Hiar jurip u PHE Minister ia ki skhim Jal Jeevan Mission ha South West Khasi Hills District

 Mawkyrwat, Risaw 02, 2021: U PHE Minister jong ka Sorkar Jylla, U Bah Renikton Lyngdoh Tongkhar u ba long ruh u MLA ka Mawkyrwat Constituency u la hiar ban jurip ia ki shnong ba la dep 100% ka jingai umbam umdih ha ki iing ki sem (Functional Household Water Tab Connection) na ka skhim Jal Jeevan Mission ha ka thain Mawkyrwat kum shibynta jong ka jingrakhe ia ka Gram-Sabha and Samvad bad ki Village Water and Sanitation Committee (VWSCs) jong ki shnong.

            Haba kren ha ka jingleit jngoh ia kawei na ki shnong napdeng ki 56 tylli ki shnong ka District ba la ioh 100% ka jingai umbam umdih kata ha Pynden Mawthawiang u bah Renikton u la pynpaw ia ka jingsngewkmen ba ka um lyngba ka skhim JJM ka la lah ban pynpoi um ha man la ki thliew iing hapoh ka shnong. U la ong ruh ba ka jingim ka la pher namar ki la ioh ia ka um hala ki thliew iing. U la iathuh ruh ba mynta ka sngi ngi rakhe ia ka Gram-Sabha bad Samvad ban pynsah kynmaw ia ka sngi kha u Mahatma Gandhi bad ha kum kane ka sngi ngi pynkhuid ia ki iing ki sem, ki lynti synkien bad shnong ki thaw jongngi. U la bynrap ruh ba ka sorkar mynta ka thmu ban pynlong ia ki shnong na ka ODF sha ka ODF+ te namarkatta, ki paid nongshong shnong ki dei ban nang iaid bteng ia ka kam ban lehkhuid. U la ong ruh ka sorkar ka la ai ia ki skhim painkhana hynrei ki briew ki dei ban pynthikna ba ki painkhana ki long kiba treikam bad ba lyngba ka jingdon jong ka um ka la iarap ban lehkhuid leh suba ia ki painkhana. U la batai ruh shaphang ka solid bad liquid waste management da kaba ong ba ki niut ki lah ban kylla long pisa. U la ong ruh ba ka Swacch Bharat Mission ka la iarap ban kyntiew ia ka khuid ka suba ha ka imlang sahlang, ka ri bad ka jaitbynriew hi baroh kawei.

            Ha katei ka jingleit jurip la iadon lang u Bah R. Nongdhar, SDO, PHE, Mawkyrwat, ki nongtrei na ka tnad PHE, myntri shnong bad kiwei ki riewrangbah.

Rakhe ia ka Swachh Bharat Diwas ha SWKHD

Mawkyrwat, Risaw 02, 2021: Ha ka jingiasnoh kti lang ia ka jingrakhe ia ka lyngkhuh sngi kha jong u kpa ka Ri India u Mahatma Gandhi, ka ophis Swachh Bharat Mission (G), South West Khasi Hills District (SWKHD), Mawkyrwat ha ka jingiatreilang bad ka Jal Jeevan Mission mynta ka sngi ki la pynlong ia ka jingrakhe ia ka Swachh Bharat Diwas kaba la pynlong hapoh PHE hall, Mawkyrwat.

            Ha katei ka sngi la don ki prokram kyrpang i samla Baiamon Marbaniang na ka Nativity Higher Secondary School bad na ka kong Lapdiang Nongsiej. Ka la don ruh ka jingsam ia ki khusnam sha ki nongjop ha kaba ka Nativity HS School, Mawkyrwat ka la iohrah ia khusnam lahduh ha ka jingiakop rwai tynrai, ka Little Star HSS, Mawkyrwat ka la ioh ba-ar bad ka Presbyterian HSS, Mawlangwir ka la poi balai. Ha ka jingiakop thoh Slogan ka Mawkyrwat Presbyterian SS, Laitlawsang ka la poi sha ka kyrdan ba nyngkong, ka Modern Academy HSS, Rangmaw ka la ioh ba-ar bad ka Nativity HS School, Mawkyrwat ka la ioh ba-lai. Ha ka jingiakop Drawing & Painting ka Maharam Government HSS, Mawkyrwat ka la ioh ia ka nam lahduh, ka Nonglang SS, Nonglang ka la ioh ia ka kyrdan ba ar bad ka Presbyterian HSS, Mawlangwir ka la ioh ia ka kyrdan ba lai. 

