosphere of happiness, love and understanding for full and harmonious development of his personality. While recalling the provisions of the Declaration on socio and legal principles relating to the protection and welfare of children, he said that there are children who are living in exceptionally difficult conditions and such children needs special assistance and consideration. He laid great stresses on the importance of education while impressing that under the “Right of Children to Free and Compulsory Education Act 2009”, Children between ages 6-14 are entitled to receive free and compulsory education. He

also dwelt at length on the various provisions of laws which ensure that a child is protected against all forms of discrimination of any kind. 

Dr. F. R. Lartang, District Medical & Health Officer, Mawkyrwat informed about the schemes which are related to women and children thereby urging one and all to avail the benefits offered by the department for the overall growth and development of women and children. 

Shri S. R. Kharkongor, Legal cum Probation Officer, Mawkyrwat, Smti A. Sawkmie, Sub Inspector, Juvenile Protection Unit, South West Khasi Hills District, Shri. Toteinam Lyngdoh, District Planning Co-ordinator under District Mission Coordinator, Sarva Shiksha Abhiyan (SSA), Smti. B. Lyngkhoi, representative from the Sub Divisional School Education officer, South West Khasi Hills District, Mawkyrwat also spoke on the occasion.          

            Prizes and Certificates were also distributed to the most active Para Legal Volunteers in the District, also it was given to the cyclist participants Shri. Kaitdalin Syiemiong and Miss Lucky Lily Bansara Lyngdoh, and prizes were given to the winners of the musical chair conducted for the children at Hope Orphanage Trust, Mawlangwir that include Miss Mercifull Thyrniang, Miss Salinsha Wartde, Miss Ridashisha Turnia and the youngest participant award was given to Miss Rijullin Sangriang.

The programme was chaired by Smt. Justice I. Lyngkhoi, Judicial Magistrate First Class, District and Sessions Court, Smti. B Mawrie, District & Session Judge, South West Khasi Hills District, Mawkyrwat delivered the welcome address and Smt. E. shabong Secretary, Chief Judicial Magistrate cum Secretary, District Legal Services Authority, Mawkyrwat offered the vote of thanks.

Overloaded vehicles will not be allowed to ply trough the Bridge No: 5/5 over the River Umngi at Umpung Village

Mawkyrwat, October 28, 2021: The District Magistrate of South West Khasi Hills District, Mawkyrwat Smti. C. Kharkongor, IAS issued an order under Section 144 CrPC prohibiting any overloaded vehicles carrying load beyond the permissible load limit, not exceeding 9.0 tones, to ply trough the Bridge No: 5/5 over the River Umngi at Umpung Village connecting Mawphlang-Balat-Ranikor-Maheshkola particularly from Ranikor to umpung.

The decision was taken after information was received that the Bridge No;5/5 over River Umngi at Umpung village which was constructed way back in the year 1960 is in a deteriorating condition which has caused deplorable damage on portion of the bridge girder and become weak and old due to plying of overloaded heavy trucks. 

The order was made to ensure safety of public lives and properties and to prevent any eventuality caused by the deplorable bridge condition and to restrict such haphazard movement and plying of heavy overloaded trucks and buses from and to the area. Also, to regulate unlawful activity that may disrupt the free movement of vehicular traffic in the district that may cause inconvenience to the member of the general public. In view of the urgency of the matter the order shall take immediate effect and will remain in force until further orders.

Ai jinghikai bad pynrung kyrteng ha ka e-Shram ha SWKHD

Mawkyrwat, Naiwieng 04, 2020: Ka ophis jong ka Assistant Labour Commissioner, South West Khasi Hills District (SWKHD), Mawkyrwat ha ka jingiatreilang bad ka ophis jong u District Manager, Common Service Centre (CSC), South West Khasi Hills District, Mawkyrwat mynta ka sngi ki la pynlong ia “ka prokram ai jinghikai bad ka jingpynrung kyrteng ia ki nongiohjingmyntoi lyngba ka skhim e-Shram” kaba la pynlong hapoh Iew Mawkyrwat. Ha katei ka prokram la kren ai khublei da u bah A. Marbaniang, Office Assistant, Labour Department, Mawkyrwat.

