Released of gratuitous relief to the next of kin of the 6 deceased person who were washed away by flash floods in Wah Tihiang

Mawkyrwat; October 01, 2020: The Office of the Deputy Commissioner, South West Khasi Hills District, Mawkyrwat today released the gratuitous relief in the form of ex-gratia payment in connection to the 6 (six) deceased person who were washed away by flash floods in Wah Tihiang on 22^nd September, 2020 have been released to the next of kin of the deceased person at Rs. 4,00,000 (Four Lakhs) per deceased person as per State Disaster Relief Funds (SDRF) norms.

------------------------------------------------

Ai jingiarap ka DC sha ki bahaiing jong kito ba la khlad noh ha Wah Tihiang

Mawkyrwat; Risaw 01, 2020: Ka ophis jong ka Deputy Commissioner, South West Khasi Hills District, Mawkyrwat ka pyntip ba la pyllait ia ka jingai jingiarap (gratuitous relief) kaba long ha ka dur jong ka ex-gratia payment ha kaba iadei bad kito ki 6 (hynriew) ngut ki ba la khlad noh ha ka jingshah rong noh ha ka jingshlei um ba kynsan kynsan ha Wah Tihiang ha ka 22 tarik Nailur, 2020. Ia katei ka jingiarap la pyllait sha ki bahaiing ba iajan tam bad kitei kiba la khlad noh da ka Deputy Commissioner, South West Khasi Hills District, kaba long da ka song pisa ba 4,00,000 (saw lak) tyngka jong man la iwei pa iwei ki ba la khlad noh katkum ki kyndon jong ka Disaster Relief Fund (SDRF). 

Pynbna “Containment Area” ia ka Gumaghat Police Out Post

 GOVERNMENT OF MEGHALAYA

OFFICE OF THE DIRECTOR GENERAL OF POLICE

MEGHALAYA::::SHILLONG

No. C.13/2019/131            Dated Shillong, the 1^st October, 2020

 

 

PRESS RELEASE

 

It is hereby informed that Gumaghat Out-Post in South West Khasi Hills District has been temporarily closed after one of the officials of the Out-Post tested positive for COVID-19. Police Officials of the Out-Post have been placed under medical observation and at present all official works of the Out-Post have been shifted to Ranikor Police Station.

The Out-Post is being disinfected as per protocols and once the establishment has been declared fit for re-occupation, the Out-Post will then be opened for official works. The general public residing within the jurisdiction of the Out-Post are hereby requested to kindly approach Ranikor Police Station for any urgent requirement or assistance.

 

Sd/-

(Shri. G. K. Iangrai, MPS)

Asstt. Inspector General of Police (A)

Meghalaya, Shillong.

---------------------------------------------------

Mawkyrwat; Risaw 01, 2020: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum ba ka Sorkar Meghalaya katkum ki kyndon ain 2,3,& 4 jong ka Meghalaya Epidemic Diseases COVID-19 Regulations, 2020 bad Amendment hadien kata ban tehlakam ia ka jingsaphriang jong ka khlam COVID-19, ba hadien ka jinglap ba don positive case/high risk contacts ha kawei ka iing kaba don ha “Gumaghat Police Out Post”, bad na ka daw jong ka jingiakynduh jong katto katne ki briew ba dei high risk bad low risk bad it aba ioh positive case, kito ki jaka ba kham don jingma bad ba shah ktah ki donkam ban hap buddien ia ki nongleit nongwan (contact tracing), jingshong pynkyrpang, testing, jingshongkhop marwei bad ban iada na ka jingsaphriang na ka bynta ka koit ka khiah jong u paid nongshong shnong ban lait na kino kino ki jingsaphriang jong u COVID-19.

Te namarkata, ka long kaba donkam ban pynbna ia ka “Gumaghat Police Out Post” kum ka “Containment Area” khnang ban khanglad ia ka jingrung jingmih ha kitei ki jaka. Ki kyndon ha kaba iadei bad katei ka hukum ki long ba yn ym shah ia ki briew ba kin leit banrung sha kitei ki jaka bad kumjuh ruh ki briew na kitei ki containment area kim dei ban mih shabar. Baroh ki briew kiba hap hapoh ka Containment area kin hap ban shongkhop ha ki iing ki sem. Yn ym shah ban pynlong kino kino ki jingkhawai ne jingialum paidbah ba kum kino kino ha kitei ki jaka. Yn ym shah ban don kino kino ki jingiakynduh la ki dei Social, Political, Religious, Economic ha kitei ki jaka. U Incident, Zone-I, Bah A. Lyngdoh, BADO, Ranikor bad Zonal Magistrate kin long ki Supervising Officer ban peit ban khmih ia ka jingbud ryntih ia kane ka hukum. Kane ka hukum kan ym  kynthup ia ki nongtrei ka tnad ka koit ka khiah, kito kiba pynbiang ia ki tiar ba donkam eh, ia ki Press ba kynthup ia ka Electronic bad Print Media, Petrol Pumps bad ia ki nongsam ia ki gas LPG. Baroh ki dei ban bud pyrkhing ia ki kyndon treikam ba la buh na ka bynta ban iada na ka jingsaphriang jong u COVID-19.

