Pynjari CURFEW MIET naduh ka 14-17 bad KHANGDAM naduh ka 17-21 tarik Jylliew, 2021 ha South West Khasi Hills District

Mawkyrwat, Jylliew 13, 2021: Kum ban pynthymmai ia ka hukum ba la pynmih ha ka 5 tarik Jylliew, 2021 bad ban bud ryntih ia ka hukum ba la pynmih da ka Sorkar Jylla ha ka 28 tarik Jymmang, 2021 ban pyntreikam ia ki kyndon ban tehlakam hapoh ka Jylla Meghalaya, namar ka jingpur sted jong une u jait khniang jingpang, ka long kaba donkam eh ban shim kyrkhieh ki lad jingiada ban tehlakam ia ka jingsaphriang jong u khniang COVID-19, ban lait na ka jingeh jingjynjar ha ka liang ka tnad ka koit ka khiah  bad ban lait na ka jingduh ia ki mynsiem ba kordor.

Te namarkatta ka kong C. Kharkongor, IAS, District Magistrate, South West Khasi Hills District, Mawkyrwat katkum ka kyndon ain 144 Cr.P.C ryngkat ka Regulation 3 jong ka Meghalaya Epidemic Diseases, COVID-19 Regulations, 2020 ka pynjari CURFEW MIET (NIGHT CURFEW) hapoh South West Khasi Hills District naduh ka 14 Jylliew, 2021 (sngi nyngkong) haduh ka 17 tarik Jylliew, 2021 (sngi  palei) naduh ka por10:00 janmiet haduh ka por 5:00 mynstep bad la pynjari KHANGDAM (Lockdown) naduh ka por 10 baje janmiet jong ka 17 tarik Jylliew, 2021 (sngi palei) haduh ka por 5.00 baje mynstep jong ka 21 tarik Jylliew, 2021 (sngi nyngkong).

Ka ophis ka la shim ia katei ka rai da ka jingthmu ban dup lah ban tehlakam ia u khniang jingpang lyngba ka jingwatbniah (tracing) bad ka jingshong pynkyrpang jong kito briew ba ioh positive ba kynthup ia kito ba wanphai na bar ka jylla (returness), ban dup lah ban pyntreikam ia baroh ki lad ki lynti lyngba ka jingkyrshan jong ki shnong na ka bynta ban ai ia u tika iada u ba long tang ka lad ka lynti ban iada ia u paidbah, ban ai jingkyrshan ha baroh ki liang kynthup ia ka jingsngewshngain ban sumar ha ki iing ki sem lada ka jingpang kam pat da jur bad kumno ban ai jingtip ba pura shaphang ki lad jingiada ia katei ka  jingpang katkum ka jingbatai ka tnad ka koit ka khiah.

Katkum katei ka hukum lah shah ban plie ia baroh ki ophis sorkar, la khang ia baroh ki jingialang paidbah kum ki jingiaseng, ki dorbar shnong, ki jingialang, ki training bad kiwei kiwei de. La khang ia ki jingiathoh shongkurim tad haduh ban da pynbna da kumwei pat. Lada don kano kano ka jingjia kum ka jingiap briew ki nongshim bynta ki dei ban long tang 10 ngut ha ryngkat ka jingioh jingbit shuwa napoh ka ophis jong I Deputy Commissioner bad yn ym shah ban don kino kino ki jingialum paidbah hadien ka jingleit on tep. La khang ia baroh ki jaka jngohkai pyrthei (tourist spots) hapoh ka district bad ia ki nongjngohkai pyrthei (tourist) ba nabar ka jylla ban wan sha ka district. La khang ia ki Schools bad Kolej, hynrei la shah ban hikai lyngba ki Online classes. Yn shah ia ki kam rep kam riang, ki Rural Schemes kum ka MGNERGA hynrei tang ha kito ki shnong ki bym don COVID-19 positive case bad katkum ka jingpynbeit jong ki BDO. Ia ki iew hapoh ka District yn shah ban plie katkum ki kyndon ba la pynbeit, ba yn shah ban plie ia ki dukan ba die ia ki tiar ba donkam eh ha ki shnong hynrei ki dei ban khang ha ka por 5.00 baje janmiet. La mana tyngeh ba ym dei ban pynlong ia ki Sngi Iew. Ia ka Iew Mawkyrwat bad ia ka Iew shipor ki Nongrep (Temporary Farmers Market) la shah ban plie naduh ka Sngi Nyngkong haduh ka Sngi Palei naduh ka por 9.00 baje mynstep haduh ka por 5.00 baje janmiet hynrei la shah ban plie tang ia ki dukan katkum ka jingpynbeit ban plie. La khang ia ki briew bad ki kali ba kin iaid na kawei district sha kawei pat (inter-district) bad yn shah tang ia ki kali kiba don ia ki pass ba kin iaid inter-district. Hynrei la shah ban iaid ia ki kali hapoh ka district katkum ka jingpynbeit odd-even. La shah ban wan ialam ia ki nongtrei ba tbit (skilled manpower) na kiwei ki jaka na ka bynta ki Government construction Projects hynrei tang hadien ba la ioh jingbit na ka ophis jong I Deputy Commissioner.