            U Bah S. Snaitang, EE, PHE, bad Member Secretary DSBM, Mawkyrwat u la batai ba baroh ki longiing ki dei ban ioh ia ka skhim um lyngba ka Jal Jeevan Mission. U la bynrap ruh ba katkum ka JJM dei ban sdang ai um nyngkong ia ki longiing ki ba duk tam bad khatduh ia kito ba kham bit kham biang. U la ong ruh ba katba dang mih ki sngi ka um ha ki wah ka nang duna bad ngi dei ban wat ia ka daw. U la ban ruh ka jingjakhlia ki wah ki dei na ka daw jongngi hi iwei pa iwei bad ngi dei ban kynnoh shuwa ialade ym ia kiwei. U la kyntu ia ki paidbah ba kin ym khang ban buh top um ne pyndonkam ia ka um namar ka dei ka hok jongngi iwei pa iwei ban ioh ia ka jingim lyngba ka um. U la kren ruh shaphang ka Swacch Bharat Mission.

            Haba kren ha katei ka sngi u Bah R Nongdhar, SDO, PHE, Mawkyrwat, u la ong ba ka sorkar ka la iohi jngai bha bad ka la sdang ia ka Swachh Bharat Mission (SBM) ban wanrah ia ka khuid ka suba bad hadien katta la  sdang ia ka Jal Jeevan Mission (JJM) hadien ba la iohi ba ka shitom ban lehkhuid lada ym don ka um.  U la ong ba lyngba ka SBM la ioh ia ki skhim painkhana bad lyngba ka JJM ka sorkar ka iarap ban lehkhuid ia ki painkhana. U la iathuh ruh ba ka sorkar ka sorkar ka la jied kumba 5 ngut ki riew kynthei ba kin peit hato ka um kaba ki ioh ha ki iing ki sem ka long ka ba khuid bad kaba bit ne em ban bam ban dih u la bynrap ba la ai ia ki testing kit sha ki ba kin peit ia ka jinglong jingman ka umbam umdih ba poi ha ki iing ki sem hapoh ki shnong ki thaw jongki. U la ong ruh ba ngi dei ban pynneh pynsah ia ki tyllong um da kaba kiar ban pom ia ki dieng ki siej ioh ba ngi poi sha u pud jong ka jingkyrduh um. U la ong ruh ba mynta ka sorkar ynda ka la dep pynshna kum ia ki top um, ki pipe um bad kiwei da ka sorkar kan aiti noh sha ka shnong khnang ba ki nongshong shnong kin don ka jingkhitkhlieh bad ba kin ym ong shuh ba kadei ka mar sorkar. U la pynkut da kaba ong ba ngin long kiba niewkor ia ka um ioh ka poi ka por ba ka um ka kham rem ban ia ka ksiar.

            U JE, Ranikor Sub-Division, u Bah T. Wanniang, u la ong ba ka thong jong ka JJM ka long ban pynpoi um ha man la ki thliew iing. U la batai ruh shaphang ka jingeh ban pyntreikam ia ka skhim khamtam lei lei ha kaba iadei bad ka jingshna ia ka top um bad ka jing pyniaid ia ki pipe um. U la ong ruh ba ka shnong ka don ka bor ba khlain eh ban pyntreikam ia ki skhim te namarkatta, u la kyntu ia ki nongialam shnong ba kin iatreilang bad ka department ha ka ban pynpoi um ha man la ki thliew iing.

