Buh ka DC da ki Containment Measures bad pynjari CURFEW MIET ban tehlakam ia u COVID-19 ha SWKHD

Mawkyrwat, Nailur 01, 2021: Kumban bud ia ka hukum ba la pynmih ha ka 27.08.2021 lyngba u Chief Secretary, Government of Meghalaya, Home (Political) Department bad kum ban pynbud ia ka hukum ba la pynmih da ka ophis ha ka 23.08.2021 la shem ba ki nongpang ba ioh COVID-19 ha ka Jylla ka dang jur bad ka don ka jingpursted ha ki nongkyndong jong ka Jylla.

Te namarkatta, ban tehlakam ia ka Jylla na ka jingpursted ba long palat pud jong u COVID-19, u bah S.C. Laloo, MCS, Additional District Magistrate, South West Khasi Hills District (SWKHD), Mawkyrwat katkum ka kyndon ain 144 Cr.P.C ryngkat ka Regulation 3 jong ka Meghalaya Epidemic Diseases, COVID-19 Regulations, 2020, u buh ki Kyndon Tehlakam (Containment Measures) hapoh South West Khasi Hills District, Mawkyrwat naduh ka 1 tarik Nailur kat haduh ban da pynmih da kumwei pat.

Ki Kyndon Tehlakam ki kynthup ba la pynjari CURFEW MIET (Night Curfew) hapoh ka kyndon ain 144 Cr.P.C naduh ka por 9:00 baje mynmiet haduh ka por 5:00 baje mynstep man ka sngi hapoh South West Khasi Hills District. Yn pyrkhing tyngeh ia ka jingiaid jong ki briew ne ki kali ha ki por ba don Curfew, lait noh tang ia ki kam ba donkam eh bad ki kam ka koit ka khiah ba kyrkhieh. La khang ia baroh ki jingialang paitbah kum ki dorbar shnong, ki meetings, ki training bad kiwei kiwei de.   

La shah ban iaid na kawei ka district sha kawei pat (inter-district), hynrei ki kali shimet bad kali kamai la shah ban iaid katkum ki odd- even number ba la pynbeit da ka ophis. Baroh ki kali kamai kidei ban tah ha ka jaka ba paw shynna bha ia ka jingthoh “VACCINATED” (dep inject tika covid) lane “NOT VACCINATED” (pat dep ai inject tika covid) ha ki kali. Ki ophis sorkar hapoh ka District ki lah ban treikam 100% ki nongtrei (100% strength). La shah ban plie ia ki jaka jngohkai pyrthei hapoh ka district naduh ka 1 tarik Nailur hynrei ki dei ban ioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor ryngkat ka jingbud ryntih ia ki kyndon treikam ba la pynmih da ka Tourism Department. La shah ban plie ia ki iew ia die ia thied ha khappud Borsora, Bagli bad Cherragaon LCS katkum ka jingbthah na ka ophis u Addl. Deputy Commissioner, i/c Ranikor Civil Sub-Division. Ki bank bad post ophis ki lah ban treikam 100% ki nongtrei. La shah ban plie ia ki skul bad kolej hynrei ki dei ban bud ryntih ia ki kyndon treikam ba la pynmih da ka tnad Education. Ia ki ophis shimet (Private Offices) la shah ban treikam 50% ki nongtrei ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor.

