4-Days Residential Training under JJM for VWSCs concluded

 4-Days Residential Training under JJM for VWSCs concluded

Mawkyrwat, March 30, 2022: The 4-Days Residential Training under JJM for Village Water and Sanitation Committees (VWSCs) of South West Khasi Hills District (SWKHD) organised by University of Science & Technology Meghalaya (US&TM) and supported by the Ministry of Jal Shakti, govt. of India and government of Meghalaya at PHE Hall Mawkyrwat concluded today with the distribution of certificate to participants.

Concluding sessions were given by Smti. Zera Wahlang, Water Analyst, PHE Mawkyrwat who spoke about the different types of treating water that include Ph test, turbidity test, total hardness, chloride test, free chlorine, iron (fe), Nitrate, fluoride and bacteriological test. The master trainer of the 4-days training included Dr. Nibedita Paul, PD, KRC, Jal Jeevan Mission, Shri. Er. P.P Sharma, Technical Expert, JJM, Shri. Rituparna Borkataki, MIS Expert, JJM and Shri. Onessimos Shangdiar, Training Coordinator,

The valedictory function was chaired by Shri. Onessimos Shangdiar, Training Coordinator, Dr. Nibedita Paul, PD, KRC, Jal Jeevan Mission delivered the welcome address, speech from the Chief Guest the i/c EE, PHE, Mawkyrwat Shri R. Nongdhar, SDO Mawkyrwat Sub Division, there was sharing from the trainees who participated the 4-days residential training, Shri. Khrawkupar Shangdiar, member VWSC Photjaud War, vote of thanks form among the participants was given by Smti. Twildaris Syiemlieh, member VWSC Rangthong and Shri Rituparna Borkataki, MIS Expert delivered the vote of thanks

La pynkut ia ka jingai jinghikai ba 4 sngi hapoh ka JJM ia ki VWSCs jong ka SWKHD

Mawkyrwat, Lber 30, 2022: Ka University of Science & Technology Meghalaya (US&TM) mynta ka sngi ka la pynkut noh ia ka 4-Days Residential Training under JJM na ka bynta ki Village Water and Sanitation Committees (VWSCs) jong ka South West Khasi Hills District (SWKHD) kaba la pynlong hapoh PHE Hall Mawkyrwat.

Ia katei ka jingai jinghikai la kyrshan da ka Ministry of Jal Shakti, jong ka Sorkar India ha ryngkat lang ka Sorkar Jylla ban ai jinghikai ia ki VWSCs khnang ba kin dup lah ban sumar, test, pynkhuid bad maramot ia ka umbam umdih ha ki shnong ki thaw ba la pynpoi lyngba jong ka skhim Jal Jeevan Mission.

Haba kren kum u kongsan ha katei ka sngi pynkut u i/c EE, PHE, Mawkyrwat bah R. Nongdhar, SDO Mawkyrwat Sub Division U la ai khublei ia ki member jong ki VWSC ba ki la iashim bynta ha ka prokram jinghikai na ka bynta ban sumar ia ka umbam umdih ha ki shnong ki thaw jongki, u la kyntu ba kin pyndonkam hok ia ki jinghikai ba ki la ioh ha kaba iadei bad ka umbam umdih bad kumjuh ruh ban long ki nongrahkhubor sha ki nongshong shnong ba kin long ki captain ban ialam ia ka shnong ka thaw. U la ong ruh ba ka long kaba donkam eh ban pynneh pynsah ia ki tyllong um bad kiar na ka jingpom pathar ia ki dieng ki siej ioh ba lada ngim sumar ia ki kan sa poi ka por ba ‘ka um kan kham kordor ban ia ka ksiar’ bad ngin sa kyrduh um. U la iathuh ruh ba ka tnad PHE ka pyrshang ban ai ki jinghikai bapher bapher kum ban leh mapping, testing, bad ban sumar ia ki tyllong umbam umdih ha kajuh ka por ruh ban lehkhuid hynrei la da ki paidbah kim niewkor kan sa shu pulom kai ka jinghikai.

Ka Dr. Nibedita Paul, PD, KRC, Jal Jeevan Mission ka la iathuh ba ka Ministry of Jal Shakti, Govt. of India bad ka Sorkar Meghalaya ki la jied ia ka USTM ban ai pynlong bad ai jinghikai ha kaba iadei bad ka skhim Jal Jeevan Mission.

Ha katei ka sngi pynkut la ioh ka jinghikai na ka kong Zera Wahlang, Water Analyst, PHE Mawkyrwat halor ka phang kumno ban test ia ka um naduh na tyllong bad ynda la poi ha ki iing ki sem. Ka la iathuh ba ki don kumba khyndai jait ki jingtest ba dei ban leh bad ki ta ki kynthup ia ka Ph test, Jingjngut, total hardness, chloride test, free chlorine, iron (fe), Nitrate, fluoride bad bacteriological test. Ki Nongai jinghikai (master trainer) ki kynthup ruh ia ka Dr. Nibedita Paul, PD, KRC, Jal Jeevan Mission, u Er. P.P Sharma, Technical Expert, JJM, u Rituparna Borkataki, MIS Expert, JJM bad u bah Onessimos Shangdiar, Training Coordinator.

Haba pynpaw ia ka jingioh jingmyntoi na katei ka jinghikai ba 4-sngi, uwei na ki nongiashimbynta, Bah Khrawkupar Shangdiar, member VWSC Photjaud War u la ong ba nyngkong eh u la tip kumno ban sumar bad test ia ka um shuwa ba ngin pyndonkam iaka ban lait na ka jingpang, kumno ban sumar (maintain) ia ka um ba ioh lynba ka JJM khnang ba ka shnong ka thaw kan pahuh ha ka umbam umdih, kumno ban buh ia ki jingialang ba iadei bad ka um, ban buh ki kot ki sla bad ban lum ia ka bai um khnang ban sumar ne maramot lada ka duh ka um bad kumno ban tyngkai ia ka um da kaba ngin don ka jingieid bad burom ia ka mariang. U la pynpaw ruh ia ka jingsngewnguh ia ka kynhun na USTM ba ki la ai ia ka jinghikai ba 4 sngi ia ki.

Ia katei ka porkram pynkut la pyniaid da u bah Onessimos Shangdiar, Training Coordinator, la kren pdiang sngewbha da ka Dr. Nibedita Paul, PD, KRC, Jal Jeevan Mission, na ka liang ki nongiashimbynta la kren ai khublei da ka kong Twildaris Syiemlieh, member VWSC Rangthong bad la kren pynkut da u Rituparna Borkataki, MIS Expert.

Ai jinghikai ba 4 sngi ka USTM hapoh ka JJM ia ki VWSCs ha Mawkyrwat

 

Mawkyrwat, Lber 28, 2022: Ban kyntiew ia ka jingtip halor ka jingniewkor ia ka um, kumno ban tyngkai bad sumar ia ka, ka University of Science & Technology Meghalaya (US&TM) da ka jingkyrshan ka jong ka Ministry of Jal Shakti, jong ka Sorkar India ha ryngkat lang ka Sorkar Jylla, ka la pynlong ia 4-Days Residential Training under JJM kaba la pynlong hapoh PHE Hall Mawkyrwat.