U bah S.R Wahlang, DPM, JJM, Mawkyrwat u la kren shaphang kumno ban pyntreikam ia ka skhim hapoh ki shnong ki thaw bad ia ka kamram jong ka shnong lyngba ka Village Water and Sanitation Committee (VWSC). U la kren ruh shaphang ka jingdonkam ban thung ia ki dieng hajan ki tyllong um khnang ba ka um kan nang roi. U la iathuh ba ruh ba ha ka tain Mawkyrwat ki don kumba 72 tylli ki shnong bym pat ju ioh um mynno mynno ruh bad lyngba ka Impementation and Super Agency ka sorkar ka pynshai bad pynsngewthuh shaphang ka JJM bad iarap ia ki ba kin ioh ia ka umbam um dih ha ki iing ki sem jongki. U la batai ruh shaphang ka phang pdeng jong ka JJM kaba ong “Ym ieh iano iano”.

            Ia katei ka programme la pyniaid da u bah P.L Thongni, District Coordinator, DSBM, la pdiang sngewbha da ka Bah B. Lyngkhoi, Accountant, DSBM bad la kren ai khublei da ka kong L. Lyngdoh, HRD Coordinator.

Rakhe ia ka sngi kyrpang ki riew tymmen (International Day of older person) ha South West Khasi Hills District

Mawkyrwat, Risaw 01, 2021: Ka ophis jong ka District Social Welfare Officer (DSWO) ha ka jingiatreilang bad ka ophis jongka District Legal Service Authority (DLSA), South West Khasi Hills District (SWKHD), Mawkyrwat mynta ka sngi ki la pynlong ia ka jingrakhe ia ka International Day for Older Person  (Ka jingrakhe ia ka sngi burom jong ki riewtymmen ha satlak ka pyrthei) halor ka phang “Digital Equity for all ages” (ka jinglong ryngkat ki riewtymmen ha kaban pyndonkam ia ki kor ki bor ka juk mynta) kaba la pynlong hapoh Community hall VEC, Jakrem Mission.      

            U Dr. A. Lyngdoh,  Medical & Health Officer, Mawkyrwat CHC u la ong ba ka jingnoh syniang jong ki riewtymmen ka long kaba khraw bha bad kaei kaba ngi long mynta ka dei na ka daw jong ka jingtrei shitom ka jongki. U la ong ruh ba lada ym don ki meiieid paieid ka imlang sahlang ka long kaba dkhoh. U la ong ba ka pyrthei ka iaid sted bha bad busien ngi kum klet noh ia ka jingnohsynniang bad ka jignkyrkhu ba ki la wanrah ha ka imlang sahlang jongngi. Ka sorkar ka kwah ba ki riewtymmen kin don ka jinglong iaryngkat ha ka ban pyndonkam ia ki kor ki bor ka juk ba mynta. U la bynrap ruh ba kane ka hok jong ka jinglongryngkat ha kaban pyndonkam ia ki kor ki bor kan iarap ia ki riewtymmen ha ki kam ki jam, ka koit ka khiah, ka jingioh ia ki jingtip, ka jingpynsngewbha ialade bad ban iarap iaki ba kin im ka jingim ba donjingmut. Ka jingpyndonkam ia ki kor ki bor ka juk mynta ka kynthup ia ka computer, internet, mobile bad kiwei kiwei kiba lah ban iarap ia ki ba kin ioh ia ki jingtip. U la iathuh ruh ba ka tnad ka koit ka khiah ka ai lad shuwa ia ki riewtymmen haba ki leit shim dawai ne donkam ia ki doctor bad katba nang mih ki sngi lyngba ki doctor, ki nurse bad ki nongtrei ba la ioh ki jinghikai ba pura ka sorkar ka kwah ban ai ka jingshakri ba bha tam ia ki riewtymmen.