Katei ka hukum kan ym kynthup ia ki kali sorkar, Police, Security bad Armed Forces, Fire bad Emergency Services, Telecommunication Services, PHE (Water Supply), MePDCL, Banks & Post office, Information and Public Relations Department, ki jingshakri ka tnad ka koit ka khiah ba kynthup ia ki jingdonkam ba kyrkhieh haka koit ka khiah, medical teams bad ki nongtrei ba ai tika COVID-19, Fair Price Shops bad LPG distributor, Print & Electronic Media, Public Works Department (PWD),  ki ophisar bad ki nongtrei jong ka Corona Care Centre,  ka jingiaid jong ki kali ba kit ia ki tiar ba donkam eh, ki kali ba supply dawai bad pharmaceuticals, ki kam bad ki prokram pynrung kyrteng Aadhaar, Petrol Pumps, MGNREGA bad ki kam rep kam riang katkum ka jingpynbeit ki BDO, ki kam bad jingshakri ba donkam jong ka Veterinary ba kynthup ia ka jingkit jingbam na ka bynta ki jingri jong ki nongrep, bad ia ka NHIDCL (National Highways & Infrastructure Development Corporation) Ltd. Hynrei baroh ki kam bad ki lad jingshakri ki dei ban bud pyrkhing ia ki kyndon treikam (SOPs) kum ka jingdeng ia ki jingda khmut bad shyntur ba ar-syrtap, ka jingpyniajngai parabriew kumba 6 phut ne 2 meter, ka jingsait ia ki kti na ka por sha ka por, ka jingpynduna ia ki field staff katba lah ei, bad ia kiwei ki jingbtah jong ka Sorkar lyngba ka tnad Health bad Family Welfare KHLEM DA PYNKHEIN.

La shah ban iaid ia ki kali ba kit ia ki tiar ba donkam eh, Security Forces, Medical Equipment’s hynrei ki dribar bad ki nongbud jong ki kali kin hap ban leh medical screening katkum ki kyndon ba la buh.

Ki Dorbar shnong hapoh ka jingyniaid jong ki Incident Commander kin peit ia ka jingpynbiang ia ki tiar ba donkam eh ha ki shnong ki thaw lyngba ki dukan ha ki dong bad kyntoit. Hynrei ha ki por ba don CURFEW MIET bad JINGKHANGDAM (Lockdown) ki nongshong shnong ki dei ban shongkhop ha la ki iing ki sem bad ki shnong ki thaw. Na ka daw jong ka jingdonkam ba kyrkhieh kane ka hukum kan treikam mardor.

Ka jingpynbeit thymmai ha ka rukom shong bad pyniaid kali hapoh South West Khasi Hills District

