La weng noh ia ka jingpynjari Containment Area ia ka shnong Balat

Mawkyrwat, Jylliew 26, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia ka hukum katkum ki kyndon ain jong ka Meghalaya Epidemic Diseases, COVID-19 Regulations, 2020 bad Amendments hadien katta ban pyntip ba la weng noh ïa ka hukum “Containment Area” na ka shnong Balat kaba la pynjari ha ka 14 tarik Jylliew, 2021.

          Ïa katei ka hukum la pynmih hadien ba la dep ban buddien ïa ki nongleit nongwan (contact tracing) bad la ïoh ïa ka kaiphod jong ki test ba la leh ïa ki high risk contact jong ki iing bad phyllaw  ha kitei ki jaka.

            Na ka daw jong ka jingdonkam ba kyrkhieh ïa kane ka hukum la pyntreikam mardor.

 ____________________________________ 

Lifting of Containment Order from Balat Village

Mawkyrwat, June 26, 2021: The Office of the Deputy Commissioner, South West Khasi Hills District, Mawkyrwat as per the Meghalaya Epidemic Diseases, COVID-19 Regulations, 2020 and Amendments, “LIFT” the Containment area of “Balat Village which was declared on June 14, 2021.

The order was made based on the contact tracing status and test reports of the high-risk contacts in the village and report received thereof. In view of the urgency of the matter, the Order has been made ex-parte.  

DC promulgates NIGHT CURFEW and LOCKDOWN at South West Khasi Hills District

Mawkyrwat, June 25, 2021: In continuation to order issued on 18/06/2021 and in view of high transmissibility of this particular variant of the virus, it is deemed necessary to take urgent measures to prevent further spread of the COVID-19 virus, to avoid an overwhelming strain on the health system and to avoid the loss of precious lives.

Therefore, Smti. C. Kharkongor, IAS, District Magistrate, South West Khasi Hills Distriet, Mawkyrwat under Section 144 Cr.P.C read together with Regulation 3 of the Meghalaya Epidemic Diseases, COVID-19 Regulations, 2020 promulgate NIGHT CURFEW in South West Khasi Hills District w.e.f 10:00 PM to 5:00 AM of 28^th June, 2021 (Monday) to 2^nd July, 2021 (Friday) and LOCKDOWN w.e.f 10:00 PM of 2^nd July, 2021 (Friday) till 5:00 AM of 5^th July, 2021 (Monday).

The order was made with a view to effectively contain the virus through proper tracing and isolation of positive persons including returnees, to mobilize all resources and community support for vaccination which the only way to protect the population at large, to build capacity on all fronts including confidence on home care & home management of mild cases and to impart proper awareness on preventive aspects of the diseases for which the Health Department has a critical window period.

According to the order all Government Offices in the district are allowed to open. Political, public, social and religious gatherings are not permitted including conferences, meetings and trainings. Weddings are not permitted until further orders. Funeral gathering to be restricted to 10 persons with prior permission from the Deputy Commissioner and any gathering after the funeral in any form is prohibited. Entry of tourists from outside the State will not be permitted and all tourist spots shall main closed. International Border Trade at Borsora, Bagli and Cheragaon shall be suspended. Sports activities are not permitted. In-situ construction works for Government and Private Projects that do not involve movement of labour are permitted with prior permission from the Deputy Commissioner / Sub-Divisional Officer (Civil), Ranikor. All Schools and Colleges shall remain closed. Online -classes are allowed. Farming, rural schemes such as MGNERGA will be allowed only in villages where there are no covid-positive cases under the arrangement of respective BDOs. MARKETS in the district will be regulated in such a way that shops selling essential commodities at local village level are allowed to open but should close by 5:00 pm and the Mawkyrwat Market and Temporary Farmers Market will be allowed to open from Monday to Friday from 9:00 am to 5 :00 pm. However, Mawkyrwat Market are allowed to open as per arrangement issued by the office of the Deputy Commissioner on 24/06/2021. Inter -District movement of people and vehicles are strictly prohibited. Only vehicles with passes will be allowed to ply for Inter-District. However, Intra-District movement of vehicles is allowed on odd-even basis. Movement of skilled manpower for important Government construction Projects are permitted only after obtaining permission from the undersigned.

