Mawkyrwat, Kyllalyngkot 05, 2020: Ka Kong C. Kharkongor, IAS, District Magistrate jong ka South West Khasi Hills District, Mawkyrwat ka la pynmih ia ka Hukum katkum ka kyndon ain kaba hap hapoh ka Section144 Cr.P.C ban pynbna paidbah ba la khang bad mana tyngeh ia kino kino kiba ialeh pyrshah ban pynduhjait ia ki jingthaw ba im ha ki wahbah, ki wahduid lane ki pung kiba hap hapoh ka South West Khasi Hills District da kaba pyndonkam ia ki dawai bih, ki bom ban pyniap ia ki kynja ba im hapoh um kum ki dohkha dohpnat ne ban pynhap jar, ai dawai tutia, tyngsong bad kiwei kiwei ki rukom shoh iap ia ki doh um. Kane ka hukum ka long shibynta ban pynneh pynsah ia ki jingthaw ba im.
Ka
ophis ka la pynmih ia katei ka hukum hadien ba la iohsngew ba don ki briew kiba ialeh pyrshah ia ka jingmana ne
jingkhang tyngeh ba la ai na ka por sha ka por kaba wanrah ia ka jingpynduhjait
ia ki jingthaw ba im ha ki um, ki wah bad kaba pynlong ruh ka jingma ia ka koit
ka khiah jong ki paidbah ba bun bad ka long ka kam beain.
Ka
ophis ka kyntu ia ki bor ba dei peit ha ki shnong ki thaw ba kin long kiba
peitngor bad lada lap iano iano ba leh ia kitei ki jait kam kin pyntip kloi sha
ka ophis jong ka District Magistrate, South West Khasi Hills District,
Mawkyrwat bad yn pynshitom ia ki katkum ka ain.
Kane
ka hukum kan treikam mardor tad haduh ban da pynbna da kumwei pat.
No comments:
Post a Comment