Mawkyrwat,  Jylliew 13, 2021: Ka ophis jong ka Deputy Commissioner, South West Khasi Hills District Mawkyrwat ka pynmih ia kane ka hukum halor ka rukom pyniaid ia ki kali bad ka rukom shong hapoh ki kali hapoh South West Khasi Hills District naduh ka 14 tarik Jylliew, 2021 haduh ban da pynmih da kumwei pat. Ki kali kamai bad private ki dei ban iaid katkum ki jingpynbeit odd-even number naduh ka 14 tarik Jvlliew, 2021 haduh ban pynbna da kumwei pat. Ha ka sngi Nyngkong yn shah ban iaid tang ia ki kali badon u Number bakut ha 1,3,5,7 bad 9 (odd Number), ha ka sngi ba-ar tang ki kali badon u Number bakut ha 0,2,4,6 bad 8 (even number), ha ka sngi balang tang ki kali badon u Number bakut ha 1,3,5,7 bad 9 (odd number), ha ka sngi palei tang ki kali ba don u Number bakut ha 0,2,4,6 bad 8 (even number) bad ha ka sngi thohdieng tang ki kali badon u Number bakut ha 1,3,5,7 bad 9 (odd number). Ka rukom shong (seating capacity) ha ki kali ka long ha ki Maruti Car -1 +3, Sumo-1+ 4, Local Taxi (Regional)-3+1, Three Wheelers (Auto Rickshaw) - 2+1 bad ha ki bus-50 %.

Yn pyrkhing ia ka jingleit jingwan jong ki briew na kawei ka jylla sha kawei (Inter-State) bad kumjuh ruh sha bar ka district (Inter - District) bad khamtam ha ki containment area ba la pynbna da ka ophis Deputy Commissioner, South West Khasi Hills District, Mawkyrwat.

Kino kino ki kali kiba donkam kyrkieh, kum ka jingleit shim dawai (medical emergency) ki lah ban apply pass lyngba ka Transport Cell jong ka ophis Deputy Commisioner, Mawkyrwat lane online.

Ki Dukan bad ki lad jingshakri ba la shah bad ki bym pat shah ban plie ha South West Khasi Hills District

Ki dukan (essential commodities) bad ki lad jingshakri kiba donkam eh ba la shah ban plie ba kin die ki kynthup ia ki Dukan Khaw/Dai / atta/phan bad kiwei de, Dukan grocery, Dukan ktung, Clinics, Dental / Pharmacies/ Bansara clinic, Dukan jingbam (bakery), telecommunication, BSNL, Dukan hardware, Dukan Mobile, Banks bad ATM.

Ki dukan ki ban die ha ka iew shipor (temporary farmers market) hajan Mawkyrwat Community Hall ki long ki dukan dohkha/ doh syiar/ doh masi/ doh sniang/doh blang bad kiwei kiwei, ki dukan jhur bad ki nongdie madan, ki dukan kwai tympew bad ki nongdie madan,

Ki dukan ki bym pat shah ban plie ki long ki kali die jhur / soh/ doh bad kiwei kiwei, dukan khap snuih/ Beauty parlour, Dukan sha bad Restaurants, dukan juti, Dukan jain / suh jain, dukan tiar, bad ka ophis jong ka Bethany Society.

Plie ka DC ia ka Multi-Facilitation Centre ha “Iew shipor ki Nongrep”, Mawkyrwat

 Mawkyrwat, Jylliew 11, 2021: Ka ophis jong u Block Development Officer, Mawkyrwat mynta ka sngi ka la pynlong ia ka prokram ban plie ia ka Multi-Facilitation Centre ha ka Iew shipor jong ki Nongrep (Temporary Farmers Market) kaba don hajan Mawkyrwat Community Hall ha kaba ka kong Caramai Kharkongor, IAS, Deputy Commissioner, South West Khasi Hills District, Mawkyrwat ka la long ka kongsan ha ka jingiadon ryngkat jong u Bah F. Basan, BDO, Mawkyrwat C&RD Block, u bah K. Thabah, ADC, Mawkyrwat, bah M. Mawroh, EE, PWD (Rds) Mawkyrwat, kiwei ki ophisar Sorkar, ki seng samla shnong, ki nongshongiew bad ki nongwan iew.