Lada don kino kino kiba pynkhein ia katei ka hukum kin shah pynshitom katkum ki kyndon ain jong ka Disaster Management Act, 2005 bad IPC. Na ka daw jong ka jingdonkam ba kyrkhieh kane ka hukum kan treikam mardor.

 

 

Ka hukum ban pyntreikam ia ki kyndon treikam ha ki Iingmane/jaka mane Blei

Mawkyrwat, Risaw 01, 2020: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum ba katkum ka hukum ba la pynmih da u Chief Secretary jong ka Sorkar Meghalaya la ai jingtip ban plié noh ia ki Iing mane/jaka mane Blei hapoh ka jylla naduh ka 1 tarik Risaw, 2020 bad ban bud ryntih katkum kine ki kyndon ba la kdew harum:-

Ki kyndon pyniaid kam (SOP) ban iada bad teh lakam ia ka jingsaphriang u COVID-19 ha ki jaka leh niam/Iingmane

I. Nongrim

            Ki jaka leh niam/iingmane ki dei ki jaka kiba bun bah ki briew ki leit ban ioh jingtngen ha ka mynsiem. Ban iada ia ka jingsaphriang u COVID-19, ka long kaba donkam ban don ka jingpyniajngai iwei na iwei bad ban bud ia kiwei ki lad jingiada ha kum kine ki jaka.

Kane ka dulir ka batai ia ki lad jingiada kiba kyllum ban bud nalor ki lad jingda kiba kham kyrpang kiba donkam ban shim ha kano kano ka jaka ban iada ia ka jingsaphriang u COVID-19.

Ki jaka leh niam/iingmane kiba don ha ki jaka ba dang pyrkhing ia ka rung ka mih ne containment zones kin dang khang khyrdep. Tang kito kiba don shabar jong ki jaka ba pyrkhing ki lah ban plie.

II. Ki lad jingiada kyllum

La ai jingmut ba ki briew kiba la palat 65 snem, ki briew kiba don palat kawei ka jingpang, ki longkmie ba armet bad ki khynnah kiba hapoh 10 snem ka rta ba kin shong shwa ha iing. La bthah ruh ia ki nongpyniaid ia ki jaka mane ba kin pynthikna ia kane.

Ki lad jingiada ba la shim kyllum ki kynthup ia ki lad iada jingpang kiba dei ban bud ban teh lakam ia u COVID-19. Baroh ki dei ban bud ia kine ki lad jingiada (ki nongpyniaid bad ki paidbah) ha kine ki jaka.

Kine ki kynthup:

1.    Katba lah, ki briew ki dei ban pynpajih ialade kumba 5 phut ha ki jaka paidbah

2.    Dei ban pynthikna ba baroh ki deng ia ki jingda khmat/mask

3.    Dei ban pynmlien ban sait ia ki kti da ka sabon (kumba 40-60 sekhon) wat la ki kti ki khuid. Haba don lad, dei ban pyndonkam ruh bad ki dawai sait kti kumba 20 sekhon.

4.    Dei ban bud pyrkhing ia ki lad iada jingpang. Kane ka kynthup ia ka jingda ia ka shyntur bad khmut haba jyrhoh/synriah da ki tissue/rumal/tymbuit bad bret ha ka rukom ba dei ia kine ki tissue.

5.    Sngap thuh bha ia la ka koit ka khiah bad haba sngew shitom dei ban pyntip mar mar sha ki bor ba dei peit ha ka jylla bad distrik lyngba ki nombar iarap.

6.    Dei ban mana pyrkhing bha ia ka jingbiah pathar ha ki jaka paidbah

7.    Dei ban ai jingmut ia baroh ba kin buh bad pyndonkam ia ka Aarogya Setu App.

III. Baroh ki jaka leh niam ki dei ban pynthikna ba:

1.    Dei ban buh ia ki dawai sait kti bad pynbiang tiar thew jingshit ha khyrdop.

Ki nongpyniaid ia kine ki jaka leh niam ki dei ban buh order ia kine ki tiar thew jingshit bad ki District Medical and Health Officer, ka tnat ka Koit ka Khiah jong ka Sorkar Meghalaya bad ka tnat kan pynbiang ia kine ki tiar thew jingshit hadien ba la dep siew.