            Haba kren ha katei ka sngi kong N. Hahshah, Panel Lawyer, DLSA, SWKHD, Mawkyrwat ka la kren halor ki ain ba iadei bad ki riewtymmen. Ka la ong ba ka DLSA ka ai jingiarap lyngba ka ain bad ki kanoon ba ym donkam ban da siew pisa na ka bynta ki riew tymmen. Ka la bynrap ruh ba katkum ka riti synshar ka ri India (Constitution) ha ka khyrnit ba 41 ki riewtymmen ki don la ka jong ka hok ba kin ioh ia ka jingpule, ba kin bylla bad ka jingiarap paidbah. Ka la ong ba ki kmie ki kpa ki lenlade bad ai ia kaei kaba bha tam na ka mynta ki khun ki kti bad bunsien ha ka juk kaba mynta ki khun ki kti ki ki klet noh ia ka jinglehbha jong ki bad ki lehbein iala ki kmie ki kpa te namarkatta, ka ain kam shah iaki ba kin leh kumta namar ka dei ka hok jong ki riewtymmen ba kin ioh ia ka baibam bad ka jingsumar namar ka ktah ia ka imlang sahlang. Ka la bynrap ruh ba ka ain kam shah ba ki riewtymmen ba kin shah iuhroit bad lada jia ba ki shah lehbein ki riewtymmen ki don ka hok ban shim noh ia ka nongkynti ba ki la sam ha ki. Ka la iathuh ruh ba lada ki riewtymmen ki donkam ha kaba iadei bad ki kot ki sla ne ki jingiarap ba iadei bad ka ain ki lah ban iakynduh ia ki para legal volunteers ba don ha ki shnong ki thaw jongki.

            Ka kong P. Marwein, Programme Manager, Meghalaya Health Insurance Scheme (MHIS) ka la batai sani bha halor ka MHIS. Ka la iathuh baka  sorkar ka la pynkiew ia ka jingiarap na ka T.30000 (lai phew hajar) sha ka T. 5,00,000 (san lak tyngka).  Ka la ong ruh ba ka jingthmu ka sorkar ka long ban pynsting ia ki paid nongshong shnong haba ban ka pang ka shitom bad ka jingjynjar haba ki thiah ha ki hospital. Ka la bynrap ruh ba ka MHIS ka kynthup lang ia baroh ym kumba long mynshuwa ba kynthup tang ia ki BPL hynrei lait noh tang ia ki nongtrei sorkar. Ka la batai ba ban ioh ia ka jingiarap lyngba ka skhim dei ban pynrung kyrteng bad ban ioh kawei ka card. Ka jingmyntoi ban ioh na ka skhim ka long ym tang ia ki ba thiah hospital hynrei wat ia kiba leit sumar lyngba ki OPD bad ka iarap ruh na ka bynta ki jingleh test bapher bapher. Ka la kyntu ia ki paidbah ba kin rah borabor ia ka MHIS card khnang ba kin lait na ka jingban khiah ban siew ia ki bai dawai. Ka la batai ruh shaphang ki kot ba donkam ban rah ha ka por ba ki leit ban pynrung kyrteng na ka bynta ka MHIS. Ka ong ruh ba kiba don ration card ki dei ban rah ia ka card jongki khnang ba kin ioh jingiarap khambun. Ka la pyntip ruh ba lada ki briew ki kwah ban ioh jingtip ba kham bniah ki lah ban peit lyngba ka website www.mhis.org.in lane www.pmjay.gov.in bad lada ki paidbah kim sngewhun bad kim ioh jingiarap ki lah ban ujor lyngba u number 0364-2507477 lane phone sha u Toll Free No-1800 102 4762.

            Ha katei ka prokram ba la pyniaid da ka kong H. Sahkhar, CDPO, I/C District Social Welfare Office, SWKHD, u myntri ka Shnong Jakrem bah P. Wahlang u la pdiang sngewbha ia baroh ki nongpyniaid bad ki nongshim bynta, ka la don ruh ka jingai sngewbha ia ki riewtymmen ba la iashim bynta ha katei ka sngi burom bad ka kong B. Wanniang, Supervisor, DSWO, Mawkyrwat ka la ai ia ki kyntien ai khublei.

 

Dry Day Declared in the Entire of South West Khasi Hills District

Mawkyrwat, September 30, 2021: The office of the Deputy Commissioner (Excise),  South West Khasi Hills District, Mawkyrwat under section 324 A of M.E. Act (Assam Excise Rules as adopted) declared Dry Day in the entire South West Khasi Hills District on 2^nd October, 2021 on account of GANDHI JAYANTI where all liquor shops/IMFL shops/ Bar/ Hotels/ C.A Bars/ C.S shops/ /Canteens and out still stalls shall remain closed on the above mentioned date. Violation of the above order will amount to punishment as per Excise Rules and Acts.