The order shall NOT apply to Government vehicles, Police, Security and Armed Forces, Fire and Emergency Services, Telecommunication Services, MePDCL, Banks & Post office, Information and Public Relations, PHE (Water Supply), Health services including emergency services, medical teams and officials on COVID-19 vaccination programmes, Officers and staff of Corona Care Centre, Movement of vehicles carrying Essential goods, Vehicles Supplying Medicines and Pharmaceuticals, Aadhaar Enrolment sessions and programmes,  Fair Price Shops and LPG distributor, Petrol Pumps, Print & Electronic Media, Medical emergencies, Public Works Department (PWD), MGNREGA and farming activities in rural areas under the arrangement of respective BDOs, Essential Veterinary services including feed and fodder movement for livestock for farmers, NHIDCL (National Highways & Infrastructure Development Corporation) Ltd. However, all the permitted services shall strictly comply with all protocols and SOPs like wearing of double masks, maintaining social distance of 6ft (2 meters), frequently washing of hands, limiting of field staff to the barest minimum and other advisories of Government in the Health and Family Welfare Department WITHOUT FAIL.

Movement of vehicles carrying Essential Goods, Security Forces, Medical Equipment's are exempted. However, drivers and attendants of the vehicles shall be subjected to medical screening as per laid down protocols.

Essential Commodities will be available through shops in the localities as per the arrangement made by the Local Dorbar Shnong under the Supervision of the Incident Commander. However, during the period of Night Curfew and Lockdown, citizens are instructed to restrict themselves within their respective homes and localities. In view of the urgency of the matter this order has been made ex-parte.

____________________________________

Pynjari CURFEW MIET bad JINGKHANGDAM ha South West Khasi Hills District

Mawkyrwat, Jylliew 25, 2021: Kum ka jingpynbud ia ka hukum ba la pynmih ha ka 18 tarik Jylliew, 2021 bad namar ka jingpur sted jong une u khniang jingpang, ka long kaba donkam eh ban shim kyrkhieh ki lad jingiada ban tehlakam ia ka jingsaphriang jong u khniang COVID-19, ban lait na ka jingeh jingjynjar ha ka liang ka tnad ka koit ka khiah bad ban lait na ka jingduh ia ki mynsiem ba kordor.

Te namarkatta ka kong C. Kharkongor, IAS, District Magistrate, South West Khasi Hills District, Mawkyrwat katkum ka kyndon ain 144 Cr.P.C ryngkat ka Regulation 3 jong ka Meghalaya Epidemic Diseases, COVID-19 Regulations, 2020 ka pynjari CURFEW MIET (NIGHT CURFEW) hapoh South West Khasi Hills District naduh ka 28 tarik Jylliew, 2021 (sngi-nyngkong) haduh ka 2 tarik Naitung, 2021 (sngi-thohdieng) naduh ka por10:00 janmiet haduh ka por 5:00 mynstep bad ka JINGKHANGDAM (Lockdown) naduh ka por 10 baje janmiet jong ka 2 tarik Naitung, 2021 (sngi-thohdieng) haduh ka por 5.00 baje mynstep jong ka 5 tarik Naitung, 2021 (sngi-nyngkong).

Ka ophis ka la shim ia katei ka rai da ka jingthmu ban dup lah ban tehlakam ia u khniang jingpang lyngba ka jingwatbniah (tracing) bad ka jingshong pynkyrpang jong kito briew ba ioh positive ba kynthup ia kito ba wanphai na bar ka jylla (returness), ban dup lah ban pyntreikam ia baroh ki lad ki lynti lyngba ka jingkyrshan jong ki shnong na ka bynta ban ai ia u tika iada u ba long tang ka lad ka lynti ban iada ia u paidbah, ban ai jingkyrshan ha baroh ki liang kynthup ia ka jingsngewshngain ban sumar ha ki iing ki sem lada ka jingpang kam pat da jur bad kumno ban ai jingtip ba pura shaphang ki lad jingiada ia katei ka  jingpang katkum ka jingbatai ka tnad ka koit ka khiah.