2.    Tang ki briew ki bym don dak jingpang yn shah ban rung sha ki jaka leh niam.

3.    Yn shah ia ki briew ban rung tang lada ki pyndonkam ia ki jingda khmat/mask.

4.    Dei ban wah ne pynieng ha jaka ba iohi bha ia ki poster ha ka ktien Phareng bad ktien lajong kiba batai ia ki lad jingiada na u COVID-19. Ka tnat ka Koit ka Khiah jong ka Sorkar Meghalaya kan pynbiang ia kine ki jingdonkam. Dei ruh ban pyni ne pynsngew lyngba ki jingkren bad video ban pynphriang jingtip halor ki lad jingiada na u COVID-19.

5.    Lada long/lah ban phiah ia ka rukom wan ki paidbah ha ki jaka lehniam

Ø  Na ka bynta kane, ki Balang ki lah ban pynlong bun tylli ki jingiaseng ha ki jingmane ha kano kano ka sngi. Ka por long jingiaseng la buh ba kam dei ban palat ia ka shi kynta. Kumjuh ruh dei ban pynduna ne phiah ia ka jingwan ki briew ha kiwei pat ruh ki bynta jong ka jingleh riewblei.

6.     Lada lah, dei ban loit ia la ki juti ha la ki jong ki kali. Lada donkam, ki briew ki dei ban buh hi ia la ki jingphong kjat ha ki jaka ba la buh kyrpang.

Ø  Lait nangta, dei ban pynbiang ka jaka ban buh ia ka kynja jingdiang ha khyrdop ban sait dawai ia ki juti.

Ø  Ki briew ki dei ban sait ia ki kti ki kjat da ka um bad sabon shuwa ban rung ha phyllaw iing mane. Bad lada don ki iingmane ha kaba shah ban rung bad ki juti dei ban pynbiang ki dawai synreit khnang ba kin lah ban pyndonkam shuwa ban rung hapoh iing mane.

7.     Dei ban buh ki briew ban pyniaid ia ki paidbah ha ki jaka pynieng kali bad shabar jong ki jaka mane - da kaba bud ia ki kyndon pynpajih para briew.

8.     Lada don ki dukan, ki jaka dih kophi bad kiwei shabar ne hapoh ki sawdong sawkun jong ka jaka mane dei ban bud pyrkhing ia ki kyndon pynpajih para briew.

9.    Dei ban buh da ki dak pyniajngai ban pynieng ia ki briew khnang ban pynthikna ba ka don ka jingpynpajih ia ki briew ha ki jaka mane.

10.          Lada lah dei ban buh la ka jong ka jaka rung bad jaka mih ia ki paidbah.

11.           Dei ban pyniajngai iwei na iwei kumba 5 phut haba ieng ban rung shapoh.

12.          Ka rukom shong ka dei ban long ha kata ka rukom ba kan don ka jingpyniajngai parabriew.

13.          Yn ym shah ban ialum paidbah ne ban pynlong jingialang hapoh ka jaka pynlong jingiaseng ne phyllaw Iingmane hadien ba kut ka por long jingiaseng.

Ø  Ha kaba iadei bad ki Iingmane, ka jingshah ban rung ia ki briew ha ka por long jingiaseng kam dei ban palat ia ka shibynta na ka laibynta ka jingdon ki jaka shong ha ki iingmane. Nalor kata, kawei ka ben hapdeng artylli ki ben shong dei ban ieh thylli. Ki briew ki dei ruh ban pynpajih kumba 5 phut na ki para briew.

Ø  Na ka bynta ki jingduwai ha ki jaka mane, ki briew kim dei ban tam iwei na ka lai (one-third) jong ka rukom shong ha ki jaka duwai.

Ø  Ha ki jaka lehniam, ki briew na ka juh ka iing ka sem la pynshlur ba ki dei ban shong shi jaka.