            U bah J. Thongni, LDA, Labour Department, Mawkyrwat uba la pyniaid ia katei ka jingialang u la batai janai ruh shaphang ka skhim e-Shram. U la ong ba ka Ministry of Labour and Employment ka la sdang ia ka e-Shram portal ha ka 26 tarik August, 2021 ban lum jingtip ia baroh ki nongbylla sngi, ki ba trei na ki iing ki sem, kiba trei misteri, ki nongdie madan, ki nongtrei bylla ha iing ki briew, ki briew ba trei ki kam rep kam riang bad kiwei de ki jingtrei khnang ba kin dup lah ban ioh jingiarap na ka sorkar. U la iathuh ba ki nongtrei bylla ba la 16 snem haduh 59 snem ka rta ki bym pat long ki member jong ka EPFO, ESIC ne NPS ki lah ban pynrung kyrteng ialade ha ka e-Shram. U la bynrap ba hadien ba ki briew ki la dep ban pynrung kyrteng bad la ioh ia ka e-Shram Card ba don ia u unique Universal Account Number (UAN) ki lah ban ioh ia ki jingiarap bapher bapher kum ki skhim na social welfare, ka jingiarap na ka jinglynshop ka mariang, ka accidental insurance policy kaba kot haduh T. 2 lak (ar lak tyngka) lada jia ba ki briew ki kylla long anna shyrta ne duh noh iala ka jingim bad ki la ban ioh T. 1 lak (shi lak tyngka) lada ki long anna malu mala. U la pyntip ruh ba na ka bynta ban ioh ia ka insurance policy lyngba ka e-Shram ki nongioh jingmyntoi ki donkam ban siew tang T.12 tyngka ha ka shisnem. U la batai ruh ba lyngba ka e-Shram ka sorkar ka lah ban tip ia ka jingdon ki briew ba shu bylla sngi bad lah ban thaw ki lad ki lynti ban ai kam ai jam ia ki ne ban pynmih ki skhim ban iarap ia ki. U la iathuh ruh ba ki briew ki lah ban pynrung kyrteng ha ka e-Shram da kaba ki leh hi na ki mobile ne computer ne da kaba ki leit sha ki Common Service Centre (CSC) bad ki donkam ban rah ia u Aadhaar Number bad tip ia u mobile number ba ki la register na ka bynta u Aadhaar number bad ruh ki donkam ban ai ia u Bank Account Number. U la kyntu ia ki paid nongshong shnong ba kin ia shim ia katei ka kabu ba ka sorkar ka la ai khnang ba kin ioh jingmyntoi bad ba kin ym babe hadien habud. U bah J. Thongni, LDA, Labour Department, Mawkyrwat u la pyntip ruh ba ka ophis jong ka Labour Department, SWKHD, Mawkyrwat ka pynbna ba la plie mynta ka sngi ia ka e-Shram ha South West Khasi Hills District.

            U District Manager, CSC, Mawkyrwat, bah Donkupar, u la batai shaphang ka Common Service Centre (CSC) bad u la ong ba ka sorkar lyngba k Labour Department ka la ai bynta ia ki CSC ban iatrei lang ban pynrung kyrteng ha ka e-Shram khnang ban pynsuk ia u paidbah nongshong shnong kumjuh ruh ba kin pynpoi ia ka jingpynshai shaphang ka e-Shram sha ki kyndong kynshrot jong ki shnong ki thaw haka district bad ka jylla baroh kawei. U la kyntu ia ki briew ba kin shim ia ka jingiarap lyngba ka e-Shram ba kin ioh ia ka jingmyntoi na ka bad ngim dei ban kyrngah namar ba ioh ngi khohreh hadien ynda ka la poi u pud ba ngi donkam. U la ban ruh ba ki paidbah ki dei ban register sha ka e-Shram bad shna ia ki Card namar kan sa don ka por ba kin sa donkam ia ka e-Shram Card. U la batai ruh ba ka premium (ne ka jingsiew na ka bynta ka e-Shram ka long tang T.1 tyngka (shi-tyngka) shibnai ne T.12 tynga (khat-ar tyngka) shisnem te u la kyntu ba ki briew kim dei ban bynnud ban register na ka bynta ka e-Shram namar kin sa ioh shibun ki jingmyntoi.

Pynkup bor ka sorkar ia ki tymmen ki san lyngba ki ain ki kanoon: ai jinghikai ka ophis DSWO ia ki riewtymmen ha Rangblang Sohynniang.