La plie pyrda ia katei ka jingai jinghikai ha ka 26 tarik Lber, 2022 da u Bah Renikton Lyngdoh Tongkhar, PHE Minister bad MLA ka Mawkyrwat Constituency ha ka jingiadonlang ka kong Caramai Kharkongor, IAS, Deputy Commissioner, South West Khasi Hills District (SWKHD), Mawkyrwat, u i/c EE, PHE, Mawkyrwat bah R. Nongdhar, SDO Mawkyrwat Sub Division, ki Nongai jinghikai (master trainer) ba kynthup ia ka Dr. Nibedita Paul, PD, KRC, Jal Jeevan Mission, u Er. P.P Sharma, Technical Expert, JJM, Rituparna Borkataki, MIS Expert, JJM bad u bah Onessimos Shangdiar, Training Coordinator.

U bah Renikton Lyngdoh Tongkhar, Myntri ka tnad umbam umdih jong ka Jylla Meghalaya, ha ka jingkren jong u ha ka sngi plie ïa ka jingai jinghikai ba 4 sngi lynter ba la pynlong hapoh ka hall jong ka PHE Mawkyrwat Division da ka University of Science & Technology Meghalaya (US&TM) bad kaba la bei tyngka da ka Ministry of Jal Shakti ka Sorkar India u la ong ba wat hapdeng ki jingbunkam hynrei u la pyllait ka por ba kyrpang ban ïa don bynta lang ha kane ka sngi khnang ba kan long ka jingmyntoi na ka bynta ki paidbah kiba wan ha kane ka sngi ban ïoh shibun ki lad jinghikai halor ka jingdonkam jong ka um.

U la ong ba ai ba kane ka jingpynsngewthuh halor ka jingdonkam jong ka umbam umdih kan da rung bad kan da long doh long snam ha ka jingmut jingpyrkhat jong iwei pa iwei na ki nongshong shnong jong ka jylla bad jong ka ri hi baroh kawei. Namar kumba kane ka long, ka jingangnud bad ka jingphohsniew jong u Myntri Rangbah duh jong ka Ri India ha ryngkat ka jingïatreilang jong ka sorkar Meghalaya ki thmu ban pynurlong ban pynpoi um ha baroh ki thliew ïing.

U kwah ruh ban ong, ba lada kane ka jingthmu jong ka sorkar kam rung ha ka jingmut jingpyrkhat jong ki paidbah kan long kaba eh ïa ka sorkar ban pynïaid shaphrang ïa ki kam bad kumjuh ruh lada ki nongïalam shnong ki wanrah ïa shubun ki jingeh kan long ruh kaba eh na ka bynta ka sorkar jylla ne ka sorkar India ban leh ei ei ïa kiba kum kita ki jingeh, namar shwa ban pynïaid shaphrang ïa ki kam kum ki shnong ki thaw ki dei ban don lypa ka jingïathir jingmut kumno ban leh ne ban pynlong kam.

Namarkata, ban weng ïa kita ki jingeh u la kyntu na ka bynta ki paidbah nongshong shnong ba kin don ka jingïatreilang bad ka sorkar ha baroh ki liang bad lyngba kane ka program ai jinghikai ha kaba kumno kin tip ïa ka role ne ki rukom pynïaid kam la jong, jong uwei pa uwei ba kin lah ban ai ei ei ne contribute ban long ka lynti ne ka tynrai jong ka jingkyrkhu ha kaba kin lah ban long ma ki ki nongpynïoh um ha ki shnong ki thaw.

Ha kajuh ka por u la buh ruh ka jingkyrpad na ka bynta ki paidbah ba ki dei ban don ka jingjynsur mynsiem ha kaba ïa dei bad ki jaka ba don pahuh ka um, khnang ba kan long ka jingkyrkhu na ka bynta ki paidbah nongshong shnong.

Ka Dr. Nibedita Paul, PD, KRC, Jal Jeevan Mission ka la iathuh ba ka Ministry of Jal Shakti, Govt. of India bad ka Sorkar Meghalaya ki la jied ia ka USTM ban ai pynlong bad ai jinghikai ha kaba iadei bad ka skhim Jal Jeevan Mission. Ka bynrap ba katei ka jingai jinghikai ba saw sngi ka dei ka sien kaba nyngkong eh ban ai jinghikai ha South West Khasi Hills District, Mawkyrwat. Ka la ong ruh ba ki nongiashim bynta ha katei ka prokram ai jinghikai ki long ki briew na ki Village Water and Sanitation Committees (VWSCs) jong ki shnong bapher bapher napoh ka district. Ka ban ruh ba lyngba katei ka jinghikai ki briew jong ki VWSCs kin lah ban peit ia ka umbam umdih, ban maramot lada don ka jingduh ha ki pipe um, ban iitkhmih la ka um ka long kaba khuid ne ka ba bit ba biang ban bam ban dih, bad ban peit ia ka jinglehkhuid ha ki shnong ki thaw. Ka la batai ruh haba ki VWSCs ki la ioh ia ki jinghikai ba biang ka sorkar kan sa phah pisa direct sha ki VWSCs ban peit ia ki kam ha kaba iadei bad ka um naduh ba supply haduh ban da poi ha ki iing ki sem.

 

Pynlong ka DBMU ia ka prokram “ka jingsamlang ia ja jingtip ban kyntiew ia kiwei” ha Mawkyrwat

 

Mawkyrwat, Lber 25, 2022: Ka ophis jong u District Project Management Unit, South West Khasi Hills District (SWKHD), Mawkyrwat hapoh ka shatri jong ka Meghalaya Basin Management Agency (MBMA) da ka jingkyrshan jong ka Sorkar Jylla bad ka International Fund for Agricultural Development (IFAD) mynta ka sngi ka la pynlong ia ka prokram “Ka jingsamlang ia ja jingtip (Knowledge Sharing Event)” halor ka phang “Ktah ia ka jingim! wanrah ia ka jingkylla (Touching Lives! Making a difference)” ba la pynlong hapoh Multipurpose Hall DC, Office Mawkyrwat. Ha katei ka prokram jingsamlang ia ja jingtip ha kaba iadei bad ki kam trei lyngba ka jingkyrshan ka MBDA (Knowldege sharing event on best practices of various interventions from projects under MBDA) la ia don lang ka Kong C. Kharkongor, IAS, Deputy Commissioner, SWKHD, Mawkyrwat, Bah W. B Biam, MCS, ADC, u bah Lastborn Myrthong, MCS, EAC, ki ophisar sorkar bad ki nongiashim bynta na ki shnong bapher bapher.

U bah Ivan Renold Marbaniang, DPM, Megh-Lamp ula iathuh ba ka jingthmu katei ka prokram ka long ban ai ka rynsan ia kiba la ioh jingmyntoi na ki project bapher bapher napoh MBMA ha ka jingiatreilang bad kiwei ki department jong ka sorkar ba kin ia phylliew jingmut bad sam ia ki jingtip halor ki kam ba ki trei khnang ba kiwei ruh kin iohi nuksa bad pyrshang ban buddien bad ban kyntiew ia ka roi ka par, ka ioh ka  kot ki riew shimet ne ia ka shnong ka thaw. U la ong ruh ba ka long ka jingiakren na kawei ka kynhun na ki shnong sha kiwei pat (community will talk to the community).