Haba kren kum ka kongsan ka kong Caramai ka la ong ba katei ka jaka ai jingiarap (Multi-Facilitation Centre) kan sa ai jingmyntoi shibun ia ki nongshongiew, ki nongwaniew, ki Self Help Groups (SHGs) bad ia ki paidbah ba kin ioh jingtip ba thikna halor u COVID-19, kumno ban tehlakam ia ka jingpur sted utei u khniang jingpang bad ban tip thikna ia ka jingmyntoi ba ki paidbah ki lah ban ioh da kaba ai ia ka tika iada COVID-19. Ka la bynrap ruh ba katei ka jaka ka long kum ka jingplie lad plie lynti ia ki nongrep, ki SHGs bad ia ki nongshong iew ba kin lah ban die ia ki mar jongki, ban ym sepei ki jhur ne kiwei ki mar, ban ym duh kamai kajih bad ba kin ym jynjar palat ha kum kane ka por jong ka khlam. Ka la ong ruh ba lyngba katei ka iew shipor ki briew ki lah ban iadie iathied bad ban kamai ha ryngkat ka jingbud ryntih ia ki kyndon ba la bthah da ka tnad ka koit ka khiah kum ka jingpyniajngai parabriew, ka jingsait ia ki kti shuwa ban rung bad ynda mih na iew bad ban deng ia ki jingda khmut bad shyntur namar katei ka jaka ka long kaba kylluid bad kaba biang bha. Ka la pynkut da kaba kyntu ia baroh ba ki dei ban ai ia ka tika iada COVID-19 bad ba kin ym tieng ban leit leh test namar u khniang jingpang COVID-19 u dei u khniang jingpang u ba ktah ym tang ialade shimet hynrei u saphriang sha kiwei, te ha kane ka jingwanlyngshop ba arsien ki briew ki dei ban don ka jingkitkhlieh ba kim dei ki nongrah ia utei u khniang jingpang sha kiwei.

U Dr. W. N Narry, District Surveillance Officer, Mawkyrwat u la batai halor ka jingdonkam ka jingdon katei ka jaka (Multi-Facilitation Centre) na ka bynta ka jingiarap ba pura ia u paidbah. U la iathuh ba la sdang ia ka “Iew shipor ki Nongrep” (Temporary Farmers Market) namar ka jingkhapngiah ka iew Mawkyrwat bad ban dup lah ban tehlakam ia ka jingpursted u khniang jingpang COVID-19 khamtam ban dup lah ban pyniajngai parabriew. U la ong ruh ba bun ki briew hapoh ka District kim pat tip bha shaphang ka jingpang COVID-19 bad shaphang ka jing myntoi jong ka jingai tika iada na utei u khniang jingpang te katei ka jaka kan sa ai jingtip bapura ia ki. U la bynrap ruh ba ki don ki khubor hamsaia ba lah ban don side effect ne iap noh hadien 7 snem hadien ba la ai tika hynrei u la ong ba kam dei kumta bad ki lah ban peit da la ki jongki kmat ia ki briew ba la dep ai tika bad u la iathuh ruh ba bun na ki ba iap pang COVID-19 ki dei kito ki bym pat ai tika.  U la ong ruh ba namar ka jingshem jingeh jong ki paidbah nongshongshnong ban thep kyrteng online ka sorkar ka la pynsuk ba ki briew ba 18 snem haduh 44 snem ka rta ba ki lah ban shu thep kyrteng ha ki jaka ai injek hi (spot registration). U la kyntu ia ki khun samla ba kin ai tika iada COVID-19 noh kloi khnang ba kin dup lah ban pyshai ia ki kmie ki kpa ban shim ia katei ka kabu ban ioh tika ban dup iada ialade, iakiwei, ia ka district bad ia ka jylla na utei u khniang jingpang COVID-19.

Ha katei ka prokram ba la pyniaid da u bah F.Basan, BDO, Mawkyrwat C&RD Block la ailad ban kren ruh ia u Bah D. Marwein ba dei na ka kynhun Seng Samla Shnong, Mawkyrwat ba pyniaid ia katei ka Iew shipor ki Nongrep.  