Mawkyrwat, Naiwieng 03, 2020: Ka ophis jong ka District Social Welfare Officer (DSWO), South West Khasi Hills District (SWKHD), Mawkyrwat mynta ka sngi ki la pynlong ia ka prokram ai jinghikai halor ki ain ki kanoon ba iadei bad ka jingpynbiang, ka jingpeit jingsumar bad ki lad jingshakri na ka bynta ka bha ka miat jong ki tymmen  ki san ( Maintenance and Welfare of Senior Citizens Act and Services available for Senior Citizens) kaba la pynlong hapoh St. Mary's Hall, Rangblang Parish, Rangblang Sohsynniang.

Ha ba kren ha katei ka sngi ka kong Ibanri Lyngkhoi, Advocate, Shillong Bar Association ka la kren halor ki ain ki kanoon ba iadei bad ka jingsumar, ka jingiada bad ka jingpeit ia ka bha ka miat ki tymmen ki kro (Maintenance and Welfare Senior Citizens Act) kiba la dap 60 snem ka rta shaneng. Ka la ong ba ki tymmen ki san ki don la ka hok ban ioh ka jingiada ym tang na ka sorkar hynrei na ki khun ki kti bad ka imlang sahlang. Ka la bynrap ba bunsien ki riewtymmen ki shah ñionbein, lehbeiñ, iehbeiñ, kim ioh ka bam ka dih ne ka kup ka sem kaba biang bad im ha ka jingsangsot bad jingkordit. Te ka la ong ba ka sorkar lyngba ka ‘Maintenance and Welfare of Parents and Senior Citizens Act 2007’ ka sorkar ka ai jingim ia ki riewtymmen kiba la shah iehbein ha la ki khun ki kti khamtam lei lei hadien ba ki la ioh ia ka ka bhah ka bynta jongki ba la ai da ki kmie ki kpa. Ka ka pynshai ba ki ki kmie ki kpa ki don ka hok ban ioh ia ka bam ka dih, ka kup ka sem, ka jingsumar ba biang, bad ban im da ka jingkmen hynrei lada ki khun kim niewkor bad ki lehbein ia ki ki lah ban ujor sha ki Maintenance Officer ne sha ka Iingkashari ban dawa ia ka hok ba kin ioh ka jingsumar kaba biang ka la bynrap ruh ba ki don ruh ia ka hok ba kin knieh ne shim biang ia ki bhah ki bynta ba ki la sam sha ki khun kum ki jingai sngewbha. Ka la iathuh ba ka Ain kan sa pynshitom da kaba set byndi bad dainkuna haduh T. 5000 (san hajar tyngka) ne kin ngat baroh ar. Ka la pyntip ruh ba ka kamram ban peit ia ki kmie ki kpa kam dei eh tang ki khun ba shong ba sah lang hynrei wat ki khun ba la don la ka iing ka sem, kiba trei shabar jylla bad ri ruh. Kumjuh ruh ka la ong ba katkum ka Riti Synshar ka ri India (Constitution) ha ka khyrnit ba 21 ka aibor ia ki riewtynmmen ba ki don ka hok ba kin ioh ia ka jingsumar ba pura, ba kin pyntip ia ka jingdonkam jongki, ban pan pisa na ki khun, ban leit shane sha tai ban kynduh ia ki paralok jongki, ban leit sha ki iing kashari ne sha ki ophis bapher bapher na ka bynta ki kam jongki. Ka la ong “ki tymmen ki kro ki dei u budlum ka imlang sahlang namar dei maki kiba la seng nongrim”. Te namarkata riewtymmen ki don ka hok ba kim dei ban ap line kumba ieng lem kiwei hynrei ki lah ban rung beit sha ki jaka ba donkam bad pyndep ia ki kam jongki, ki dei ruh ban ioh duna dor haba ki shong kali, bad ki don ka hok ban ioh ia ka jingbishar hok. Ka la iathuh ruh ba ka Sorkar ka thmu ba ha man la ka district ki dei ban don ki iing na ka bynta ki riewtymmen kiba shah iehnoh ha ki khun ki kti ne ki bym don khun bad ki dei ban ioh ia ka jingsumar ba pura. 