Ha ka jingkren lamphrang ka kong C Kharkongkor, Deputy Commissioner, SWKHD, Mawkyrwat ka la ong ba mynta ki briew ki la dei ban pyntbit ia ka rukom treikam katkum ka juk ba mynta wat lada ki long ki jingtrei ba la trei naduh mynyndai khnang ban kyntiew ia ka roi ka par. Ka la bynrap ruh ba ki briew mynta ki dei ban pyndonkam ia ka information Technolgy ha ki kam ki jam jongngi khnang ba kin lah ban ai jingtip sha kiba bun ki briew da kaba buh ia ki dur, video ne ki jingthoh ha kaba iadei bad ka rukom trei, ka jingpynmih ia u soh jong ki kam jongngi khnang ba ki briew kin iohlad ban thied ia ki mar ki matta jongki. Ka la ong ruh ba lyngba ka jinglah ban kyntiew ha ka khaii pateng ki kam ba ngi trei kan sa kiew ha kajuh ka por kan sa iarap ia ka ioh ka kot jong ka iing ka sem bad ka imlang sahlang.

Ha katei ka sngi la ioh ka jingkren na khyndai ngut ki briew ba la kiew bha kum ka kynhun ha ka rukom treikam jongki ha ki kam bapher bapehr ki la la leit iashim bynta ha ki ba bun ki prokram ha ka jylla, ka ri bad ka pyrthei baroh kawei.

Haba kren kum uwei na ki kynhun ba la kham kiewbha u bah Markstarwell Langte, Nongkdait Nongtwah IVCS  u la batai halor ka jingiaid lynti jong ka Nongkdait Nongnah Integrated Village Co-operative Society Nongnah (IVCS), SWKHD, Ranikor. U la ong ba nyngkong eh kim pat ioh jintip shaphang ki IVCS bad hadien ka jingpynshai na DBMU ki la ioh jingtip bad ioh ban sdang ia ka IVCS ha ka 25 September, 2017 bad ka thong ka long ban iarap ha ka banking system bad kiwei ki kam pynroi hapoh ka shnong ka thaw, ka district bad ka jylla baroh kawei. Ka kam ba ki trei ka kring ia u paidbah ba kin rung hapoh ka kynhun, ba kin long kiba iatylli bad ka la kyntiew shibun ia ka ioh ka kot bad ka rukom im u paidbah.

U bah Robertson Basant, Environmentalists bad member kynhun Friends of Umngi River u la kren halor ka phang kumno ban pynneh pynsah ia ki sim moina ha ka shnong Umpung (Preservation Of Hill Mynnas at Umpung Village). U la ong ba ki sur jong ki sim ka pyntngen iangi haba ngi don ha ki khlaw ki btap bad haba ngi sngew kynjah. Ha ka jingiakren bad ki bor pyniaid district u la iathuh ba ki la pynmih ka hukum ban ym shah shuh ban siat ia ki sim. U la iathuh ba ki la shna ia ki ruh moina bad buh ha ki khlaw ba kin leitshong ki moina bad la kyntu ruh ia ki briew ka dong ka thain ba kin ym pom ia ki dieng ba long jingbam jong ki sim ha ka dong ka thain. Da ka jingsngewsarong u la iathuh ba ka jingdon ki moina ha ka thain ka la sdang kiew bad kiwei ki jait sim ruh ki la sdang roi. U la ong ba lada ngi ri bad sumar ia kiei kiei ba ka mariang ka ai ngi ruh ngin sa ioh shibun ki jingmyntoi ba kan ai iangi. U la batai ruh halor ka rukom long ki sim ha ka jingwad jingbam, jingsumar bad pynroi ia ki khun. U la kyrpad ia ki briew ba kin sngewbha ban ym thang khlaw shuh, siat shuh ia ki sim, ne pynjulor ia ka mariang na ka mynta ka bha ka miat hadien habud.

Ka kong Damarsilin K Hari ka la pharia jingtip halor ka Mel’s Processing Unit, Mawkyrwat. Ka la iathuh ba ka thong ka long ban pyndonkam ia ka spah mariang ban kyntiew ia ka ioh ka kot ha ka imlang sahkang da kaba pyndonkam da ki soh, ki syntiew bad ki wei ki jhur ne kynbat ban shna umsoh ne wain. Ka la ong ba lyngba ka jingdon katei ka unit ki la lah ban tip ia ka jingkordor jong ki jingthung ha ka mariang te namarkatta ka iarap ban pynneh pynsah ia ki dieng bad ki jingthung bapher bapher. Ka iathuh ruh ba ki briew kin ym lah ban shu pyndonkam ia ki soh bad ki jingthung tang ban bam hynrei da ka jinglah ban pynkylla sha ka umsoh ne ka wain ka la iarap ban ym pynsepei  ia ki bad ban die sha ki bynta bapher bapher jong ka jylla bad ka ri hi baroh kawei.

U bah Iktiar Langte, Nongkdait Nongtwah Collective Marketing Centre u la iathuh ba ka jingsdang ia katei ka kynhun bad jaka ka long dei hadien ka jingtreikam bad radbah jong ka Nongkdait Nongnah IVCS. U la iathuh ba ki la iohpdiang ka jingiarap kumba T. 12 Lakh (tyngka) ban tei ia katei ka jaka bad ia mynta ki la lah ban buh ia u synsar bad ban pynlong kum ka ophis treikam. U la iathuh ruh ba katei ka CMC ka la sdang ban lum thup ia u synsar da kaba thied na ki briew na katei ka dong ka thain bad kin sa leit die ha ka por ba kham biang ka dor. 

U President ka Wah Rilang View Point Integrated Convergence Development Project Bah Clearson Khar Syiemlieh u la batai halor ja jingsdang jong katei ka jaka jngohkai pyrthei naduh u snem 1999. U la iathuh ruh ia ka khana samari kumno ba la sdang ban tei ia katei ka jaka bad kiei ki jingdon jingem bad ki jingthung jingtep ba katei ka jaka ka don ban khring ia ki nong jngohkai pyrthei. U la iathuh ruh ba ki la ioh ka jingiarap na ki department bapher bapher ba kynthup ia ka Soil and Water Conservation Department, Ka Tourism Department bad ka PWD Department, MGNREGA, DBMU, NERCOMP, DRDA bad ruh na ka Rurban mission. Da ka jingsngewkmen u la ong ba mynta lyngba katei ka jaka ki la lah ban aikam kumba 5 ngut ki briew man ka sngi bad ka jingiohnong ka la kot haduh shi lak sanphew hajar  tyngka (T. 150000) shisnem nalor ba la siew ia ka bai trei. 