________________________________

Ka Sngi Tyrkhong Kyiad ba baroh kawei ka South West Khasi Hills District

Mawkyrwat,  ‘Nailur 30, 2021: Ka ophis jong ka Deputy Commissioner (Excise), South West Khasi Hills District, Mawkyrwat, katkum ka kyndon ain 324 A jong ka M.E. Act (Assam Excise Rules as adopted), ka la pynbna kum ka Sngi Tyrkhong Kyiad (Dry Day) ha baroh kawei ka South West Khasi hills District ha ka 02 tarik u Risaw, 2021 ha kaba iadei bad ka jingrakhe ia ka GANDHI JAYANTI. Ha katei ka sngi baroh ki dukan die kyiad ki ban kynthup ia ki dukan IMFL, Bar, Hotels, ki bar C.A, dukan C.S, ki canteen bad ki dukan die madan kin khang khyrdep ha katei ka sngi. Kino kino kiba pynkhein ia katei ka hukum kin shah pynshitom katkum ka Excise Rules bad Acts.

Pynlong Swachhata Rath Yatra, 2021 ka SBM (G) Mawkyrwat

Mawkyrwat, 'Nailur 30, 2021: Ka ophis District Swatch Bharat Mission (G), South West Khasi Hills District (SWKHD), Mawkyrwat mynta ka sngi ka la pynlong ia ka prokram ai jinghikai shaphang ka “Swachhata Rath Yatra, 2021” kum shibynta jong ka jingrakhe ia ka Swachhata Hi Seva kaba la pynlong hapoh PHE Hall, Mawkyrwat.

            Ha katei ka prokram la don kumba7 tylli ki skul napoh ka District kiba la iashimbynta ha ka jingiakop thoh Slogan (slogan writing), rwai jingrwai tynrai (folk song) bad jingiakop dro dur (drawing & painting competition).

            Haba kren ha katei ka sngi u Bah P. L Thongni, District Coordinator, SBM (G), Mawkyrwat u la iathuh ba ka jingrakhe ia ka Swachhata Rath Yatra, 2021 ka long shibynta jong ka jingrakhe ia ka Swachhata Hi Seva, 2021 bad ka Azadi ka Amrit Mahotsav kaba rakhe ha baroh kawei ka ri da ka sorkar ban rakhe ia ka jingdap 75 snem ka Jinglaitluid ka ri India.  U la batai ruh ba ka thong jong ka Swachhata Rath Yatra ka long ban pynsaphriang kylleng sha ki paidbah ia ka khubor ban tehlakam ia ka jingeit pathar, kumno ban lum ia ki niut ki ba pyut bad ki bym pyut kum ki plastic, bad kumjuh ruh kumno ban lehkhuid. U la ong ruh ba ka jingrakhe ia ka “Swachhta Hi Seva” ka long ban pynurlong ia ka jingthrang u Mahatma Gandhi ban pynlong ia ka ri India ka ri kaba khuid ba suba da kaba pynlong ia u paidbah ba kin iashimbynta bad kitkhlieh. U la bynrap ruh ba lyngba katei ka skhim ka sorkar ka thmu ban ai jingiarap bad kyrshan ia u duk u suk lane ki ba duna ka kamai kajih khnang ba kin lah ban lehkhuid bad sumar ia ka mei mariang.

            U Bah B. Lyngdoh Marshilong, Asst. Teacher, Maharam Govt. Higher Secondary School, Mawkyrwat u la kren halor ka jingdonkam ban lehkhuid ialade, ia ka iing ka sem, ka shnong ka thaw bad ka imlang sahlang. U la ong ba lyngba ka skhim SBM ka sorkar ka la lah ban rad diengkhong ia shibun ki jingpynjaboh ia ka mei mariang kum ka jing eit pathar, ka jingbret ia ki plastic, ka jingpynjulor ia ki lum ki wah, bad ka jingleh jakhlia ha ki shnong ki thaw. U la ong ruh ba ngi dei ban lehkhuid ia ki painkhana namar ki dei ki jaka ba kongsan bha ha ka jingim jongngi. U la ong ruh ba ka jinglehkhuid shabar ba pynpaw ia ka jingkhuid jongngi ha ka jingmut jingpyrkhat bad ka jingim. U la bynrap ba ka jingkhuid ha ka jingmut jingpyrkhat ka pynlong ia ngi ba ngin ioh ka met ba khiah krat bha, kaba pyllait iangi na ki kam sniew, kaba iarap iangi ba ngin burom markylliang ha ka imlang sahlang bad ka pyniajan bha iangi bad ka mei mariang. U la kyntu ia ki khynnah skul ba kin long borabor ki briew ba lehkhuid ha ka jingim jongki.