Ka kong B.Wanniang, Supervisor, DSWO, Mawkyrwat ka la kren halor ka phang “ki skhim ba ki riewtymmen ki lah ban ioh (Schemes available for Senior Citizens)”. Ka la iathuh ba katkum ka khana samari, 2011 ka jingdon ki briew ba la noh ka rta, katta 60-69 snem ha ka jylla Meghalaya ka long 1, 38, 279 ngut bad katkum ka jinglap ki stad wat jingtip 12 ngut na man la ki 100 ngut ki tymen ki san ki sa kynjoh palat ia ka 60 snem ka rta ha u snem 2030. Ka la iathuh ba ki don saw tylli ki jongdonkam ba kongsan eh ia ki long tymmen longsan bad kita ki long ka ioh ka kot, ka jingim ba donburom, ka jingbam-jingdih bad ka jingsumar sukher ha ka koit ka khiah, bad ka jingiadei para-briew. Ka la ong ba ka Sorkar Pdeng bad ka Sorkar Jylla ki sngewthuh shai ia ki jingdonkam jongki bad ki buh ki skhim bapher bapher kum ka Integrated Programme for Senior Citizen ba kynthup ia ka jingpynbiang ia ki iing sumar tymmen ban sumar 25 ngut, 50 ngut ne ban sumar ia 50 ngut ki riewkynthei ba la tymmen (Maintenance of Senior Citizens Home for 25, 50 or specifically for 50 elderly women), ki jaka sumer linter ia ki longsan kiba shitom na ka jingpang Alzheimer, ka Rashtriya Vayoshri Yojana (RVY) ban ai ia ki jingiarap kum ki wheel chair, ki tiar shkor ban iohsngew, ki dieng duh, ki bniat ba shu buh (dentures) bad ki iitkhmat, kumjuh ruh ki don ki ki Helpline number ban ai jingiarap ia ki riewtymmen. Ka la ong ruh ba ka jingrakhe ia ka sngi kyrpang ki tymmen ki san ba ju pynlong shisien shisnem ha ka 1 tarik Risaw ka long kawei ka lad ban ai jingtip bad pynsngewthuh ia ka jingkordor ki tymmen ki san. Ka la iathuh ba ki skhim na ka Sorkar Jylla ki kynthup ia ka Chiej Minister Social Assitance Skhim ba ki ju ioh T. 500 (sansphah tyngka) man la u bnai, ka jingiarap pisa ban sumar ia ki ba la tymmen kaba long T. 2200 tyngka shi jingim, ka jingai jingiarap (Grant-in-Aids) ia ki sengbhalang (NGOs) kiba trei na ka bha ka miat ban buh kum ki jaka sumar ia ki riewtymmen, ka ai jingiarap lyngba ka State Action Plan sha ki sengbhalang (NGOs) kiba buh ia ka jaka sumar mynsngi (Day Care Centre) bad ai jingiarap ia ki NGO kiba pynlong ia ki prokram ai jingtip ba iadei bad ki riewtymmen. Ka la khot la wer ia ki seng bhalang ne ki seng mon trei sngewbha ba kin mih shakhmat bad shim ia ki lad jingiarap ka sorkar ban sdang ki iing ai jingiarap na ka bynta ki tymmen ki san namar ki long ka bynta ba kordor ha ka imlang sahlang.

U bah Yesterland Dkhar, Myntri Shnong Rangblang Sohsynniang u la pdiang sngewbha ia baroh bad pynpaw ka jingsngewnguh ia ka ophis DSWO ba ki la pynlong kum katei ka porkram. U la batai ruh khyndiat shaphang ki skhim ba iadei bad ki riewtymmen bad u la kyntu ia baroh ki riewtymmen ba kim dei ban shu ia thnum ia kaei kaba kim ioh hynrei ki dei ban pyntip sha ki sordar shnong bad ban leit mih sha ka ophis ban ioh ia ki jingiarap.

Ha katei ka prokram ba la pyniaid da ka kong H. Sahkhar, CDPO I/c DSWO, SWKHD, Mawkyrwat ka la don ruh ka drama na ka Ïonglajong Sports & Cultural Organisation, Mawlangwir, Ka jingsam iaki kot lyngkdop ba iadei bad ki skhim na ka bynta ki riewtymmen, bad la kren ai khublei da ka kong P.L Lyngkhoi, LDA, DSWO, SWKHD, Mawkyrwat.