U bah Twolding Jyrwa, Tynnai Bee Keeping Industrial Co-operative Society Ltd. u la batai halor ka jingsdang katei ka kynhun. U la batai kumno ban ri ngap, kiei ki jingeh ban ri ngap, kumno ban pynroi ia ki ngap, ban pynneh pynsah ia ka ngap bad ban pyniaid iew ia ka umngap ha ka dor ka ba bit. U la iathuh ba ki dawai ba ai ha ki jingthung ki pyniap bad pynduh jait ia ki ngap. U la pyntip ba na ki briew ka kynhun jongki ba la ioh jinghikai ki la lah ban ai jinghikai ia kiba bun kiwei pat ki nongrep lada kwah ban ri ngap. U la pynkut da kaba ong ba ka ngap ka dei kawei na ki dawai ba khlain tam ia u briew na ki jingpang ba bunjait. 

U Bah Jackman D. Shira, Para-vet Cum Service Provider u la batai halor ka rukom ri, sumar bad ai dawai ia ki mrad kum ki sniang, ki masi bad kiwei pat ki jingri. U la iathuh ruh ba lyngba katei ka kynhun ki la leit ai jinghikai bad ai jingsumar ha kaba iadei bad ki jingri sniang sha kiba bun kiwei pat ki jaka. 

U bah Destardland Kharlyngdoh u la kren halor ka Nonglang Community Nursery ba ka la sdang ha u bnai Jymmang, 2017 ha ka jaka ba 1080 Sq.Mtr. da ka jingthmu ban pynneh pynsah ia ka mariang kum ia ki khlaw ki btap, ki wah bad ki tyllong um, ban pynbha bad sumar ia ki catchment area bad kumjuh ruh ban kyntiew ia ka roi ka par bad ka ioh ka kot jong ki paidbah nongshong shnong. U la batai ruh shaphang ka jingsara ia ki dieng bapher bapher ban thung pat ia ki sha ki catchment area bad sha kiwei pat ki jaka bym don dieng. U la iathuh ruh ba naduh u snem 2017 haduh 2021 ka jingiohnong ka la long kumba T. 184000/- na kaba die ia ki dieng.

Ka Sumitra Ch. Sangma, ka la kren halor ka Implementation of Water Conservation-Construction of Check dam of water security (Domestic Purpose) in Convergence with MGNREGA at Mawpyllun Ranikor. Ka la iathuh ba nyngkong ka la don ka jingkyrduh um ha shnong ha thaw hynrei mynta pat ka la pahuh ka um. 

Ban pynshit phynshngain ia katei ka prokram la ioh ka jingshad tynrai ‘Ka Chad Sngei’ na ka Ri Maram Folk Academy, Mawlangwir bad ka jingrwai kyrpang na ka kynhun Lala Sisters ba la rwai da ka kong Lapdiang bad Lawan Nongsiej ba la ai kyrteng ‘Ko Ri Baieid’. Ka la don ruh ka jingsam ia ki syrnot sha ki shiphewngut ki nongiashim bynta kiba la kiew bha ha ka rukom treikam jongki ha ki kam bapher baphet ba ki trei kum ka kynhun ba la ai jingiarap da ka DBMU bad kiwei ki tnad sorkar. 

Ha katei ka prokram ba la pyniaid da ka kong Mumie N. Shangpliang, Senior Manager - RF, la kren pdiang sngewbha da u bah Ivan Renold Marbaniang, DPM, Megh-Lamp bad la ioh ia ka jingkren ai khublei na u bah John Kearney Wanniang.

Pynshai paidbah shaphang ka jingkordor ka Um bad ka skhim JJM da ka rally ha Mawkyrwat

 

Mawkyrwat, Lber 24, 2022: Kum shibynta ban pynshai paidbah halor ka jingkordor jong ka umbam umdih ha man la ki tyngkong iing ka ophis jong u Executive Engineer, PHE Cum Member Secretary DWSM (JJM), South West Khasi Hills District (SWKHD), Mawkyrwat mynta ka sngi ka la pynlong ia ka jingiaid paidbah (rally) ha kaba iadei bad ka Jal Jeevan Mission (JJM) kaba la sdang na phyllaw ophis jong u Block Development Officer, Mawkyrwat C&RD Block bad pynkut ha phyllaw ka ophis PHE, Mawkyrwat. Ha katei ka jingiaid rally la iashim bynta shitrhem da ki khynnah pule jong ki skul bapher bapher ryngkat ka jingsynran lang u paidbah bad ki nongtrei ka PHE kiba la pyrta ia shibun ki jingthoh (slogan) kum “Save water save life”, “no water no food, yes water yes food”, “wat bret niut pathar sha lum sha wah ioh ngi jynjar trah”, “ngim im khlem ka um” bad kiwei dei. Ki la rah ruh ki placard ba thoh shibun ki kyntien kum “ka um ka dei ka jingim, ngi dei ban tyngkai ia ka”, “conserve water to sustain life”, “ka um ia ngi ka ai jingim bad lada ngim tyngkai u Blei ia ngi un tim” bad kiwei de ki jingthoh ba iadei bad ka jingsumar, jingtyngkai bad pynneh pynsah ia ka um.

Haba kren shuwa ban sdang katei ka jingiaid paidbah u Bah Stevan Roy Wahlang, District Coordinator, JJM, Mawkyrwat u la ong ba ka jingthmu katei katei ka Rally ka long ban pynsaphriang ia ka khubor halor ka phang “ban tyngkai ia ka um bad pynneh pynsah ia ka” na ka bynta ka bha ka miat hadien habud kumjuh ruh ban pyntip paidbah halor ka thong jong ka JJM ban pynpoi um ha manla ki tyngkong iing hapoh jong ki shnong, ki skul bad ki anganwadi centre ha SWKHD. U la ong ruh ba ka long kawei na ki lad ban ai jingtip sha u paidbah ba kumno kin sumar ia ka mei mariang, ia ki tyllong um, ban ym pynjakhlia ia ki bad kumno ngin tyngkai ia ka um.

Haba pynkut ia katei ka prokram ha phyllaw ophis PHE u i/c EE, PHE, Mawkyrwat bah R. Nongdhar, SDO Mawkyrwat Sub Division u la ai khublei ia ka jingshimbynta shitrhem jong ki khynnah skul, ki lad pathai khubor, ki paidbah bad ki nongtrei katei ka ophis. U la ong ruh ruh ba katei ka jingiaid paidbah ka la pynshai shikatdei ia u paidbah ha kaba iadei bad ka Jal Jeevan Mission. U la bynrap ruh ba katkum ka JJM dei ban pynpoi um lut ha man la ki tyngkong iing hapoh district. U la iathuh ruh ba katba dang mih ki sngi ka um ha ki wah ka nang duna bad ka daw ka long ka jingpynjulor ia ki khlaw ki btap, ka jingpynjaklia ia ki tyllong um bad ki wah, ka jingbret jakhlia pathar, bad ka jingkhluit tyrha ka pyrthei (global warming). U la ong ba ngi dei ban pynneh pynsah ia ki tyllong um da kaba kiar ban pom ia ki dieng ki siej ioh ba ngi poi sha u pud jong ka jingkyrduh um. U la pynkut da kaba ong ba ngi dei ban long kiba niewkor ia ka um ioh ka poi ka por ba ka um ka kham rem ban ia ka ksiar.