Katkum katei ka hukum lah shah ban plie ia baroh ki ophis sorkar ha ka district, la khang ia baroh ki jingialang paidbah kum ki jingiaseng, ki dorbar shnong, ki jingialang, ki training bad kiwei kiwei de. La khang ia ki jingiathoh shongkurim tad haduh ban da pynbna da kumwei pat. Lada don kano kano ka jingjia kum ka jingiap briew ki nongshim bynta ki dei ban long tang 10 ngut ha ryngkat ka jingioh jingbit shuwa napoh ka ophis jong I Deputy Commissioner/ Sub-Divisional Officer (Civil), Ranikor bad yn ym shah ban don kino kino ki jingialum paidbah hadien ka jingleit on tep. La khang ia baroh ki jaka jngohkai pyrthei (tourist spots) hapoh ka district bad ia ki nongjngohkai pyrthei (tourist) ba nabar ka jylla ban wan sha ka district. La khang ia ki Iew iadie iathied ha khappud Bangladeh kum ka Borsora, Bagli bad Cheragoan. La khang ia ki jingialehkai sports bapher bapher hapoh ka District. La shah ia ki jaka trei (in-situ constructions) jong ka Sorkar lane ki kam shimet hynrei ki nongtrei ki dei ban sah ym ban mih na ka jaka trei shabar bad u trai jaka trei u dei ban pan jingbit shuwa na ka ophis I Deputy Commissioner/Sub-Divisional Officer (Civil) Ranikor na ka bynta ki jingtrei. La khang ia ki Skul bad Kolej, hynrei la shah ban hikai lyngba ki Online classes. Yn shah ia ki kam rep kam riang, ki Rural Schemes kum ka MGNERGA hynrei tang ha kito ki shnong ki ba  duna ki ki COVID-19 positive case, hapoh ka jingpynbeit jong ki BDO. Ia ki iew hapoh ka District yn shah ban plie katkum ki kyndon ba la pynbeit, ba ki dukan die ia ki marbam, ki tiar ba donkam eh (essential Commodities) ha ki shnong la shah ban plie hynrei ki dei ban khang ha ka por 5.00 baje janmiet. Ia ka Iew Mawkyrwat bad ia ka Iew shipor ki Nongrep (Temporary Farmers Market) la shah ban plie naduh ka Sngi Nyngkong haduh ka Sngi Thohdieng naduh ka por 9.00 baje mynstep haduh ka por 5.00 baje janmiet hynrei la shah ban plie ia ka Iew Mawkyrwat katkum ki jingpynbeit na ophis. La khang ban iaid ia ki briew bad ki kali na kawei district sha kawei pat (inter-district), lait noh tang ia ki kali kiba don ia ki car pass ba kin iaid inter-district. Hynrei la shah ban iaid ia ki kali hapoh ka district katkum ka jingpynbeit odd-even number. La shah ban wan ialam ia ki nongtrei ba tbit (skilled manpower) na kiwei ki jaka na ka bynta ki Government construction Projects hynrei tang hadien ba la ioh jingbit na ka ophis jong I Deputy Commissioner.

Katei ka hukum kan ym kynthup ia ki kali sorkar, Police, Security bad Armed Forces, Fire bad Emergency Services, Telecommunication Services, PHE (Water Supply), MePDCL, Banks & Post office, Information and Public Relations Department, ki jingshakri ka tnad ka koit ka khiah ba kynthup ia ki jingdonkam ba kyrkhieh haka koit ka khiah, medical teams bad ki nongtrei ba ai tika COVID-19, ki ophisar bad ki nongtrei jong ka Corona Care Centre,  ki kali ba kit ia ki marbam bad kiwei ki tiar ba donkam eh, ki kali ba supply dawai bad pharmaceuticals, Aadhar Enrolment sessions bad programmes,  Fair Price Shops bad LPG distributor, Petrol Pumps, Print & Electronic Media, Public Works Department (PWD),  MGNREGA bad ki kam rep kam riang katkum ka jingpynbeit ki BDO, ki kam bad lad jingshakri ba donkam jong ka Veterinary ba kynthup ia ka jingkit jingbam na ka bynta ki jingri jong ki nongrep, bad ia ka NHIDCL (National Highways & Infrastructure Development Corporation) Ltd. Hynrei baroh ki kam bad ki lad jingshakri ki dei ban bud pyrkhing ia ki kyndon treikam (SOPs) kum ka jingdeng ia ki jingda khmut bad shyntur ba ar-syrtap, ka jingpyniajngai parabriew kumba 6 phut ne 2 meter, ka jingsait ia ki kti borabor, ka jingpynduna ia ki field staff katba lah ei, bad ia kiwei ki jingbtah jong ka Sorkar lyngba ka tnad Health bad Family Welfare KHLEM DA PYNKHEIN.