La shah ia ka jingpynpoi ia ki mar ba donkam ha ki iing ki sem (Home Delivery Services) ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor. La shah ia ki kam E-commerce bad courier ryngkat ka jingioh jngbit shuwa napoh ka ophis jong I Deputy Commissioner/ Sub-Divisional Officer (Civil), Ranikor. La shah ia ki jingtrei ban shna jingshna ha ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor katkum ka jinglong jingman ha ka district (based on local situation). La shah ia ka jingwan bad jingleit jong ki nongtrei ba tbit (skilled manpower) ha ki jaka trei ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor katkum ka jinglong jingman ha ka district (based on local situation). La shah ban plie ia ki dukan ha ki shnong ki thaw bad ki iew ki hat hapoh ka district naduh ka por 9.00 A.M thik bad khang ha ka por 5.00 P.M man ka sngi. Baroh ki nongdie dukan ki dei ban tah ia ka sign VACCINATED lane NOT-VACCINATED ha ki dukan jongki bad kane ka jingpynbeit kan neh kat haduh ban da pynbna da kumwei pat. La shah ban plie ia ki jaka kilan met (gymnasium)/ Yoga Institutes/ Fitness Centers na ka bynta kito ki briew ba la dep ai tika COVID hadien ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor.  La shah ia ki dukan khapshniuh, dukan pynbha briew (Beauty Parlour), Saloons ha ryngkat ka jingbud pyrkhing ia ki kyndon treikam ba la pynmih da ka tnad Health bad Family Welfare bad ia kiwei ki hukum ba la pynmih da ka ophis. La shah ban pynlehkai ia ki jinglehkai sports ha ryngkat ka jingbud pyrkhing ia ki kyndon treikam ba la pynmih da ka tnad Sports & Youth Affairs na ka bynta ban pynlehkai biang ia ki jinglehkai ba pynsngewbha bad ki jingiakop ha ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor.  Ki jinglehkai sports ba la shah ki kynthup ia ki jinglehkai bym iathyngkhuh para nonglehkai (non-contact) kum ka Archery, Shooting, Cycling, Athletics bad ka jingmareh. Ki jinglehkai sports bym tyngkhuh pyrshah (indirect contact sports) kum ka jinglehkai Golf, Lawn Tennis, Badminton, Table Tennis, snooker, Weightlifting bad Billiards. Ki jinglehkai ba thyngkhuh malu mala (Minimal Contact Sports) kum ka Football, Hockey, Volleyball, Basketball, Handball bad Cricket tang na ka bynta ban ai jinghikai da ki Sports Club bad Associations. Hynrei ha baroh ki jinglehkai ba la kdew haneng dei ban don tang ki officials bad ym shah ban don nongpeit kai. Kumjuh ruh la shah tang ia ki briew ba 18 snem ka rta shaneng bad kiba la dep ai tika. Ia ka jingjngi ha ki jaka kum ki resort, club pools, jaka jngi paidbah dei ban shah rung katkum ka por da kaba leh booking lypa. Lada don kano kano ka jingjia kum ka jingiap briew ki nongshim bynta ki dei ban long tang 20 ngut ha ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor bad yn ym shah ban don kino kino ki jingialum paidbah hadien ka jingleit on tep. La shah ban plie ia ki Iingmane ne ki jaka mane blei hapoh ka District hynrei ki dei ban bud ia ki kyndon treikam ba la pynmih da ka tand Home (Political) bad ba la pynmih da ka ophis. La shah ban pynlong ia ki jingiathoh shongkurim ha ki iingmane ryngkat ka jingbud ia ki kyndon treikam. Ia ki jingiatheh ktien/ jingiathoh shongkurim shabar ki iingmane ne ki jaka mane blei dei ban don tang 20 ngut ki nongiashim bynta ryngkat ka jingbud pyrkhing ia ki kyndon treikam ba la pynmih da ka tand Home (Political) bad ba la pynmih da ka ophis ha ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor na ka bynta ka tarik, ka por bad ka jaka na ka bynta ka jingiathoh shongkurim. Bad yn ym shah ban don ka Jingkhawai (Wedding Reception).

Katei ka hukum kan ym kynthup ia ki lad jingshakri kiba donkam kyrkieh (emergency services), medical teams bad ki ophisar jong ka COVID-19 vaccination programmes, ki kali ba supply dawai bad Pharmaceuticals, ki kali ba kit ia ki mar bam bad kiwei kiwei (essential goods), ki briew ba leit na ka bynta ki kam sorkar ba donkam eh kum ia ki Medical Team bad ki ophisar ba don COVID-19 duty, Police, Security bad Armed Forces, Civil Defence bad Home Guards, Fire bad Emergency Services, Electricity, Water Supply, Public Distribution System , Information and Public Relations, Telecommunication Services, Print & Electronic Media, Petrol pumps bad LPG distributors, ki kam rep kam riang ha ki nongkyndong (ba kynthup ia u kwai bad tympew), ki kam MGNREGA ha ki nongkyndong, ki lad jingshakri jong ka Veterinary department ba kynthup ia ka jingkhit jingbam na ka bynta ki jingri jong ki nongrep, Aadhaar Enrolment sessions bad programmes.

Na ka daw jong ka jingdonkam ba kyrkhieh kane ka hukum kan treikam mardor.

The Chief Minister of Meghalaya launched FOCUS to empower farmers in the state

Williamnagar, Septermber 01, 2021: On the day when the NPP remembered the 74^th Birth Anniversary of the founder (L) Shri. P. A. Sangma former Speaker of the Lok Sabha and former Chief Minister of Meghalaya who had a vision of Improving farmers' welfare, his son Shri. Conrad Kongal Sangma, the present Chief Minister of Meghalaya is celebrating it through interaction and empowerment of farmers at several places in Garo Hills. 

He launched the ‘Farmer’s Collectivization for Upscaling Production and Marketing Systems (FOCUS)’ programme, the flagship initiative of the State Government, at Williamnagar. The objective of FOCUS is to upscale farming activities by empowering farmers through financial aid & market access. The government have earmarked ₹200 Cr to help farmer entrepreneurs in which each member of the Farmers' Collective or the Producer Group will get financial assistance of ₹5000.

The Chief Minister said that 70 per cent of the population in Meghalaya are farmers, therefore, giving financial assistance and market access to farmers through FOCUS and providing technical know-how and training for value addition, processing and packaging through PRIME Hub will uplift farmers as entrepreneurs and improve agriculture sector in the state. He added that “There are several problems for an individual farmer. So, we are encouraging like-minded farmers to come together as a group and avail the benefits of the scheme”.