Meghalaya Rural Bank, Mawthawpdah Branch will be closed due to detection of COVID-19 positive cases

Yn khang ia ka Meghalaya Rural Bank, Mawthawpdah Branch na ka daw ba don ki ba ioh COVID-19

Mawkyrwat, Jylliew 11, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum ba katkum ki kyndon ain 2, 3, & 4 jong ka Epidemic Diseases Act, 1897 kaba la pynlong iaka Meghalaya Epidemic Diseases COVID-19 Regulations, 2020 bad Amendment hadien kata ban tehlakam ia ka jingsaphriang jong ka khlam COVID-19, ba hadien ka jinglap ba don positive case/high risk contacts ka ba la tip thikna ha “Meghalaya Rural Bank, Mawthawpdah Branch”, bad na ka daw jong ka jingiakynduh jong katto katne ki briew ba dei high risk bad low risk bad kito kiba ioh COVID-19 positive case, kito ki jaka ba kham don jingma bad ba shah ktah ki donkam ban hap buddien ia ki nongleit nongwan (contact tracing), jingshong pynkyrpang, testing, jingshongkhop marwei bad ban iada na ka bynta ka koit ka khiah  jong u paid nongshong shnong ban lait na kino kino ki jingsaphriang jong u COVID-19.

Te namarkata, “ka Meghalaya Rural Bank, Mawthawpdah Branch” kan khang naduh ka 11 tarik Jylliew, 2021 kat haduh ban da pynmih da kawei pat ka hukum. Baroh ki briew ki ba leit sha katei ka ophis naduh ka 7 tarik Jylliew, 2021 ki dei ban shongpynkyrpang ialade ha la ki iing ki sem haduh 10 (shiphew) sngi bad ban phone sha District Control Room na ka bynta ki jingbthah ba bniah. Ki dei ruh ban sngapthuh bha ia ka jinglong ka koit ka khiah jongki bad lada paw kino kino ki da ki shin kum ka jyrhoh, khieshoh, bad shem jingeh ban ring ne pynhiar mynsiem ki dei ban pyntip wut wut sha District Control Room lyngba ki number 9362681048/6033162971/9485153533 lane phone sha u COVID Toll free Helpline 14410.

 _______________________________________

Meghalaya Rural Bank, Mawthawpdah Branch will be closed due to detection of COVID-19 positive cases

Mawkyrwat, June 11, 2021: The office of the Deputy Commissioner, South West Khasi Hills Mawkyrwat in exercise of powers conferred under section 2, 3 & 4 of the Epidemic Disease Act, 1897 which has constitute the Meghalaya Epidemic Disease COVID-19 Regulations, 2020 and Amendments thereof for containment of outbreak of COVID-19 issued an order that after detection of positive cases/high risk contacts at “Meghalaya Rural Bank, Mawthawpdah Branch” due to recent high risk and low risk contact with the COVID-19 positive cases, vulnerable and affected areas required aggressive contact tracing, quarantined, testing and isolation as well as containment in the interest of Health of general public against any possible spread of COVID-19.

Therefore, “Meghalaya Rural Bank, Mawthawpdah Branch” will remain CLOSED w.e.f 11th June 2021 till further order. The office instructed that all person who attends the said office w.e.f 7th June 2021 must quarantine themselves at home for 10 (TEN) days and call up the District Control Room for detailed instructions and they will monitor their health closely and in case of development of any flu-like symptoms (cough, fever, breathing  difficulty) they will immediately inform the District Control Room at 9362681048/6033162971/9485153533 Or COVID Toll free Helpline 14410.

Pynjari “Containment Area” ia ka shnong Pyndenumsaw, Pharmaiong bad Shngimawlein

Mawkyrwat, Jylliew 10, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum ba katkum ki kyndon ain 2, 3,& 4 jong ka Epidemic Diseases Act, 1897 kaba la pynlong iaka Meghalaya Epidemic Diseases COVID-19 Regulations, 2020 bad Amendment hadien kata ban tehlakam ia ka jingsaphriang jong ka khlam COVID-19, ba hadien ka jinglap ba don positive case/high risk contacts ka ba la tip thikna ka “Pyndenumsaw, Pharmaiong bad Shngimawlein”, bad na ka daw jong ka jingiakynduh jong katto katne ki briew ba dei high risk bad low risk bad kito kiba ioh positive case, kito ki jaka ba kham don jingma bad ba shah ktah ki donkam ban hap buddien ia ki nongleit nongwan (contact tracing), jingshong pynkyrpang, testing, jingshongkhop marwei bad ban iada na ka jingsaphriang na ka bynta ka koit ka khiah jong u paid nongshong shnong ban lait na kino kino ki jingsaphriang jong u COVID-19.