La shah ban iaid ia ki kali ba kit ia ki tiar ba donkam eh, Security Forces, Medical Equipment’s hynrei ki dribar bad ki nongbud jong ki kali kin hap ban leh medical screening katkum ki kyndon ba la buh.

Ki Dorbar shnong hapoh ka jingyniaid jong ki Incident Commander kin peit ia ka jingpynbiang ia ki tiar ba donkam eh ha ki shnong ki thaw lyngba ki dukan ha ki dong bad kyntoit. Hynrei ha ki por ba don CURFEW MIET bad JINGKHANGDAM (Lockdown) ki nongshong shnong ki dei ban shongkhop ha la ki iing ki sem bad ki shnong ki thaw. Na ka daw jong ka jingdonkam ba kyrkhieh kane ka hukum kan treikam mardor.

Ka jingpynbeit thymmai ha ka rukom shong bad pyniaid kali hapoh South West Khasi Hills District

Mawkyrwat, Jylliew 25, 2021: Ka ophis jong ka Deputy Commissioner, South West Khasi Hills District Mawkyrwat ka pynmih ia kane ka hukum halor ka rukom pyniaid ia ki kali bad ka rukom shong hapoh ki kali hapoh South West Khasi Hills District naduh ka 28 tarik Jylliew, 2021 haduh tad haduh ban da  pynbna da kumwei pat. Ki kali kamai bad private ki dei ban iaid katkum ka jingpynbeit odd-even number. Ha ka sngi Nyngkong yn shah ban iaid tang ia ki kali badon u Number bakut ha u 0,2,4,6 bad 8 (even number), ha ka sngi ba-ar tang ki kali badon u Number bakut ha u 1,3,5,7 bad 9 (odd Number), ha ka sngi balang tang ki kali badon u Number bakut ha u 0,2,4,6 bad 8 (even number), ha ka sngi palei tang ki kali ba don u Number bakut ha 1,3,5,7 bad 9 (odd Number) bad ha ka sngi thohdieng tang ki kali badon u Number bakut ha 0,2,4,6 bad 8 (even number). Ka rukom shong (seating capacity) ha ki kali kan long ha ki Three Wheelers- 2+1, Motor Cab -3+1, 7 (Seven) seater bad Maxi Cab-4+1, bad ha ki bus-50 %.

Bthah ka DC ban tah ha ki jaka ba paw shynna bha ia ka jingthoh Vaccinated lane Not-Vaccinated ha ki dukan ne Kali

Mawkyrwat, Jylliew 24, 2021: Ka ophis jong ka Deputy Commissioner, South West Khasi Hills District, Mawkyrwat ka pynbna paidbah ba kum ban bud ryntih ia ka hukum ba la pynmih da ka Iingkashari, Ka Meghalaya High Court ha ka 23 tarik Jylliew, 2021 ba baroh ki dukan, ki jaka trei/ki local taxi/ ki auto-rickshaw/ki maxi cab bad ki bus ki dei ban tah ha ki kaja paw shynna bha ia ka jingthoh “Vaccinated” (dep injek) lada baroh ki nongtrei jong kitei ki dukan ki la dep ai tika. Haka juh ka rukom dei ban leh ha ki local taxi/ki auto-rickshaw/ ki maxi cab bad ki bus, lada ki dribar bad ki nongbud ne nongiarap jong kitei ki kali ki la dep ban ai tika.