Shri. Conrad Sangma distributed cheques to 20 Producer Groups with 400 beneficiaries amounting to ₹10.50 Lakhs at Asimgre village, West Garo Hills. In Bakhrapa, Resubelpara block, North Garo Hills District, he distributed cheques to 35 Producer Groups. A total amount of ₹27.35 Lakhs was disbursed to Producer Groups of Bajengdoba, Resubelpara & Kharkutta block through the FOCUS scheme. He also distributed cheques to members of the Producer Groups at Williamnagar (Samanda Block), East Garo Hills District.

Shri. Conrad Sangma on a two days tour to Garo Hills

Tura, August 25, 2021: The Chief Minister of Meghalaya Shri. Conrad K. Sangma on his two days tour to Garo Hills from the 24 to 25 August, 2021 inspected, inaugurated and launched several developmental projects and schemes.

He Inspected the Tura-Garobadha Road and announced that ₹14 Cr has been sanctioned for improvement of the road in which the work will begin this September to ensure road connectivity is enhanced across Meghalaya. He also handed over Computer Units to St. Dominic Savio Hr. Sec School & Garobadha Hr. Sec. School to upgrade IT infrastructure across all Schools in the State.

He interacted with farmers group at Ampati and distributed cheques to producer groups. He said that as part of the mission to empower farmers & entrepreneurs through market linkages, interest free loans, technical support & certification of their products, Prime Hub (a center for incubation & mentorship) in South West Garo Hills will be set up. He added that the government is committed to the welfare of Farmers and through the FOCUS scheme farmers & agripreneurs will be given financial support and training so that they can prosper.

During the graduation ceremony of Cohort 1 and on-onboarding ceremony of Cohort 2 entrepreneurs selected under CM's E-Championship Challenge held at Tree House Tura, Conrad Sangma said that the state government has successfully uncovered the potential and skills of young people through the E-Campionship programme which has empowered them to take the challenge of entrepreneurship. He added that business incubation & mentorship period through PRIME Meghalaya will enable them to upscale their venture and broaden their horizons. He handed over cheques (₹1 Lakh each for the top 25 entrepreneurs & ₹50,000 each for the next 25 entrepreneurs).

The Chief Minister also launched the Pradhan Mantri Ujjwala Yojana 2.0 scheme in Tura by distributing LPG Cylinders to women beneficiaries. He Inaugurated the Community Public Drinking Water Tap at Rongka Chiring under Tura Urban Water Supply Scheme and said that the community tap connection is a great boon to the women and children who had to earlier fetch water from far-off places. He also Inaugurated the Mendipathar Facilitation Centre at Mendipathar Railway Station in North Garo Hills District to help the District Administration to effectively monitor the flow of visitors to the region and check on illegal infiltration into the state. He also informed that the largest food park in the state is being set up at Mendipathar Industrial Area at a Cost of 100 crore along with the biggest feed mill in the North East.

Ki Kyndon Treikam (SOPs) ban iada bad teh lakam ia ka jingsaphriang u COVID-19 ha ki jaka leh niam/Iingmane (SOPs at places of worship/ religious places)

Katkum ka Order No.POL.75/2020/Pt-I/108, dated 13 tarik Nailar 2021 ba la pynmih da u Chief Secretary, jong ka Sorkar Meghalaya bad hadien ka jingiamir jingmut lang bad ki nongialam niam , la shah ban plie noh ia ki  Iing mane/ Jaka lehniam hapoh ka district naduh 16 tarik Nailar, 2021 lem bad ka jingbud ryntih katkum kine ki kyndon ba la kdew harum:-

I.    Nongrim

Ki jaka leh niam/Iingmane ki dei ki jaka kiba bun bah ki briew kiba leit ban ioh jingtngen ha ka mynsiem. Ban iada ia ka jingsaphriang u COVID-19 kalong kaba donkam ba baroh ki dei ban bud pyrkhing ia ki kyndon sumar sukher bad ki lad jingiada ha kum kine ki jaka.

Ha kane ka kylla kaba ar jong ka khlam (second wave) shibun bah ki briew ki shah ktah na u COVID-19 tang namar ka jingiabit kloi (highly transmissibility) jong u Covid-19 (Delta Variant). Kumta, ka long kaba donkam eh ban shim ia ki lad jingiada ha kum kine ki jaka leh niam / iing mane ban iada na ka jingsaphriang u COVID-19.

Kane ka jingbthah ka batai shai ia ki lad jingiada kiba bniah ba dei ban bud ryntih nalor ki kyndon kiba la don lypa ha kine ki jaka ban iada na ka jingsaphriang u COVID-19.