14.  Ki jinglehniam kum ka jingpynrung kyrteng, jingai baptisma, bhogs, ka jingkyntang Lyngdoh bad kiwei ki jinglehniam la shah ban pynlong ha ki jaka lehniam/iingmane. Kiwei pat ki jinglehniam kum ka jingpynskhem ne ka jingpynlong pura ha ka balang ne ka jingpdiang communion ruh la shah ban pyndep ha ki iingmane. Kine ki dei ban bud ia ki kyndon kum

a.       Ka jingdon jong ki ban shah pynsleh, ki nonglehniam, bad ka jinglehniam ka dei ban long katkum ka jingdon jaka ne jingheh jong ka iingmane bad ban long iwei na ka lai (one-third) ha ka rukom shong hapoh iingmane.

b.      Ki jingdonkam ha kine ki jinglehniam bapher bapher ka long katkum ka jingdonkam jong ki kynhun bapher bapher bad ka jingiadei ha ka jinglehniam.

c.       Ka jingsam ia ka komunion bad kiwei kiwei ki bynta ka dei ban leh ha kata ka rukom ba kan ym don ka jingiathyngkhuh briew. 

15.  La shah ia ki jingiathoh shongkurim ha ki jaka lehniam, da kaba bud ia ki kyndon

Ka jingdon jong ki briew (nongiathoh, ki bahaiing hasem, ki nonglehniam bad kiwei kiwei) ba kynthup ia kito ba shah khot kyrpang kam dei ban tam ia ka wei na ka lai bynta (one-third) jong ki jaka shong hapoh iingmane. 

16.  Ka jinglehniam na ka bynta ki ba la khlad noh ba kynthup ia ka jingiap, jingtep bad jingthang hynrei dei ban bud ia ki kyndon

a.       Ka jingdon jong ki briew kiban iashim bynta ha ka jingleit on tep kan long katkum ka jaka bad ka jingeh jong ka iingmane bad ban pynduna sha ka wei na lai bynta jong ka rukom shong ha ki iingmane.

b.      Kan ym don ka jingiaid procession sha lum jingtep ne sha ki jaka thang briew bad kiban leit sha lum jingtep ne jaka thang dei ban peit da ka dorbar shnong ne ka welfare society bad ka Graveyard Committees ne Management jong ka jaka thang.

17.  Ki iingmane ki dei ban buh jingthoh ia ka kyrteng jong ki briew ba shim bynta ha ki jinglehniam bad dei ban ai sha ka ophis jong I Deputy Commissioner ba dei peit lada bad haba donkam.

18.  Na ka bynta ki kor pynpyngngad/jaka pyllait lyer, dei ban bud ia ki jingbthah jong ka CPWD kaba batai ba ka jingshit jingkhriat ban buh ha baroh ki kor pynpyngngad ka dei ban long hapdeng 24-30^oC, ka jingsngem ka dei ban long hapdeng 40-70%, dei ban don ki jaka ba pyllait ban rung lyer khuid bad dei ban biang ki jaka rung bad mih lyer.

19.  Ym shah ban ktah ia ki statue/ki dur blei/ki kitab bakhuid bad kiwei.

Ø  Ia ki Balang, ki briew ki dei ban wanrah la ki jong ki kot jingrwai bad ki Baible bad dei ban kiar na kaba iapyndonkam lang.

Ø  Lada don ki tiar ki tar ba pyndonkam lang ha ki jaka lehniam bad bym lah ban long lakajong, ia kum kita ki tiar dei ban sanitize bad pyndonkam da ki kti ba la sop bad pynduna ia ka jingpyndonkam bun briew.

20.  Ka jingma na ka jinglah ban saphriang ka jingpang, katba lah dei ban shubad pyntem ia ki jingrwai niam bad ym dei ban shah rwai ia ki choir ne kynhun nongrwai.

Ø  Ha ki iingmane, wat haba rwai dei ban deng beit ia ki mask.

21.   Kiar na ka ba pyndei para briew haba iakhublei.

22.  Dei ban kiar na kaba pyndonkam lang ia u shylliah haba duwai bad ki bangeit ki dei ban wanrah la u jong u shylliah ne jain siang ia kaba ki lah ban rah noh bad ki.

23.   Ym dei ban shah ban sam para kti kum ki prasad/sam ne synreit umkhuid bad kiwei ha ki jaka mane.

Ø  Ha ka por ba don Holy Communion ne Jingkhawai u Trai ha ki iingmane, ki Phadar/Pastor/Briew kiba sam ia ka Jingkhawai u Trai ki dei ban thet bad sait dawai ia la ki kti, bad phong da ki jingda kti lada long, shwa ban sam ia ka Jingkhawai u Trai bad ban pynthikna ba ym don ka jingpyndei para briew.

Ø  Ki jingainguh bad jinglum jingkynshew ha ki iingmane dei ban leh khlem da don ka jingpyniadei para briew.

24.  Dei ban bud ia ki kyndon pynjngai para briew ha ki jaka shet paidbah/langar/Ann-daan bad kiwei ha ki jaka leh niam haba shet bad sam jingbam.