Ki dukan, ki jaka trei/ki local taxi/ ki auto-rickshaw/ki maxi cab bad ki bus ki dei ban tah ha ki kaja paw shynna bha ia ka jingthoh “Not Vaccinated” (pat dep injek) lada baroh ki nongtrei jong kitei ki dukan kim pat dep ban ai tika. Haka juh ka rukom dei ban leh ha ki taxi/ki auto-rickshaw/ ki maxi cab bad ki bus, lada ki dribar bad ki nongbud ne nongiarap jong kitei ki kali kim pat dep ban ai tika.

Lada don kino kino ki dukan, ki jaka trei/ki local taxi/ ki auto-rickshaw/ki maxi cab bad ki bus kiba pynkhein ia katei ka jingbthah yn ym shah ban plie ia ki dukan ne jaka trei bad yn ym shah ban iaid ia ki kali.

Hiar Jurip u Bah A.L Hek bad Dr. Aman War ia ka SWKHD halor ka jinglong ba la kreh jong ka District ban iakhun pyrshah ia u COVID-19

Mawkyrwat, Jylliew 17, 2021: U Bah Alexandar Laloo Hek, Minister ba dei peit ia ka tnad ka koit ka khiah bad u Dr Aman War, Director of Health Services (MI), Shillong ha ryngkat ka jingiadon lang u Bah Renikton Lyngdoh Tongkhar, PHE Minister bad MLA jong ka Mawkyrwat mynta ka sngi ki la hiar ban jurip ia ka South West Khasi Hills District (SWKHD) halor ka jinglong ba la kreh jong ka District ban iakhun pyrshah ia u COVID-19 mynta bad lada jia ba ka wan ka jinglynshop kaba lai (3^rd Wave) ka ban ktah ia ki khyllung khynnah. La pynlong ia ka jingialang ha Multi-Purpose Hall DC Campus, nangta ki la hiar jurip sa ia ka Hospital 100 jingthiah ha Mawkyrwat bad ki la aiti noh ia kawei ka Ambulance sha ka Rangthong PHC ha ryngkat ki tiar ka koit ka khiah ba donkam eh.

Haba kren ha katei ka sngi u Bah Alexander Laloo Hek, Minister Health bad Family Welfare Department u la ban khiah halor ka jingdonkam ban ai tika iada na u COVID-19. U la ong ba ka ktien u Blei ka ong ba “U Blei u iarap ia kito kiba iarap ialade bad U Blei u la phah shibun ki briew ban iarap iwei ia iwei pat kum ki doctor, ki nurse, ki pulit, ki nongtrei sorkar bad ki saiantis”. U la bynrap ba ka jingduwai bad ka jingngeit jongngi ha U Blei ka la wanrah ka jingkyrkhu ha kaba u Blei u la ai ia ka jingstad bad shemphang ban lap ia u tika iada na u COVID-19. U la ong ruh ba u tika iada (vaccine) u long kum ki suloi, ki tank thma ban iakhun pyrshah ia u khniang jingpang COVID-19 bad ka jingkyntu ki Deputy Commissioner ban ai tika ka dei namar ba ki ieid iangi bad ki kwah ia kaei kaei kaba bha na ka bynta jongngi ki paidbah. U la ban ruh ba ngi iakhun ia u khniang u ba long u nongshun ba ngim lah ban iohi bad lada ngi shu khynniad beit tang ha ka sorkar ba kan iada iangi kamut ngi la rem lypa ia ka thma hynrei lada mangi da lade ialade ngi sumar bad ialeh pyrshah ngin sa jop ia ka thma pyrshah ia une u khniang. U la iathuh ruh ba ka project jong ka hospital ba 100 jingthiah ha Mawkyrwat ka dei kawei na ki project ban rakhe ia ka jingdap 50 snem (Jubili Rupa) jong ka jingioh jylla ka Meghalaya te ka Sorkar ka la buh ka thong ban pyndep bad ai ia ka ba bha tam ha katei ka hospital katkum ka juk sumar ba mynta. U la pynpaw ruh ba ka long kaba eh ban pynbiang lut nadong shadong na ka liang jong ka Sorkar hynrei kam ju duh jingkyrmen bad ka pyrkhat ia ki jingeh u paidbah ha ka imlang sahlang na ka por sha ka por bad leh ia kaei kaei kaba bha tam. U la pyntip ruh ba ka Sorkar ka la ai kawei ka ambulance, ki oxygen cylinder bad ki tiar ba donkam eh ban ai sha ka Rangthong PHC na ka bynta ban pynbiang shuh shuh ia ka jingdonkam katei ka PHC.

