Ki lad jingiada ba bha tam ban ialeh pyrshah ia ka jingpluh ding ha khlaw (Best Practices used to Combat Forest Fire)

 Ha ki thain ne ki jaka jongngi ka jingpluh ding jong ki khlaw bunsien ka dei na ka jingleh ne jinglong lyngkar ki briew. Ka jingpluh dieng ki khlaw ka lah ban long na u thyliej ding ne phliah ding sikret, ka jingmih ding na ki tiar elektrik ne kino kino ki  kynja ba pynmih ding. Kumjuh ruh ka jngpluh jong ki khlaw ka dei na ka jingleh jong ki trai shnong trai muluk jong kito ki jaka.

Ban ialeh pyrshah ia ka jingpluh jong ki khlaw ki trai shnong ki dei ban bud ryntih ia ki katto katne ki jingbthah ba kongsan ba kynthup ia-

1.      Fireline Cutting (Buh dak lypa ia ka lynti iaid ding): Kane ka long ka rukom basuk bha ban iada na ka jingpluh ding ki khlaw. Ka kynthup ia ka jingbuh dak lypa ia ka lynti iaid ka ding na u pud lane napoh jong u pud jong ka jaka.  Kine kin pynduna ne kan iarap ban tehlakam ia ka jingpluh ki khlaw.

2.      Control Burning (Ban tehlakam ia ka jingpluh ding): Ka jingthang ryngkat ka jingtehlakam na ka jingpluh ding ka kynthup ia ka jingpynkhuid ia ki niut ki nier ne ki phlang harud jong ki dieng bad kane kan pynduna ia ka jingpluh jong ki dieng ha ka por ba pluh ki khlaw khamtam ha ka tlang.

3.      Fire Watcher (Ki nongkhmih ia ka ding). Ki shnong ki lah ban buh katto katne ki trai shnong ban long ki nongkhmih ia ka ding  bad ban ialeh pyrshah ia ka jingpluh ki khlaw. Kine ki nongkmih ia ka ding ki dei ki briew ba la jied da ka committee ne ka Dorbar Shnong ba la siew katkum ka jingpynbeit jong ka Committee. Ki nongaphira ia ka ding ki dei ban peitkhmih ia ki khlaw khamtam ha ki por tlang naduh u bnai December haduh u bnai April.

4.      Awareness programme (Ki prokram ai jinghikai ban pynsngewthuh): Ka jingai jinghikai ban pynsngewthuh ia u paidbah ka long ka bynta ba kongsan tam ban ialeh pyrshah ia ka jingpluh ki khlaw namar kane kan iarap ia ki trai shnong ba kin sngewthuh ia ka jingkordor jong ki khlaw na ka bynta ka jaidbynriew bad kan iarap ruh ba kin long kiba iatreilang, ban shim ka jingkitkhlieh ban iada ia ki khlaw ki btap bad ban ialeh pyrshah ia ka jingpluh jong ki khlaw. Ia ki trai shnong tang ki jingai jinghikai  ban pynshngewthuh kam pat biang hynrei dei ban ai ki kynja training halor kumno ban iada ia ka jingpluh jong ki khlaw ki btap.