25.  Dei ban sait bad pynkhuid bha ia ki jaka leh niam na ka por sha ka por bad ki nongpeit ia ki jaka leh niam ki hap ban peit ia kane Dei ban pynkhuid bha khamtam eh ia ki painkhana, ki jaka sait kti sait kjat.

26.   Ki bor pyniaid ia ki jaka mane ki dei ban pynkhuid bad sait dawai bunsien ia ki jaka leh niam.

27.  Dei ban sait bunsien ia ka madan jong ki jaka leh niam.

28.  Dei ban pynbiang ia ki jaka bret ia ki jingda khmat/mask/jingda kti kiba ki bangeit ne ki nongtrei ki kum ieh.

29.  Katba lah, ki balang bad ki jaka leh niam ki lah ban leh live streaming ia ki jingshakri, ki jingduwai bad kiwei ki jingleh niam ban iarap ne ai bynta lang ia ki briew kiba la tymmen, ki khynnah bad ki briew kiba don bun jingpang.

30.  Katba lah ei ki briew ki dei ban leit jingiaseng sha ki iingmane ba jan tam bad ki jaka sah jongki. Kane kan iarap ban kiar bad pynduna ia ka rukom iaid rukom ieng ki briew.

31.  Lada don jingsuba ne don ba ioh ia u COVID-19 ha jaka mane:

1. Buh ia u nongpang ha ka kamra ne jaka kaba pynkyrpang na kiwei.
2. Pynbiang ka mask/jingda khmat tad haduh ba u doktor un da eksamin ia u/ka.
3. Pyntip mar mar sha ka jaka sumar pang kaba don hajan (hospital/clinic) lane phone sha ki bor ba dei jong ka jylla lane distrik.
4. Ki bor ba dei peit ia ka koit ka khiah (district RRT/u doktor sumar pang) kin sdang ia ki kam kum kaba sumar ia u nongpang, ban wad ne test ia ki briew kiba u/ka ki iakynduh bad ka jingdonkam ban synreit dawai.
5. Dei ban sait dawai ia ka jaka baroh kawei lada shem ba u/ka briew ki ioh ia ka jingpang.

IV. Ki Prokram/Jinglehriewblei/Jingrakhe/Jingiaseng ba long ha ki por ki por, ne katkum ki aiom ne ba shisien shisnem

Ø  Ki don kiwei pat ki jinglehniam ha ki calendar jong ki kynhun balang bapher bapher ba long ha ki por ki por, ne katkum ki aiom ne ba shisien shisnem.  Kine bunsien ki iadei bad ka jingbun paid ha ka ban iashim bynta bad ki long ruh ki jingrakhe jong ki shnong. Bad ha kum kine ki don ruh ba la ai shuti paidbah (Public Holidays)

Ø  Na ka bynta kine ki jinglehniam/jingkhawai ne ki prokram namar ba ki khring bun briew yn khang shuwa, bad ki khynhun niam ba dei bynta ki dei ban ioh jingbit na ka Sorkar lyngba ki Deputy Commissioner ba iapher na kawei ka case sha kawei pat.

Ø  Ia kum kitei ki jinglehniam dei ban kynthup lang ha ki jinglehniam ba man ka sngi ne ba shisien shi taiew kiba ju leh ha ki jaka mane blei.

 

 

 

Rakhe Sngi Kyrpang ki Riew Tymmen ha South West Khasi Hills

 Mawkyrwat, Risaw 01, 2020: Ka ophis jongka District Legal Services Authority (DLSA), South West Khasi Hills District (SWKHD), Mawkyrwat mynta ka sngi ki la pynlong ia ka jingrakhe ia ka Sngi Kyrpang ki Riew Tymmen  ba la pynlong hapoh ka skul Hynriew Shnong Higher Secondary School, Shngimawlein.

Ka phang pdeng jong kane ka sngi kyrpang ki riew tymmen ka long “Hato kane ka Khlam ka pynkylla ia ka jingpeit jong ngi ia ka rta bad jinglongtymmen”. Kane ka sngi kyrpang ki riewtymmen ka long ka sngi ban pynkup burom ia ka jingtrei shitom bad jingnohsynniang ki riewtymmen ha ka imlang sahlang bad  ka long ruh ka sngi ban niewkor ba ka jingdon ki riewtymmen ka long ka jingkyrkhu bad ka spah ba khraw ia ki longiing longsem ne ka imlang sahlang.