U Bah Renikton Lyngdoh Tongkhar, PHE Minister u la ong ba ka jingsumar bad jinghusiar jongngi marwei marwei ha ryngkat ka jingkut jingmut ban ai tika kan sa iarap iangi ban lait na kane ka khlam. U la bynrap ba ka lad ba nyngkong eh ban iada iangi na kane ka khlam ka long tang ka jingai tika. U la iathuh ruh ba ki ri European mynta ki la laitluid ha ka imlang sahlang, ki la lah ban ialehkai bad ban ym deng shuh ia ki mask tang namar ba ki la dep ai tika. U la ban khia ruh ba ka lad ban iakhun ia kane ka khlam ka dei tang ka jingai tika (vaccination) bad ngim dei ban don ka jingartatien namar ba ka pyrthei baroh kawei ka la pdiang ia kane, hynrei lada don kiba artatien ki dei ban ai iangi da kiwei ki lad ki lynti kumno ban iakhun ia ka khlam. U la pynpaw ruh ba bun ki briew kiba ong ba ngi shanniah ha U Blei bad ngim donkam ia ka tika hynrei dei U Blei hi u ba la ai ia ka jingstad ha ki briew ban lap ia u tika iada, la ong u Bah Renikton. U la bynrap ruh ba lada ngi dih dawai bad U Blei ym don ryngkat bad ngi ka dawai kan ym treikam. U la pynkut da kaba kyntu ba ngin ia shim ia ka tika iada (vaccine) da ka jingngeit namar ba ka tika ka don ka jingiada kaba long kumba 94% na u khniang jingpang COVID-19.

U Dr. Aman War, Director of Health Services (MI), Shillong u la ong ba ka jingiadonlang jong ki nongialam balang bad ki nongialam shnong ka ai mynsiem bha ia ki nongtrei ka tnad ka koit ka khiah bad ka sorkar namar ki long kiba hakhmat duh ban pyniaid ia ki kam ba dei ha ki shnong ki thaw bad khlem ka jingiarap ka jongki kane ka jingialeh pyrshah ia ka khlam kan sa pulom. U la ong ba ka jingpynjari Khangdam (Lockdown) ka dei ka lad ka lynti ban tehlakam ia ka jingsaphriang u khniang jingpang bad ka long ka nongshun iangi hynrei da ka jingpyniaid bastad u Blei Trai Kynrad u la ai iangi u tika iada (vaccine) u ba long u paralok ban iada iangi. U la iathuh ruh ba kumba 99% ka jingktah jong ka jingpang COVID-19 ka kham duna ia kito kiba la ioh ia ka tika iada bad lada ka Sorkar ka lah ban ai tika 100% ia ki nongshong shnong kan ym don shuh ka jingkhangdam (Lockdown) bad kan sa don ka jinglaitluid ha ka imlang sahlang. U la kyntu ba ngim dei ban don ka jingtieng namar ba baroh ngi long ki trai muluk trai jaka bad ka sorkar ne ki nongtrei ka tnad ka koit ka khiah kin ym leh kaei kaei kaban ktah ia ki para briew jongngi. U la iathuh ba ka Sorkar ka la phah 75 tylli ki Oxygen Cylinder ki baheh hapoh Mawkyrwat bad kan sa ioh ruh ia kawei ka Oxygen plant. U la pynkut da kaba kyntu ba ki briew ki dei ban nang iatreilang namar ba  ha ka khlam ym don politik, ym don niam, ym don kur, ym don hima bad ym don baieid ba thoin ka sar lut naphang.