Te namarkata, ka long kaba donkam ban pynbna ia ka “ka shnong Pyndenumsaw, Pharmaiong bad Shngimawlein” kum ki “Containment Area” khnang ban khanglad ia ka jingrung jingmih ha kitei ki jaka. Ki kyndon ha kaba iadei bad katei ka hukum ki long ba yn ym shah ia ki briew ba kin leit banrung sha katei ka jaka bad kumjuh ruh ki briew na kitei ki containment area kim dei ban mih shabar. Baroh ki briew kiba hap hapoh ka Containment area kin hap ban shongkhop ha ki iing ki sem. Yn ym shah ban pynlong kino kino ki jingkhawai ne jingialum paidbah ba kum kino kino ha kitei ki jaka. Yn ym shah ban don kino kino ki jingiakynduh la ki dei Social, Political, Religious, Economic ha kitei ki jaka. U Incident, Zone- IV, Bah S. Passah, DCPO, Mawkyrwat, Zonal Magistrate un long u Supervising Officer ban peit ban khmih ia ka jingbud ryntih ia kane ka hukum. Ki CCMCs jong ka Shnong Pyndenumsaw, Pharmaiong bad Shngimawlein ki dei ban pynthikna ba ym dei ban don mano mano ba shang sharum shaneng kat haduh ban da weng ia ka hukum Conatainment. Ym dei ban pynwit ia ki nongiaid lynti ba iaid lyngba ka surok PWD na kitei ki shnong. Kane ka hukum kan ym kynthup ia ki nongtrei ka tnad ka koit ka khiah, kito kiba pynbiang ia ki tiar ba donkam eh, ia ki Press ba kynthup ia ka Electronic bad Print Media, Petrol Pumps bad ia ki nongsam ia ki gas LPG. Hynrei baroh ki dei ban bud pyrkhing ia ki kyndon treikam ba la buh na ka bynta ban iada na ka jingsaphriang jong u COVID-19.

Lada don kino kino kiba pynkhein ia katei ka hukum kin shah pynshitom katkum ki kyndon ain jong ka Disaster Management Act, 2005 bad IPC. Na ka daw jong ka jingdonkam ba kyrkhieh kane ka hukum kan treikam mardor.

________________________________________

Pyndenumsaw, Pharmaiong and Shngimawlein Village declared as a “Containment Area”

Mawkyrwat, June 10, 2021: The office of the Deputy Commissioner, South West Khasi Hills Mawkyrwat in exercise of powers conferred under section 2, 3 & 4 of the Epidemic Disease Act, 1897 which has constitute the Meghalaya Epidemic Disease COVID-19 Regulations, 2020 and Amendments thereof for containment of outbreak of COVID-19 issued an order that after detection of positive cases/high risk contacts in specific identified at “Pyndenumsaw, Pharmaiong and Shngimawlein Village” due to recent high risk and low risk contact with the COVID-19 positive cases, vulnerable and affected areas required aggressive contact tracing, quarantined, testing and isolation as well as containment in the interest of Health of general public against any possible spread of COVID-19.

Therefore, the office found it is necessary to declare “Pyndenumsaw, Pharmaiong and Shngimawlein Village” as a “Containment Area” so as to restrict unregulated entry and exit movement on site with measures for due compliance by the public until further orders which include that no person/public shall be allowed to move into the containment area and inhabitants within the Containment area shall not move out. All the inhabitants within the containment area shall strictly remain inside their Home. No gatherings, events, functions whatsoever of any nature and forms shall be allowed. No Social, Political, Religious, Economic activities are allowed. The Incident, Zone - IV, Shri. S. Passah, DCPO, Mawkyrwat, Zonal Magistrate shall be the Supervising Officer and monitor strict compliance of the order. CCMCs shall ensure zero movement in Pyndenumsaw, Pharmaiong and Shngimawlein Village till the containment order is lifted. There shall be no disruption movement, along the PWD road passing through these villages. This Order will not apply to health workers and essential commodities, Press including Electronic & Print Media, Petrol pumps and LPG delivery workforce. All SOPs with regards to the prevention of spread of COVID-19 to be adhered to and if there is any violation of this order they shall entail prosecution under the penal provision of Disaster Management Act, 2005 and I.P.C.  In view of the urgency of the matter, this Order has been made ex parte.