Ki jaka leh niam / iingmane kiba don ha ki jaka ba dang don jingpyrkhing ia ka rung ka mih (containment zones ) kin dang khang khyrdep .Tang kito kiba don shabar jong ki jaka ba pyrkhing ki lah ban plie.

II. Ki lad jingiada kyllum:

                 La ai jingmut ia Kito kiba hapoh ka 18 snem ka rta, 65 snem ka rta shajrong, ki briew kiba don lypa ka/ki jingpang bad kiba armet ba kin shong shwa ha la iing. Tang kito ki briew kiba la dep ai tika covid-19 baroh arsien ( 1^st dose & 2^nd dose) ki lah ban leit ha ki jaka mane / iing mane. Ki nongialam niam kin ai jingmut ia ki parabangeit halor kine ki kyndon.

            Nalor nangta, la pynshisha ba ka jingai tika Covid-19 kalong kaba lah ban iada pyrshah ia ka khlam COVID-19, na ka jingshitom jur, thiah hospital bad ka jingiap, baroh ki riewngeit jong ki niam/ balang la pynshlur ia ki ban ai tika ialade. Kum ka lad jingiada, kalong kaba donkam ba ki briew kiba leit sha ki jaka mane / iingmane kidei ban long kiba la dep ai tika la kumno kumno shi sien (1^st dose).

            Ki lad jingiada ba la kdew harum kidei ki kyndon kiba suk eh ban bud ryntih ban khanglad ia ka jingsaphriang na ka jingma u COVID-19. Kine ki kyndon kilong kiba donkam ban bud ryntih da baroh (nongpyniaid bad ki paidbah) ha kine ki jaka barabor.

Kine ki kynthup:

1.     Ka jingpyniajngai iwei na iwei kalong kaba donkam bad ki briew kidei ban pyniajngai ialade kumba 5 phut ha ki jaka paidbah. 

2.     Baroh kidei ban deng ia ki mask. Ka jingpyndonkam da ki N-95 masks lane 2 tylli ki mask kalong ka lad jingiada kaba kham bha.

3.     Dei ban pynmlien ban sait ia ki kti da ka sabon (kumba 40-60 sekhon) wat la ki kti ki khuid. Lah ban pyndonkam ruh ha kano kano ka por da ka jingsleh kti (alcohol-based hand sanitizers) kumba 20 sekhon.

4.     Dei ban bud pyrkhing ia ki lad iada ha ka por ba jyrhoh lane synriah. Kane ka kynthup ia ka jingda ia ka shyntur bad khmut haba jyrhoh / synriah da ki kot tissue /jain rumal/ tymbuit. Dei ban bret ha ki jaka bret kyrpang ia kine ki kot tissue.

5.     Baroh kidei ban sngap thuh bha ia la ka koit ka khiah bad haba sngew shitom dei ban pyntip mar mar sha ki bor ba dei peit lyngba ki distrik helpline number lane War room ha ki block.

6.     La pyrkhing tyngeh ia ka jingbiah pathar ha ki jaka paidbah.

III. Ka jingdon ki nongwan ha ki jaka leh niam / iingmane:

1)   Ki jingiaseng kiba man ka por:

Ø Ha ki iingmane khristan, ka jingdon briew ha ka por ba long jingiaseng kam dei ban palat ia ka shibynta na ka laibynta (one-third) ia ka jingdon ki jaka shong ha ki iingmane. Nalor kata, ki jaka shong kiba don hapdeng artylli kiwei pat ki jaka shong dei ban ieh thylli. Ki briew ki dei ruh ban pyniajngai kumba 5 phut na kiwei pat.

Ø  Ha ki Temples, Mosquues, Gurudwaras bad kiwei kiwei ki jaka leh niam, ki briew kidei ban tikna ban pyniajngai iwei na iwei kumba 5 phut. Na ka bynta ki jingduwai ha ki jaka      mane, ki briew kim dei ban tam iwei na ka laibynta (one-third) jong ka rukom shong ha ki jaka duwai.

Ø  La pynshlur ia ki briew na ka juh ka longiing ba kin ia shonglang shi jaka ha ki jaka lehniam.

Ø  Kino kino ki jingiakynduhlang (meetings) kiba donkam na ka bynta ki nongpyniaid niam lah ban pynlong bad ki nongiashim bynta kidei ban long tang hapoh 20 ngut.

2)     Ki jingiaseng ba kyrpang :

(a)     La shah ia ki jingiaseng jingpynrung dkhot balang, ki   jingduwai bad ki jingpynkyntang khyllung, ki jingpynbaptist,bhogs, ka jingkyntang ha ka kam U Blei, ka jingkhawai U Trai bad kiwei  kiwei bad kaba bud ia ki kyndon harum :-

(i)   Ka jingdon jong ki briew kiba shah pynkyntang bad ki nongialam niam ha ki jingiaseng, ka dei ban long katkum ka jingdon ki jaka ne jingheh ka iingmane bad ban pynduna ki briew iwei na ka laibynta (one-third)  jong ka rukom shong lane 50 ngut ne kano kaba kham duna.