 

As a mark of respect to the demise of Late. Shri. Rowell Lyngdoh all Government offices in SWKHD will remain closed on 15th March, 2022

Kum ka jingburom ia ka jingkhlad noh u Bah Rowell Lyngdoh, pynbna shuti ia ki ophis sorkar ha SWKHD

Mawkyrwat, Lber 14, 2022: Ka Deputy Commissioner jong ka South West Khasi Hills District, Mawkyrwat ka pynbna ba kum ka dak jong ka jingburom ia ka jingkhlad noh u Bah Rowell Lyngdoh, u ba long u nongthawain barim jong ka Meghalaya Legislative Assembly ba nyngkong na Mawkyrwat Constituency ha u snem 1972, baroh ki ophis sorkar hapoh South West Khasi Hills District kin khang ha ka sngi ba-ar katta ka 15 tarik Lber, 2022 na ka daw jong ka jingkhlad noh ka jong I ha ka 13 tarik Lber, 2022.

 

 

As a mark of respect to the demise of Late. Shri. Rowell Lyngdoh all Government offices in SWKHD will remain closed on 15^th March, 2022

Mawkyrwat, March 14, 2022: Smti. C. Kharkongor, Deputy Commissioner, South West Khasi Hills District, Mawkyrwat issued an order that as a mark of respect to Late Shri. Rowell Lyngdoh, former legislator to the first Meghalaya Legislative Assembly from Mawkyrwat Constituency in 1972, all State Government Offices in South West Khasi Hills District shall remain close on Tuesday the 15^th March, 2022 on account of his demise on 13^th March, 2022.

 

Shongkun ka jingrakhe International Women’s Day ha Photkroh, SWKHD

 

Mawkyrwat, Lber 08, 2022: Ka jingrakhe Sngi kyrpang ki kynthei (International Women’s Day), 2022 ka la long kaba shongkun bha ha Photkroh. Ia katei ka prokram la pynlong da ka ophis jong ka District Social Welfare, South West Khasi Hills District (SWKHD), Mawkyrwat ha ka jingiatreilang bad ka District Legal Services Authority (DLSA), SWKHD mynta ka sngi kaba la pynlong ha Photkroh Community Hall halor ka phang “Gender Equality today for a Sustainable tomorrow” (Ka jinglongryngkat jongki kynthei bad shynrang mynta na ka bynta ka roi ka par kaba neh ha ka lawei) bad ba la iashim bynta da kumba 120 ngut ki riewkynthei.

Ban pynshongshit bad kham pynshongkun shuh shuh ia ka sngi kyrpang ki kynthei ka MSRLS, Ranikor BBMU ka la pynlong ia ka jingiaid paidbah ki kynthei ba dei member jong ki SHG ryngkat bad ki slogan na Mawhati Community Hall sha Photkroh Community Hall kumjuh ruh ki la sam ia ki khusnam ha kaba iadei bad ka jingthoh slogan ha kaba ka Jarig SHG, Munai ka la ioh ba nyngkong, Ka Nangrin SHG, Mawhati ka la ioh ba-ar bad ka Janggani Tangani, Mawhati ki la ioh ia ka kyrdan kaba lai.

Ka SI A. Sawkmie O/c Women Mawkyrwat PS ka la kren halor ka hok ki kynthei bad ki ain ba ki lah ban ioh jingiada. Ka la ong ba ki jingeh ba ki kynthei ki ia kynduh ki long ka jingshah thombor hapoh iing pohsem (Domestic violence), ka jingkhaii ia ki kynthei kiba long ha ki ar bynta kawei ka long ban pyniaid ia ki kynthei ha ki kam awria bad ban khaii ia ki dkhot met ha kiwei pat, namar ka internet ka la jyllei ka jingpyndonkam ia ki dur ne video ba khlem akor (pornography), ka jingbuddien ia ka jingim ne ka longrynieng jongki kynthei (stalking) khamtam lyngba ki social media, bad ka jingshah thombor ha ki jaka trei na ki ba halor ne kiba iatreilang bad ki. Ka la ong ba ki longiing ki lah ban mat shibun ki jingeh namar kim nud ban pynpaw shabar ia kaei kaba jia hapoh iing jongngi bad dei namar katta ba la buhrieh ia shibun ki jingjia ba sniew bad ba ka sorkar ka thaw ia shibun ki ain ban iada bad lyngba ki pulit ka tehlakam ia ki jingsniew kiba jia ia ki kynthei lyngba ki thanad jong ki kynthei. Ka la kyntu ba ki briew ki ju dei ban buhrieh ia ki jingsniew hapoh iing pohsem ne ha ka imlang sahlang hynrei ki dei ban pyntip sha ki bor jong ka ain khnang ba ki runar kin ym iohlat shuh ban pynjot ia kiwei pat. Ka la iathuh ruh ba bunsien ki briew ba shah thombor ki long kiba duna ha ka pyrkhat pyrdain, ki briew kiba duk bad kiba shemlanot.

Haba kren ha katei ka sngi ka kong Noshmi Hahshah, Advocate District Legal Services Authority (DLSA), Mawkyrwat ka la kren halor jong ka ain ba iadei bad ki kynthei. Ka la ong ba ki don bun bha ka jingniewshiliang ne ka jingbym ryngkatdor bad ki kynthei bad dei na kata ka daw ba ki mih ki ain ba iadei bad ki kynthei. Ka la ban ba ka don ka jingiapher ha ka imlang sahlang kum ha ka jingphah leitskul, ki kam ki jam, ka jingsiew duna dor haba trei ia kajuh ka kam kumba trei ki shynrang bad kiwei de. Ka la ong ba ki kynthei kim dei ban long tang ki nongsumar iing hynrei ki dei ban tur ha ka imlang sahlang bad peit ia ka roi ka par. Ka la kyntu ba ki kynthei ki dei ban ieng hala ki jong ki kjat ban pyntip ha ki bor jong ka ain khnang ba kin lah ban ai jingiarap. Ka la ong ruh ba bunsien ki briew ki kynnoh ia ki bor jong ka ain hynrei ka daw ba nyngkong ka long ba ki briew kim pyntip sha ki bor jong ka ain ia ki kam sniew. Ka la ban ba lada ngim sdang ban tehlakam na ki kam sniew kiba rit ki briew kin sa sdang ban leh ki kam sniew ba khraw ha ka imlang sahlang. Ka la iathuh ba ki kam sniew pyrshah ia ki kynthei ki kham bun ban ia ki kam sniew ia ki shynrang. Ka la batai ruh ba ka sorkar lyngba ka DLSA ka ai ia ka jingiarap katkum ka ain khlem da donkam ban siew pisa eiei ia ki plidar. Ka la batai ruh ba kino kino ki mukotduma ba iadei bad ki kynthei ki lah ban ioh lyngba ka DLSA ban ialeh pyrshah ia ki kam sniew ha ka imlang sahlang.