Haba kren ha katei ka sngi u Dr. F.R. Lartang, District Medical and Health Officer, SWKHD, Mawkyrwat u la pynpaw ia ka jingkordor ban sumar ia ka koit khiah jong ki riew tymmen bad ia kito kiba don ia ki jingpang ha ka met kum ka jingpang shini, jingkiew ka blood pressure, ka jingpang ki tor, jingpang khyllai, ka jingtlot ka bor met bor phat bad kumta ter khnang ba kin im da ka jingkmen. U la ong ruh ba ngi dei ban burom ia ki riewtymmen khnang ba kin nang iai im shongprah shongshang. U la iathuh ruh ba ka sorkat ka la sdang ka National Programme jong ka Health Care of the Elderly (NPHCE) ka ba long ka prokram hapoh ka shatri jong ka National Health Mission ban hikai ia ki riewtymmen, ban iada na ki jingpang bapher bapher, ban sngap ia ka jingeh ba ki don kumjuh ruh ban ai jingshngain ia ki namar ha ka jinglong tymmen ka don ka jingsngewkynjah. U la bynrap ruh ba ha kum kane ka por jong ka khlam COVID-19 ngi dei ban sumar kham kyrpang ia ki riew tymmen bad pynbiang la ka jong ka kamra katba lah ei namar ba kane ka khlam ka ktah kham jur ia ki riew tymmen namar ba ki la kham tlot ka bor ialeh ha ka met ka phat. U la ong ruh ba ki bahaiing ki dei ban phikir bha da kaba bud ia ki kyndon treikam kum ka jingdeng ia ki mask, ka jinglehkhuid, ka jingpyniajngai parabriew khnang ban iada iala ki kmie ki kpa ne ki riewtymmen ha iing ha sem na ka jingshah ktah ha u COVID-19. U la kyntu ia baroh ba ngi dei ba sumar bha ia ki riewtymmen kum ka jingsiewkylliang ia ka jinglen lade jongki iangi bad lada ngi don ka jingim mynta ka dei tang na ka daw ka jingdon jongki.

U Bah L. Lyngdoh, District Social Welfare Officer, SWKHD, Mawkyrwat u la ong ba lada ngi peit ia ka imlang sahlang jongngi naduh ki por mynshuwa ngi don ka jingburom ia ki ba la kham heh kham san. U la ong ruh ba ki kmie ki kpa jongngi ki trei shitom na ka bynta jong ngi ki khun hynrei bunsien yna ki khun ki kti ki la heh la san, la don ki kam ki jam bad ki la bit la biang la ju lap ba kim don por shuh ban sumar ia la ki kmie ki kpa ynda ki la tymmen bad ki shu leit bret ia ki sha ki Old Age Home ne ki jaka sah ki riewtymmen. U la bynrap ruh ba ha ka imlang sahlang jongngi katba nang iaid ki por ka jingburom, ka jingieid, jingsumar ne jingniewkor jongngi ia ki riewtymmen ka la synjor bad kane ka long ki dak ki shin ba ma tam jong ka imlang sahlang. U la pynpaw ba kum kane ka jingrakhe ia ka sngi burom ki riewtymmen ka dei ban pynkynmaw bad pynkyndit bynriew iakane ka juk ba mynta ba ngi dei ban kylla kaba mut bad ngin phai biang sha ki dustur ban burom bad ban iarap ia ki ruh ha ka por ba ki riewtymmen ki donkam ia ki khun. U la kren ruh halor ka Old Age Pension skhim na ka bynta ki riewtymmen ba la dap 60 snem ka rta bad ki lah ban ioh 500 tyngka shibnai. U la ong ruh ba ynda la tymmen ki kmie ki kpa ki shanniah tylli tyllan ha ki khun hynrei ki khun pat ki lehrain ia la ki kmie ki kpa bad ki leh lyndet bad klet ia ka jinglen lade jongki iala ki khun bad ki khun ki ong pynban “tymmen biej”. U la pynkut da kaba kyntu ba katba dang don ki riewtymmen ka long ka jingkyrkhu  bad ki long ki blei kiba im (living god) te namarkata ngi dei ban burom, sumar bha ia ki bad pynkmen iaki namar ka jingburom ia ki kmie ki kpa ka long ka jingburom ia U Blei bad kata ka dei kawei na ki kamram kaba U Blei u kwah ia ngi ba ngin leh hangne ha sla pyrthei. 

Ia katei ka prokram la pyniaid da u Bah Tensing Lyngdoh Nonglait, Para Legal Volunteers bad ia ki kyntien ai khublei la pyndep da ka kong Nosmi Hahshah, Advocate.