(ii)  Ki tiar ba pyndonkam ha kine ki jingiaseng bapher bapher ka long katkum ka jingdonkam jong ki kynhun bapher bapher bad ka jingiadei ha ka jinglehniam.

(iii)                   Ka jingpynkyntang bad ka jingkhawai u Trai, dei ban leh ia ka niam ka rukom khlem kano kano ka jingpyniadei para briew.

(b)       Ka jingkyntiew kurim ha iingmane la shah katkum ki kyndon harum:

(i)              Ka jingdon jong ki briew ha iingmane (ki nongiathoh, kiba haiing hasem, ki nongialam niam bad kiwei kiwei kynthup kiba shah khot sngewbha (invitees), ki dei ban long iwei na ka laibynta (one-third) jong ki jaka shong lane 50 ngut ne kano kano kaba kham duna. 

(ii)            Ka jingiateh ktien lane jingkhawai iathoh ha bar iingmane/ jaka mane kum ha ki jaka iathoh (marriage hall) bad kiwei kiwei kim dei ban palat ia ka 20 ngut ki nongwan.

(iii)          La khang ban don ka jingkhawai pdiang sngewbha ia ki briew ha ki jaka iathoh.

(iv)           Dei ban pan jingbit na ka ophis jong I Deputy Commissioner/ Sub-Divisional Officer (Civil), Ranikor shuwa ka sngi iathoh, ha kaba iadei bad ka tarik, ka por bad ka jaka pynlong ia ka jingkyntiew kurim.

Ki kyrteng jong ki briew kiba wan ha iing mane, dei ban pynbeit da ki balang lane ki kynhun niam kiba dei peit bad kidei ruh ban ai sha ka ophis I Deputy Commissioner/ Sub-Divisional Officer (Civil), Ranikor lada donkam na ka bynta ka jingbuddien (contact tracing).

IV.       Baroh ki iingmane /jaka leh niam dei ban pyntikna ban bud ia ki kyndon:

1)     Dei ban buh da ki jingpynkhuid ia ki kti (sanitizer dispenser) lane jaka sait kti bad jingthew jingshit (thermal screening) ha ka jaka rung (entrance).

2)     Tang ki briew ki bym don dak jingpang, yn shah ban rung sha ki jingiaseng.

3)     Yn shah ia ki briew ban rung tang lada ki pyndonkam ia ka mask.

4)     Dei ban wah ne pynieng ha jaka ba iohi bha ia ki poster ha ka ktien Phareng bad ktien lajong kiba batai ia ki lad jingiada na u COVID-19 bad ka jingmyntoi ban ai tika COVID-19. Ka tnat ka Koit ka Khiah jong ka Sorkar Meghalaya kan pynbiang ia kine ki jingdonkam (IEC material). Dei ruh ban pyni ne pynsngew lyngba ki jingkren bad video ban pynphriang jingtip halor ki lad jingiada na u COVID-19.

5)     Phiah ia ka rukom wan ki paidbah ha ki iingmane.

Ø  Na ka bynta kane, ki iingmane ki lah ban pynlong bun tylli ki jingiaseng ha kano kano ka sngi. Ka por pynlong jingiaseng kam dei ban palat ia ka shi kynta. Kumjuh ruh dei ban pynduna ne phiah ia ka jingwan ki briew ha kiwei pat ki jaka pynlong jingiaseng.

Ø  Yn ym shah ban don ka jingialum paidbah ne ban pynlong jingialang ha phyllaw iing mane / jaka leh niam hadien ba la kut ka jingiaseng.

(6) (a) Ha ki jaka mane Blei / iingmane bym shah ban rung ryngkat bad ki juti:

Ø  Lada lah, dei ban loit ia la ki juti ha la ki jong ki kali. Lada long kaba lah, ki briew ki dei ban buh hi ia la ki juti marwei marwei lane shi iing shi sem. Ki briew ki dei ban sait ia ki kti ki kjat da ka um bad sabon shuwa ban rung ha phyllaw.

(b) Ha kaba iadei bad ki iingmane bad kiwei ki jaka mane, kiba lah ban rung ryngkat  

      bad ki juti.          

Ø  Dei ban pynbiang ia ki dawai (disinfectant) ha ka jaka rung (entrance) khnang ban pynkhuid ia ki juti.

7)     Dei ban buh ki briew ban pyniaid ia ki paidbah ha ki jaka pynieng kali bad shabar jong ki jaka mane da kaba bud ia ki kyndon pyniajngai para briew hashuwa bad hadien ba la kut ka jingiaseng lane jingialang.

8)     Lada don ki dukan, ki jaka dih kophi bad kiwei kiwei, shabar ne hapoh ki sawdong sawkun jong ka iingmane dei ban bud pyrkhing barabor ia ki kyndon pyn-ia-pajih para briew.