Ka Kong L. Marpna, Paralegal Personnel/Lawyer, One Stop Centre (OSC), SWKHD

ka la kren halor ka jingialong ryngkat ki kynthei bad shynrang ha ka imlang sahlang katkum ka kyndon ain ba 14 jong ka Constitution ka ri India bad shaphang ka One Stop Centre (OSC). Ka la iathuh ba ki skhim ba iadei bad ki kynthei kum ka Pradhan Mantri Rozgar Yojana, Ka Women Helpline Scheme da kaba phone ha u number 181, Rajiv Gandhi Creche Scheme na ka bynta ki longkmie ba trei ba ktah bad ka One Stop Centre Scheme da ka jimgthmu ban ai jingiarap ia ki kynthei ba mat ki jingeh ha ki iing ki sem ne ka imlang sahlang. Ka la batai ruh ba lyngba ka OSC ki lah ban ai jingiarap ban thoh ia ka ejahar ban ujor mutkotduma. Ka la iathuh ba ka jingthmu ka OSC ka long ban tei ia ka iing ka sem ym ban pynpra da kaba ai counselling. Ka la batai ruh ba ka OSC ka iatreilang bad ki tnad sorkar bapher bapher ban ai jingshngain ha ka imlang sahlang bad ki kynthei ki lah ban pyntip ia ka jingeh jongki. Ka la kren ruh shaphang ka jingpynkupbor ia ki kynthei (women empowerment) ha ka imlang sahlang bad kaa la ong ba ka ri bad ka jaitbynriew kan kiew tang lada ki kynthei bad ki shynrang ki la long mar ia katjuh. 

La pyniaid ia katei ka prokram da ka kong H. Sahkhar, CDPO bad I/c District Social Welfare Officer, SWKHD bad la kren ai khublei da ka kong B. Wanniang, Supervisor O/o District Social Welfare.

U ei une u Elder Helpline bad kiei ki jingmyntoi ba ki riewtymmen ki lah ban ioh?

 

U Elder helpline u dei u number phone 14567 u ba treikam naduh 8 baje mynstep haduh 8 baje da miet baroh shi taiew na bynta ban iarap ia ki tymmen ki khro ba kynthup ia ki kynthei ba naduh 58 snem shaneng bad ia ki shynrang 60 snem shaneng.

La pyntreikam ia u Elder Helpline number 14567 naduh ka 1 tarik u Risaw, 2021, kylleng ka ri India bad ha ka jylla Meghalaya jong ngi la sdang ban pyn treikam ha ka 13 tarik, Nohprah 2021.

Lyngba u Elder Helpline ki riewtymmen ki lah ban ioh jingtip shaphang ki Hospital ban sumar, ki lad jingiarap ban ai jaka sah lane ki iing sah tynmmen bad ban ai jing sumar kum ia ki ha CHC bad PHC Sorkar. U Elder Helpline u ialam lynti ba kumno bad nangno ba ki riew tynmmen ki lah ban apply ia ka bai bam Tynmmen ba ai ka sorkar bad ka btin lynti ia ki tynmmen sha ki nongsait ain shaphang ki ain ki kanun kum ka Maintenance Act 2007. U Elder Helpline u ai ruh ka Jingpyntngen bad ka jingkyrmen da ka ba ki sngap iaki jingeh bad ka jing thut bad ban ai pat ia ki ia ki lad jing pyntngen bad jing kyrmen. Kumjuh ruh lyngba u Elder Helpline ki riewtymmen lah ban ioh ki jingiarap ha ki rukom bapher bapher kum ka sumar ia ki bym don iing donsem ne ki bym don ki bahaiing ha sem.

Strict Legal norms for safeguarding Digital Infrastructure in the State

 Mawkyrwat, February 24, 2022: The office of the Chairman DLDCMC cum Deputy Commissioner, South West Khasi Hills District, Mawkyrwat issued this notification for the information of the general public that telecommunication services are key infrastructure and are included in the Sustainable Development Goals (SDG) since they are necessary services. Telecom services are a public good and a driving force behind the country’s socioeconomic development. Mobile phone and broadband services are essential contributors to India’s economic growth and give significant benefits to the general public.

The government of India has approved Telecom Services Providers and Internet Services Providers to provide Telecommunication Services and install Active and Passive Telecom Infrastructure, respectively, under the Department of Telecommunication (DOT).

Telecommunication services are “ESSENTIAL SERVICES,” as defined in paragraph 2 (a)(i) of the Essential Services Maintenance Act of 1986, and are of public utility. Therefore, the general public may strictly comply with the directives that include Strict legal action will be taken against the obstructer/person damaging/unlawfully obstructing the existing/upcoming Telecom/Digital infrastructure. Appropriate legal action will be taken against any miscreants spreading misleading information relating to health effect EMF emission or create opposition against installation of duly approved Telecom Infrastructures. General public are requested to report incidences of damage to Telecom Infrastructure to the appropriate authority.

___________________________________

Buh ka Sorkar da ki kyndon pyrkhing ban iada ia ki Digital Infrastructure ha ka jylla

Mawkyrwat, Rymphang 24, 2022: Ka Chairman DLDCMC cum Deputy Commissioner, South West Khasi Hills District, Mawkyrwat ka pyntip sha u paidbah nongshong shnong jong ka District ba ka Telecommunication Services ka long ka bynta ba kongsan ha ka roi ka par ba kynthup ruh hapoh ka Sustainable Development Goals (SDG) namar ki long ki jingshakri ba donkam. Ki jingshakri lyngba ka Telecom ki long na ka bynta ka jingbha u paidbah bad ka long u budlum ban kyntiew ia ka roi ka par ha ka imlang sahlang. Ki Mobile phone bad broadband services ki long ki ba nohsynniang shi katdei eh ha ka roi ka par bad ka ai jingmyntoi shibun ia u paidbah.

Ka Sorkar India ka la mynjur ba ki Telecom Services Providers bad Internet Services Providers ba kin ai ia ka jingshakri lyngba ka Telecommunication Services bad install Active bad Passive Telecom Infrastructure hapoh ka Department of Telecommunication (DOT).

Ka Telecommunication services ka long ka “Lad Jingshakri ba Kongsan,” katkum ba la kdew ha ka paragraph 2 (a)(i) jong ka Essential Services Maintenance Act of 1986, bad na ka mynta ka jingpyndonkam u paidbah. Te namarkata,  ki paidbah nongshong shnong ki dei ban pud pyrkhing ia ki jingbthah ba kynthup ba yn pynshitom tyngeh ia kito ki briew ba pynduh /nongpynwit/ ki ba khanglad be-ain ia ki ba la don/ne ki ban sa shna jongki Telecom/Digital infrastructure. Yn sa pynshitom katkum ki kyndon jong ka ain pyrshah ia ki runar kiba pynphriang ia ki khubor ba bakla ha kaba iadei bad ka jingktah ia ka koit ka khiah EMF emission lane ban ialeh pyrshah ia ka jing pyndait ia ki Telecom Infrastructures ba la dep ioh jingbit. La kyntu ia u paidbah ba kin pyntip lada don kino kino ki jingsniew ia ki Telecom Infrastructure ha ki bor ba dei peit.