 

Iamir jingmut ka Bor Pyniaid District bad ki Nongialam Niam ha Mawkyrwat

Mawkyrwat, Risaw 01, 2020: Ka ophis jong ka Deputy Commissioner, South West Khasi Hills District, Mawkyrwat ka la pynlong ia ka jingiamir jingmut bad ki Nongialam Balang ryngkat ki Nongialam shnong halor ka jingplie noh ia ki jaka mane blei ha South West Khasi Hills District ba la pynlong hapoh Multi Purpose Hall, DC Campus.

Ka Kong Caramai Kharkongor, IAS, Deputy Commissioner, South West Khasi Hills District, Mawkyrwat ka la kren halor ka jingdonkam jongngi ki briew ban duwai bad shakri katkum ka jingngeit jongngi. Ka la bynrap ruh ba kum ki briew ngi donkam ban don ka mynsiem iatreilang te ka la kyntu ba ka District Administration, Nongialam Niam, bad ki Nongialam Shnong ki dei ban iatreilang na ka por sha ka por na ka bynta ka bha ka miat ka imlang sahlang bad ban ai jingshai ha ki paidbah.

Haba kren ha katei ka sngi U Bah L. K Diengdoh, MCS, EAC Mawkyrwat u la batai halor ki kyndon treikam na ka bynta ki jaka mane blei ba la bthah da ka tnad ka Koit ka Khiah bad ka Family Welfare ban tehlakam ia ka jingsaphriang jong ka khlam COVID-19. U la ong ba ka jingdeng ia ki mask, ka jing pyniajngai parabriew, ka jingsait ia ki kti ne ka jinglehkhuid, ka jingtap bha ia ka khmut ne shyntur haba synriah ne jyrhoh bad ka jingkiar na ka jingiatyngkhuh parabriew ki long ki bynta ba kongsan eh haba ki briew ki leit sha ki iingmane.

U Bah Ebormi F. Langshiang, District Disaster Management Officer, SWKHD, Mawkyrwat u la ai ka jingkhublei kyrpang ia kito ki nongpyniaid skul bad kiwei ki jaka ban pyndonkam kum ki Community Quarantine Centre (CQC) da ka bynrap ba mynta ka sorkar ka la ai jingmut ba dei ban pyllait noh ia ki skul bad KHADC kum ki CQC khnang ba kin lah ban sdang treikam noh. U la ai khublei kyrpang ia ka Nativity Convent ba ki dang ai jaka ban pynlong kum ka CQC na ka bynta ka District. U la kyntu ruh ba ki shnong ki dei ban wat jaka tymmai bad pyndonkam ia ki Anganwadi Centre kum ki CQC.

 

National Deworming Day 2020 Programme at SWKHD

 Yn pynlong ia ka National Deworming Day 2020 Programme ha SWKHD

Mawkyrwat, Nailur 30, 2020: Ka ophis jong u District Medical & Health Officer (DM&HO), South West Khasi Hills District (SWKHD) kan pynlong ia ka National Deworming Day Programme naduh ka 12 tarik haduh ka 19 tarik Risaw, 2020 na ka bynta ban sam ia u dawai wieh ha ki jaka ba lah pynbeit da ka tnad ka koit ka khiah bad ki jaka ai shana (Anganwadi Centre) hapoh ka District.

Ka jingthmu jong ka National Deworming Day Programme  ka long ban iarap ia ki khynnah kiba hapoh 19 snem karta ban lait na ka jingdon wieh. Te namarkata la kyntu ia baroh ki khunlung bad ki khynnah kiba naduh ka 1 snem ka rta haduh 19 snem ka rta ban leit sha ki jaka ai dawai bad ioh bynta ha kane ka National Deworming Day. Yn ai ei ia ki dawai wieh ha ki jaka ba la pynbeit kyrpang bad ki Anganwadi Centre khlem da donkam siew pisa eiei. Ia kane ka prokram yn pynlong ha  ryngkat ka jingbud ryntih ia ki kyndon treikam ba la bthah da ka tnad ka koit ka khiah ban iada na ka khlam COVID-19.

U DM&HO, SWKHD, u kyntu ia ki kmie ki kpa, ki nongsumar, ki nongialam niam, ki rangbah shnong bad rangbah dong, ki nonghikai, ki Anganwadi workder bad ki nongai jingsumar ia ki paidbah kiba ha ki shnong ki thaw ban iasnoh kti lang bad ban iatrei lem ryngkat na ka bynta katei ka prokram. U la ong ruh ba ki khynnah ki lah ban ioh ki jingshitom kiba bun jait na ka daw jong ka jingdon wieh kum ka jingduna snam, jingduna bam ka met, jingngiah bam, jingtlot, jingpang kpoh, jingkynroi prie bad jingpynhiar kpoh  bad kaba leit shabar da ka snam bad kumta ter ter.