U District Surveillance Officer jong ka South West Khasi Hills District, U Dr. W. N. Narry u la iathuh halor ka jingpynkreh ka District ban iakhun pyrshah ia ka khlam COVID-19. U la iathuh ba haduh mynta ki total case ba ioh COVID-19 ki long 864 ngut, kiba la koit 561 ngut, ki ba la khlad ki long 4 ngut bad ki active case ki long 300 ngut ha kaba 199 ki dei ha ka thain Mawkyrwat bad 101 ki dei ha thain Ranikor. U la bynrap ba ha ka thain Mawkyrwat 20 tylli ki shnong ba kynthup ia 118 tylli ki longiing ki la shah ktah ha u khniang jingpang bad ha ka thain Ranikor 11 tylli ki shnong ba kynthup ia 41 tylli ki longiing ki la shah ktah. Katkum ka jingiathuh u Dr. Narry la don kumba 15 ngut ki longkmie ba armet ba la shah ktah ha utei u kniang jingpang ha kaba mynta 4 ngut (active case) ki dang don ia utei u khniang jingpang bad u la ktah ia 257 ngut ki khynnah ba 18 snem shapoh ha kaba 133 ngut ki dang don ia utei u khniang jingpang (active case). U la iathuh ruh ba haduh mynta la dep test kumba 12,029 ngut ki briew ha kaba 10875 da ka RAT, 253 da ka RTPCR bad 901 da ka TRUENAT. U la pyntip ruh ba ka District ka don 39 tylli ki Oxygen Concentrator, 56 tylli ki Oxygen Cylinder type-D, 38 tylli ki Oxygen Cylinder type-B, bad 3 tylli ki Corona Care Centre (CCC) ba kynthup ia ka Mawlangwir Community CCC, Mini Secretariat CCC bad Ranikor CCC.

Ia katei ka jingialang ba la iashim bynta da ki nongialam niam, nongialam shnong, ki Zonal Magistrate, Sector Officer, bad kiwei ki ophisar la pyniaid da ka Kong Caramai Kharkongor, IAS, Deputy Commissioner, South West Khasi Hills District, Mawkyrwat bad la ai ia ki ktien ai khublei da ka kong J.U Kharpuri, MCS, ADC, Mawkyrwat.

Lifting of Containment Order from Dhar Company area, 25th Mile Village

La weng noh ia ka jingpynjari Containment Area napoh Dhar Company area ha shnong 25^th Mile

Mawkyrwat, Jylliew 16, 2021: Ka ophis jong ka Deputy Commissioner, South West Khasi Hills District, Mawkyrwat ka pynmih ia ka hukum katkum ki kyndon ain jong ka Meghalaya Epidemic Diseases, COVID-19 Regulations, 2020 bad Amendments hadien katta ban pyntip ba la weng noh ïa ka hukum “Containment Area” na ka Dhar Company area ha shnong 25^th Mile kaba la pynjari ha ka 3 tarik Jylliew, 2021.

          Ïa katei ka hukum la pynmih hadien ba la dep ban buddien ïa ki nongleit nongwan (contact tracing) bad la ïoh ïa ka kaiphod jong ki test ba la leh ïa ki high risk contact jong ki iing bad phyllaw  ha kitei ki jaka.

            Na ka daw jong ka jingdonkam ba kyrkhieh ïa kane ka hukum la pyntreikam mardor.

 ________________________________________ 

Lifting of Containment Order from Dhar Company area, 25^th Mile Village

Mawkyrwat, June 16, 2021: The Office of the Deputy Commissioner, South West Khasi Hills District, Mawkyrwat as per the Meghalaya Epidemic Diseases, COVID-19 Regulations, 2020 and Amendments, “LIFT” the Containment area of “Dhar Company area” 25th Mile Village which was declared on June 3, 2021.

The order was made based on the contact tracing status and test reports of the high-risk contacts in the village and report received thereof. In view of the urgency of the matter, the Order has been made ex-parte.  

Ka hukum halor ki kyndon treikam hapoh Iew Mawkyrwat/ SOPs at Mawkyrwat Market

Mawkyrwat, Jylliew 15, 2021: Ka ophis jong ka Deputy Commissioner, South West Khasi Hills District Mawkyrwat ka pynmih ia kane ka hukum shaphang ka rukom plie ia ki dukan hapoh Iew Mawkyrwat katkum ka jingpynbeit Odd bad Even Number kaban sdang naduh ka 16 tarik Jylliew, 2021 kat haduh ban da pynbna da kumwei pat.