9)     Dei ban buh da ki dak pyniajngai ban pynieng ia ki briew khnang ban pyntikna ba ka don ka jingiajngai iwei na iwei ha ki jaka mane. 

10) Katba lah, dei ban buh la ka jong ka jaka rung bad jaka mih ia ki paidbah.

11) Dei ban pyniajngai para briew kumba 5 phut haba ieng ban rung shapoh.

12) Ka rukom shong ka dei ban long ha kata ka rukom ba kan don ka jingpyniajngai iwei na iwei pat.

13) Na ka bynta ki kor pynpyngngad / jaka pyllait lyer, dei ban bud ia ki jingbthah jong ka CPWD kaba batai ba ka jingshit jingkhriat ban buh ha baroh ki kor pynpyngngad ka dei ban long hapdeng 24 – 30° C, ka jingsngem ka dei ban long hapdeng 40-70%, dei ban don ki jaka ba pyllait ban rung lyer khuid bad dei ban biang ki jaka rung bad mih lyer.

14) Ym shah ban ktah ia ki statue / ki dur blei / ki kitab bakhuid bad kiwei.

Ø Ha ki iingmane khristan, ki briew ki dei ban wanrah la ki jong ki kot jingrwai bad ki Baible bad dei ban kiar na kaba ia pyndonkam lang.

Ø Lada don ki tiar ki tar ba pyndonkam lang ha ki jaka mane  bad bym lah ban long la ka jong, ia kum kita ki tiar dei ban pynkhuid bad pyndonkam da ki kti ba la sop bad pynduna ia ka jingpyndonkam bun briew.

15) Ka jingma na ka jinglah ban saphriang ka jingpang, katba lah dei ban shu pyntem ia ki jingrwai niam bad ym dei ban shah rwai ia ki choir ne kynhun nongrwai.

Ø Ha iingmane, wat haba rwai dei ban deng beit ia ki mask.

16) Kiar na ka ba pyndei para briew haba ia khublei.

17) Dei ban kiar na kaba pyndonkam lang ia u shylliah haba duwai bad ki bangeit ki dei ban wanrah la u jong u shylliah ne jain siang ia kaba ki lah ban rah noh bad ki.

18) Ym dei ban shah ban sam para kti ia kum ki Prasad / sam ne synreit umkhuid bad kiwei kiwei ha ki jaka mane. Ia ki jingkynshew lada donkam, dei ban buh ha ki jaka ba la buh kyrpang ha ki jaka ban rung ne ban mih.

19) Ki jaka shet (Community kitchen)/ langars/ “Ann-dann” bad kiwei kiwei kiba don ha ki jaka mane kidei ban bud ia ki kyndon pyniapajih para briew ha ka por ba phynkhreh bam bad sam ia ki jingbam.

20) Ha ka por ba don Holy Communion ne Jingkhawai U Trai ha ki iingmane, ki Phadar / Pastor / Briew kiba sam ia ka jingkhawai u Trai ki dei ban sait bad sleh dawai ia la ki kti, bad phong da ki jingda kti lada long, shwa ban sam ia ka Jingkhawai u Trai dei ban pyntikna ba ym don ka jingpyniadei para briew.

Ø Ki jingainguh bad jinglum jingkynshew ha ki iingmane dei ban leh khlem da don ka jingpyniadei para briew

21) Dei ban sait bad pynkhuid bha ia ki jaka leh niam na ka por sha ka por bad ki nongpeit ia ki jaka leh niam ki hap ban peit ia kane. Dei ban pynkhuid bha khamtam eh ia ki painkhana, ki jaka sait kti sait kjat.

22) Ki bor pyniaid ia ki jaka mane ki dei ban pynkhuid bad sait dawai bunsien ia ki jaka leh niam.

23) Katba lah, dei ban sait bunsien ia ka madan jong ki jaka leh niam.

24) Dei ban pynbiang ia ki jaka bret ia ki mask/ jingsop kti kiba ki bangeit ne ki nongtrei ki kum ieh.

25) Katba lah, ki balang bad ki jaka leh niam ki lah ban leh live streaming ia ki jinglehniam khnang ba ki riew tymmen, ki khynnah bad ki briew kiba don bun jingpang ki lah ban iashim bynta. 

26) Katba lah, ki briew ki dei ban leit jingiaseng sha ki iingmane ba jan tam bad ki jaka sah jongki. Kane kan iarap ban kiar bad pynduna ia ka rukom iaid rukom ieng ki briew.

27) Lada don jingsuba ne don ba ioh ia u COVID-19 ha jaka mane :

(a)             Buh ia u nongpang ha ka karma ne jaka kaba pynkyrpang na kiwei.

(b)             Pynbiang ka mask / jingda khmat tad haduh ba u doctor un da eksamin ia u / ka.