Kumjuh ruh u DM&HO, SWKHD u la kyntu ia ki kmie ki kpa bad ki paidbah ba kin ialam ia ki khun jong ki sha ki jaka ba la pynbeit kyrpang da ka tnad ka koit ka khiah bad ki anganwadi centre naduh ka 12-19 tarik Risaw, 2020 sha ki jaka ba don hajan ban iohdih dawai wieh uba long uba khlem kano kano ka jingma. U la bynrap ruh ba lada don kino kino kiba ba kwah jingshai kin kynduh ia ki Doctor, Nurse, ANM, bad kiwei de ki nongtrei jong ka tnad ka koit ka khiah.

 

National Deworming Day 2020 Programme at SWKHD

Mawkyrwat, September 30, 2020: The office of the District Medical & Health Officer (DM&HO), South West Khasi Hills District (SWKHD) will organized the National Deworming Day Programme from 12^th to 19^th October, 2020 which will be carried out in order to distribute deworm tablets in session sites and Anganwadi Centers of the District.

The DM&HO, SWKHD urged parents, caregivers, community leaders, teachers, anganwadi workers and other frontline health workers to take active part in this programme as this programme will tremendously impact the health of children as they may suffer from several harmful health issues because of worm infection such as Anemia, Nutritional impairment, loss of appetite, weakness, stomach ache, nausea, tendency to vomit, diarrhea and so on. COVID-19 protocols will be strictly adhered to during the programme so as to create a safe environment.

The National Deworming Day Programme aimed at helping children from 1-19 years old to become worm free. The deworm tablets will be distributed free of cost at session sites and Anganwadi Centers of the District from 12^th to 19^th October, 2020. Therefore, the DM&HO, SWKHD strongly recommend parents to take their children to the nearest session site and Anganwadi Center to avail the benefits. He added that in case people have queries they can contact the doctors, nurses, ANM and other health personnel of the District.

 

Dry Day Declared in the Entire of South West Khasi Hills District

 Ka Sngi Tyrkhong Kyiad Ha Baroh Kawei Ka South West Khasi Hills District

Mawkyrwat,  Nailur 30, 2020: Ka Deputy Commissioner (Excise) jong ka South West Khasi Hills District, Mawkyrwat, ka kong C. Kharkongor, IAS,  ka la pynbna kum ka Sngi Tyrkhong Kyiad (Dry Day) ha baroh kawei ka South West Khasi hills District ha ka 02 tarik u Risaw, 2020 ha kaba iadei bad ka jingrakhe ia ka GANDHI JAYANTI ha kaba baroh ki dukan die kyiad ki ban kynthup ia ki dukan IMFL, Bar, Hotels, ki bar C.A, dukan C.S, ki canteen bad ki dukan die madan kin khang khyrdep ha katei ka sngi. Kino kino kiba pynkhein ia katei ka hukum kin shah pynshitom katkum ka Excise Rules bad Acts.

 

 Dry Day Declared in the Entire of South West Khasi Hills District

Mawkyrwat, September 30, 2020: The Deputy Commissioner (Excise) of South West Khasi Hills District, Smt. C. Kharkongor, IAS, has declared Dry Day in the entire South West Khasi Hills District on 2^nd October, 2020 on account of GANDHI JAYANTI where all liquor shops/IMFL shops/ Bar/ Hotels/ C.A Bars/ C.S shops/ /Canteens and out still stalls shall remain closed on the above mentioned date. Violation of the above order will amount to punishment as per Excise Rules and Acts.

La weng noh ia ki kyndon pyniaid kali odd/even hapoh South West Khasi Hills District

 Mawkyrwat, Nailur 29, 2020: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum, ba katkum ka hukum No. TPT. 25/2020/384 ba la pynmih ha ka 15 tarik Nailur, 2020 da ka ophis jong u Commissioner bad Secretary Transport Department jong ka Sorkar Jylla bad kum ban pynkylla iaka hukum No. SWK/COVID-19/T.1/2020/82 ba la pynmih ha ka 2 tarik Jylliew, 2020, ba la weng noh ia ka rukom pyniaid kali ha ka odd/even system hapoh ka District lait noh tang ia ki kali ba leit shillong bad ba hap hapoh ka Shillong Urban Agglomeration. Na ka bynta ki Transit Pass ban leit sha kitei ki jaka lah ban ioh na ka ophis Deputy Commissioner. Ka rukom shong hapoh ki kali kalong katkum ki jingbthah ba mynshuwa ha ryngkat ka jingbud pyrkhing ia ki kyndon treikam ba la bthah da ka tnad Health bad Family Welfare.