Advisories during heavy rain at South West Khasi Hills District

Ai jingkyntu ka DC sha ki paid nongshong shnong ka South West Khasi Hills District ba jur slap palat.

Mawkyrwat, Nailur 23, 2020: Ka ophis jong ka Deputy Commissioner, South West Khasi Hills District, Mawkyrwat ka pyntip sha ki paid nongshongshnong ka District ba katkum ka jinglong jingman ka suin bneng ba la pyntip da ka Indian Meteorological Department (IMD), ba kan don ka jingjur jong u slap hapoh South West Khasi Hills District naduh ka 21 tarik haduh 27 tarik Nailur, 2020. Namarkata ka ophis ka kyntu ia ki paid nongshong shnong ba kin kiar na kaba mih na iing haba jur palat u slap lait noh tang ha ki kam kyrkieh, kiar  ban niah kali ha ki surok ba shlei um namar ka long kaba jynjar ban iarap lad aka kali ka sniew, iaid na ki lad ki lynti ba kham shngain lane hapdeng surok ban lait naka jingmynsaw, kynmaw ban buh lypa ia ki jingbam ba kongsan kum ki ruti, biscuits ne kino kino ki jingbam ba rkhiang ne tyrkhong bad kumjuh ruh ia ki dawai, kynmaw ban pynlip ia ki tiar light lane ki power line ha ka por ba don pyrthat/ leilieh, lada jia ba shlei um kynmaw ban da pynlip ia ki tyllong pynmeh ding (gas) ban lait n aka jingliat jong ki tyllong pynmeh ding, pynlip ia ki light lane ki pangkha lad aka kynroh ka long sngem lane jhieh, borabor dih da ka umsyaid lane um ba la shet pynih bha ban iada na kino kino ki jingpang, kynmaw ban da khang ia ki jingkhang iit ban lait n aka jingwan rung ki khniang bad ruh ban da pyndonkam da ki musari haba thiah lane kino kino ki dawai kyllan khniang lane kiba shu synreit bad lada wan na shabar kynmaw ban da sait bha ia ki kti ki kjat.

Ka la bthah ruh ba ki briew ha ka por slap kim dei ban iaid ha ki lynti ba shlei um lane kiba don nala ban lait n aka jingshah rong ha ka um, wat shah ia ki khynnah ban ialehkai ha ki jaka ba don um namar ka jingroi sted ka jingpang ha ki um ba jakhlia, kim dei ban ktah ia ki kynja wire kiba noh ha madan, kim dei ban ktah ia ki post light namar ki lah ban bat khamtam ha ka por ba jur slap, kim dei ban bam ia ki jingbam lane ki jingdih na rud surok bad kaba bha ban bam ia ki jingbam la pynkhreh hi bad ka um syaid ha ka por ba kyrkieh, lada jia ba jur ka lielieh haba ki don shabar, kiar na kaba pyndonkam ia ki phone, kim dei ban ieng ha ki tynrai dieng kiba jrong lane ban rieh/iada na u slap namar lada jur ka lyer ka long kaba mynsaw lada ki dieng ki khyllem. La kyntu ruh ban kiar na kaba ieng kali ha trai ki dieng, ki briew kim dei ban leh shlur/shlan ban ieng kai lane iaid ha ki jaka ba tuid ki um lane ki wah bad ki dei ban kiar na kaba leit khwai doh lane iaid kai haruh ki um ban lait n aka jingmynsaw ha ka por slap jur.