Ka Convergence Camp ha Jakrem ka la iarap ban pynrung kyrteng ia u paidbah na ka bynta ki skhim Sorkar bapher bapher

Mawkyrwat, Rymphang 22, 2022: Ka Block Mission Management Unit, MSRLS/NRLM, Mawkyrwat C&RD Block mynta ka sngi ki la pynlong ia ka Convergence Camp (ne ka jingiasynrop lang) jong ki tnad sorkar bapher bapher, ha Community Hall,  Jakrem ban ai jungmyntoi ia u paidbah nonshongshnong ha kaban pynrung kyrteng na ka bynta u Aadhaar, e-Shram, National Social Assistance Programme (NSAP), Megha Helath Insurance Scheme (MHIS), Social Security Schemes-PMJJBY, PMSBY, APY, KCC loans (ram nongrep), DDU-GKY bad kiwei de. U Bah W. Biam, MCS, ADC bad Project Director, DRDA, South West Khasi Hills District, Mawkyrwat u la long u kongsan bad u bah Bah I. Lawryniang, MCS, BDO, Mawkyrwat C&RD Block u la long u symbud kongsan.

Haba kren ha katei ka sngi u Bah W. Biam u ong ba ka jingthmu ka sorkar ka long ban pynpoi ia ki lad jingiarap ha ki shnong ki thaw (service at the doorstep). U la kyntu ruh ia ki paidbah ba kin pynsaphriang ia ka khubor khnang ba kiwei kin sngewthuh ban shim ia ka kabu ban pynrung kyrteng na ka bynta ki skhim sorkar bapher bapher. U la ong ruh ba ka sorkar ka ai ki jinghikai bapher bapher kum ka jingkhapsniuh, jingpynbha briew, ka jingshna ia ki tower bad kiwei kiwei ki jinghikai khlem  da siew pisa khnang ban iarap ia u paidbah ban kiew ha ka ioh ka kot ne ban dup lah ban sengkam seng jam. U la ong ruh ba ka long kaba donkam ban pynshlur ia ki khun samla ban leit sha ki jinghikai bad sdang ban seng ia ki kam lajong namar ka long kaba eh ban ioh kam iohjam.

U Bah I. Lawryniang, MCS, BDO, Mawkyrwat C&RD Block u la batai shaphang ka jingdonkam ban sdang ia ki kam lajong ban kyntiew ia ka ioh ka kot bad ban weng ia ka jingduk. U la ong ruh ba lyngba ka jingsynrop lang jong ki tnad sorkar bapher bapher, ka sorkar ka kwah ban pynsuk ia u paidbah ban ioh ia ki kot ba donkam ban ioh ia ki jingiarap na ki skhim sorkar jong ki tnad bapher bapher.

Ban pynsngewthuh shaphang u Aadhaar ka Kong I Nongkhlaw, RO, Planning Department ka la ong ba ka Aadhaar Card ka la long kawei na ki kot ba donkam bha na ka bynta ban ioh ia ki jingmyntoi jong ki skhim bapher bapher jong ka sorkar ba kynthup naduh u khaw ration, MHIS, e-Shram, ki skhim pension bad kiwei de.

ka la kren shaphang ka jingdonkam ban shon Aadhaar card khnang ba kin lah ban ioh shibun ki jingmyntoi.

Haba batai shaphang ki jingdonkam lyngba ka Bank ka Kong K. Kharsyntiew, BM, MRB Mawkyrwat ka la iathuh ba ki bank ki la sdang ban pynsuk ia u paidbah da ka jingdon jong ki Bank Sakhi ha ki shnong ki thaw na ka bynta ban thep ne sei pisa kumjuh ruh na ka bynta kiwei ki jingdonkam ha ka bank. Ka la kyntu ruh ia u paidbah ba kim dei ban sheptieng ban pyndonkam ia ki lad jingshakri lyngba ka online namar kan pynsuk shibun ia ki tang ki briew ki dei ban long kiba phikir bha.

Ka Kong S. Iawphniaw, Branch Manager, MCAB Mawkyrwat ka la batai shaphang ka jingdonkam ban pynbeit bha ia ki kot ki sla shuwa ba kin leit ban pynrung kyrteng na ka bynta ki lad jingiarap kum ka PMJJBY, PMSBY bad ka KCC loan (ram nongrep) khnang ba kin ym don kino kino ki jingeh hadien habud.

U Bah K. Snaitang , DPM, DRDA u la batai shaphang ka jingmut jong ka Convergence Camp bad kumno ka pynsuk ia ki paidbah nongshong shnong ban pynrung kyrteng na ka bynta ki skhim sorkar bapher bapher.

            “Ka MHIS ka long kawei na ki skhim sorkar ba la ai jingim ia shibun ki briew”, ong ka Kong Prilin Marwein, DPM, MHIS, Mawkyrwat ka la kren halor ka skhim MHIS bad kiei ki lad jingiarap ba ki lah ban ioh lyngba jongka. Ka la bynrap ruh ba bun ki briew mynshuwa ki tieng bad ki ong ba ka MHIS bad Aadhaar ki long ki number 666 hynrei mynta ka la ai jingmyntoi ia shibun ki briew te namar katta ka la kyntu ba ki briew kim dei ban long ki ba ngeit biej.

Ka kong U. Kharlyngdoh MSSDS, Mawkyrwat ka la kren shaphang ki jinghikai bapher bapher ba ka sorkar Jylla ka ai sha ki paidbah nongshong shnong ba kynthup ia ki kam rep kam riang, kam ri jingri bad kiwei de.

U bah L. L Nongbri, DPM, DDU-GKY u la kren shaphang ka DDU-GKY bad kumno ban kyntiew ia ka ioh ka kot u paidbah lyngba ki jinghikai ba ki ai. U la ong ba lyngba ka DDU-GKY ka sorkar ka ai jinghikai (training) khlem da siew pisa eiei bad hadien ba la dep ioh jinghikai ki ka DDU-GKY kan iarap ban pyniohkam ha ki kompeni katkum ka jingpyntbit jong ki khynnah. U la iathuh ruh ba ka jingsiew kan long T.6000 shibnai shajrong ha kano kano ka kam ba ki trei.

Ka kong D. Marwein, Gram Sevika, ka la batai shaphang ki skhim lyngba ka National Social Assistance Programme ba kynthup ia ka Old Age Pension, Widow Pension, bad Disability Pension.

U Bah J. Thongni, LDA, Labour Department, Mawkyrwat u la batai shaphang ka skhim e-Shram ba kumno ki briew ba shu bylla sngi kiba naduh ka 16-59 snem ki lah ban pynrung kyrteng. U la batai ruh shaphang ka Meghalaya Building & Other Construction Worker’s Welfare Board.

Ka BPM, MSRLS/NRLM Mawkyrwat Block, ka kong Rila A. Kharlyngdoh ka la iathuh ba ka Meghalaya State Rural Livelihood Society (MSRLS) ryngkat ka Kudumbashree NGO kum ka NGO ba pynteikam jong ka PRI-CBO Convergence Project ki treikam ha 4 (saw) tylli ki Block jong ki 3 (lai) tylli ki District hapoh ka Jylla Meghalaya ha kaba ha Mawkyrwat ka shnong Jakrem kadei kawei na ki shnong ba la shah jied. Ka la bynrap ruh ba ki don kumba 3 tylli ki Village Organisation tang hapoh shnong Jakrem bad kumba 56 tylli ki Self Help Groups.