Orientation programme on the services provided by One Stop Centre (OSC) at Mawkyrwat

Mawkyrwat, September 29, 2021: The office of the One Stop Centre, Mawkyrwat today organized an orientation cum sensitization programme on the services provided by One Stop Centre (OSC) at Multi-Purpose Hall, DC Office, South West Khasi Hills District, Mawkyrwat.

Speaking on the occasion Shri. S.C Laloo, MCS, Additional Deputy Commissioner, South West Khasi Hills District said spoke about the importance of One Stop Centre (OSC) saying that it is a centre that help and protect women and other oppressed members in society. He added that OSC will give hope, justice and timely help to people. He urged people to spread the message about OSC so that others who do not know about it might get the benefit of the centre and they will not feel shy to approach the centre for help. Amidst all the hardships that happen in the world he concluded saying that let us hope for the best and prepare for the worse.

Dr. W.L Narry, District Nodal Officer, District Mental Health Programme (DMHP), Mawkyrwat spoke on the topic “Standard operating procedure for health workers to assist women or a girl child seeking medical support for sexual violence”. He explained the concept sexual violence and said that sexual violence is very common in different places in India and even in Meghalaya. He added that sexual violence, abortion, domestic violence can lead to psychological issues and trauma. He explained about the medical process followed while examining the victim of sexual violence saying that immediate treatment should be given to the victim, collection of sample should be done before 92 hours and emergency contraception should be done before 72 hours of the incident. He further said that in the process the history of the incident, collection of specimen, bodily injury examination and report should be taken up with great details and authentication. He also informed that for the process or examination the victim, the person accompanying the victim, the informant and the person accused will be examined in detail after which the report will be given to the investigating agency to proceed with court case. 

Speaking on the topic “Law and Legal Aid services applicable for women and children and procedure for filling Domestic Incident Report (DIR)” Smti. N Hahshah, Panel Lawyer, District Legal Service Authority (DLSA), Mawkyrwat said that there are numerous violence against women. She added that violence against women include sexual violence, teasing, stalking, dowry, sati, acid attack, forced labour, economic abuse and taking away their rights. She also informed about various legislations for protection of women and children that include The Immoral Traffic (Prevention) Act, 1956, The Dowry Prohibition Act, 1961, The Indecent Representation of Women (Prohibition) Act, 1986, Protection of Women from Domestic Violence Act, 2005, The Sexual Harassment of Women at Workplace (PREVENTION, PROHIBITION and REDRESSAL) Act, 2013, The Indian Penal Code,1860, Child Labour (Prohibition & Regulation) Act, 1986, and about Prostitution. She stressed that through the Indian Laws relating to Women and Children the Government has given greater protection, dignity and equality to women. While speaking about District Legal Services Authority (DLSA) she said that in India, legal services exist at three levels i.e. the center, state and, the district level. She added DLSA provides free and competent legal aid in the nature of counseling and legal advice as well as free legal services in the conduct of cases before Courts and Tribunals. She further said that DLSA puts restrictions upon the exercise of privileges accorded by law to those who are well off, and stripped the rich of their amenities and put the rich and poor on the same footing.

             Sharing on the topic “Services provided at One Stop Centre (OSC) and Referral of cases to and from different stakeholders” Smti. J. Marbaniang (Centre Manager, OSC, Shillong said that OSC which was established by the Ministry of Women and Child Development (WCD), Government of India in 2015 after the Nirbhaya incident and in Meghalaya it was established in 2016. She explained about the origin of OSC and the role and functions of OSC.