(c)             Pyntip mar mar sha ka jaka sumar pang kaba don hajan (hospital / clinic) lane phone ha u distrik helpline number (la suh lang ha ka Annexure-I).

(d)             Ki bor ba dei peit ia ka koit ka khiah (district RRT/ u doctor sumar pang) kin sdang ia ki kam kum kaba sumar ia u nongpang, ban wad ne test ia ki briew kiba u / ka ki iakynduh bad ka jingdonkam ban synreit dawai.

(e)             Dei ban sait dawai (disinfection) ia ka jaka baroh kawei lada shem ba u / ka briew ki ioh ia ka jingpang.

V.           Ki Prokram / Jingrakhe / Jingiaseng ba long ha ki por ki por, ne katkum ki aiom ne ba shisien shisnem

Ki don kiwei pat ki jinglehniam ha ki calendar jong ki kynhun balang bapher bapher ba long ha ki por ki por, ne katkum ki aiom ne ba shisien shisnem, Kine bunsien ki iadei bad ka jingbun paid ha ka ban iashim bynta bad ki long ruh ki jingrakhe jong ki shnong bad ha kum kine ki don ruh ba la ai shuti paidbah (Public Holiday)

Na ka bynta kine ki jinglehniam / Jingkhawai ne ki prokram namar ba ki khring bun briew yn khang shuwa, bad ki kynhun niam ba dei bynta ki dei ban ioh jingbit na ka Sorkar lyngba I Deputy Commissioner / Sub-Divisional Officer (Civil), Ranikor kaba ia pher na kawei ka jingleh niam sha kawei pat.

      Kitei ki jinglehniam kim ym kynthup lang ha ki jinglehniam ba man ka sngi ne ba shisien shi taiew kiba ju leh ha ki jaka mane.

VI.       Kino kino kiba pynkhein (violations)

                        Ha kino kino ki prokram /Jingrakhe / Jingiaseng, lada don kino kino kiba pynkhein ia kitei ki kyndon ba la kdew haneng lane lada ki briew / kynhun kiba thmu ban pynsaphriang bakla ha kaba iadei bad ka jing ai tika covid-19 (vaccination), ka ophis jong I Deputy Commissioner / Sub-Divisional Officer (Civil), Ranikor kan pynshitom ia kino kino ki briew / kynhun katkum ki kyndon ain.

Pynbna ka DC ia ki tarik ban leh Random Test ia ki 10 tylli ki shnong ha SWKHD

 

Mawkyrwat, Nailar 13, 2021: Ka ophis jong ka Deputy Commissioner, South West Khasi Hills District (SWKHD), Mawkyrwat pyntip ba namar ka jingkiew palat kiba ioh COVID-19 hapoh ka district, kumta na ka liang ka ka Health department kan leit ban leh Random test khnang ban teh lakam ia ka jingsaphraing jong une u khniang jingpang.

Ka ophis ka pyntip ba ha ka 16 tarik Nailar, 2021 naduh ka por 10 baje mynstep shaneng kan don ka Random test ha ka shnong Shngimawlein bad Mawthong. Ha ka 17 tarik Nailar, 2021 naduh ka por 10 baje mynstep shaneng kan don ka Random test ha ka shnong Mawthawpdah bad Mawblei. Ha ka 18 tarik Nailar, 2021 naduh ka por 10 baje mynstep shaneng kan don ka Random test ha ka shnong Domjyrti bad Rangmaw, Ha ka 19 tarik Nailar, 2021 naduh ka por 10 baje mynstep shaneng kan don ka Random test ha ka shnong Pawphlang bad Umsaitshriew bad ha ka 20 tarik Nailar, 2021 naduh ka por 10 baje mynstep shaneng kan don ka Random test ha ka shnong Phlangkynshi bad Mawkohphet

Rngimawpat and Nongrynniang Village declared as a “Containment Area”

Pynjari “Containment Area” ia ka shnong Rngimawpat bad Nongrynniang

Mawkyrwat, Nailar 13, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia kane ka hukum ba katkum ki kyndon ain 2, 3,& 4 jong ka Epidemic Diseases Act, 1897 kaba la pynlong iaka Meghalaya Epidemic Diseases COVID-19 Regulations, 2020 bad Amendment hadien kata ban tehlakam ia ka jingsaphriang jong ka khlam COVID-19, ba katkum ka kaiphod ba la ioh na u District Surveillance Officer, IDSP bad na ki Zonal Magistrate, Zone-XIV bad Zone-XI1, ba ki nongshong shnong jong ka shnong Rngimawpat bad Nongrynniang ki kyntait ban leh random testing ha ka 12 tarik Nailar, 2021, kaba la btah ban leh ban iada na ka jingsaphriang jong u khniang ha katei ka thain.