Katkum kane ka hukum ki dukan kiba don u Registration Number 1 kin plie ha ki sngi ba dei Odd katta ha ka sngi nyngkong, sngi balang bad sngi thohdieng bad kiba don ia u Registration Number 2 kin plie ha ki sngi ba dei Even katta ha ka sngi ba-ar, sngi palei bad sngi saitjain.

Ki kyndon jong ki Nongshong Dukan ha Iew Mawkyrwat ki long ba ki nongshong dukan ki dei ban long kiba lah dep ai tika, ki dukan ki dei ban plie kat kum ka hukum ba la bthah da ophis, ki trai dukan ki dei ban tah ia u number ha ki dukan katkum ba la ai na ka ophis, ki nongshong dukan ki dei ban long ki nongkitkhlieh na ka bynta ban peit ia ka jingia jngai iwei na iwei pat kumba 6 phut (2meter) hapdeng ki nongthied bad ban kiar na ka jingialum bun briew hapoh dukan lane ha rud ha kiar dukan, ki nongshong dukan ki dei ban buh ia ka jaka sait kti lane sleh kti (hand sanitizer), ki nongshong dukan ki dei ban deng 2 tylli ki mask bad ban die tang sha kito ki nong thied kiba deng mask, ki nong shong dukan kidei ban tah I kynja poster ia ki kyndon sumar sukher (health protocols) ba la bthah da ka tnat ka koit ka khiah lane da ka ophis, baroh ki dukan ki dei ban khang ha ka por khangdam (lockdown) lait noh tang ki dukan shnong la shah ban plie bad ki dukan dawai (pharmacies), la mana ban ym pyndonkam bakla ia ki odd-even number certificate ba la ai da ka ophis, bad ka por plie iew kan long ha ka por 9 .00 baje mynstep bad khang ha ka por 5 :00 baje janmiet.

Ki kyndon ha kaba iadei bad ki Nongshong Dukan ha ka Iew Shipor hajan Community Hall Mawkyrwat ki long ba ki nongshong dukan ki dei ban long kiba lah dep ai tika, ki nongshong dukan ki dei ban long ki nongkitkhlieh na ka bynta ban peit ia ka jingia jngai iwei na iwei pat kumba 6 phut (2meter) hapdeng ki nongthied bad ban kiar na ka jingialum bun briew hapoh dukan lane ha rud ha kiar dukan, ki nongshong dukan ki dei ban buh ia ka jaka sait kti lane sleh kti (hand sanitizer), ki nongshong dukan ki dei ban deng 2 tylli ki mask bad ban die tang sha kito ki nong thied kiba deng mask, ym dei ban biah pathar lane don kano kano ka jingbret pathar ia ki nuit, ki dukan ki dei ban plie man ka sngi lait noh tang ha ka por khangdam (lockdown) ba la pynbna da ka ophis ha kaba yn ym shah ban plie ia ki dukan, ka por plie iew kan long ha ka por 9:00 baje mynstep bad khang ha ka por 5 :00 baje janmiet.

Katkum katei ka hukum ki dukan ki bym pat shah ban plie ha Iew Mawkyrwat ki kynthup ia ki dukan die sha, dukan die doh bad doh kha, ki nong die madan ha lew Mawkyrwat, dukan die kwai, tympew, duma, dukan jhur, dukan soh, bad dukan ktung,

Katei ka hukum ka la shah ia ki Restaurant ba kin plie hynrei tang ban pynpoi bam sha ki ing (home delivery) ryngkat ka jingbud ryntieh ia ki kyndon ba la bthah da ka tnat ka koit ka khiah lane da ka ophis). Ka ophis ka btah ruh ba kito ki nongshong dukan lane nong die madan ha lew Mawkyrwat ki bym pat ioh odd- even number na ka ophis, la maham ba kim dei ban plie ia ki dukan jongki. Lada don kino kino ki briew kiba leh pyrshah ia kitei ki kyndon ba la bthah kin shah khang kyrdep syndon ia ki dukan jongki.