            Informing people about “181 Women Helpline”, Smti. R Nongbri, Supervisor 181 Women  Helpline, Shillong said through this scheme the Government aimed at providing 24X7 help to women in distress. She also said that through various service centers like OSC a link is build up with police department and other concern department to take swift and necessary actions when women in distress called the number 181 or seek their help. She added that through 181 Women Helpline centre women can get help regarding several schemes meant for women. Women can also aired their grievances through the helpline number +91-9485106181.

In the programme which was chaired by Miss L. Marpna, Para Legal Personnel, OSC, Mawkyrwat, the welcome address was given by Miss M. Marwein, Centre Manager, OSC, Mawkyrwat and the vote of thanks was delivered by Miss D. Rapsang, Case Worker, OSC, Mawkyrwat. 

 

Ai jinghikai shaphang ka One Stop Centre ha Mawkyrwat

Mawkyrwat, ‘Nailur 29, 2021: Ka ophis jong ka One Stop Centre, Mawkyrwat mynta ka sngi ka la pynlong ka jinghikai shaphang ka One Stop Centre (OSC) bad ki lad jingiarap ba lah ban ioh lyngba ka OSC kaba la pynlong hapoh Multi-Purpose Hall, DC Office, South West Khasi Hills District, Mawkyrwat.

Haba kren kum u kongsan ha katei ka sngi u Bah SC Laloo, MCS, Additional Deputy Commissioner, South West Khasi Hills District u la kren halor ka jingdonkam jong ka OSC da kaba ong ba ka dei ka jaka ba ai jingshakri bad jingiada ia ki longkmie bad ki khynnah kiba shem lanot bad iakynduh jingeh ha ka jingim jongki na kadaw ba ki shah nionbein ne shah lehbein ha ka imlang sahlang. U la bynrap ruh ba ka OSC ka iarap ban pynioh ia ka hok, ka ai jingiada bad jingkyrmen ia ki riewkynthei bad khynnah ha ka por ba kongsan bad ba donkam eh. U la kyntu ruh ia ki nongshim bynta ba kin long ki nonglamktien ban rah ia ka khubor shaphang ka jingdon ka OSC khnang ba ki paidbah kin lah ban tip shaphang jong ka bad ba kin lah ban ioh ia ki jingiarap lyngba ka OSC.

            U Dr. W.L Narry, District Nodal Officer, District Mental Health Programme (DMHP), Mawkyrwat u la kren halor ka phang “Ki kyndon treikam jong ki nongtrei ka koit ka khiah ban iarap ia ki riewkynthei lane ki khynnah kynthei ki ba wad jingiarap na ka daw ba ki shah thombor ia ka longrynieng  (sexual violence) jongki”. U la ong ba ka jingthombor ia ki kynthei ka jur bha ha ka ri India. U la bynrap ba ka jingthombor ia ki kynthei ka kynthup ia ka jingpynbor ban pynhap khun, ka jingiahap kurim jubor (sexual violence), ka jingthombor ha iing ha sem bad kiwei de ki lah ban ktah ia ka koit ka khiah bad ia ka bor pyrkhat jongki kynthei. U la batai ruh halor ka rukom ban iarap ia ki riewkynthei ba shem lanot na ka daw jong ka jingshah thombor da kaba ong ba ka jingpeit bniah (examination) ka dei ban long shuwa ka 92 kynta, ka jingai dawai iada ban pun khun ka dei ban long shuwa ka 72 kynta hadien ka jingjia. U la ong ruh ba ka jingwat jingtip shaphang ka jingjia, ka jingshim ia ki nongmuna (sample), ka jingpeit ia ki dienmong ha ka met ka phat jong ki lanot, bad ka kaiphot ka dei ban long kaba janai bha kaban sa phah sha ka tnad pulit ban leh ia ka jingwatbniah bad ban phah sha ka Iing Kashari. U la iathuh ruh ba yn eksamin ruh ia kito ki briew ba synran ia ki lanot, ba ai ktien halor ka jingjia, ia kito ki ba shah kynnoh ne ki ba lehsniew bad ia kiwei kiba iadon bynta.