Te namarkatta, na ka bynta ka jingbha ka koit ka khiah jong u paid nongshong shnong ban lait na kino kino ki jingsaphriang jong u COVID-19,  katkum ka Epidemic Diseases Act, 1897 and bad ka Meghalaya Epidemic Diseases, COVID-19 Regulations, 2020, ka long kaba donkam ban pynbna ia ka “Shnong Rngimawpat bad Nongrynniang baroh kawei” kum ki “Containment Area” khnang ban khanglad ia ka jingrung jingmih ha kitei ki jaka. Ki kyndon ha kaba iadei bad katei ka hukum ki long ba yn ym shah ia ki briew ba kin leit banrung sha kitei ki jaka bad kumjuh ruh ki briew na kitei ki containment area kim dei ban mih shabar. Baroh ki briew kiba hap hapoh ka Containment area kin hap ban shongkhop ha ki iing ki sem. Yn ym shah ban pynlong kino kino ki jingkhawai ne jingialum paidbah ba kum kino kino ha kitei ki jaka. Yn ym shah ban don kino kino ki jingiakynduh la ki dei jong ka imlang sahlang, kam politik, kam niam, ne ki kam kamai kajih ha kitei ki jaka. Ki Incident Commander, Zone - XIV, Bah D. Syngkon, Dist. Sports Officer bad Zone XII, Bah C. Wanniang, AEE, PWD (R), Mawsaw, Zonal Magistrates kin long ki Supervising Officer ban peit ban khmih ia ka jingbud ryntih ia kane ka hukum. Ki CCMCs ki dei ban pynthikna ba ym dei ban don mano mano ban iaid sharum shaneng hapoh shnong Rngimawpat bad Nongrynniang tad haduh ban da weng noh ia ka hukum containment. Ym dei ban don kano kano ka jingpynwit ia ka jingiaid lynti lyngba ka surok PWD ba iaid lyngba ka shnong Rngimawpat bad Nongrynniang. Kan sa don ruh ka jingiaid pahara da ki pulit na ka por sha ka por. Kane ka hukum kan ym kynthup ia ki nongtrei ka tnad ka koit ka khiah, kito kiba pynbiang ia ki tiar ba donkam eh, ia ki Press ba kynthup ia ka Electronic bad Print Media, Petrol Pumps bad ia ki nongsam ia ki gas LPG. Hynrei baroh ki dei ban bud pyrkhing ia ki kyndon treikam ba la buh na ka bynta ban iada na ka jingsaphriang jong u COVID-19.

Lada don kino kino kiba pynkhein ia katei ka hukum kin shah pynshitom katkum ki kyndon ain jong ka Disaster Management Act, 2005 bad IPC. Na ka daw jong ka jingdonkam ba kyrkhieh kane ka hukum kan treikam mardor.

 _____________________________________ 

Rngimawpat and Nongrynniang Village declared as a “Containment Area”

Mawkyrwat, August 13, 2021: The office of the Deputy Commissioner, South West Khasi Hills Mawkyrwat in exercise of powers conferred under section 2, 3 & 4 of the Epidemic Disease Act, 1897 which has constitute the Meghalaya Epidemic Disease COVID-19 Regulations, 2020 and Amendments thereof for containment of outbreak of COVID-19 issued an order that as per the report received from the District Surveillance Officer, IDSP and the Zonal Magistrate, Zone-XIV, that villagers of Rngimawpat and Nongrynniang village have refused to undergo random testing on the 12th of August 2021, which has recommended to prevent the spread of the virus in the area.

Therefore, in the interest of the health of general public to prevent against any possible spread of COVID-19 under the Epidemic Diseases Act, 1897 and the Meghalaya Epidemic Diseases, COVID-19 Regulations, 2020, it is necessary to declare the entire “Rngimawpat and Nongrynniang Village” as a “Containment Area” so as to restrict unregulated entry and exit movement on site with the following measures for due compliance by the public until further orders. No person/public shall be allowed to move into the containment area and inhabitants within the Containment area shall not move out. All the inhabitants within the containment area shall strictly remain inside their Homes. No gatherings, events, functions whatsoever of any nature and forms shall be allowed. No Social, Political, Religious, Economic activities are allowed. The Incident commander, Zone - XIV, Shri. D. Syngkon, Dist. Sports Officer, and Zone XII, Shri. C. Wanniang, AEE, PWD (R), Mawsaw, Zonal Magistrate shall be the supervising officer and monitor strict compliance of the order. CCMCs shall ensure zero movement in Rngimawpat and Nongrynniang village till the containment order is lifted. There shall be no disruption movement, along the PWD road passing through Rngimawpat and Nongrynniang village. Superintendent of Police to ensure that regular patrolling is conducted. This Onder will not apply to health workers and essential commodities, Press including Electronic & Print Media, Petrol pumps and LPG delivery workforce. All SOP’s with regards to the prevention of spread of COVID-19 to be adhered to. Any violation of this order shall entail prosecution under the penal provision of Disaster Management Act, 2005 and L.P.C. In view of the urgency of the matter, this Order has been made ex parte.