Advertisement for various post by District Rural Development Agency (DRDA), South West Khasi Hills District, Mawkyrwat

 Advertisement for the post of 

1. Planning and Training Manager=1 post

2. Training Assistant=1 post

3. Programme Assistant= 2 posts

4. Accounts Assistant Cum DEO=2 posts

Yn khang shipor ia ka Iew Umdohlun

Mawkyrwat, Naitung 15, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum ba yn khang shipor ia ka Iew Umdohlun.

Ia katei ka rai la shim hadien ba ka DC ha ryngkat ki Zonal Magistrate ki la leit ban jurip ia katei ka Iew bad ki la lap ba ki nongshong dukan bad ki briew ba leit thied jingthied ha Iew Umdohlun kim shym la bud ryntih ia ki kyndon iada na u COVID-19 ba la bthah da ka Sorkar.

Ka ophis ka pyntip ruh ba ki nongshong Iew ki dei ban leit ia kynduh ia u Zonal Magistrate ha ka 21 tarik Naitung, 2021 (Sngi Balang) ha Iew Umdohlun bad ai ia ki kyrteng jongki nongshong iew bad kiba la dep ai tika kin rah ruh ia ka vaccination slip ne certificate.

Pynbeit thymmai ia ka rukom ban plie ia ki dukan ha Iew Mawkyrwat

Mawkyrwat, Naitung 14, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum halor ka jingpynbeit thymmai ia ka rukom ban plie ia ki dukan hapoh Iew Mawkyrwat. Ki nongshong dukan ha lew Mawkyrwat ki dei ban plie katkum ki number bad ki sngi kumba la pynbeit naduh ka 19 tarik Naitung, 2021, haduh ban da pynbna da kumwei pat.

Ka ophis ka pynbna ba naduh ka 19 tarik u Naitung haduh ka 23 tarik u Naitung, 2021, ha ka sngi Nyngkong yn shah ban plie tang ia ki dukan ba don ia u number 1, Sngi ba-ar-2, Sngi balang-3, Sngi Palei-1 bad Sngi Thohdieng-2. Naduh ka 26 tarik Naitung haduh ka 30 tarik Naitung, 2021, ha ka sngi Nyngkong yn shah ban plie ia ki dukan ba don ia u number 3, Sngi ba-ar-1, Sngi balang-2, Sngi Palei-3 bad Sngi Thohdieng-1. Bad naduh ka 2 tarik Nailar haduh ka 6 Nailar, 2021, ha ka sngi Nyngkong yn shah ban plie ia ki dukan ba don ia u number 2, Sngi ba-ar-3, Sngi balang-1, Sngi Palei-2 bad Sngi Thohdieng-3. Ka ophis ka mana ruh ba lada don kino kino kiba leh pyrshah kumba la pynbeit, yn dain kuna lane khang khyrdep ia ki dukan.