Haba kren halor ka phang “Ka ain bad ki kyndon ai jingiarap lyngba ka ain na ka bynta ki riewkynthei bad khynnah bad kumno ban pyndap ia ka Domestic Incident Report (DIR)”, ka kong N Hahshah, Panel Lawyer, District Legal Service Authority (DLSA), Mawkyrwat  ka la ong ba ki bun bha ki jingshah thombor ia ki kynthei ba kynthup ia ka jingpynbor ban shongkha (sexual violence),  ka jingkren tohmet (teasing), ka jingbuddien (stalking), ka jingpan pisa jubor ban thong ban iathoh (dowry), sati, ka jingshah bret acid (acid attack), ka jingshah pynbor ban trei, ka jingknieh ia ka kamai kajih, bad ka jingshim ia ka hok jong ki kynthei. Ka la kren ruh shaphang ki kyndon ain bapher bapher ban iada ia ki riewkynthei bad ki khynnah kynthei ba kynthup ia ka Immoral Traffic (Prevention) Act, 1956, The Dowry Prohibition Act, 1961, The Indecent Representation of Women (Prohibition) Act, 1986, Protection of Women from Domestic Violence Act, 2005, The Sexual Harassment of Women at Workplace (PREVENTION, PROHIBITION and REDRESSAL) Act, 2013, The Indian Penal Code,1860, Child Labour (Prohibition & Regulation) Act, 1986, bad ka jingpynbor ban khaii met ia ki kynthei. Ka jingshah nion bein ki riewkynthei, ka jingshahkren bein kren khoh, ka jingkren tohmet ba ktah ia ka jingsngew jong ki kynthei, jingbym shah ban pyndonkam ia ka lat kamai kajih ba ka riewkynthei ba ki ioh, ka jingpyni ia ka dur lyngkhuid jong ka kynthei khlem ka mon jong ka kynthei bad katta ka dur ka ktah ia ka imlang sahlang, ka jingbuddien ia ka kynthei broiew (stalking), ka jingpyntrei jubor ia ki khynnah ne ia ki riewkynthei ki long kiba be-ain. Ka la kren ruh shaphang ka DLSA bad ki lad jingiarap ba lah ban ioh lyngba jongka. Ka la batai ruh shaphang ka Domestic Incident Report bad ban phah sha ka Kashari ba kin sdang ia ka mukotduma. 

Ka kong J. Marbaniang, Centre Manager, OSC, Shillong ka la kren halor ka phang “Ki lad jingshakri ba ai lyngba ka One Stop Centre (OSC) bad ka jingiarap lyngba ki bor/tnad sorkar bapher bapher ba dei peit ia ki jingeh”. Ka la iathuh bai a ka OSC la sdang da ka Ministry of Women and Child Development (WCD), jong ka Sorkar India ha u snem 2015. Ka la batai ruh shaphang ka OSC bad ka rukom treikam jongka.

Haba pyntip shaphang ka skhim “181 Women Helpline”, ka kong R Nongbri, Supervisor 181 Women Helpline, Shillong ka la ong ba lyngba katei ka skhim ka sorkar ka thmu ban ai jingiarap ia ki kynthei baroh 24 kynta, lyngba ki OSC ne ki service centre ki iashnoh kti bad ki pulit ban leit ban ai jingirap bad jingiada ia ki riewkynthei bad khynnah ha ka por ba donkam eh, bad lyngba ka skim “181 Women Helpline” ki riewkynthei ki lah ban ioh shibun kiwei pat ki jingiarap. Ka la iathuh ruh ba ki riewkynthei ki lah ban shu phah jingthoh ne whatsup ha u helpline number +91-9485106181 ban ioh ki jingiarap.

Ha katei ka prokram ba la pyniaid da ka kong L. Marpna, Para Legal Personnel, OSC, Mawkyrwat, ka kong M. Marwein, Centre Manager, OSC, Mawkyrwat ka la ai ia ki ktien pdiang sngewbha bad ka kong D. Rapsang, Case Worker, OSC, Mawkyrwat ka la ai ia ki kyntien ai khublei.