Ka Sathi M, Field Coordinator, Kudumbashree, NRO ka la maitphang shaphang ka Convergence Camp bad ka la ong ba ka thong ba hakhmat eh ka long ban pynduna ia ka jingduk jingkyrduh ha ki shnong ki thaw khamtam ha ki nongkyndong da kaba wanrah ia ki lad jingrap lyngba ki skhim sorkar bapher bapher hapoh shnong. Ka la ong ruh ba lyngba ka Village Poverty Reduction Plan (VPRP) ki briew ki lah ban ioh ia ki jingtip ba pura shaphang ki skhim bapher bapher jong ka sorkar pdeng bad sorkar jylla.

Ha katei ka prokram ba la pyniaid da ka kong Shimtilin Margnar la ioh k jingkren pdiang sngewbha na u Bah P. Wahlang, Myntri Shnong Jakrem bad la kren ai khublei da ka kong T. Jyrwa, SHG member.

Yn khang ban tih dewiong ne tih mawshun be-ain ha Ranikor Civil Sub Division

Ranikor, Rymphang 07, 2022: u Bah L.G.M Kharmih, MCS, Addl. District Magistrate In charge Ranikor Civil Sub-Division u pynmih ia kane ka hukum katkum ka kyndon Ain 144 CrPC bad pynjari ia kine ki kyndon ba la khang pyrshah ban tih dewiong ne ban tih mawshun be-ain, la khang pyrshah ban lum thup ia u dewiong ne ia u mawshun da ki briew ki ba khlem ioh jingbit ne jingthoh kiba biang. Yn ym shah ban pynkhyllem ia ki dieng ha ki jaka tih dewiong ne mawshun. Yn ym shah ban rung ha ki jaka tih dewiong kumjuh ruh ban rung sha ki jaka tih mawshun ki ba khlem pat ioh jingbit ban tih mawshun. La khang ia ki kam ban tih dewiong na ka bynta ka bha ka miat ha ki kam tih dewiong. La khang ia ki kam tih mawshun ne ka jingrah ia ki kor ki bor ha ki jaka ba long be-ain ban tih mawshun. La khang ban lum thup ia u mawshun haruh ki surok PWD ne ki jaka paidbah.

La khang pyrshah ban tih dewiong katkum ka hukum ka Iing Kashari ka Ri India bad ka NGT kumjuh ruh ka jingtih mawshun ka long kaba be-ain bad la mana ia kito kiba tih khlem ki kot ki sla ki ba biang (lease agreement) bad ka Sorkar Meghalaya. Ia ka jingtih dewiong ka Sorkar Meghalaya kam ai jingbit haduh mynta hapoh Ranikor Civil Sub-Division hynrei ia ka jingtih mawshun lah ban ai jingbit da ka Sorkar Meghalaya. La ioh jingtip ruh ba ki don katto katne ka jingtih dewiong bad mawshun be-ain ha Ranikor Civil Sub-Division. La buh ruh ki kynhun NGT magistrate ban peit ia ka jingtih dewiong be-ain. Ka long ruh kaba donkam ban iada ia ka jingpynjulor ka mariang bad ban iada ia ki kyndon ain.

Na ka daw jong ka jingdonkam ba kyrkieh katei ka hukum kan treikam mardor hapoh Ranikor Civil Sub Division kat haduh ban da pynmih da kawei pat ka hukum.

______________________________________

Illegal mining of coal and limestone is prohibited at Ranikor Civil Sub-Division

Ranikor, Rymphang 07, 2022: Mining of coal is prohibited by an order of Hon’ble Supreme Court of India and NGT. Mining of limestone is prohibited without mine lease agreement with the Government of Meghalaya. Mining of coal is not notified to be leased by government of Meghalaya till date at Ranikor Civil Sub-Division whereas, mining of limestone is notified for mine lease holders by government of Meghalaya. According to the office unconfirmed reports on illegal mining of coal and limestone is taking place in Ranikor Civil Sub-Division. The office also informed that team of NGT Magistrate have been appointed for checking of illegal mining of coal and to prevent environmental destruction and ecological damages and safeguard the rule of law.

Therefore, Shri. L.G.M Kharmih, MCS, Addl. District Magistrate In charge Ranikor Civil Sub-Division issued an order under section 144CrPC promulgating prohibition of mining of coal or mining of limestone without mine lease agreement with the government of Meghalaya. The order prohibits the stocking and stacking of coal or limestone by non-lease holders, prohibit the felling of trees in mining areas, prohibit the entry into mining areas of coal or limestone, prohibit the mining activities in the interest of coal mining and prohibit the kind of mining activities/machines in areas in furtherance of illegal limestone mining and prohibit the stocking of limestone in PWD roads and Public properties and deemed public property.

In view of urgency of the matter, the order is passed ex-parte in Ranikor Civil Sub-Division and will be effective until further order.

Gratuitous relief in the form of one-time ex-gratia payment to families of those who died due to COVID-19 in SWKHD.

 

Mawkyrwat, February 07, 2022: The office of the Deputy Commissioner, South West Khasi Hills District (SWKHD), Mawkyrwat informed the general public that Gratuitous relief in the form of one-time ex-gratia payment of families of deceased persons is applicable for the persons subject to cause of death being COVID-19. One-time Ex-gratia payment of Rs. 50, 000 (fifty thousand) per deceased person will be paid to the family/next of kin. The concerned families who wish to claim the benefit are to submit their claims through an application along with the documents that include Death Certificate from competent authority that certifies the cause of death to be COVID-19 and the Bank details.

Family/next of kin of the people who have lost their lives due to COVID-19 in South West Khasi Hills District may thereafter approach the office of the Deputy Commissioner, SWKHD (Relief & Rehabilitation) for claiming of Ex-gratia payment.

__________________________________________

Ka jingai jingiarap sha ki bahaiing jong kito kiba la khlad na u COVID-19 ha SWKHD

Mawkyrwat, Rymphang 07, 2022: Ka ophis jong ka Deputy Commissioner, South West Khasi Hills District, Mawkyrwat ka pyntip ba la pyllait ia ka jingai jingiarap (gratuitous relief) kaba long ka jingsiew ba tang shisien kum ka jingiarap (ex-gratia payment) ia ki longiing ki ba la duh noh iala ki ba haiing hasem  ha kaba ka daw jong ka jingkhlad ka long na ka jingpang COVID-19. Kane ka jingsiew ban ai jingiarap ba tang shisien (ex-gratia payment) kaba long T. 50,000 (San Phew hajar) jong man la iwei pa iwei kiba la khlad yn sa ai ha ki bahaiing ne kiba iajan eh bad kitei kiba khlad (family/next of kin). Kino kino ki longiing kiba kwah ban ioh ia katei ka jingiarap ki lah ban buh ia application ban ioh ia ka hok ryngkat ki kot ki sla ban pynshisha ba kynthup ia ka Death Certificate na ki bor pyniaid ban pynshisha ba ka daw jong ka jingkhlad ka dei na u COVID-19 bad ruh ia ki Bank details ka jongki nong applai.

Ki longiing ne ki bahaiing jong kito ki briew ba la duh noh iala ka jingim namar u COVID-19 hapoh South West Khasi Hills District  nangne shakhmat ki lah ban leit mih sha ka ophis Deputy Commissioner, South West Khasi Hills District (Relief and Rehabilitation) na ka bynta ban ioh ia ka hok lyngba ka jingsiew kum ka jingiarap (ex-gratia payment).